PTMA tizimidagi Oqdaryo tuman ixtisoslashtirilgan maktabi

PTMA tizimidagi Oqdaryo tuman ixtisoslashtirilgan maktabi Ixtisoslashtirilgan ta'lim muassasalari agentligi tizimidagi Oqdaryo tuman ixtisoslashtirilgan maktab

🏛 ILM VA TARIX UYG‘UNLIGI: SAMARQANDGA SAYOHAT🌿 Tabiatni anglagan, tarixni o‘rgangan avlod - kelajak bunyodkoridir!O‘zbe...
28/09/2026

🏛 ILM VA TARIX UYG‘UNLIGI: SAMARQANDGA SAYOHAT

🌿 Tabiatni anglagan, tarixni o‘rgangan avlod - kelajak bunyodkoridir!

O‘zbekiston Respublikasi Prezidentining 2022-yil 30-apreldagi PQ–232-sonli “Ichki turizm xizmatlarini diversifikatsiya qilishga oid qo‘shimcha chora-tadbirlar to‘g‘risida”gi qarori ijrosini ta’minlash maqsadida Samarqand viloyat hokimligining “Yoshlar turizmi haftaligi”ni tashkil etish bo‘yicha 06-06/1026-sonli chora-tadbirlar rejasi tasdiqlangan.
🌱 Mazkur haftalik doirasida Oqdaryo tuman ixtisoslashtirilgan maktabining tabiiy fanlar yo‘nalishida tahsil olayotgan o‘quvchilari uchun Samarqand shahrining tarixiy, madaniy va ma’rifiy maskanlariga sayohat tashkil etildi.

✨ Ilm — sinfxonada boshlanadi, taassurot esa hayotda davom etadi!

🌟 “YULDUZ BOLA” — ASAR, TAFAKKUR VA TARBIYA UYG‘UNLIGI🏢Kitobxonlik haftaligi doirasida Oqdaryo tuman ixtisoslashtirilgan...
17/09/2026

🌟 “YULDUZ BOLA” — ASAR, TAFAKKUR VA TARBIYA UYG‘UNLIGI

🏢Kitobxonlik haftaligi doirasida Oqdaryo tuman ixtisoslashtirilgan maktabining 5-sinf o‘quvchilari o‘rtasida Oskar Uayldning mashhur “Yulduz bola” asari yuzasidan mazmunli muhokama tashkil etildi.

📖 Tadbir davomida asar qahramonlarining hayoti va taqdiri tahlil qilinib, o‘quvchilar o‘rtasida qiziqarli savol-javoblar, fikr almashish va bahs-munozaralar olib borildi.

💭 Ayniqsa, asarda aks etgan kamtarlik, mehribonlik, hurmat, kechirimlilik kabi insoniy fazilatlar yuzasidan o‘quvchilar o‘z fikrlarini erkin ifoda etdilar.

✨ Bunday kitobxonlik mashg‘ulotlari o‘quvchilarning badiiy asarga qiziqishini oshirish, mustaqil fikrlash va ma’naviy-axloqiy qarashlarini shakllantirishga xizmat qiladi.

📚 Kitob — inson tafakkurini boyitadi, yaxshi asar esa qalbni tarbiyalaydi!

17/09/2026

RUS TILI DARSI — MANTIQ VA IJOD UYG‘UNLIGIDA!

📚 5-sinf rus tili darsida o‘quvchilarning mantiqiy fikrlashi, kuzatuvchanligi va ijodiy yondashuvini rivojlantirishga qaratilgan qiziqarli topshiriq tashkil etildi.

🔵 Topshiriq: “3 ta krugdan 2 yasang!”

🤔 Oddiy ko‘ringan ushbu topshiriq o‘quvchilarni izlanishga, turli yechimlarni topishga va o‘z fikrlarini ijodiy tarzda ifodalashga undadi.

✨ Bunday mantiqiy mashqlar o‘quvchilarning darsga qiziqishini oshirish bilan birga, mustaqil fikrlash va muammoni turli nuqtayi nazardan ko‘ra olish ko‘nikmalarini shakllantirishga xizmat qiladi.

🎓 Rus tili — nafaqat til o‘rganish, balki fikrlash, izlanish va ijod qilish maydoni!

🌍 XALQARO OZON QATLAMINI HIMOYA QILISH KUNI🏢16-sentyabr — Xalqaro ozon qatlamini himoya qilish kuni munosabati bilan Oqd...
16/09/2026

🌍 XALQARO OZON QATLAMINI HIMOYA QILISH KUNI

🏢16-sentyabr — Xalqaro ozon qatlamini himoya qilish kuni munosabati bilan Oqdaryo tuman ixtisoslashtirilgan maktabida geografiya fani o‘qituvchisi Sh. Mamarizayev tomonidan “Ozon qatlami — Yerning qalqoni” mavzusida ochiq dars o‘tkazildi.

📚 Dars davomida o‘quvchilarga ozon qatlamining Yer sayyorasi va inson salomatligini himoya qilishdagi ahamiyati, uning yemirilishiga sabab bo‘luvchi omillar hamda ekologik muammolar haqida batafsil ma’lumotlar berildi.

🌱 O‘quvchilar mavzu yuzasidan savol-javob va interfaol mashg‘ulotlarda faol ishtirok etib, ekologik bilimlarini mustahkamladilar.

🍀Tabiatni asrash — kelajak avlod oldidagi muhim mas’uliyatdir!

🌟 Oqdaryo tuman ixtisoslashtirilgan maktabida “Tanishuv” treningi🏢Oqdaryo tuman ixtisoslashtirilgan maktabining 5-sinf o...
07/09/2026

🌟 Oqdaryo tuman ixtisoslashtirilgan maktabida “Tanishuv” treningi

🏢Oqdaryo tuman ixtisoslashtirilgan maktabining 5-sinf o‘quvchilari bilan yangi o‘quv yiliga muvaffaqiyatli moslashish, o‘zaro tanishuv va ahil jamoaviy muhitni shakllantirish maqsadida “Tanishuv” trening mashg‘ulotlari tashkil etildi.

🤝 Mashg‘ulotlar davomida o‘quvchilar:
-bir-birlari bilan yaqindan tanishdilar;
-o‘z fikr va qiziqishlarini erkin bayon etdilar;
-jamoada ishlash va hamkorlik qilish ko‘nikmalarini mustahkamladilar;
-do‘stona munosabat va ijobiy psixologik muhit yaratishga qaratilgan mashqlarda faol ishtirok etdilar.

🎯 Mazkur treningning asosiy maqsadi — 5-sinf o‘quvchilarining yangi ta’lim muhitiga tez va samarali moslashishiga ko‘maklashish, ular o‘rtasida samimiy munosabatlarni shakllantirish hamda ahil va mustahkam sinf jamoasini yaratishdan iborat.

😊 Ahil jamoa, samimiy do‘stlik va ijobiy muhit — muvaffaqiyatli ta’limning muhim omilidir!

🏢 Ixtisoslashtirilgan ta’lim muassasalari agentligi tizimidagi Oqdaryo tuman ixtisoslashtirilgan maktabining barcha sinf...
07/09/2026

🏢 Ixtisoslashtirilgan ta’lim muassasalari agentligi tizimidagi Oqdaryo tuman ixtisoslashtirilgan maktabining barcha sinflarida “Yagona Vatan, yagona xalq bo‘lib, yangi hayot va kelajak yaratamiz!” mavzusida navbatdagi “Kelajak soati” darslari o‘tkazildi.

🔹Mashg‘ulotlar davomida o‘quvchilarga Vatan ravnaqi, xalqimizning birdamligi va hamjihatligi, milliy qadriyatlarimizni asrab-avaylash hamda Yangi O‘zbekiston taraqqiyotiga munosib hissa qo‘shish kabi ezgu g‘oyalar haqida tushunchalar berildi.

🔸Shuningdek, yosh avlodning Vatan oldidagi mas’uliyati, yurt taqdiriga daxldorlik hissi, birlik va hamjihatlikning jamiyat taraqqiyotidagi o‘rni xususida fikr-mulohazalar bildirildi.
Mazkur darslar o‘quvchilarda vatanparvarlik, milliy g‘urur, fuqarolik mas’uliyati hamda kelajakka ishonch tuyg‘ularini yanada mustahkamlashga xizmat qildi.

🏢2026-yil 7-sentyabr kuni Oqdaryo tuman ixtisoslashtirilgan maktabida navbatdagi ertalabki saflanish tadbiri bo‘lib o‘td...
07/09/2026

🏢2026-yil 7-sentyabr kuni Oqdaryo tuman ixtisoslashtirilgan maktabida navbatdagi ertalabki saflanish tadbiri bo‘lib o‘tdi.

🔹Tadbir O‘zbekiston Respublikasi Davlat madhiyasining tantanali ijrosi bilan boshlandi. Unda o‘quvchilarga maktabning ichki tartib-qoidalari yana bir bor tushuntirilib, ta’lim muassasasida rioya etilishi lozim bo‘lgan odob-axloq me’yorlari va intizom masalalariga alohida e’tibor qaratildi.

🔸Shuningdek, hafta davomida amalga oshiriladigan tadbirlar, belgilangan vazifalar hamda sport musobaqalari yuzasidan tegishli ma’lumotlar berilib, kelgusi haftaning ustuvor vazifalari belgilab olindi.

02/09/2026

🇺🇿 NO COMMENT!

🔔 Yangi o‘quv yili muborak bo‘lsin!

KELAJAK SOATI Oqdaryo tuman ixtisoslashtirilgan maktabida o‘quvchilar uchun “Yagona Vatan, yagona xalq bo'lib, yangi ha...
02/09/2026

KELAJAK SOATI

Oqdaryo tuman ixtisoslashtirilgan maktabida o‘quvchilar uchun “Yagona Vatan, yagona xalq bo'lib, yangi hayot va kelajak yaratamiz!” shiori ostida “Kelajak soati” mashg‘ulotlari tashkil etildi.
Mashg‘ulotlar davomida o‘quvchilarga yurtimizda amalga oshirilayotgan islohotlar, yoshlar uchun yaratilayotgan imkoniyatlar, vatanparvarlik, ma’naviy qadriyatlar hamda kelajak kasblari haqida muhim ma’lumotlar berildi.
Darslar o‘quvchilarning bilim va dunyoqarashini kengaytirish, ularni kelajakka mas’uliyat va ishonch bilan qarash ruhida tarbiyalashga xizmat qildi.

🇺🇿 Kelajak — bilimli, ma’naviyatli va tashabbuskor yoshlar qo‘lida!

🇺🇿 YAGONA VATAN, YAGONA XALQ BO'LIB, YANGI HAYOT VA KELAJAK YARATAMIZ! Bugun yurtimizdagi barcha umumta’lim maktablari ...
02/09/2026

🇺🇿 YAGONA VATAN, YAGONA XALQ BO'LIB, YANGI HAYOT VA KELAJAK YARATAMIZ!

Bugun yurtimizdagi barcha umumta’lim maktablari qatori Oqdaryo tuman ixtisoslashtirilgan maktabida ham yangi 2026–2027-o‘quv yilining boshlanishiga bag‘ishlangan “Birinchi qo‘ng‘iroq” tantanali tadbiri “Yagona Vatan, yagona xalq bo'lib, yangi hayot va kelajak yaratamiz!” shiori ostida ko‘tarinki ruhda bo‘lib o‘tdi.

Tadbirda ichki ishlar xodimlari, maktab jamoasi, o‘quvchilar va ularning ota-onalari, faxriy ustozlar hamda mahalla faollari ishtirok etdilar.

Bayramona ruhda bezatilgan ta’lim maskani bugun yana o‘z bag‘riga bilimga chanqoq o‘quvchilarni jamladi. Yangi o‘quv yili barchaga yangi imkoniyatlar, ulkan marralar va yorqin muvaffaqiyatlar olib kelishiga tilakdoshmiz!

🔔 Yangi o‘quv yili muborak bo‘lsin!

Address

Oqdaryo Tuman
Loyish
141000

Telephone

+998997715917

Website

Alerts

Be the first to know and let us send you an email when PTMA tizimidagi Oqdaryo tuman ixtisoslashtirilgan maktabi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category