Qendra Kulturore Udhëtimi

e Deçan ku në fokus të veçantë kishte sensibilizimin e të rinjve sidomos gjimnazistëve por edhe të kategorive tjera lidhur me dukuritë negative socio-patologjike të cilat vazhdojnë edhe sot e kësaj dite ta rrezikojnë rininë tonë dhe të ardhmen tonë . Edukimi fetar si shpëtim dhe mbrojtje efikase nga këto dukuri negative është ofruar dhe vazhdon të ofrohet në çdo moment nga shoqata kulturore Udhëtimi , përmes materialeve të shtypura si libra dhe fletushka dhe audio incizimeve përmes të cilave bëhet thirrje për vetëdijesim dhe njohje të Krijuesit , urdhrave dhe ndalesave të Tij si rrugë që siguron individ të shëndoshë në mendje , trup dhe sjellje si në rrafshin vertikal në raport me Krijuesin poashtu edhe në rrafshin horizontal në raport me krijesat , që siguron familje të shëndoshë ku raportet brenda anëtarëve të familjes janë të ndërtuara mbi imperativin Kuranor për respekt , dashuri dhe mëshirë , që siguron shoqëri të shëndoshë ku vlerat e mirëfillta kultivohen me përkushtim dhe ruhen me çdo çmim . Shoqata kulturore Udhëtimi nuk ka lënë pas dore për asnjë moment qytetarët me gjendje të vështirë materiale duke i`u gjendur pranë aq sa kanë lejuar mundësitë . Udhëtimi përveç aksioneve me raste të caktuara si bajramet për grumbullimin e gjërave ushqimore dhe higjienike nga donatorët lokal dhe shpërndarjen e tyre tek ata që kane nevojë , ka organizuar dhe vazhdon ta bëjë edhe sot e kësaj dite shpërndarjen e pakove ushqimore e higjienike për çdo muaj tek familje deçanase të caktuara të cilat janë identifikuar me gjendje të vështirë financiare . K Udhëtimi kryesisht ushtron veprimtarin në komunën e Deçanit jo rrallë dora e ndihmës së kësaj shoqate është shtrirë edhe më larg duke u bërë pjesë e aksioneve të ndryshme humanitare , disa here si bartëse e projekteve si meremetimi i tërësishëm i një shtëpie në Fushë Kosovë , grumbullimi i veshmbathjeve në të gjitha xhamit e komunës së Deçanit në bashkëpunim me Këshillin e Bashkësisë Islame në Deçan dhe shpërndarja e tyre në Fushë Kosovë si dhe grumbullimi i tonelatave me miell e materiale higjienike dhe shpërndarja e tyre poashtu në Fushë Kosovë , si dhe pjesëmarrja e SH. Udhëtimi në aksione humanitare që kanë kaluar kufijtë e vendit si grumbullimi i veshmbathjeve dhe dërgimi i tyre tek vëllezërit dhe morat tona në Siri . Udhëtimi përmes thirrjes tek njerëzit bujar e fisnik ka siguruar edhe ndihmë financiare për persona të sëmurë ku në saje të kësaj ndihme është bërë i mundur mjekimi i tyre në disa raste edhe intervenime kirurgjike të kushtueshme . Udhëtimi ka bashkëpunim me hoxhallarë gjithandej Kosovës dhe kjo është dëshmuar kur aktivitetet e SH. Udhëtimi janë përkrahur si në rastin e aksionit për ndërtimin e shtëpisë së një qytetari deçanas në nevojë ku u bë thirrje nga disa hoxhallarë në disa xhami të Prishtinës dhe ky aksion rezultoi shumë i suksesshëm . Udhëtimi aktualisht vazhdon me dy aktivitete të rregullta , me shpërndarjen çdo muaj të pakove ushqimore tek disa familje deçanase ku numri i atyre që kanë nevojë është shumë më i madh se sa mundësitë tona për çka presim përkrahje nga çdo njeri vullnetmirë që përmes një ndihme sado të vogël të ndihmoj në lehtësimin e peshës së varfërisë që bartin këto familje , si dhe me emisionin edukativo – fetar në radion lokale në Deçan që përmes trajtimit të temave të ndryshme ofrohen përgjigje në pyetjet e qytetarëve deçanas dhe ofrohen zgjidhje për problemet e tyre.