10-sonli maktab chortoq tuman MMTBga qarashli

27/04/2026

Ilm – kelajak poydevori!
10-sonli umumiy o‘rta ta’lim maktabida 8-"A" va 8-"B" sinflar o‘rtasida biologiya fanidan qiziqarli va mazmunli ilmiy tadbir tashkil etildi.
Tadbir davomida ishtirokchilar innovatsion metodlar asosida tayyorlangan turli shartlar bo‘yicha bellashib, o‘z bilim, tafakkur hamda jamoaviy ishlash ko‘nikmalarini namoyon etdilar.
Ayniqsa, STEM yondashuvi asosida tayyorlangan amaliy loyihalar va tajribalar tadbirga alohida mazmun bag‘ishladi. Ishtirokchilar biologiya fanining nazariy bilimlarini amaliyot bilan uyg‘unlashtirib, kreativ yondashuv hamda ilmiy fikrlash salohiyatini namoyish etdilar.
Mazkur tadbir yoshlarning ilm-fanга bo‘lgan qiziqishini yanada oshirish, mustaqil izlanish va innovatsion fikrlashni rivojlantirishga xizmat qildi.
Ilmga intilgan yoshlar — Yangi O‘zbekiston kelajagi!

17/04/2026

4-"D" sinf o‘quvchilarining ota-onalari ishtirokida “Hamkorlikda – muvaffaqiyat sari” shiori ostida ota-onalar yig‘ilishi tashkil etildi. Mazkur yig‘ilishdan ko‘zlangan asosiy maqsad ta’lim jarayonida maktab va oila hamkorligini yanada mustahkamlash, farzandlar tarbiyasida yagona yondashuvni shakllantirishdan iborat bo‘ldi.
Yig‘ilishda jami 30 nafar ota-ona faol ishtirok etdi. Tadbir davomida interfaol metodlar, savol-javob va fikr almashish usullari orqali ota-onalarning taklif va mulohazalari o‘rganildi, ta’lim-tarbiya jarayonini yanada samarali tashkil etish yuzasidan muhim fikrlar bildirildi.

Uchrashuv “Ota-ona va maktab — bir maqsad, bir yo‘l, bir natija sari!” g‘oyasi asosida samimiy va konstruktiv ruhda o‘tdi. Ota-onalar tomonidan bildirilgan fikr va takliflar kelgusida hamkorlikni rivojlantirish hamda farzandlarning bilim va tarbiya sifatini oshirishda muhim ahamiyat kasb etishi ta’kidlandi.

Yig‘ilish yakunida maktab va oila o‘rtasidagi o‘zaro ishonch, hamkorlik va mas’uliyatni yanada kuchaytirish zarurligi alohida qayd etildi.

Sinf rahbari: I. G'ofurova

15/04/2026

Ta’lim muassasasida maktabning Texnologiya fani o'qituvchisi M. Narzullayeva tomonidan milliy qadriyatlarni targ‘ib etish, an’anaviy taomlarimizga bo‘lgan hurmatni oshirish hamda sog‘lom ovqatlanish madaniyatini shakllantirish maqsadida “Eng mazali palov kimniki?” mavzusida qiziqarli va mazmunli tadbir tashkil etildi.
Mazkur tadbir yosh avlodni milliy urf-odat va an’analar ruhida tarbiyalash, palov tayyorlash madaniyatini o‘rganish hamda pazandachilik ko‘nikmalarini rivojlantirishga xizmat qildi. Tadbir tanlov, amaliy mashg‘ulot va taqdimot shaklida olib borildi.

Tadbirning kirish qismida palovning tarixi, xalqimiz hayotidagi o‘rni va milliy qadriyat sifatidagi ahamiyati haqida qisqacha ma’lumot berildi. Asosiy bosqichda palov tarkibidagi guruch, go‘sht, sabzi va yog‘ mahsulotlarining foydali xususiyatlari tushuntirilib, to‘g‘ri va sog‘lom ovqatlanish tamoyillari yuzasidan tavsiyalar berildi.

Amaliy jarayon davomida ishtirokchilar jamoa bo‘lib palov tayyorlashdi, gigiyena qoidalariga amal qilgan holda taomni bezatish va taqdim etish mahoratini namoyon etdilar. Tadbir nafaqat pazandachilik, balki hamkorlikda ishlash, ijodkorlik va mas’uliyat kabi muhim ko‘nikmalarni rivojlantirishga xizmat qildi.

Baholash bosqichida hakamlar hay’ati tomonidan taomlarning mazasi, ko‘rinishi, tayyorlash texnologiyasi hamda taqdimot darajasi asosida xolis baho berildi. Yakuniy qismda eng faol va mahoratli ishtirokchilar turli nominatsiyalar bo‘yicha taqdirlandi.

Tadbir natijasida milliy taomlarimiz haqida bilimlar boyitildi, amaliy ko‘nikmalar mustahkamlandi hamda pazandachilik san’atiga bo‘lgan qiziqish yanada oshdi.

19/03/2026

03/03/2026

10-sonli maktab 2"A-sinfida "Matematika-aql charxi "mavzusida ilmiy tadbir o'tkazildi.

02/03/2026

Дата проведения 27-февраля 2026-года, Место проведения 10школа Чартакский район Наманганская область в 3б-классе Название мероприятия: Любовь к сказкам начинается с детства В школе-3б классе состоялось научное мероприятие на тему ,, Любовь к сказкам начинается с детства, В мероприятии приняли участие 6 учителей, молодые специалисты из нашей школы ,Основная цель мероприятии приобщение учащихся к миру сказок , развитие их воображения , речи и творческих способностей , Дети с интересом вспоминали любимых героев и обсуждали , чему учат сказки , что такое сказка , Мероприятие прошло в теплой и уютной, дружелюбной атмосфере, Учительница русского языка: Жаббарова Гулбахор

27/02/2026

Chortoq tumani 10-sonli maktabda 26-fevral kuni
Ijodkor qizlar – kelajak bunyodkori mavzusida ilmiy tadbir boʻlib oʻtdi.
Maqsad:
Qizlar orasida ijodkorlik va innovatsion fikrlashni rivojlantirish
Kelajakda ilm-fan, san’at va texnologiyada faol bo‘lishga motivatsiya berish
Vazifalar:
Guruh va shaxsiy ijodiy ishlarga jalb qilish
Fikr almashish va loyiha taqdim qilish ko‘nikmalarini shakllantirish
Tadbir bosqichlari:
Kiruvchi qism: maqsad tushuntirish, tanishuv
Nazariy qism: ijodkorlik va innovatsiya haqida qisqa ma’ruza
Amaliy qism: guruh va shaxsiy loyihalar, interaktiv o‘yinlar
Taqdimot: loyihalarni taqdim etish va fikr almashish
Metodlar:
Interaktiv o‘yinlar, loyiha asosida ishlash.
Yakuniy natija:
Qizlar ijodiy fikrlashni qo‘llashni o‘rgandilar
Loyiha taqdimotlari orqali o‘zini ifodalash va jamoaviy ishlash ko‘nikmalari shakllandi.

Oʻqituvchi: Narzullayeva M.

23/02/2026

Chortoq tumani MMTBga qarashli 10-maktabning
4-"A"sinfida 2026.23.02 kuni "Ilm — kelajak poydevori" mavzusida ilmiy tadbir bo‘lib o‘tdi.
Tadbir davomida:
• Ilmning ahamiyati: O‘quvchilarga ilm-fanning inson hayoti va jamiyat taraqqiyotidagi o‘rni haqida qiziqarli ma’lumotlar berildi.
• Xalq donoligi: Ilm va hunar haqidagi dono maqollar aytilib, ularning mazmun-mohiyati tushuntirildi.
• Ijodiy chiqishlar: Mavzuga doir ta’sirli she’rlar o‘qildi va o‘quvchilar tomonidan tayyorlangan qiziqarli sahna ko‘rinishi namoyish etildi.
• Bahr-u bayt: Guruhlar o‘rtasida o‘tkazilgan "Bahr-u bayt" musobaqasi tadbirga o‘zgacha zavq bag‘ishladi.

O‘quvchilar o‘zlarining she’rxonlik va zukkolik qobiliyatlarini namoyish etdilar.
Tadbir yakunida faol ishtirok etgan va bilimdonligi bilan ajralib turgan o‘quvchilar maxsus rag‘batlantirildi. Bu kabi tadbirlar o‘quvchilarning ilmga bo‘lgan ishtiyoqini yanada oshirishga xizmat qiladi.

Oʻqituvchi: O. Maksedova

21/02/2026

Chortoq tumani MMTB ga qarashli 10-maktabda 2025-2026-yilning 20-fevral kuni 11-a va 11-b sinflar oʼrtasida biologiya fanidan Beruniy izdoshlari nomli ilmiy tadbir oʼtkazildi.
Maqsad: Mustahkamlash va Oʼquvchilarni bilim darajasini aniqlashdan iborat boʼldi.
Tadbirni biologiya fani oʼqituvchisi Boymirzayeva Musharraf ochib berdi va oʼquvchilar Bahor sogʼinchi nomli sherlar bilan boshlashdi
11-a sinfni Qaldirgʼoch jamoasi va 11-b sinfni Omad jamoalari oʼzaro bilim darajalarini sinovdan oʼtkazishdi. Tadbir 3 bosqichda davom etdi.
1.Biologiya fanidan oʼtilgan mavzular yuzasidan qisqa savol javob orqali takrorlashdi va baholandi.
2.Barmoq metodidan foydalanildi
3.Kim chaqqon metodlari orqali bilimlarini sinovdan oʼtkazishdi. Tadbir yakunida OʼIBDOʼ Arifboyev Shavkat domla soʼzga chiqib yutgan jamoa yani 11b-sinfning Omad jamoasini tabriklab oʼquvchilarga mativatsiya berib tadbirni yakunlab berdilar.
Ahborotchi: S. Gʼofurova

19/02/2026

Chortoq tumani MMTBga qarashli 10-maktabda 2025-2026-oʻquv yilining 19-fevral kuni 11-“A” sinfda tarix fanidan ilmiy tadbir oʻtkazildi.

Mavzu: Ikkinchi jahon urushining kelib chiqish sabablari va oqibatlari

Tadbirning borishi:
• Nazariy qism: Mavzu bo‘yicha o‘quvchilarga urushning asosiy sabablari haqida to‘liq ma’lumot berildi.
• Vizual qism: Urushning dahshatlari va xronologiyasini aks ettiruvchi maxsus videorolik namoyish etildi.
• Amaliy qism: O‘quvchilar tahlil qilish uchun bir necha guruhlarga bo‘lindi.
• Metodologiya: Dars davomida interaktiv usullardan (savol-javob, bahs-munozara) foydalanildi.
Natija:
O‘quvchilar urushning sabab va oqibatlarini chuqur tahlil qildilar. Tadbir yakunida tarixiy xulosalar chiqarilib, faol ishtirokchilar baholandi.

Oʻqituvchi: L. Karimov
Axborotchi:
MB rahbari M. Mamatqosimova

18/02/2026

Chortoq tuman MMTBga qarashli 10-sonli umumiy o'rta ta'lim maktabining 4-"D" sinfda ona tili fanidan "Son so'z turkumi" mavzusida ochiq dars mashg'uloti tashkillandi. Boshlang'ish sinf o'qituvchilari darsni kuzatishda ishtirok etishdi.