Center for advancing community strengths and social wellbeing

🌟 “Zakovat” intellektual o‘yini o’tkazildi

“Butunjahon Ijtimoiy ish kuni” munosabati bilan tashkil etilgan “Ijtimoiy ish oyligi” doirasida yurtimizda ijtimoiy soha vakillarini birlashtiruvchi muhim tadbir — “Zakovat” intellektual o‘yini o‘tkazildi.

🧠 O‘yinda jami 29 ta jamoa qatnashdi:
🟢Respublikaning 14 ta hududidan tashrif buyurgan 14 ta ijtimoiy xodimlar jamoasi
🟢15 ta oliy ta’lim muassasalaridan “Ijtimoiy ish” yo‘nalishida tahsil olayotgan 15 ta talabalar jamoalari

✅ Ushbu tadbir ijtimoiy ish sohasida faoliyat yuritayotgan mutaxassislar va kelajak kadrlar o‘rtasida tajriba almashish, bilim va salohiyatni sinovdan o‘tkazish, shuningdek, hamkorlik aloqalarini mustahkamlashga xizmat qildi.

🗣Amerikada ijtimoiy ish — siz o‘ylagandan ancha murakkab tizim

🇺🇸 Amerika Qo‘shma Shtatlari tajribasi shuni ko‘rsatadiki, ijtimoiy ish sohasi yuqori darajada tizimlashtirilgan va katta mas’uliyatni talab etadi.

📌 Ushbu mamlakatda ijtimoiy xodimlar ko‘pincha muammoli vaziyatlarga birinchi bo‘lib yetib boradi. Har bir murojaat maxsus raqamli tizimlar orqali nazorat qilinadi va harakatlar qat’iy tartib asosida amalga oshiriladi.

⚖️ Agar bola xavf ostida bo‘lsa, ijtimoiy xodim sud orqali oilaviy muhitga aralashish huquqiga ega. Bu esa ijtimoiy himoya tizimining kuchli huquqiy asosga ega ekanini anglatadi.

🎓 AQShda ijtimoiy xodim bo‘lish uchun nafaqat oliy ma’lumot, balki majburiy litsenziya talab etiladi. Bu esa kasb egalari zimmasidagi mas’uliyatni yanada oshiradi.

👨‍💻 Yana bir muhim jihat — ixtisoslashuv. Har biri aniq yo‘nalishda: bolalar, migrantlar, ruhiy salomatlik yoki nogironligi bo‘lgan shaxslar bilan ishlaydi.

🤩 Eslatib o‘tamiz, 2025-yil noyabr oyida Hamjamiyatlarni mustahkamlash va ijtimoiy farovonlikni rivojlantirish markazi hamda Ijtimoiy himoya milliy agentligi va uning tizimidagi tashkilotlar vakillari tomonidan AQShda ijtimoiy ish faoliyati o‘rganilgan edi:
🟢Kolumbiya universitetining ijtimoiy ish maktabi
🟢Lenox Hill Neighborhood House
🟢Nyu York bolalar markazi
🟢Cidny tashkiloti

📝 Hozirgi k***a esa xalqaro standartlarga asoslangan holda AQSh Kolumbiya universitetining ijtimoiy ish maktabi tajribasi asosida Ijtimoiy ish bo’yicha qayta tayyorlov kurslari olib borilmoqda.

socialwork monthofsocialwork

🗣O‘zbekistonda ijtimoiy ish ekotizimi

🇺🇿Ijtimoiy himoya milliy agentligi respublikaning barcha 14 hududida 8939 ta ijtimoiy xodim shtati yaratib, ijtimoiy ishni professionalizatsiyaga asos soldi va aholining turli qatlamlari bilan manzilli ijtimoiy ish tizimini joriy qildi. Bundan tashqari, 207 nafar supervayzer faoliyatini yurituvchi bosh mutaxassis shtati yaratilib, ijtimoiy xodimlarning kasbiy rivojiga xizmat qilmoqda.

🧠 Ijtimoiy himoya milliy agentligi, Kolumbiya universiteti (AQSh) Ijtimoiy ish maktabi hamda UNICEF hamkorligida “Hamjamiyatlarni mustahkamlash va ijtimoiy farovonlikni rivojlantirish markazi” tashkil etildi.

📝Ijtimoiy ishning barqaror rivoji malakali mutaxassislar tayyorlash bilan chambarchas bog‘liq:
🟢19 ta oliy ta’lim muassasasida ijtimoiy ish yo‘nalishi joriy etilgan;
🟢4355 nafar talaba mazkur yo‘nalishda tahsil olib, kelajakda tizimning asosiy tayanchiga aylanmoqda;
🟢2025–2026 o‘quv yili uchun kvotalar 2500 dan ortiq etib belgilanishi sohaga bo‘lgan ehtiyoj ortib borayotganini ko‘rsatadi.

🤩 Sohadagi mutaxassislarning kasbiy rivojlanishi uchun Hamjamiyatlarni mustahkamlash va ijtimoiy farovonlikni rivojlantirish markazi tomonidan Kolumbiya universitetining ijtimoiy ish maktabi bilan hamkorlikda:
🟢576 soatlik ijtimoiy ish bo’yicha 8 modulni qamrab olgan qayta tayyorlov kurslari yo‘lga qo‘yilgan bo‘lib, ular orqali zamonaviy bilim va ko‘nikmalar berilmoqda;
🟢5 ta dalillarga asoslangan xorijiy intervensiya amaliyotga joriy etilib, xizmatlar samaradorligi oshirilmoqda;
🟢20 dan ortiq akademik va amaliy o‘quv dasturlari joriy etilmoqda.

🧠 Ijtimoiy himoya tizimi xodimlarining malakasini oshirish markazi tomonidan raqamlashtirish doirasida 11 ta moduldan iborat e-learning tizimi ishlab chiqilib, uzluksiz ta’lim imkoniyatlari kengaytirilmoqda.

📎Yuqoridagi islohotlar O‘zbekistonda ijtimoiy ish sohasi bosqichma-bosqich professional tizimga aylanib borayotganini, xalqaro tajriba bilan uyg‘unlashgan holda ijtimoiy ishni yangi sifat bosqichiga chiqayotganini ko‘rsatadi.

Hurmatli yurtdoshlar!

💐 Sizlarni asrlar davomida xalqimizning eng ezgu qadriyatlarini o‘zida mujassam etgan, yangilanish va yasharish timsoli bo‘lgan Navro‘z bayrami bilan samimiy muborakbod etamiz.

🌸 Navro‘z – bu tabiat uyg‘onishi bilan birga qalblarda mehr-oqibat, bag‘rikenglik va ezgulik tuyg‘ulari yanada kuchayadigan, insonlarni yaxshilik sari chorlaydigan ulug‘ ayyomdir. Ushbu qutlug‘ kunlarda yuragimizda yangi orzu va intilishlar jo‘sh urib, jamiyatimizda farovonlik, hamjihatlik va birdamlik yanada mustahkamlanadi.

🌷Barchangizga mustahkam sog‘lik, xonadonlaringizga tinchlik-xotirjamlik, fayz-u baraka va farovonlik tilaymiz. Yurtimiz ravnaqi, xalqimiz baxt-saodati yo‘lida olib borilayotgan ezgu ishlar bardavom bo‘lsin!

Navro‘z bayrami barchamizga yangi imkoniyatlar, quvonchli lahzalar va yorqin kelajak umidini olib kelsin!

Navro‘z muborak bo‘lsin! 🌿

Hurmatli yurtdoshlar!

🌙Sizlarni Hamjamiyatlarni mustahkamlash va ijtimoiy farovonlikni rivojlantirish markazi jamoasi nomidan mehr-oqibat, saxovat va bag‘rikenglik timsoli bo‘lgan muqaddas Ramazon hayiti bilan chin qalbimizdan muborakbod etamiz.

🌙Ushbu ulug‘ ayyom qalblarni poklaydigan, insonni sabr-toqat, shukronalik va ezgulik ruhida tarbiyalaydigan muhim davrning yakuni sifatida barchamiz uchun beqiyos ahamiyatga ega. Ramazon oyida namoyon bo‘lgan mehr-saxovat, muruvvat va o‘zaro hurmat qadriyatlari aynan shu bayram kunlarida yanada yorqin namoyon bo‘ladi.

💫Ramazon hayiti – jamiyatda insonparvarlik, ijtimoiy birdamlik va o‘zaro ko‘mak tamoyillarini mustahkamlovchi muhim ayyomdir. Bu kunlar har birimizni atrofdagilarga e’tiborli bo‘lishga, yordamga muhtoj insonlarni qo‘llab-quvvatlashga va ezgu amallarni davom ettirishga undaydi.

✨Barchangizga mustahkam sog‘lik, oilaviy baxt-saodat, xonadonlaringizga fayz-u baraka va tinchlik-xotirjamlik tilaymiz. Ezgu niyat va duolarimiz ijobat bo‘lsin!

🗣17-mart — Butunjahon ijtimoiy ish kuni

🌎 Har yili mart oyining uchinchi seshanbasida butun dunyoda Butunjahon ijtimoiy ish kuni nishonlanadi. Bu sana jamiyat farovonligini ta’minlash, inson qadr-qimmatini himoya qilish hamda ijtimoiy himoyaga muhtoj insonlarni qo‘llab-quvvatlash yo‘lida mehnat qilayotgan ijtimoiy ish mutaxassislarining muhim o‘rnini e’tirof etishga bag‘ishlangan.

2026-yil uchun belgilangan shior: “Umid va uyg‘unlikni birgalikda barpo etish: tarqoq jamiyatni birlashtirishga Harambee chaqirig‘i.”

Harambee — sharqiy Afrika xalqlari tilidan olingan bo‘lib, “birgalikda harakat qilaylik”, “kuchlarni birlashtiraylik” degan ma’noni anglatadi. Ushbu tushuncha jamiyatdagi hamjihatlik, o‘zaro yordam va birdamlik orqali ijtimoiy muammolarni birgalikda hal etish g‘oyasini ifodalaydi.

⏰ Shuningdek, 17-martdan 17-aprelga qadar “Ijtimoiy ish oyligi” o‘tkaziladi. Barchangizni ushbu oy davomida ijtimoiy ishni e’tirof etish, soha vakillarining sharafli mehnatini, ularning jamiyatdagi o‘rnini qadrlash va qo‘llab-quvvatlashga chorlaymiz.

🎉 Barcha ijtimoiy ish sohasi vakillarini kasb bayrami bilan samimiy tabriklaymiz. Birgalikda biz yanada mehr-oqibatli va uyg‘un jamiyatni barpo etishimiz mumkin.

🌸Hurmatli ayollar va aziz qizlarimiz!

Sizlarni 8-mart — Xalqaro xotin-qizlar kuni bilan samimiy muborakbod etamiz!💐

Ayollar — jamiyatimizning mehr-muhabbat, sabr-toqat va donolik timsolidir. Sizlar oilalarda mehr va tarbiya manbai, jamiyatda esa taraqqiyot va ezgulik yo‘lida fidoyilik bilan xizmat qilayotgan muhim kuchsiz.

Bugungi k***a xotin-qizlarning ijtimoiy hayotdagi faolligi, tashabbuskorligi va jamiyat rivojiga qo‘shayotgan ulkan hissasi alohida e’tirofga loyiqdir.

Sizlarga mustahkam sog‘lik, oilaviy baxt, cheksiz quvonch va barcha ezgu ishlaringizda ulkan muvaffaqiyatlar tilaymiz. Har bir kuningiz mehr, e’tibor va qadrlashga to‘la bo‘lsin!

Hurmat bilan,
Hamjamiyatlarni mustahkamlash va ijtimoiy farovonlikni rivojlantirish markazi jamoasi!

🇺🇿 Muhtaram Prezidentimiz tomonidan 24-fevral kuni yoshlar bilan bo‘lib o‘tgan uchrashuvda Davlatimiz rahbari tashabbuslari bilan mamlakatimizdagi barcha vazirlik, idora va hokimliklarda har haftaning payshanba kuni — “Yoshlar kuni” etib belgilandi.

🧠 Shu munosabat bilan Ijtimoiy himoya milliy agentligi direktori M.Olloyorovning Hamjamiyatlarni mustahkamlash va ijtimoiy farovonlikni rivojlantirish markazi qoshida faoliyat yurituvchi “Kambag‘allik siklini to‘xtatamiz” - “SCP” qo‘llab-quvvatlash guruhi yoshlari bilan uchrashuvi bo’lib o’tdi.

Uchrashuvda yosh volontyorlar 2 oy davom etgan I bosqich faoliyati doirasida Yangihayot tumanida amalga oshirilgan tashabbuslar haqida batafsil ma’lumot berishdi. Xususan, kam ta’minlangan oilalar farzandlari uchun ingliz tili, matematika hamda moliyaviy savodxonlik yo‘nalishlarida bepul o‘quv mashg‘ulotlari bo’yicha so’z yuritishdi.

Shu bilan birga, yosh volontyorlar guruhi tomonidan ishlab chiqilayotgan “Fundoo app” mobil ilovasi taqdimoti ham o‘tkazildi. Mazkur ilova bolalar va yoshlar o‘rtasida moliyaviy savodxonlikni oshirish, o’zlarining rivojlanishi va ta’limiga investitsiya qilishni rejalashtirish ko‘nikmalariga o‘rgatishga qaratilgan.

“Ushbu loyiha hayotingiz davomida shaxs sifatida, mutaxassis sifatida yoki shunchaki inson sifatida o’zingizni topishingizda muhim qadam bo’ladi deb hisoblayman”, - M.Olloyorov.

Yoshlar bilan uchrashuv yakunida loyiha faoliyatini yanada kengaytirish, hududlarda bosqichma-bosqich joriy etish hamda yoshlarning tashabbuslarini institutsional qo‘llab-quvvatlash masalalari yuzasidan taklif va tavsiyalar bildirildi.

🗣Mutaxassislarni qayta tayyorlash va salohiyatini oshirish faoliyati

📝12-yanvardan buyon davom etayotgan “Ijtimoiy ish bo‘yicha qayta tayyorlov kursi” bolalarni ijtimoiy himoya qilish sektori mutaxassislari hamda ijtimoiy ish yo‘nalishida faoliyat olib borayotgan professor-o‘qituvchilar uchun “Ijtimoiy ish” mutaxassisligini rasmiy va akademik asosda egallash imkoniyatini yaratmoqda. Mazkur kurs ishtirokchilarning nazariy bilimlarini mustahkamlash hamda amaliy ko‘nikmalarini rivojlantirishga xizmat qilmoqda.

👨‍💻Shuningdek, W.I.N.G.S — “Himoyaga yetaklovchi yangi maqsadlarni belgilayotgan ayollar” dasturi doirasida fasilitatorlar uchun tashkil etilgan onlayn trening jinsiy sherik tomonidan sodir etiladigan zo‘ravonlik xavfini erta aniqlash, unga professional va tizimli yondashuvni shakllantirish hamda ayollar bilan ishlovchi mutaxassislarning bilim va amaliy salohiyatini yanada oshirishga qaratildi.

🧠Bundan tashqari, Ijtimoiy himoya tizimi xodimlari uchun zo‘ravonlikdan jabrlangan bolalar bilan ishlashning maxsus usullari bo‘yicha ishlab chiqilgan o‘quv dasturi asosida respublikadagi TOT trenerlar tomonidan 14 ta hududda keng qamrovli treninglar o‘tkazilmoqda. Mazkur treninglarda bolalarni ijtimoiy himoya qilish sho‘ba mutaxassislari, “Inson” markazlari psixologlari hamda kichik hajmli ijtimoiy ko‘mak markazlari mutaxassislari ishtirok etmoqda.

Hududlarda TOT trenerlar faoliyati: tajriba va salohiyat maktabi

👨‍💻 Respublikaning 14 hududidan saralab olingan mutaxassislar “Xatar guruhidagi bolalar va o‘smirlar bilan ijtimoiy ish amaliyoti” mavzusidagi 3 bosqichli intensiv treningda ishtirok etib hududiy darajada trenerlik faoliyatini olib borish huquqiga ega bo‘ldilar.

🧠 Bugungi k***a ushbu TOT trenerlar o‘z hududlarida “Inson” markazlarining bolalarni ijtimoiy himoya qilish sho‘ba mutaxassislari, psixologlari hamda kichik hajmli ijtimoiy ko‘mak markazlari mutaxassislari uchun zo‘ravonlikdan jabrlangan bolalar bilan ishlashning zamonaviy, amaliy va tizimli usullari bo‘yicha bilim va ko‘nikmalarini o‘rgatmoqdalar.

✅ TOT trenerlar — bu nafaqat o‘quv jarayonining ishtirokchilari, balki hududlarda o‘zgarishlar drayveri, professional standartlar targ‘ibotchisi va sifatli ijtimoiy xizmatlar kafolatidir.

🗣O‘quv-treninglarning 2-kuni: hududlarda amaliy mashg‘ulotlar davom etmoqda

🧠 Ijtimoiy himoya milliy agentligi tizimi xodimlari uchun zo‘ravonlikdan jabrlangan bolalar bilan ishlashning maxsus usullari bo‘yicha ishlab chiqilgan o‘qitish dasturi asosida o‘quv-treninglarning ikkinchi kuni tashkil etildi.

Mazkur treninglar Ijtimoiy himoya tizimi xodimlarining malakasini oshirish markazi bilan hamkorlikda respublikaning 14 hududida o‘tkazilmoqda va har bir hududda bolalarni ijtimoiy himoya qilish sho‘ba mutaxassislari, “Inson” markazlari psixologlari hamda kichik hajmli ijtimoiy ko‘mak markazlari xodimlaridan iborat 20 nafar mutaxassis ishtirok etmoqda.

📝 Mashg‘ulotlar TOT trenerlar tomonidan olib borilib, ishtirokchilarning:
🟢zo‘ravonlikdan jabrlangan bolalar bilan ishlash bo‘yicha maxsus metodikalar;
🟢travma bilan ishlash va psixologik qo‘llab-quvvatlash yondashuvlari;
🟢holatni baholash va keys-menejment mexanizmlari;
🟢bolalarning xavfsizligini ta’minlash va himoya choralarini ko‘rish tartiblari bo‘yicha bilim va amaliy ko‘nikmalari mustahkamlanmoqda.

💼 Treninglar hududiy mutaxassislarning professional salohiyatini oshirish, bolalarga ko‘rsatilayotgan ijtimoiy xizmatlar sifatini yaxshilash hamda zo‘ravonlik holatlariga tezkor va samarali javob qaytarish tizimini yanada kuchaytirishga xizmat qiladi.

🗣Zo‘ravonlikka qarshi birgalikda!

🤩Hamjamiyatlarni mustahkamlash va ijtimoiy farovonlikni rivojlantirish markazi qoshida faoliyat yurituvchi “Xavfsiz bolalik” volontyorlik guruhi tomonidan har hafta maktablardagi tengdoshlari uchun zo‘ravonlikning oldini olish bo‘yicha axborot kampaniyalari yanvar oyidan buyon har hafta muntazam ravishda olib borilmoqda.

🎤 Joriy yil boshidan shu kunga qadar volontyorlar 22, 71, 190-sonli umumta’lim maktablarida tengdoshlari bilan uchrashuv o’tkazdilar. Har bir maktablarda qariyb 150 nafar o‘quvchi ishtirok etdi.

🖐Bu kabi uchrashuvlarning asosiy maqsadi — bolalar o‘rtasida zo‘ravonlikka nisbatan murosasiz munosabatni shakllantirish, o‘zaro ishonch, shuningdek, ularni o‘z huquqlarini bilishga va himoya qilishga rag‘batlantirishdan iboratdir. Shuningdek, zo‘ravonlik sodir etilganda yoki bunday xavf mavjud bo‘lganda qayerga murojaat qilish mumkinligi bo‘yicha ham amaliy ma’lumotlar taqdim etilmoqda.