06/02/2026
🚨 5 أخطاء شائعة في امتحان الـ NAATI 🚨
❌ الخطأ الأول: الترجمة من الذاكرة
فيه بعض الطلاب بيعتقدوا إنهم هيفتكروا الجمل من غير ما يكتبوا ملاحظات،
بس لما يسمعوا المقطع الطويل بيتوتروا
عشان كده لازم تتعلم تكتب رموز سريعة وشخصية ✍️ تساعدك تفكّر في المعنى مش في الكلمات.
❌ الخطأ الثاني: السرعة الزائدة
فيه بعض الطلاب بيحاولوا يتكلموا بسرعة جدًا ⚡
وطبعًا ده بيترتب عليه إنه ممكن ينسى أجزاء من الجملة الأصلية أو يتلخبط وينطق غلط
فحاول دايمًا تتكلم بالسرعة الطبيعية اللي إنت متعود عليها 🗣️
❌ الخطأ الثالث: نسيان تفاصيل مهمة
في بعض الأحيان بيكون فيه محادثات فيها أرقام 📞 أو عنوان بيت 🏠 أو رقم ضمان اجتماعي 🆔 أو اسم شخص 👤
المفروض إنك تسجل المعلومات دي عندك، ومتَعتمدش على ذاكرتك بس لأنك ممكن تنساها 📝
❌ الخطأ الرابع: نسيان فرق التوقيت وعدم تجهيز المكان
الامتحان بيتحسب بتوقيت سيدني ⏰
يعني لو إنت في دولة عربية، ممكن يكون ميعاد امتحانك الساعة 3 أو 4 الفجر! 😴
فمهم جدًا إنك تكون مجهّز نفسك كويس قبلها:
✅ تأكد إنك نايم بدري قبل الامتحان 🛌
✅ اقفل كل الأجهزة والإشعارات حواليك 📵
✅ جهّز مكان هادئ ومناسب للاختبار 🎧
❌ الخطأ الخامس: الترجمة الحرفية
لأن في مواقف معينة الترجمة الحرفية بتبوّظ المعنى تمامًا 🚫
💡 تجنب الأخطاء دي هيفرق جدًا في أدائك ودرجتك في امتحان الـ NAATI.
05/27/2026