17/05/2025
Бугун, 17 май куни, Чортоқ тумани 48-сонли умумтаълим мактабида Президент Шавкат Мирзиёев раислигида ўтказилган видеоселектор йиғилишида белгиланган вазифалар ва мактаб таълими тизимидаги ислоҳотлар мазмунини ўқувчи ёшларга етказиш мақсадида махсус учрашув ташкил этилди.
Тадбирда Чортоқ тумани Ички ишлар ходими инспектор психологи А. Нормирзаев иштирок этиб, 9-11-синф ўқувчилари билан очиқ мулоқот ўтказди. Суҳбат чоғида таълимда амалга оширилаётган ислоҳотлар, ёшларни билим олишга ундаш, тартиб-интизомга риоя қилиш, ҳуқуқбузарликларнинг олдини олиш, ватанпарварлик ва фуқаролик масъулияти каби мавзуларга алоҳида эътибор қаратилди.
Шунингдек, Наманган вилоят хокиминиг мурожаатномаси эшиттирилди.
Учрашувда ота-оналарнинг фарзанд тарбиясидаги ўрни, уларнинг мактаб билан ҳамкорлиги ва фаол иштироки муҳим эканлиги таъкидланди. Таълим-тарбия жараёнида мактаб, оила ва жамоатчилик ўртасидаги ҳамжиҳатликнинг ҳал қилувчи аҳамиятга эга экани қайд этилди