26/03/2026
Farg‘ona shahar maktabgacha va maktab ta’limi bo‘limi tasarrufidagi 42-sonli umumiy o‘rta ta’lim maktabida 4-sinf o‘quvchilari o‘rtasida o‘zbek tili fanidan “Boshlang‘ich sinflarda o‘zbek tili fanini o‘rganish darajasi”ni aniqlash maqsadida “Bilimring” tanlovi o‘tkazildi.
Tanlovda 4-“B”, 4-“V”, 4-“G”, 4-“D”, 4-“E”, 4-“Z” sinf o‘quvchilari jamoa tarzida faol ishtirok etdilar. Har bir jamoa o‘zining nomi, emblemasi, shiori hamda milliy liboslari bilan ajralib turdi.
Tanlov 4 ta shart asosida tashkil etildi:
Tashrif, husnixat, ifodali she’r aytish, savol-javob, ishtirokchilar barcha shartlarda o‘z bilim va iqtidorlarini namoyon etdilar. Ayniqsa, husnixat va ifodali o‘qish shartlarida o‘quvchilarning tayyorgarligi yuqori darajada ekanligi ko‘zga tashlandi. Savol-javob bosqichida esa o‘quvchilarning mavzularni qay darajada o‘zlashtirgani aniqlandi.
Mazkur tanlov o‘quvchilarning o‘zbek tili faniga bo‘lgan qiziqishini oshirish, ularning bilim va ko‘nikmalarini mustahkamlashda muhim ahamiyat kasb etdi.
