Shahrisabz "Temurbeklar maktabi"

❇️HAL I kurs o‘quvchilari ishtirokida “Bilim-yengilmas kuch” mavzusida “Zakovat” intellektual o‘yini tashkil etildi. Bellashuv davomida o‘quvchilar falsafiy, mantiqiy, maʼrifiy, tarixiy va qiziqarli mavzudagi savollarga munosib javoblar berib, bilim va tafakkurlarini namoyon etdilar.
🏆 Qiziqarli va murosasiz kechgan intellektual bahs yakunida
🥇3-25 guruh oʼquvchilari faxrli 1-oʼrinni,
🥈5-25 guruh oʼquvchilari 2-oʼrinni,
🥉2-25 va 6-25 guruh oʼquvchilari esa 3-oʼrinni egallashdi. G‘olib jamoalar esdalik sovg‘alari bilan taqdirlandilar.

Shahrisabz "Temurbeklar maktabi" harbiy-akademik litseyida Chorshanba - favqulodda vaziyatlar va yongʻinlar profilaktikasi kuni munosabati bilan oʻquvchilarga jihozlanmagan va ochiq suv havzalarida cho’milishning hayot uchun xavfli tomonlari to'g'risida tushuntirishlar berildi.

🏛 Shahrisabzda adabiyot bayrami: "Temurbek" asari keng jamoatchilikka taqdim etildi
Bugun Muhammad Ali qalamiga mansub "Temurbek" nomli yangi kitobning tantanali taqdimoti boʻlib oʻtdi. Unda soha mutaxassislari, adabiyotshunoslar, nuroniy faxriylarimiz hamda litsey oʻquvchilari qatnashdilar.
Tadbirning eng shukuhli lahzalari "Temurbeklar maktabi" harbiy akademik litseyi oʻquvchilarining ishtiroki bilan bogʻliq boʻldi. Soʻzga chiqqan mehmonlar asarning vatanparvarlik ruhini yuksaltirishdagi ahamiyatini taʼkidlab, yosh avlodni bobolar merosiga munosib boʻlishga chorladilar. Tarix, adabiyot va harbiy shon-sharaf uygʻunlashgan tadbir barchada yorqin taassurot qoldirdi.

🏢 Shahrisabz "Temurbeklar maktabi" HALda avtotransport vositalari haydovchilarini tayyorlash fanidan II o‘quv kursi o‘quvchilari ishtirokida "Chorrahalarda harakatlanish" mavzusida Viktorina tashkil etildi.
🚦Mazkur tadbirning asosiy maqsadi o‘quvchilarning chorrahalarda harakatlanish tartibi, chorraha turlari hamda xavfsiz harakatlanish ko‘nikmalarini yanada rivojlantirishdan iborat bo‘ldi. Viktorina davomida ishtirokchilar turli test savollari, vaziyatli topshiriqlar va mantiqiy savollarga javob berish orqali o‘z bilim va ko‘nikmalarini namoyon etdilar.
🏆 Viktorina natijalariga ko‘ra qo‘yidagi o‘quvchilar g‘olib deb topildi:
🥇 I o'rin 2 - 24 guruh o'quvchisi Olimov Avazbek
🥈 II o'rin 4 - 24 guruh o'quvchisi Samadullayev Murod
🥉 III o'rin 5 - 24 guruh o'quvchisi Ne'matov Sardor

📚 “Temurbeklar maktabi” harbiy-akademik litseyining 1-24-guruh o‘quvchilari ishtirokida “Aylanma jismlarning hajmini hisoblash” mavzusida seminar-trening tashkil etildi.

Mashg‘ulot davomida o‘quvchilarga mavzu yuzasidan nazariy va amaliy tushunchalar berilib, misol va masalalar orqali bilimlari mustahkamlandi. Seminar jarayonida zamonaviy pedagogik usullardan foydalanilib, o‘quvchilarning mustaqil fikrlashi hamda matematik bilimlarini oshirishga alohida e’tibor qaratildi.

“Юрт қайғусида 365 кун”

Президент Шавкат Мирзиёевнинг 2025 йил давомидаги серқирра фаолияти, давлат бошқаруви, халқаро дипломатия, иқтисодий ислоҳотлар, экологик барқарорлик, ижтимоий ҳимоя, илм-фан, таълим ва маданият соҳаларида амалга оширган ишларини ҳужжатли манбалар, таҳлилий шарҳлар ва фотолавҳалар асосида жамлаган кенг қамровли тўплам — “Юрт қайғусида 365 кун” китоби нашр қилинди.

Нашр йил давомида юз берган сиёсий, иқтисодий ва ижтимоий жараёнларни муайян хронологик кетма-кетлик асосида ёритади. Китоб ойлар кесимида тартибланган бўлиб, ҳар бир ой аввалида Президент фаолиятининг асосий йўналишлари қисқача жамланган. Шундан сўнг муҳим воқеалар, ташрифлар, учрашувлар, видеоселектор йиғилишлари, халқаро музокаралар, имзоланган ҳужжатлар, ташаббус ва лойиҳалар алоҳида бўлимлар кесимида батафсил шарҳланган.

🏢 Shahrisabz "Temurbeklar maktabi" harbiy-akademik litseyida informatika va axborot texnologiyalari fanidan I o‘quv kursi 4-25 guruhining "Deep Learning(Chuqur o‘rganish)" va 6-25 guruhining "Compyuter Vision(Kompyuterli ko‘rish)" jamoalari o‘rtasida “Sun’iy intellekt va informatika” shiori ostida viktorina bo‘lib o‘tdi.
🖥🤖 Viktorinada o'quvchilar sun'iy intellekt yordamida taqdimot yaratish, sun'iy intellekt turlari bo‘yicha savol-javob, dasturlash va sun'iy intellekt yetakchisi shartlari bo'yicha o‘z bilimlarini namoyish etdilar.
🏆 📷 Viktorinada 18:15 hisobi qayd etilib, bunda 6-25 guruhining "Compyuter Vision" jamoasi g‘olib bo‘ldi.

🏢 Shahrisabz "Temurbeklar maktabi" harbiy-akademik litseyi II o‘quv kursi o‘quvchilari ishtirokida “Quturish kasalligi va undan himoyalanish choralari” mavzusida davra suhbati tashkil etildi.
👩🏻‍⚕️💉Tadbir davomida mutaxassis tomonidan quturish kasalligining kelib chiqish sabablari, yuqish yo‘llari, dastlabki belgilari hamda uning oldini olish bo‘yicha muhim tavsiyalar berildi.
🐈⚠️Shuningdek, hayvonlar bilan muomala qilishda ehtiyot choralariga rioya etish, vaqtida tibbiy murojaat qilish va sanitariya-gigiyena qoidalariga amal qilishning ahamiyati tushuntirildi.

🎮 Shahrisabz “Temurbeklar maktabi” harbiy-akademik litseyining 2-25 guruh o‘quvchilari o‘rtasida kibersport musobaqasi tashkil etildi.

Musobaqa davomida o‘quvchilar o‘zlarining chaqqonligi, tezkor fikrlashi hamda jamoaviy hamkorlik ko‘nikmalarini namoyon etdilar. Tadbirda barcha o‘quvchilar faol ishtirok etib, bellashuvlar qiziqarli va murosasiz ruhda kechdi.

Mazkur musobaqa o‘quvchilarning bo‘sh vaqtini mazmunli tashkil etish, zamonaviy texnologiyalarga bo‘lgan qiziqishini oshirish hamda jamoaviy muhitni mustahkamlashga xizmat qildi.

“Temurbeklar maktabi” harbiy-akademik litseyining 2-bosqich o‘quvchilari bilan Shahrisabz shahrida joylashgan “Rayhon bog‘i” istirohat maskaniga sayohat tashkil etildi.

Sayohat davomida o‘quvchilarning bo‘sh vaqtini mazmunli tashkil etish, jamoaviy muhitni mustahkamlash hamda ularda yurtimizdagi go‘zal maskanlarga nisbatan qiziqish va e’tiborni oshirishga alohida ahamiyat qaratildi.

Shuningdek, o‘quvchilar maroqli hordiq chiqarib, unutilmas taassurotlarga ega bo‘lishdi.