DEBSEUz

25/02/2025

📌 JORIY YILNING 19.02.2025 SANASIDA ’’ DEBSEUZ ’’ LOYIHASINI MUHOKAMA QILISH MAQSADIDA ONLINE YIG‘ILISH BO‘LIB O‘TDI.

✅ Erasmus+ loyiha dasturi doirasida amalga oshirilayotgan DEBSEUz loyihasining asosiy maqsadi – Yevropa mamlakatlarining qayta tiklanuvchi energiya manbalaridagi, xususan, quyosh energiyasi manbalaridagi tajribasini o‘rganish, ta’lim dasturlari bilan tanishish va O‘zbekistondagi tegishli oliy ta’lim muassasalarida mavjud samarali tajribalarni joriy etishdir.

💵 Ushbu yig‘ilishda quyidagi masalalar muhokama qilindi: - Loyiha boshqaruvi va koordinatsiya - Moliyaviy oqimlar va byudjetni boshqarish
- Loyihani bajarilgan ishlarini e’lon qilinishi - Bakalavriat dasturlarini tashkil etish - Yangi ta’lim dasturlarini tasdiqlash va akkreditatsiya qilish (FerPI, JizPI, KSU) va mavjud ta’lim dasturlarini yangilash - Laboratoriyalar va markazlarni tashkil etish - O‘zbekistonning 2 ta hamkor texnik universitetlarida trening va hamkorlik markazlarini pilot sifatida ishga tushirish - Sifat nazorati va monitoringi -Tarqatish rejasini amalga oshirish (o‘rta muddat), Tarqatish masalalari (FERPI);
Veb-saytni tayyorlash va yangilash
- Loyiha doirasida milliy konferensiya o‘tkazishga tayyorgarlik Online yig‘ilish davomida yuqoridagi masalalar yuzasida biriktirilgan universitet xodimlari so‘zga chiqib loyihani bajarish davomidagi qiyinchiliklar va yutuqlar haqida ma’lumot berishdi.

🔷 Yig‘ilish so‘ngida kelgusida qilinishi zarur bo‘lgan ishlar rejasi tuzilib bajarilishi zarur bo‘lgan masalalar bo‘yicha kelishib olindi.

04/12/2024

21/11/2024

⚡️ 2024-yil 21-noyabr kuni Portugaliyaning Lissabon shahrida "O'zbekiston kunlari" doirasida — O'zbekistonning qadimiy va yangi tarixi, boy madaniyatini o'zida aks ettiruvchi targ'ibot tadbiri bo'lib o'tmoqda.

♻️ Ushbu targ'ibot tadbiri O‘zbekiston Respublikasining Fransiyadagi elchixonasi ko'magida Farg'ona politexnika instituti tomonidan o'tkazilmoqda. Portugaliya hukumati tashabbusiga ko'ra, go'zal me'moriy obidalardan biri hisoblangan Portugaliya savdo-sanoat palatasi binosida o'tkazilishi belgilangan.

✨ Ushbu tadbir, ikki mamlakat o'rtasidagi madaniy va iqtisodiy aloqalarni mustahkamlash, O'zbekistonning betakror an'analari, san'ati va zamonaviy yutuqlarini portugal xalqi bilan baham ko'rish imkoniyatini taqdim etadi.

✅️ Lissabonda 21-noyabrda bo'lib o'tayotgan O'zbekiston kunlari – bu nafaqat madaniyatlar almashinuvi, balki kelajakka bo'lgan umid va o'zaro hurmatning yorqin timsolidir.

20/11/2024

⚡️ Erasmus+ CBHE dasturining DEBSEUz (O’zbekistonda Quyosh energetikasi bo’yicha bakalavrlar uchun maqsadli o’quv dasturini ishlab chiqish) loyihasi doirasida 17-24 noyabr kunlari Portugaliyaning Evora universitetida loyihaning ikkinchi texnik treninggi va 3-loyiha boshqaruv uchrashuvi o'tkazilmoqda.

🏛 Loyiha uchrashuvning dastlabki kunida loyiha qatnashchilari, jumladan Evora universiteti rahbariyati va mos universitetlar qatnashchilari tomonidan loyiha haqida ma'lumot va hozirgi kunga qadar erishilgan natijalar haqida ma'lumot berilib, ijobiy natijalar bo’yicha mas’ullar e’tirof etildi.

✅️ Keyingi kunlarda Yevropa universitetlari olim va mutaxassislari tomonidan belgilangan dastur bo’yicha seminar-treninglar o’tkazilmoqda

12/11/2024

✅ DEBSEUz loyihasi doirasidagi navbatdagi uchrashuv Zoom platformasida online tarzda tashkil etildi.

🔷️ Online uchrashuvda, loyihada ishtirok etayotgan professor o'qituvchilar hamda EDIBON firmasi rahbarlari ishtirok etib, kelgusida ishlab chiqilayotgan kurslarda foydalaniladigan qurilmalar yuzasidan qiziqtirgan savollarga javoblar olindi.

⚡️ Bundan tashqari, kelgusida foydalaniladigan laboratoriya qurilamalari zamon talablariga javob beradigan eng so'nggi jihozlar bilan jihozlangan bo'lishigi alohida ta'kidlab o'tildi.

11/11/2024

✅ Ma’lumki, O‘zbekiston quyosh energetikasi yo‘nalishida jadal qadam tashlamoqda. Amalga oshirilayotgan islohotlar samarasida Respublikamiz energetika quvvatida quyosh energiyasining ulushi ortib bormoqda.
🔷️ Navbatdagi konferensiya TATU Farg'ona Filiali boshchiligida mamlakatimizning 7 ta oliy o‘quv yurtlari va Yevropa Ittifoqining 3 ta universitetlari bilan birgalikda ERASMUS+oliy taʼlim salohiyatini oshirish loyihalari doirasida “Oʻzbekistonda quyosh energiyasi boʻyicha bakalavrlar uchun maqsadli taʼlim dasturini ishlab chiqish (DEBSEUz)” boʻlib oʻtdi.
🔷 Bugungi kunga kelib qo‘yilgan masalalar ijrosini muhokama qilish bilan bir qatorda, birinchi o‘quv mashg‘ulotlari natijalari, moliyaviy oqimlar va byudjetni boshqarish, bakalavriat yo‘nalishi bo‘yicha kurslarni ishlab chiqildi.
📌 Loyiha doirasida uchta oliy o‘quv yurtida, jumladan, Jizzax politexnika instituti, Farg‘ona politexnika instituti va Qoraqalpoq davlat universiteti negizida yangi bakalavriat kurslarini tashkil etish rejalashtirilgan.

08/11/2024

⚡️DEBSEUz loyihasining Erasmus+ klaster uchrashuvidagi roli.

🔷️2024-yil 25-oktabr kuni Toshkent shahridagi Turin politexnika universitetida (TTPU) “Universitet-sanoat hamkorligini mustahkamlash va oliy taʼlimda Erasmus+ salohiyatini oshirish (CBHE) loyihalarining taʼsiri” mavzusidagi muhim Erasmus+ Klaster uchrashuvi boʻlib oʻtdi.

🔷️ Tadbir Milliy Erasmus+ idorasi (NEO) tomonidan Oliy taʼlimni isloh qilish boʻyicha ekspertlar milliy jamoasi (HEREs) va Oʻzbekiston Oliy taʼlim, fan va innovatsiyalar vazirligi bilan hamkorlikda tashkil etildi. Loyiha jamoasi universitet-sanoat hamkorligini va barqaror muhandislik ta'limining muhimligini rag'batlantirishdagi sa'y-harakatlarini ta'kidladi.

✅️ Uchrashuv DEBSEUz uchun boshqa loyihalar bilan bilim almashish, salohiyatni oshirish va butun mintaqa bo'ylab muhandislik dasturlarining amaliy ta'sirini ta'minlash bo'yicha hamkorlikni rivojlantirish uchun ajoyib imkoniyat yaratadi.

25/04/2024

ERASMUS+ HIGHER EDUCATION CAPACITY BUILDING loyihalari doirasida DEBSEUz xalqaro loyihasi ishtirokchilarining navbatdagi onlayn uchrashuvi 19-aprel 2024-yil sanasida bo‘lib o‘tdi.

Oliy ta’lim, fan va innovatsiyalar vazirligi, respublikamizning 7 ta va Yevropa Ittifoqining 3 ta – Italiyaning Politecnico di Torino universiteti, Portugaliyaning Universidade de Evora universiteti, Ispaniyaning Universidad Politecnica de Madrid universitetlari hamkorligida ERASMUS+ Higher Education Capacity Building loyihalari doirasida “Development of the targeted Educational program for Bachelors in Solar Energy in Uzbekistan (DEBSEUz)” xalqaro loyihasi ishtirokchilarining navbatdagi onlayn uchrashuvi 19-aprel 2024-yil sanasida bo‘lib o‘tdi.

Uchrashuv bir qator ish paketlari bo‘yicha quyidagi:
- loyiha koordinatsiyasi va boshqaruvi;
- ma’lumotlar to‘plash va xodimlarning malakasini oshirish;
- laboratoriya va markazlarni tashkil etish;
- loyihani targ‘ib etish
va boshqa turli masalalar muhokamasiga bag‘ishlandi.
Onlayn uchrashuv dasturiga muvofiq loyiha doirasida shu paytgacha belgilangan vazifalarning bajarilishi boʻyicha har bir universitet vakillari o‘z taqdimotlari bilan ishtirok etib, amalga oshirilgan ishlar natijalari bilan yaqindan o‘rtoqlashdilar.
Uchrashuv yakunida loyiha ishtirokchilari Italiyada bo‘lib o‘tadigan navbatdagi yuzma-yuz uchrashuvga tayyorgarlik masalasi, shuningdek bajarilishi lozim bo‘lgan vazifalar rejasini muhokama qildilar.

05/12/2023

📌Farg‘ona politexnika institutida Evropa ittifoqi komissiyasining Oliy taʼlimda Erasmus+ salohiyatini oshirish boʻyicha 2023-yilgi tanlov natijalariga ko‘ra tanlab olingan va 2023-2026 yillar bajarilishi mo‘ljallangan umumiy qiymati 676 962 EURO tashkil etuvchi DEBSEUz –“O‘zbekistonda quyosh energetikasi bo‘yicha bakalavrlar uchun maqsadli ta’lim dasturini ishlab chiqish” (Development of the targeted Educational program for Bachelors in Solar Energy in Uzbekistan) loyihasi doirasida ishtirokchilarining dastalbki yig‘ilishi bo‘lib o‘tdi.

✅Yig‘ilishda loyihaning asosiy maqsadi, ish rejasi va loyiha ishtirokchilarining loyiha doirasida bajaradigan ishlari kelishib olindi.