Mirarabmadrasauz

🔖 Мир Араб ўрта махсус ислом таълим муассасасида ҳужжатлар қабули давом этмоқда

🟢Бугун — 20 июль куни 2026-2027 ўқув йили учун Ўзбекистондаги олий ва ўрта махсус диний таълим муассасаларига (бакалавриат, магистратура ва модуль тизими йўналишлари бўйича) абитуриентлардан ҳужжатлар қабул қилинишининг сўнгги куни ҳисобланади.

⏰ Ҳужжатлар бугун соат 18:00 га қадар қабул қилинади. Ҳали ҳужжат топширмаган абитуриентлар шошилишлари лозим!

🗣 Эслатиб ўтамиз, бу йилги қабул жараёнида абитуриентларга катта қулайлик яратилган бўлиб, ҳужжатларни республиканинг исталган ҳудудидаги ўзига яқин диний таълим муассасаси қабул ҳайъати орқали бошқа бир таълим масканига топшириш имконияти берилган.

📍 Фурсатни бой берманг — имконият бугун соат 18:00 гача!

📲 ОБУНА БЎЛИНГ ✅ВА УЛАШИНГ🗣

⚡️ MIR ARAB MADRASA

🚀 Telegram 🔵Facebook 📷Instagram 🎬YouTube

📢 МИР АРАБ ЎРТА МАХСУС ИСЛОМ ТАЪЛИМ МУАССАСАСИГА ҚАБУЛ БОШЛАНДИ

🗓 Қабул муддати:
2026 йил 30 июнь — 20 июль

✅Ўқишга кириш истагида бўлган абитуриентлар қуйидаги ҳужжатларни қабул ҳайъатига тақдим этадилар:

✍️ таълим муассасаси раҳбари номига ариза;
🪪 паспорт ёки ID карта нусхаси (асли кўрсатилади);
📄 маълумоти тўғрисида аттестат ёки диплом нусхаси (асли кўрсатилади);
👤 3,5 х 4,5 ҳажмдаги 6 дона рангли фотосурат (сўнгги уч ойда олинган ва орқа фони оқ рангда бўлиши талаб этилади);

📚 чет тиллари бўйича камида B2 даражасидаги миллий ёки халқаро сертификат нусхаси (асли кўрсатилади). Мазкур сертификатга эга бўлган абитуриентга ушбу фандан имтиҳонларсиз белгиланган максимал балл тақдим этилади;

📁 чет тилини билиши тўғрисидаги ҳужжат асл нусхаси (маълумоти тўғрисидаги ҳужжатда кўрсатилган чет тилидан бошқа тилда имтиҳон топширувчилар учун).

🗣 Абитуриентларга қулайлик: Олий ва ўрта махсус диний таълим муассасаларига ҳужжат топшириш истагидаги абитуриентлар ўзларига яқин бўлган диний таълим муассасасининг қабул ҳайъати орқали республикадаги исталган диний таълим муассасасига ҳужжат топширишлари мумкин.

🟢Эслатма: Диний таълим муассасаларининг тест синовларида иштирок этиши учун абитуриентлардан базавий ҳисоблаш миқдорининг ярим баравари миқдорида тўлов ундирилади. Жорий йилда мактаб, академик лицей ёки коллежни тамомлаб, ўрта махсус ислом таълим муассасаларига ҳужжат топширмоқчи бўлган абитуриентлар ва ногиронлиги бўлган ёки тўлиқ давлат таъминотидаги шахслар бундан мустасно.

📲 ОБУНА БЎЛИНГ ✅ВА УЛАШИНГ🗣

⚡️ MIR ARAB MADRASA

🚀 Telegram 🔵Facebook 📷Instagram 🎬YouTube

📢 30 ИЮНДАН ОЛИЙ ВА ЎРТА МАХСУС ДИНИЙ ТАЪЛИМ МУАССАСАЛАРИГА ҚАБУЛ БОШЛАНАДИ

✅ Ўзбекистон мусулмонлари идораси Таълим ва илмий-тадқиқот бўлими 2026-2027 ўқув йили учун олий ва ўрта махсус диний таълим муассасаларига барча йўналишлар бўйича абитуриентлардан ҳужжатларни қабул қилиш саналарини эълон қилади:

⏺Имом Бухорий номидаги Тошкент ислом институти (✔️Бакалавр✔️Магистратура✔️Модул таълим тизими);

⏺Мир Араб олий мадрасаси,

⏺Ҳадис илми мактаби,

⏺Имом Термизий номидаги ислом институти ва
💬 барча ўрта махсус ислом таълим муассасаларига

🗓 қабуллар 2026 йил 30 июндан 20 июлгача давом этади.

Тўлиқ маълумот: https://t.me/mirarabmadrasaofficial

Mir Arab o‘rta maxsus islom ta’lim muassasasida navbatdagi tibbiy ko‘rik o‘tkazildi

2025–2026 o‘quv yili davomida talabalar salomatligini mustahkamlash, kasalliklarning erta aniqlanishi va ularning oldini olish maqsadida Mir Arab o‘rta maxsus islom ta’lim muassasasida navbatdagi rejalashtirilgan tibbiy ko‘rik tashkil etildi.
Mazkur tibbiy ko‘rikni Buxoro shahridagi Buxoro shahar 1-son Oilaviy poliklinikasining malakali mutaxassis shifokorlari amalga oshirdilar. Ko‘rik jarayonida talabalar umumiy sog‘lig‘i, endokrin kasalliklar, og‘iz bo‘shlig‘i va ichki organlar, ko‘rish qobiliyati hamda boshqa muhim ko‘rsatkichlar bo‘yicha tibbiy nazoratdan o‘tkazildi.
Shuningdek, shifokorlar tomonidan sog‘lom turmush tarziga rioya qilish, to‘g‘ri ovqatlanish, jismoniy faollikni oshirish, shaxsiy gigiyena qoidalariga amal qilish va mavsumiy kasalliklarning oldini olish yuzasidan zarur tavsiya hamda maslahatlar berildi. Tibbiy ko‘rik davomida aniqlangan ayrim holatlar bo‘yicha talabalar qo‘shimcha tekshiruv va davolanish uchun tegishli tibbiyot muassasalariga yo‘naltirildi.
Mir Arab o‘rta maxsus islom ta’lim muassasasida talabalar salomatligini muhofaza qilish va sog‘lom turmush tarzini targ‘ib etish borasidagi ishlar izchil davom ettirilmoqda.

⏺Қурбон ҳайити арафасида 10 минг болада жарроҳлик амалиёти, 2,3 минг беморни даволаш, 8 минг етим болага пул маблағи, 500 та масжидда қулай шароитлар яратиш ва қабристонларни обод қилиш каби хайрия ишлари амалга оширилади

🇺🇿 21 май куни Президент Шавкат Мирзиёев Қурбон ҳайити муносабати билан эҳтиёжманд аҳолини ижтимоий-иқтисодий жиҳатдан қўллаб-қувватлаш юзасидан таклифлар тақдимоти билан танишди.

🇺🇿Мамлакатимизда инсон қадрини улуғлаш, аҳолини ижтимоий ҳимоя қилиш, жамиятда меҳр-оқибат, саховат ва ҳамжиҳатлик муҳитини мустаҳкамлаш давлат сиёсатининг устувор йўналишларидан бири ҳисобланади. Бу тамойиллар, айниқса, халқимизга хос эзгу фазилатларни мужассам этган муборак Қурбон ҳайити кунларида янада ёрқин намоён бўлади.
🟢Тақдимотда Ўзбекистон мусулмонлари идораси, Ижтимоий ҳимоя миллий агентлиги, Соғлиқни сақлаш вазирлиги, Иқтисодиёт ва молия вазирлиги, Ўзбекистон маҳаллалари уюшмаси ҳамда “Вақф” хайрия жамоат фонди томонидан ишлаб чиқилган таклифлар ҳақида ахборот берилди.

🗓 Уларга кўра, Қурбон ҳайити муносабати билан кенг кўламли тадбирларни амалга ошириш назарда тутилмоқда...

Buxoroda shaxmat bo‘yicha viloyat chempionati yakunlandi

Joriy yilning 2-3-may kunlari Buxoro shahridagi "Universal" sport majmuasida shaxmat bo‘yicha erkaklar va ayollar o‘rtasida viloyat chempionati o‘tkazildi.

Shveytsarcha tizimda, 9 turdan iborat bo‘lgan murosasiz bahslarda viloyatning 109 nafar eng iqtidorli shaxmatchilari g‘oliblik uchun dona surishdi.

Quvonarlisi, ushbu nufuzli musobaqada Mir Arab o‘rta maxsus islom ta’lim muassasasi talabasi Turdaliyev Asrorbek ham muvaffaqiyatli ishtirok etdi. U kuchli raqobat ostida kechgan o‘yinlar yakuniga ko‘ra, faxrli 4-o‘rinni egalladi hamda diplom va esdalik sovg‘alari bilan taqdirlandi.

Mazkur chempionat viloyatimizda shaxmat sportini ommalashtirish va yangi iste’dodli yoshlarni kashf etish yo‘lida yana bir muhim qadam bo‘ldi.

"XOTIRA-MUQADDAS, QADRLASH-AZIZ"

Mir Arab o'rta maxsus islom ta'lim muassasasida 9-may "Xotira va qadrlash" kuni munosabati bilan tadbir tashkil etildi. Tadbirda Mir Arab Oliy madrasasi Yoshlar bilan ishlash, ma'naviyat va ma'rifat bo'limi boshlig'i Mustafo Xodjayev, ta'lim muassasasi yoshlar bilan ishlash, ma'naviyat va ma'rifat bo'limi xodimlari va talabalari talabalari ishtirok etishdi.
Tadbir davomida so'z olganlar o'tganlar yodi, xotira muqaddasligi, Vatan muhabbati, Vatan ravnaqi uchun xizmat qilish sharafli ish ekanini ta'kidlab o'tishdi.
Tadbir yakunida Qur'oni karimdan tilovat qilinib, o'tganlar haqqiga duo qilishdi.

Ta'lim muassasasi matbuot xizmati.

#талабалар

Мир Араб ўрта махсус ислом таълим муассасаси талабалари ЎЗБЕКИСТОНДАГИ ИСЛОМ ЦИВИЛИЗАЦИЯСИ МАРКАЗИга ташрифларидан лавҳалар.

#Янгиликлар


Mir Arab o’rta maxsus islom ta’lim muassasasida qizg'in futbol musobaqasi yakunlandi

Sog'lom turmush tarzini targ'ib qilish hamda talabalar o'rtasida o'zaro do'stlik, birodarlik va birdamlik rishtalarini mustahkamlash maqsadida Mir Arab o’rta maxsus islom ta’lim muassasasi talabalari o'rtasida futbol musobaqasi bo'lib o'tdi.
Ushbu sport tadbiri ko'tarinki ruhda, qizg'in bahslar va murosasiz kurashlarga boy tarzda o'tdi. Maydonda talabalar nafaqat jismoniy chaqqonliklarini, balki jamoaviy ishlash qobiliyatlarini va o'zaro hurmatni ham yuqori darajada namoyish etdilar. Muxlislar esa o'z guruhlarini faol qo'llab-quvvatlab, o'yinga yanada ko'proq fayz kiritishdi.
Musobaqa Natijalari
Keskin va qiziqarli kechgan bellashuvlar yakuniga ko'ra, faxrli o'rinlar quyidagicha taqsimlandi:
• 🥇 1-o'rin: 301-guruh talabalari — Musobaqa chempionlari! Ular o'zlarining mukammal o'yinlari va kuchli irodalari evaziga birinchilikni qo'lga kiritdilar.
• 🥈 2-o'rin: 202-guruh talabalari — Finalga qadar yetib kelib, munosib o'yin ko'rsatgan holda faxrli ikkinchi o'rin sohibi bo'lishdi.
• 🥉 3-o'rin: 201-guruh talabalari — Kuchli uchtalikdan joy olib, o'zlarining shijoatlarini namoyon etishdi.
Barcha g'olib jamoalarni, xususan, musobaqa g'olibi bo'lgan 301-guruh talabalarini ushbu yorqin g'alaba bilan chin dildan muborakbod etamiz!
Musobaqada ishtirok etgan barcha talabalarga kelgusidagi ilm olish yo'llarida va sportdagi faoliyatlarida ulkan zafarlar tilab qolamiz. Bunday tadbirlar talabalar hayotida doimo do'stlik va sog'lom raqobat muhitini yaratishga xizmat qiladi.

Mir Arab o‘rta maxsus islom ta’lim muassasasida kasaba uyushmasiga oid yig‘ilish bo‘lib o‘tdi

Bugun 18.05.2026 yil, Mir Arab o‘rta maxsus islom ta’lim muassasasida barcha ustozlar va ishchi-xodimlar ishtirokida yig‘ilish tashkil etildi.
Yig‘ilishni Bilim yurti direktori Jaloliddin Saburov hamda Kasaba uyushmasi bosh mutaxassisi Alisher Obidovlar olib borishdi.
Tadbir davomida ta’lim muassasasining jamoa shartnomasini yangilash masalasi o'qib eshttirildi. Xususan, ishtirokchilarga Kasaba uyushmasi a’zolarining tarkibi o‘qib esh*ttirildi.
Yig‘ilishning asosiy qismida Kasaba uyushmasining yangi saylangan raisi jamoaga rasman tanishtirildi.
Tadbir so‘ngida yangi saylangan rais va kasaba uyushmasi a’zolarining kelgusi faoliyatiga, shuningdek, jamoaning ijtimoiy himoyasi hamda ish sharoitlarini yanada yaxshilash yo‘lidagi ishlariga muvaffaqiyatlar tilandi.