Chirchiq shahar kasb-hunar maktabi

🎓 YAKUNIY DAVLAT ATTESTATSIYASI IMTIHONLARI O‘TKAZILDI

Chirchiq shahar 14-son umumiy o‘rta ta’lim maktabining 11-sinf bitiruvchilari uchun "Tikuvchilik" hamda "Kompyuter savodxonligi" yo‘nalishlari bo‘yicha yakuniy davlat attestatsiyasi imtihonlari bo‘lib o‘tdi.

Imtihon jarayonlarida Chirchiq shahar 1-son texnikumi pedagoglari attestatsiya komissiyasi raislari sifatida ishtirok etib, bitiruvchilarning nazariy bilimlari va amaliy ko‘nikmalarini belgilangan mezonlar asosida baholadilar.

Attestatsiya natijalariga ko‘ra, o‘quv dasturlarini muvaffaqiyatli o‘zlashtirgan bitiruvchilarga kasb.maktab.uz platformasi orqali sertifikat rasmiylashtirish uchun tavsiya berildi.

Mazkur jarayon yoshlarning kasbiy ko‘nikmalarini baholash, ularning mehnat bozorida raqobatbardoshligini oshirish hamda kelgusidagi faoliyatlari uchun muhim qadam bo‘lib xizmat qiladi.

https://t.me/chirchiqshahar1sontexnikumi

https://www.instagram.com/p/DZsNOpKiIlM/?igsh=MWZiZ3M5eHdhZWU4aw==

🌍 XALQARO HAMKORLIK – TA’LIM SIFATINING MUHIM OMILI

Chirchiq shahar 1-son texnikumiga Angliyaning PEARSON kompaniyasining BTEC dasturi vakili Houssam Yehya tashrif buyurdi.

Uchrashuv davomida PEARSON kompaniyasining xalqaro ta’lim dasturlari, BTEC tizimining afzalliklari, ta’lim jarayoniga joriy etilayotgan zamonaviy yondashuvlar hamda xalqaro standartlar asosida kadrlar tayyorlash borasidagi imkoniyatlar haqida atroflicha ma’lumot berildi.

Shuningdek, xalqaro ta’lim dasturlarini muvofiqlashtirish yo‘nalishida amalga oshirilayotgan ishlar, erishilgan natijalar va istiqboldagi hamkorlik rejalariga alohida to‘xtalib o‘tildi.

Mazkur tashrif ta’lim sifatini yanada oshirish, o‘quvchilarning xalqaro darajadagi bilim va ko‘nikmalarini rivojlantirish hamda texnikumning xalqaro hamkorlik aloqalarini kengaytirishda muhim ahamiyat kasb etadi.

https://t.me/chirchiqshahar1sontexnikumi

https://www.instagram.com/p/DZsLeE3CHEY/?img_index=4&igsh=Znk5cWhmamhsaDB6

Oʻzbekiston milliy terma jamoasining FIFA Jahon chempionati guruh bosqichi uchrashuvlari Chirchiq shahar 1-son texnikumida katta ekranda toʻgʻridan-toʻgʻri namoyish etiladi!

📍 Manzil: Chirchiq shahar 1-son texnikumi

🎉 Barcha futbol muxlislarini terma jamoamizni birgalikda qoʻllab-quvvatlashga chorlaymiz!

🇺🇿 Oʻzbekiston 🆚 Kolumbiya 🇨🇴

📅 18-iyun

🕖 Soat 07:00

💚🤍❤️ Birgalikda gʻalaba sari! 🇺🇿⚽

https://t.me/chirchiqshahar1sontexnikumi

https://www.instagram.com/p/DZsEpBOIRFG/?igsh=MXNjdmx6aHYzY290dA==

👥✨ “Uch avlod uchrashuvi” — avlodlar davomiyligi va qadriyatlar muloqoti

9-iyun kuni Chirchiq shahar 1-son texnikumida “Uch avlod uchrashuvi” tashkil etildi.
Tadbirda “Nuroniy” jamg‘armasi Chirchiq shahar bo‘limi raisi O.Yo‘ldashev, Chirchiq shahar Din ishlari bo‘yicha qo‘mitasining bosh mutaxassisi V.Xamidov, “Oqila ayollar” harakati a’zolari, “Iftixor” mahalla faollari hamda o‘quvchi-yoshlar ishtirok etdilar.

📌 Uchrashuv davomida:
— milliy qadriyatlar va an’analarni asrab-avaylash;
— yoshlar tarbiyasida oila va mahallaning o‘rni;
— ustozlar, nuroniylar va yoshlar o‘rtasidagi vorisiylik;
— ma’naviy-ma’rifiy tarbiyaning ahamiyati kabi masalalar yuzasidan samimiy suhbat olib borildi.

✨ Tadbir davomida nuroniylar o‘zlarining hayotiy tajribalari bilan o‘rtoqlashib, yoshlarni Vatanga sadoqat, halollik, mehnatsevarlik va ezgu qadriyatlarga hurmat ruhida tarbiyalash bo‘yicha qimmatli tavsiyalar berdilar.

https://t.me/chirchiqshahar1sontexnikumi

🏛📚 Muzey — tarix va xotira maskani

18-may — Xalqaro muzeylar kuni munosabati bilan Chirchiq shahar 1-son texnikumi o‘quvchilari Chirchiq shahar tarixi muzeyiga tashrif buyurdilar.

Muzey fondida saqlanayotgan 30 mingdan ortiq eksponatlar orqali o‘quvchilar shahrimizning boy tarixi, madaniy merosi va taraqqiyot yo‘li bilan yaqindan tanishdilar.

📌 Tashrif davomida:
— tarixiy eksponatlar;
— milliy qadriyat va meros namunalari;
— Chirchiq shahrining shakllanish tarixi haqida qiziqarli ma’lumotlar berildi.
✨ Mazkur ekskursiya yoshlarning tarixga bo‘lgan qiziqishini oshirish, milliy merosimizga hurmat ruhini kuchaytirishga xizmat qildi.

https://t.me/chirchiqshahar1sontexnikumi