Andqxai. Agrobiologiya fakulteti

24/03/2026

Andijon qishloq xoʻjaligi va agrotexnologiyalar instituti Agrobiologiya fakulteti Organik dehqonchilik va oʻrmon melioratsiyasi kafedrasining Ekologiya va atrof muhit muhofazasi ta’lim yo‘nalishi 3-bosqich 19-guruh talabalari uchun "Bioxilma-xillik va uning muhofazsi" fanidan mustaqil ta’lim bo‘yicha bajarilgan ishlarning himoyasi o‘tkazildi.

Himoya jarayonlarida Agrobiologiya fakulteti dekani I. Tursunov, Oʻquv-uslubiy boshqarma boshligʻi Sh. Teshaboyev va Organik dehqonchilik va oʻrmon melioratsiyasi kafedrasi professor-oʻqituvchilari ishtirok etdilar. Talabalar o‘zlari mustaqil ravishda tayyorlagan videoroliklar, maketlar, taqdimotlar, innovatsion va kreativ ishlanmalar bilan ishtirok etib, ularni muvaffaqiyatli himoya qilib berdilar.

Oʻtkazilgan mustaqil taʼlim himoyasi talabalarni ushbu fanlarning to'garaklariga qiziqishi ortishi, bo'sh vaqtlarini ilm bilan shug'ullanishi, shu vaqtgacha ustozlardan olgan bilimlarini o'zlari katta minbarlarda namoyon qilib berishiga zamin yaratdi.

Ushbu anjumandan soʻng nafaqat mustaqil taʼlim himoyasida qatnashgan talabalar balki anjumanda qatnashgan talabalarga Ekologik madaniyatga boʻlgan eʼtiborini kuchayishi va soha mutaxassisi boʻlishiga, shuningdek, tabiatga boʻlgan munosabatni oʻzgarishi va ekologiyaga boʻlgan qiziqish va qobiliyatlari oʻsishiga sabab boʻldi.

Tadbir oxirida fakultet dekani va professor oʻqituvchilari tomonidan ushbu talabalarga minnatdorchiliklar, mustaqil taʼlim himoyasiga puxta tayyorgarlik koʻrganliklarini aytib,ularni kelgusi ilm yoʻlida ulkan muvaffaqiyatlar tilashini bildirib oʻtdi.

21/03/2026

05/03/2026

Agrobiologiya fakultetida sumalak sayli o‘tkazildi

Andijon qishloq xo‘jaligi va agrotexnologiyalar institutining Agrobiologiya fakultetida professor-o‘qituvchilar tomonidan milliy qadriyatlarimizni ulug‘lash, jamoada hamjihatlik va do‘stona muhitni mustahkamlash maqsadida sumalak sayli tashkil etildi.

Tadbir davomida fakultet professor-o‘qituvchilari va xodimlari birgalikda bahorning ramzi bo‘lgan sumalak tayyorlash jarayonida faol ishtirok etishdi. Sumalak tayyorlash jarayoni milliy an’analar asosida, kuy-qo‘shiqlar va samimiy suhbatlar ostida ko‘tarinki ruhda o‘tdi.

Mazkur tadbir nafaqat milliy qadriyatlarimizni asrab-avaylash, balki professor-o‘qituvchilar o‘rtasida jamoaviylik va hamkorlikni yanada mustahkamlashga xizmat qildi.

Tadbir yakunida ishtirokchilar bahor faslining fayzi va qut-barakasini ifodalovchi sumalakdan tatib ko‘rishdi hamda barchaga tinchlik, farovonlik va yangi yutuqlar tilashdi.

04/03/2026

AMALIY MASHG‘ULOTDAN LAVHALAR

Dorivor o‘simliklarni yetishtirish va qayta ishlash magistratura yo‘nalishi 1-bosqich talabalari uchun “Dorivor o‘simliklarni yetishtirishda ilmiy-tadqiqot uslublari” mavzusida laboratoriya amaliy mashg‘uloti o‘tkazildi.

Mashg‘ulotni "Qishloq xo'jalik ekinlari seleksiyasi, urug'chiligi va dorivor o'simliklar yetishtirish" kafedra b.f.f.d., dotsent Shairaxon Kosimova olib bordilar. Dars jarayonida talabalar dorivor o‘simliklarni ilmiy asosda o‘rganish, laboratoriya sharoitida tadqiqot usullarini qo‘llash hamda tajribalarni amalga oshirish bo‘yicha amaliy bilim va ko‘nikmalarga ega bo‘ldilar.

Amaliy mashg‘ulotda quyidagi magistrantlar faol ishtirok etdilar:
— To‘ychiyeva Mohirabonu
— Sultanova Faridaxon
— Mahammadjonov Murodjon

Mashg‘ulot davomida olingan bilimlar talabalarning ilmiy tadqiqot faoliyatini rivojlantirish hamda dorivor o‘simliklarni yetishtirish sohasida chuqur bilimga ega bo‘lishlariga xizmat qiladi.

28/02/2026

Fakultet dekani “Kelajakka qadam” loyihasi doirasida bitiruvchilar bilan uchrashdi.

Agrobiologiya fakultetida “Kelajakka qadam” loyihasi doirasida Ekologiya va atrof-muhit muhofazasi ta’lim yo‘nalishi bitiruvchilari va gurux murabbiylari bilan uchrashuv tashkil etildi. Mazkur uchrashuv fakultet dekani I.Tursunov tomonidan bitiruvchi yoshlarni qo‘llab-quvvatlash, ularning kelgusidagi kasbiy faoliyatiga yo‘naltirish hamda bandligini ta’minlash masalalariga bag‘ishlandi.

Uchrashuv davomida bitiruvchilarga ekologiya sohasida mavjud imkoniyatlar, mehnat bozoridagi talab yuqori bo‘lgan yo‘nalishlar hamda zamonaviy ekologik muammolarni hal etishda yosh mutaxassislarning o‘rni haqida batafsil ma’lumot berildi. Shuningdek, bitiruvchilarning taklif va fikrlari tinglanib, ularni amaliy faoliyatga yo‘naltirish yuzasidan tavsiyalar berildi.

Tadbir ochiq muloqot tarzida o‘tib, talabalar o‘zlarini qiziqtirgan savollarga javob oldilar. Uchrashuv yakunida yoshlarni kasbiy rivojlantirish, ekologik madaniyatni yuksaltirish hamda sohada malakali kadrlar tayyorlash muhim vazifa ekani ta’kidlandi.

28/02/2026

Agrobiologiya fakultetida “Kelajakka qadam” loyihasi doirasida bitiruvchilar bilan uchrashuv o‘tkazildi.

Joriy yilning 28 fevral sanasida Agrobiologiya fakultetida fakultet dekani I. Tursunov tomonidan bitiruvchi talabalar bilan “Kelajakka qadam” loyihasi doirasida uchrashuv tashkil etildi.

Mazkur tadbirning asosiy maqsadi bitiruvchi yoshlarni kasbiy faoliyatga yo‘naltirish, ularning bandligini ta’minlash, zamonaviy mehnat bozori talablariga mos mutaxassis sifatida shakllanishiga ko‘maklashish hamda kelajak rejalari yuzasidan ochiq muloqotni yo‘lga qo‘yishdan iborat bo‘ldi.

Uchrashuv davomida dekan tomonidan agronomiya, ekologiya va atrom muhit muhofazasi va o‘rmonchilik va axoli yashash joylarini ko'kalamzorlashtirish yo‘nalishlarida yosh mutaxassislar uchun yaratilayotgan imkoniyatlar, amaliyot va ish bilan ta’minlash masalalari, shuningdek, “Kelajakka qadam” loyihasining mazmun-mohiyati haqida batafsil ma’lumot berildi. Bitiruvchilar o‘zlarini qiziqtirgan savollar bilan murojaat qilib, mutaxassislik faoliyatiga oid zarur tavsiyalar oldilar.

Tadbir ochiq va samimiy muloqot ruhida o‘tkazilib, yoshlarning tashabbuslari hamda takliflari tinglandi. Uchrashuv yakunida bitiruvchilarning kelgusidagi faoliyatiga muvaffaqiyatlar tilanib, loyiha doirasidagi hamkorlikni yanada rivojlantirish muhimligi ta’kidlandi.

27/02/2026

📹 Hududlarni rivojlantirish va xalqaro hamkorlik yo‘lida muhim uchrashuv boʻlib oʻtmoqda

🔴Ayni damda Ulug‘nor tumani hokimi M. Axmadjonov Janubiy Koreya Respublikasidan tashrif buyurgan investor Choya xonim hamda Andijon qishloq xo‘jaligi va agrotexnologiyalar instituti Agrobiologiya fakulteti mutaxassislari bilan uchrashuv o‘tkazmoqda.

Uchrashuvda tumanda eksportbop qishloq xo‘jaligi mahsulotlarini yetishtirish, zamonaviy agrotexnologiyalarni joriy etish, hosildorlikni oshirish va mahsulotlarni tashqi bozorlarga chiqarish masalalari muhokama qilinmoqda.

Shuningdek, Koreya tajribasini o‘rganish, xorijiy investitsiyalarni jalb etish hamda oliy ta’lim – ishlab chiqarish – investor hamkorligini kuchaytirish yuzasidan kelishuvlarga erishish ko‘zda tutilgan.

Mazkur uchrashuv hududiy rivojlanish va institutning xalqaro hamkorlikdagi faol ishtirokini yanada mustahkamlashga xizmat qiladi.