Yoshlarga qanotmiz-ijodkorlar klubi

ЎҒЛИМГА ТАРБИЯ

Сен йиғлама, йиғлайдиган замон эмас,
Осмонга боқ, ўқлар учар осмон эмас.
Тинчликни ҳам сақлаш асли осон эмас,
Сенчи болам бир сўрғичга йиғлаяпсан.

Юртбоши бор, болам дейди бошинг силаб,
Юрти учун, халқи учун тинчлик тилаб.
Шукр десанг, Ҳақ беради бахтни элаб,
Сенчи болам бир сўрғичга йиғлаяпсан.

Қаердадир бомба портлаб, ўқлар ёғар,
От ўлдиру, оддий хални тунар, соғар.
Бизлардачи, халқнинг кўзи бахтдан ёнар,
Сенчи болам бир сўрғичга йиғлаяпсан.

Бир сўрғичга йиғлаяпсан ох вох қилиб,
Шундай йиғлаб қолишингни яхши билиб,
Бешигингни тепасига қўйдим илиб.
Сенчи болам бир сўрғичга йиғлаяпсан.

Дониёр ҚУРБОНХЎЖАЕВ

KANALGA ULANISH UCHUN BOSING (https://t.me/joinchat/UQtnpXgmk8YSs7J1)
👇👇👇
https://t.me/joinchat/UQtnpXgmk8YSs7J1

Join group chat on Telegram

ЯНГИ ЎЗБЕКЛАР

Илгаргисига ўхшамас дўпписи,
Янгича ҳаттоки барча гупписи,
Жудаям қаттиқ зарбаси, тепкиси,
Кўринишин қаранг мисли отдеклар,
Ҳаммадан зўр бўлган янги ўзбеклар!

Чўлда ҳам барқ уриб ўсади ғўза,
Кундан кун семирар ҳар битта жўжа,
Қурилиш авжида, авжида жуда,
Қаёқа қараманг, бардам, тетиклар,
Ҳаммадан зўр бўлган янги ўзбеклар!

Уларга ҳамроқдир қадамда китоб,
Билмайсиз бўлганин бирор он бетоб,
Олға интилмоқда шижоат, шитоб,
Осмондан тушмайди ахир ютуқлар,
Ҳаммадан зўр бўлган янги ўзбеклар!

Нарса йўқ битта ҳам ақли етмаган,
Ақли фаросати, нақли етмаган,
Дунёнинг қолиби, шакли етмаган,
Зилол сувга тўла барча қудуқлар,
Ҳаммадан зўр бўлган янги ўзбеклар!

Ойга ҳам чиқади янги ўзбеклар,
Бахтини топади янги ўзбеклар,
Дунёни боқади янги ўзбеклар,
Дунёга ёқади янги ўзбеклар,
Ҳаммадан зўр бўлган ЯНГИ ЎЗБЕКЛАР!!

Абдураззоқ ОБРЎЙ

KANALGA ULANISH UCHUN BOSING (https://t.me/joinchat/UQtnpXgmk8YSs7J1)
👇👇👇
https://t.me/joinchat/UQtnpXgmk8YSs7J1

Join group chat on Telegram

Ватаним

Айлансайдим шамолларингга.
Қўниб олиб айвонларингга.
Ҳозир бўлай саволларингга.
Менга мадад бўлгин Ватаним.

Куй бўл десанг торинг бўлайин.
Сенинг ғурур оринг бўлайин.
Қиёсингни мендан сўрагин.
Ягонамсан ўзинг Ватаним.

Ярай сени ҳар кун коринга.
Болам дея олгин ёнинга.
Мен онам деб чўкай пойинга.
Улуғимсан ўзинг Ватаним.

Юртфурушлар қўймасин оёқ.
Сендан йироқ,юрсинлар йироқ.
Сен деб,урар,юрагим ҳар чоқ
Жахонимсан ўзинг Ватаним.

Қахрамагин кўлинг бўлайин.
Ҳам ўнгу,ҳам сўлинг бўлайин.
Фарзандингман мендан сўрагин.
Сўлим гўшам ўзинг Ватаним

Жонажоним Ўзбекистоним.
Мангу бўлгин ,омон бўл доим.
Мустақиллик қутлуқ ёшингда.
Қутловларим сенга Ватаним.

Айлансайдим шамолларингга.
Қўниб олиб айвонларингга.
Ҳозир турай саволларингга
Менга мадад бўлгин Ватаним.

Шокомолова Гулмира Шавкат қизи

Kanalga ulanish👉

Join group chat on Telegram

💥💥Aziz hamyurtlar!💥💥💥
Toshkent viloyati Yosh ijodkorlar klubi va Parkent hayoti kanali hamkorlikda ✨O‘ZBEKISTON RESPUBLIKASI MUSTAQILLIGINING 30 YILLIGI munosabati bilan "VATAN MENING TAQDIRIMDA" nomli tanlov e‘lon qiladi!🌠

TANLOVGA vatanni madh etuvchi ijodiy ishlar:
- She‘r
- Hikoya
- Insho
- Qo‘shiq qabul qilinadi!

🔵SHARTLAR ODDIY!🔵
1. Ijodiy ishlar yangi va to‘liq bo‘lishi kerak!🔏
2. Qatnashchilar yoshi chegaralanmagan!🔀
3. Bir nafar ijodkor faqat bir yo‘nalishda, bitta ijodiy ishi bilan qatnashishi mumkin!🔂

SHUNINGDEK- SHE‘R VA QO‘SHIQLARNI IJRO ETIB HAM (AUDIO,VIDEO KO‘RINISHDA) ISHTIROK ETISHINGIZ MUMKIN!🔊

📢Shaffoflikni ta‘minlash maqsadida Parkent hayoti va Yoshlarga qanotmiz ijodkorlar klubining Telegramm, facebook, Youtubedagi sahifalariga joylanadi.🏁

🏆G‘oliblar ovoz berish yo‘li bilan aniqlanadi va 4-sentabr kuni e‘lon qilinadi!✅

Shoshiling, vaqt oz qoldi!🕛
Iste‘dodingizni ko‘rsatish uchun eng yaxshi imkoniyat!🔥🔥🔥

Ijodiy ishlaringizni +998944255530 raqamiga
telegramm manziliga yuborishingiz mumkin!💥

ТУШ

Совуқ қотдим, музлайди жисмим,
Баданимни чимчилар аёз.
Ҳайратларда ётар эдим жим,
Ахир ҳозир жазирама ёз.

Юрагимда қалтироқ, ҳадик,
Қўрқадурман бу хароратдан.
Ҳозир совуқ қотиш телбалик,
Аммо совуқ қотяпти бадан.

Демак, жонсиз қолмоқда жисмим,
Демак, лахза сукунат чўмар.
Майит бўлар янги бир исмим,
Йиғлаб-йиғлаб, тепкилаб кўмар.

Водариғо бўғзимда тиқин,
Жон бермоқлик шунчалар оғир.
Қўл беролмас бирор бир яқин,
Азройилга қўл бердим охир.

Кўзларимни юмдим нихоят,
Енгил тортдим мисли бир нафас.
Тилга келди, Калима, Оят.
Бўшаб қолди кўксимда қафас.

Учди озод қуш мисли жоним,
Парвоз қилдим қуёшга томон.
Саратондан куйди қанотим,
Таним куйиб, ёндим беомон.

Етти аршга қўёлмай қадам,
Йиқилгандим ернинг қарига.
Кўринмасди бирорта одам,
Жавоб бўлар энди барига.

Савол тушди ўртага бирдан,
Қилган ишим, амалим сўраб.
Таним куяр қайноқ кибрдан,
Ўт оловлар қолганди ўраб.

Кўзим очдим “дод” дея хайрон,
Бу дунёда тирикман борман.
Юрак бағрим бўлганди вайрон,
Аммо қалбан далдага зорман.

Бир лаҳзага ётдим тин олиб,
Сўнгра туриб ювдим юзимни.
Нафл учун жойнамоз солиб,
Сўнгра енгил билдим ўзимни.

Дониёр ҚУРБОНХЎЖАЕВ

Oqshomda vujuding tovlanadi ol,
Poyingdagi suvlar sharqirar zilol.
Ongimdan yo'qolgan xotiralarim
Quchog'ingda qolib ketgan majnuntol.

Eslatma, moziydan bo'lakchalarni.
O'sha ko'cha, o'sha yo'lakchalarni.
Ikki ism yana yurakchalarni,
Bag'ringga muhabbat bitgan majnuntol.

Qara botib ketdi yana quyoshing,
Xam qilmagin boshing, to'kmagin yoshing.
Balki meni taqdir aylab sirdoshing,
Seni menga tuxfa etgan, majnuntol.

Oqshom sokin tunni etmoqda tortiq,
Tepangda termulib turibdi hilol.
Bo'ldi, ketganlarni kutmaymiz ortiq
Ketganlar manzilga yetgan, majnuntol...

Umidjon Sayfullayev
Parkent tumani

Shu zayl poyingga yiqildim,
Hilolsiz tunlarda oy chechak.
Ajabki dardlarsiz siqildim,
Dardim ol qadrdon, boychechak.

Dunyoning tayanchi pul emas,
Ayt, inson pul uchun qul emas.

Aniqki, sen oddiy gul emas,
Sen uchun dil makon, boychechak.

Ummondan samoga uchganman,
Quyoshning bag'rini quchganman.
Seni deb qishlardan kechganman
Sog'inib har bir on, boychechak.

Ko'kka boq, nur balqqan yerga boq,
"Bahordan elchimsan" derga boq.
Oh, sening ko'zing oq, yuzing oq
Qalamning bag'ri qon, boychechak.

Quyoshli kunlarim beorom,
Tomoqda unlarim beorom.
So'nggi yo'q tunlarim beorom
O'zing ayt, ne orom, boychechak.

Maylida, kim qayga yiqilsa,
Maylida, sababsiz siqilsa.
Tomoqqa so'zlaring tiqilsa
Na iloj... She'r tamom, boychechak...

✍🏻Umidjon Sayfullayev

'r

Yaqinlar...

Hayot kitobining qonunidir bu
Orzuni yig‘latib armon o‘lmaydi.
Bir mehr ko‘rmoqlik shuncha qiyinmu
Biz yaqin ko‘rganlar yaqin ko‘rmaydi.

Sinovlarga to‘lar umr daftari
Odamzod qismatin bitib bo‘lmaydi.
Yiroqlashib dildan bir kun sar-sari
Biz yaqin ko‘rganlar yaqin ko‘rmaydi.

Imkonlar berilmas xatolar uchun
Bir dilga bir butun quvonch to‘lmaydi.
Diydoriga mushtoq sevsakda nechun
Biz yaqin ko‘rganlar yaqin ko‘rmaydi...

✍Rustam Malikov