08/16/2026
🌅 ఆంధ్రప్రదేశ్ కరెంట్ అఫైర్స్ - వీక్లీ రౌండప్ ఆగస్టు 2 వ వారం: (పోటీ పరీక్షల ప్రత్యేకం)
📜 ప్రభుత్వ కార్యక్రమాలు & చట్టాలు
'మీ భూమి - మీ హక్కు' కార్యక్రమం:
ఏలూరు జిల్లా కలిదిండిలో ఆంధ్రప్రదేశ్ ముఖ్యమంత్రి 'మీ భూమి - మీ హక్కు' కార్యక్రమాన్ని ప్రారంభించి, రైతులకు నూతన పట్టాదారు పాసుపుస్తకాలను పంపిణీ చేశారు.
బీసీ రక్షణ చట్టం ముసాయిదా: ఎస్సీ, ఎస్టీ అట్రాసిటీ చట్టం తరహాలోనే వెనుకబడిన తరగతుల (BC) రక్షణ కోసం దేశంలోనే తొలిసారిగా ప్రత్యేక 'బీసీ రక్షణ చట్టం' తీసుకువచ్చేందుకు ప్రభుత్వం ముసాయిదా రూపకల్పన చేపట్టింది. బీసీలపై దాడులను అరికట్టడం మరియు కేసుల సత్వర విచారణకు ప్రత్యేక కోర్టులను ఏర్పాటు చేయాలని నిర్ణయించారు.
📊 ఆర్థిక వ్యవస్థ & అభివృద్ధి (AP Economy)
⚡జీఎస్‌డీపీ (GSDP) & తలసరి ఆదాయం: ఆంధ్రప్రదేశ్ రాష్ట్ర స్థూల దేశీయోత్పత్తి (GSDP) వృద్ధి రేటు 11.3 శాతంగా నమోదైంది. అలాగే రాష్ట్ర తలసరి ఆదాయం ₹2,94,507 గా ఉంటుందని అధికారికంగా అంచనా వేశారు.
⚡రాష్ట్ర ఆర్థిక పరిస్థితిపై శ్వేతపత్రం: రాష్ట్ర ఆర్థిక పరిస్థితి, అప్పులు మరియు ఆర్థిక లోటుపై ప్రభుత్వం అధికారిక శ్వేతపత్రం (2024-26 ప్రగతి నివేదిక) విడుదల చేసింది. ఈ నివేదిక ప్రకారం రాష్ట్రంలో ప్రతి పౌరుడిపై సగటున సుమారు రూ.2 లక్షల ఆర్థిక భారం ఉందని వెల్లడించింది.
⚡మహిళా సాధికారత: రాష్ట్రవ్యాప్తంగా 5 లక్షల మంది మహిళా పారిశ్రామికవేత్తలను తీర్చిదిద్దే లక్ష్యంతో ప్రభుత్వం ప్రత్యేకంగా ₹2,246 కోట్లను కేటాయించింది.
🏗️ మౌలిక వసతులు & ప్రాజెక్టులు
✅అమరావతి & పోలవరం నిధులు:
రాజధాని అమరావతి నగర పునర్నిర్మాణం మరియు మౌలిక వసతులకు ₹10,000 కోట్లను కేటాయించారు. రాష్ట్ర జీవనాడి అయిన పోలవరం ప్రాజెక్టు పనులను వేగవంతం చేయడానికి ₹8,300 కోట్ల ను మంజూరు చేశారు.
✅భోగాపురం విమానాశ్రయం:
ఉత్తరాంధ్ర ప్రాంత ప్రగతిని పరుగులు పెట్టించే భోగాపురం అంతర్జాతీయ విమానాశ్రయ నిర్మాణ పనుల వేగాన్ని మరింత పెంచారు.
✅శ్రీశైలం ఎడమగట్టు జలవిద్యుత్ కేంద్రం:
2020 ఆగస్టు ప్రమాదం తర్వాత నిలిచిపోయిన శ్రీశైలం ఎడమగట్టు జలవిద్యుత్ కేంద్రంలోని నాలుగో యూనిట్‌లో మరమ్మతుల అనంతరం విద్యుదుత్పత్తికి ట్రయల్ రన్ విజయవంతంగా నిర్వహించారు.
🤝 అంతర్జాతీయ భాగస్వామ్యాలు (MoUs)
1️⃣ఆస్ట్రేలియాతో 4 కీలక ఒప్పందాలు: క్లీన్ ఎనర్జీ మరియు ఐఐటీ తిరుపతిలో సోలార్ మాన్యుఫ్యాక్చరింగ్ సెంటర్ ఆఫ్ ఎక్సలెన్స్ (UNSW సిడ్నీ), సమ్మిళిత విద్య మరియు ఆటిజం మద్దతు (శ్రీ పద్మావతి మహిళా విశ్వవిద్యాలయం & సమగ్ర శిక్షా), విద్యార్థుల మానసిక ఆరోగ్యం (APSCHE & రీబౌండ్), మరియు నైపుణ్యాభివృద్ధి (APSSDC & డైనమిక్ లెర్నింగ్ సర్వీసెస్) రంగాల్లో పరస్పర సహకారానికి ఒప్పందాలు కుదిరాయి.
📝 మునుపటి పరీక్షల ప్రశ్న (Previous Year Question - PYQ)
* ప్రశ్న: ఆంధ్రప్రదేశ్ పునర్వ్యవస్థీకరణ చట్టం-2014 (AP Reorganisation Act 2014) లోని ఏ సెక్షన్ పోలవరం ప్రాజెక్టుకు జాతీయ హోదాను (National Status) కల్పించింది?
* జవాబు: సెక్షన్ 90 (Section 90)
* (అడిగిన పరీక్ష: APPSC Group-II & Panchayat Secretary)
మీ ప్రిపరేషన్‌కి ఆల్ ది బెస్ట్! 📚 నిరంతర సాధనతో విజయం మీదే!
