30/05/2026
Surxondaryo viloyati Boysun tumanidagi 25-sonli umumiy oʻrta taʼlim maktabida
“Soʻnggi qoʻngʻiroq” tadbirlari 2026-yil 25-may kuni soat 8:00 dan 10:00 ga qadar “Yuksak maʼrifatli avlod — Uchinchi Renessans poydevori!” shiori ostida tashkil etildi.
Ushbu tadbir oʻtkazish boʻyicha tayyorlangan tegishli tavsiya va ssenariylar asosida oʻtkazildi. “Soʻnggi qoʻngʻiroq” tadbirida namunali xulqi va aʼlo baholari bilan oʻrnak koʻrsatgan iqtidorli oʻquvchilar ragʻbatlantirildi hamda oʻquvchilarning ota-onalariga “Eng faol ota”, “Jonkuyar ona”, “Masʼuliyatli ota-ona” nominatsiyalar boʻyicha “Minnatdorchilik xat”lari topshirildi. Mazkur tadbirlar belgilangan tartib va xavfsizlik qoidalariga rioya qilingan holda oʻtkazildi. Bayram oʻquvchilarda katta taassurot qoldirdi. 25-sonli umumiy oʻrta taʼlim maktabi Maʼnaviy-maʼrifiy ishlar boʻyicha direktor oʻrinbisari F. Abdumoʻminov
