Qaraqalpaqstan Respublikası Agro IT texnikumı

⚖️Búgin 21-may kúni Qaraqalpaqstan Respublikası Agro IT texnikumında oqıtıwshılar hám xızmetkerler qatnasıwında "Hayal - qızlar hám er adamlar ushın teń huqıq hám múmkinshilikler kepillikler" atamasında seminar bolıp ótti

⚡️Seminardı texnikum hayal-qızlar máseleleri boyınsha direktor  másláhatshisi S.Tajibaeva ashıp berdi hám basqarıp bardı. “Hayal-qızlar hám er adamlar ushın teń huqıq hám múmkinshilikler kepillikleri haqqında”ǵı Ózbekstan Respublikası Nızamında hayal-qızlar hám er adamlar ushın teń huqıq hámde múmkinshiliklerdi támiyinlew máseleleri boyınsha isbilermenlik subektlariniń, sonıń menen birge puqaralar ózin ózi basqarıw shólkemleriniń hám puqaralıq jámiyeti basqa institutlarınıń wákilleri qatnasıwında máslahát keńesleri dúziw menen baylanıslı wazıypalar hámde hayal qızlardıń ekonomikalıq belsendiligin asırıw, olardı kásip ónerge oqıtıw, bántligin támiyinlew hámde isbilermenlikke keńnen qamtıp alıw haqqında aytıp ótti.

◾️Qaraqalpaqstan Respublikası Agro IT texnikumı oqıwshı jasları diplom aldı ámeliyatında.◾️

📌Búgin 18-may "Xalıq aralıq muzeyler kúni" múnásibeti menen Respublikamızdaģı I.Savitskiy atındaģı muzeyde texnikum oqıwshı jasları sayaxatta boldı.

✅Sayaxat dawamında oqıwshılar xalqımızdıń hár túrli tariyxıy estelikleri, ata-babalarımızdıń kúndelikli turmısında qollanılǵan eski buyımları hám basqa da milliyligimizdi ózinde sáwlelendiriwshi eksponatlar menen tanıstı.

✨Búgin Qaraqalpaqstan Respublikası Agro IT texnikumında "Jaslar arasında korrupciyaǵa salıstırǵanda mawasasiz múnásibetti qáliplestiriw" atamasında ushrasıw bolıp ótti.

🔗Ilájǵa texnikum islep shıǵarıw tálimi boyınsha direktor orınbasarı S.Tajibaeva, Juwazshı mákán puqaralar jıyınınıń aymaqlıq profilaktika inspektorı A.Tóreniyazov qatnasıp, dáslep Ózbekstan Respublikası Prezidentiniń 2023-jıl 27-noyabrdegi PP-200-sanlı Pármanı menen tastıyıqlanǵan Korrupciyaǵa qarsı ǵúresiw boyınsha 2023-2024-jıllarǵa mólsherlengen mámleketlik dástúrdiń 25-bántinde Jaslar arasında korrupciyaǵa salıstırǵanda mawasasız múnásibetti qáliplestiriw boyınsha túsinik jumısların alıp barıw belgengelinigin, sonday-aq korrupciya illetiniń unamsız aqibeteri, oǵan ámeldegi nızam boyınsha jınayıy juwapkershiliktiń kúshili ekenligi hámde korrupciyanıń aldın alıw boyınsha mámleketimizde ámelge asırılıp atırǵan keń kólemli reformalar hám ózgerisler haqqında tolıq túsinikler berip ótildi.

✔️Ushrasıw sońında qatnasıwshılar ózlerinińqızıqtırǵan sorawlarına juwaplar aldı.

⚡️Búgin Nókis qalasındaǵı 1-sanlı balalar hám jas óspirimler sport mektebinde (Manej) respublikamızda birinshi márte shólkemlestirilip atırǵan IT Forumı bolıp ótti.

✅Forumda Qaraqalpastan Respublikası Agro IT texnikumınıń oqıwshı jaslarıda belsene qatnasıp, jańa bilim hám tájiriybelerge iye boldı.

◾️Qaraqalpaqstan Respublikası Agro IT texnikumı Telekommunikaciya texnologiyaları qánigeligi oqıwshı jasları Uztelekom AK Qaraqalpaqstan Respublikası fililaında islep shıģarıw ámeliyatında.◾️

◾️Qaraqalpaqstan Respublikası Agro IT texnikumı Kompyuter injiniring hám Dástùriy injiniring qánigeligi oqıwshı jasları Dástúriy ónimler hám informaciya texnologiyaları texnologik parki direkciyasında islep shıģarıw ámeliyatında.◾️

◾️Qaraqalpaqstan Respublikası Agro IT texnikumı Dástùriy injiniring qánigeligi oqıwshı jasları Dástúriy ónimler hám informaciya texnologiyaları texnologik parki direkciyasında islep shıģarıw ámeliyatında.◾️

🇺🇿◾️Búgin 6-aprel kùni Qaraqalpaqstan Respublikası Agro IT texnikumı oqıwshı jasları sporttıń "Stol tennis" túri boyınsha "Barkamol avlod" sport oyınlarınıń Qaraqalpaqstan Respublikası final basqıshına qatnaspaqta.

Sportshılarımızģa áwmet tilep qalamız!

◾️🇺🇿Búgin 6-aprel kùni Qaraqalpaqstan Respublikası Agro IT texnikumı oqıwshı jasları sporttıń "Jeńil atletika" túri boyınsha "Barkamol avlod" sport oyınlarınıń Qaraqalpaqstan Respublikası final basqıshına qatnaspaqta.

Sportshılarımızģa áwmet tilep qalamız!