28/08/2021
Бугун мактабимиз директори Холмухамедова Дилрабо Мехрожовнани хам , Президентимиз фармони билан таъсис этилган «Ўзбекистон Республикаси Мустақиллигининг 30 йиллиги» кўкрак нишони билан мукофотланди.
Халқ таълими соҳасида уз хиссасини кушиб келетганини инобатга олиб, Ўзбекистон Республикаси Президентининг 2021 йил 24 майдаги фармони билан таъсис этилган, «Ўзбекистон Республикаси Мустақиллигининг 30 йиллиги» кўкрак нишони билан тақдирлашди.
Энг аввало, Мустақиллик байрами арафасида кўпчилик фаолларни шундай орден, медал ва кўкрак нишонлари билан тақдирлаётган Президентимизга рахмат.
28/08/2021
Ургут шаҳридаги 149-умумтаълим мактабида янги 2021/2022 ўқув йилида амалга ошириш керак бўлган масалалар муҳокамасига бағишланган Педагогик кенгаш бўлиб ўтди.
Дастлаб мактаб директори Д.Холмухаммедова барча устозларни яқинлашиб келаётган энг улуғ, энг азиз байрам- Ўзбекистон Республикаси мустақиллигининг 30 йиллик байрами муносабати билан табриклаб, истиқлол йилларида мамлакатимизда таълим соҳасида амалга оширилаётган туб ислоҳотлар ва уларнинг самараси ҳақида қисқача тўхталиб ўтди...
Кенгаш йиғилишида мактаб директори ва ўқитувчилар томонидан дастлаб ўтган ўқув йилида жамоа эришган ютуқлар, йўл қўйилган хато ва камчиликлар танқидий таҳлил қилинди.
Дарс ва тўгарак машғулотларидаги узилишлар, ўқувчилар давомати ва фанларни ўзлаштириши, кийиниш маданиятига эътиборсизлик сингари таълим сифатига салбий таъсир кўрсатадиган иллатлардан воз кечилмас экан, кўрсаткичлар пастлигича қолавериши куюнчаклик билан таъкидланди.
Шунингдек, Кенгаш кун тартибида янги ўқув йилига тайёргарлик кўриш, таълим сифатини янада яхшилаш, кадрлар салоҳиятини юксалтириш, битирувчиларнинг олий таълим муассасаларида ўқишини давом эттириши ва меҳнат бозоридаги бандлигини таъминлаш, ўқувчилар билим ва кўникмаларини ошириш мақсадида турли фан ва ижодий тўгараклар фаолиятини янада такомиллаштириш юзасидан кенг кўламли ишлар қилиниши лозимлиги таъкидланди...
Янги ўқув йили учун ягона мактаб формаси, синф ва ўқув хоналарини байрамона безатиш, ўқувчиларни кўтаринки кайфият билан кутиб олиш бўйича ҳам вазифалар белгилаб олинди...
Кун тартибида кўрилган барча масалалар юзасидан Педагогик кенгашнинг тегишли қарори тасдиқланди....
