Quba rayonu Əfqan İdrisov adına Möhüc kənd tam orta məktəbi

14.05.2026 tarixində məktəbimizin Azərbaycan dili müəllimi Səbuhi Mirimov VII siniflərdə "Gender bərabərliyi" mövzusunda məşğələ dərs keçirdi.

Məktəbimizin informatika müəllimi Bahar Şahverdiyeva 9-cu siniflərdə "İnformasiya təhlükəsizliyi" ilə bağlı şagirdlərə maarifləndirici məlumatlar verib.

15.05.2026 tarixində məktəbimizin biologiya müəllimi Hikmət İsayev 8-ci siniflərdə "Erkən nikah" mövzusunda maarifləndirici məşğələ dərs keçirdi.

Məktəbimizin tarix müəllimi Amid Əliyev və Azərbaycan dili müəllimi Səbuhi Mirimov şagirdlərə Fikrət Əmirovun həyat və yaradıcılığından bəhs edən videoçarx nümayiş etdirib.
“Azərbaycan musiqi mədəniyyətinin görkəmli nümayəndəsi olan Fikrət Əmirov dünya musiqisinə simfonik muğam janrını bəxş etmiş dahi bəstəkardır. Onun əsərləri milli musiqimizi beynəlxalq səviyyədə tanıtmış və Azərbaycan incəsənətinə böyük şöhrət qazandırmışdır. Fikrət Əmirovun zəngin yaradıcılığı bu gün də musiqisevərlər tərəfindən böyük maraqla dinlənilir.”

Dayanıqlı inkişaf gələcəyimizin qorunması deməkdir. Bu gün keçirilən tədbirdə şagirdlər ilə birlikdə ekoloji tarazlıq, resurslardan düzgün istifadə və yaşıl gələcək haqqında müzakirələr apardıq. Məqsədimiz daha sağlam və davamlı dünya üçün maarifləndirməni artırmaqdır.

🌍 WUF – Ümumdünya Şəhərsalma Forumu çərçivəsində coğrafiya müəllimi İlkin Əmrahov tədbir keçirdi. Şagirdlər və iştirakçılar şəhərsalma, urbanizasiya və müasir şəhər problemləri barədə maraqlı məlumatlar öyrəndi.

Heydər Əliyevin 103 illik yubileyi münasibətilə keçirilən gülqoyma mərasimində məktəb kollektivimizlə birlikdə iştirak etdik. Ulu öndərin əziz xatirəsini dərin ehtiramla yad etdik. 🇦🇿

“Heydər Əliyevin anadan olmasının 103 illiyi münasibətilə Möhüc və İspik məktəbləri arasında voleybol yarışı keçirildi. Yarışın keçirilməsində məqsəd gənclər arasında sağlam həyat tərzinin, idmana marağın və dostluq münasibətlərinin təşviq olunması idi. Sonda iştirakçılara uğurlar arzulanıb.”

Xalqımızın ümummilli lideri Heydər Əliyevin 103 illik yubileyi və Faşizm üzərində Qələbə Günü münasibətilə məktəbimizdə tədbir keçirildi.
Ulu öndərin dövlətçilik ideyaları və xalqımıza xidmətləri daim böyük ehtiramla yad olunur.Tədbirdə Ulu öndərin həyat və yaradıcılığından bəhs edən videoçarx nümayiş etdirildi.
Tədbirə II Qarabağ müharibəsinin qazı və veteranları da dəvət olunmuşdu.

Xarici dil dərslərində söz ehtiyatlarının yoxlanılması uğurla həyata keçirildi. Şagirdlər aktiv iştirak edərək yeni öyrəndikləri sözləri tətbiq etmə bacarıqlarını nümayiş etdirdilər. Məqsədimiz onların ünsiyyət bacarıqlarını inkişaf etdirmək və dilə olan maraqlarını daha da artırmaqdır.

📚 Bu gün məktəbimizdə 2-ci sinifdə Azərbaycan dili fənnindən Vəzir müəllimin təqdimatında açıq dərs keçirildi.

Dərs zamanı şagirdlər mövzu üzrə bilik və bacarıqlarını nümayiş etdirdilər, fəal iştirakları ilə seçildilər. İnteraktiv üsullarla təşkil olunan dərs həm maraqlı, həm də öyrədici oldu.

Açıq dərs iştirak edən müəllimlər tərəfindən müsbət qiymətləndirildi.

Vəzir müəllimə təşəkkür edir, şagirdlərimizə uğurlar arzulayırıq!