10/31/2025
Career စကားဝိုင်း အပိုင်း- ၁
________________________
Conference တခုသွားတက်တုန်း
Mentor တယောက်နဲ့ စကားပြောဖြစ်တော့
သူပြောသွားတာလေး သဘောကျလို့
sharing ပြန်လုပ်ပါရစေ။
လမ်းပျောက်နေတဲ့
ကျောင်းသားတယောက်က သူ့ကိုမေးတယ်
အလုပ်ကောင်းကောင်းရဖို့
Computer science major ယူရမလား
Data science ဖက်သွားရမလား
ဒီဖက်ခေတ်မှာ ခေတ်စားနေတဲ့ AI ဖက်ကိုပဲ သွားရမလားတဲ့။
ကျနော့် mentor က ပြောတယ်။
လက်ရှိအခြေအနေက အရင်ခေတ်လို မဟုတ်ဘူး။
အရင်ကဆို UC Berkeley ကနေ
ဘွဲ့ရပြီးပြီးချင်းဆိုတာနဲ့
Job offer ၅ခု လောက်က auto ရောက်လာပြီ
အလုပ်ရှင်တွေက အလုပ်ပေးဖို့ စောင့်နေကြပြီ။
အခုခေတ်မှာတော့ ကျောင်းပြီးလို့
ဘွဲ့ရသမားအသစ်စက်စက်တယောက်
Job offer တခုရဖို့ကို
အသည်းအသန်လိုက်နေရတယ်တဲ့။
တဖက်မှာလည်း layoff တွေတအားများနေတယ်။
Job market ကြီးက အဲလိုပြောင်းနေပြီ။
Change is inevitable ပဲ
အပြောင်းအလဲကို မပြောင်းပါနဲ့လို့
တားလို့မရဘူး။
အပြောင်းအလဲကြားမှာ ဆက်ရှင်သန်မလား
နောက်ကျကျန်ခဲ့မလား ရွေးပဲ။
အပြောင်းအလဲ လှိုင်းလုံးကြီးကို
ကြောက်မနေဘဲ လိုက်ပါစီးမြောနိုင်ဖို့ဆိုရင်
You’d better know more things.
တနေရာတည်းမှာပဲ ကျွမ်းကျင်နေတာထက်
interdisciplinary skills တွေ
cross platform knowledge တွေရှိဖို့
ပိုလိုလာပြီ။
ဥပမာ web developer တွေဆိုရင်
front end ပဲလုပ်တတ်တဲ့သူနဲ့
backend ရော data analysis ရောပါ အကျွမ်းတဝင်ရှိတဲ့သူ ယှဉ်လာရင်
အလုပ်ရှင်က ဘယ်သူ့ကို ဦးစားပေးမလဲဆိုတာ သိသာပါတယ်။
အလုပ်တခုကို လူ ၅ ယောက်ပြိုင်
လျှောက်လာတယ်။
ကိုယ်က ကျန်တဲ့လေးယောက်ထက် ဘာပိုသာလဲ။
သူတို့နဲ့ မတူဘဲ
why I am unique compared to them
ဆိုတာမျိုး တွေးဖို့ ချပြနိုင်ဖို့လိုမယ်။
အလုပ်ရှင်တိုင်းက တူညီတဲ့မေးခွန်းကိုပဲ မေးလိမ့်မယ်။
What can you bring to the table?
What makes you stand out?
အခုခေတ်ဆို AI tools တွေက
powerful ဖြစ်လာတာနဲ့အမျှ အလုပ်ရှင်ဖက်က perspective ပြောင်းသွားပြီ။
လူဆယ်ယောက်ကို လစာပေးခန့်မလား။
AI ကိုပဲ အလုပ်ပေးပြီး
တကယ်တတ်တဲ့သူ ၃ ယောက်လောက်ကိုပဲ
AI ကို cross check လုပ်ဖို့ ကြီးကြပ်ဖို့ ခန့်မလား။
ဘယ်ဟာကို အလုပ်ရှင်အတွက် profit ပိုကျန်မလဲ တွေးလာကြပြီ။
သင်သာ ကျောင်းသားတယောက်
ဒါမှမဟုတ်
အလုပ်ရှာနေတဲ့
Internship ရဖို့ ကြိုးစားနေတဲ့
လူငယ်တယောက်ဆိုရင်
ဒီနေရာမှာ ပေးချင်တဲ့ message က
တနေရာတည်းကိုပဲ focus နေလို့မရတော့ဘူး။
များသောအားဖြင့် industry ထဲမှာ
မြဲနေတဲ့သူတွေက
They know more than one focus of study.
အဲလိုသိဖို့ဆိုတာကလည်း
We need to keep learning and are willing to do so.
ကျောင်းပြီးဘွဲ့ရတဲ့ အဆင့်က အစပဲရှိသေးတာ။
ကျောင်းကသင်ပေးလိုက်တာက လုပ်ငန်းခွင်မှာလိုအပ်တာနဲ့ မိုးနဲ့မြေလို ကွာနေမှာပဲ။
ဘွဲ့ရရုံနဲ့ မပြီးသေးဘူး တကယ်က အဲဒါမှ တကယ်တော့ စလုံးရေ စ ပဲ ရှိသေးတာ။
ကျောင်းက သင်ပေးလိုက်တာတွေကို သုံးပြီး
how to learn and keep learning ကို ဆက်သွားရမှာ။
အချုပ်ပြောရရင်
ကိုယ်သိတာလေးနဲ့ ကျေနပ်ရောင့်ရဲနေလို့မရ
တခြား related skills တွေ knowledge တွေ ဝမ်းစာဖြည့်ထားနိုင်မှ တော်ရုံကျမယ်
AI ကြောင့် တချို့အလုပ်တွေ ပျောက်သွားမှာသေချာသလို
AI ကြောင့်ပဲ အလုပ်အကိုင် အသစ်တွေ possibilities အသစ်တွေ ပေါ်လာမှာမို့
ကိုယ်က ဒီ AI tool တွေကို သုံးဖို့ အသင့်ဖြစ်နေရမယ် စသဖြင့်ပေါ့။
ဒီနေရာမှာ တခုရှိတာက ကျောင်းစာပဲ ကုန်းပြီးလုပ်နေလို့လည်း မထူးပြန်ဘူးတဲ့
GPA 4.0 ရတိုင်း
Grade A ရတိုင်း လက်တွေ့မှာ အလုပ်ခန့်ခံချင်မှ ခန့်ခံရတာတဲ့
လူရဲ့ psychology အရ ကိုယ်နဲ့ သိတဲ့သူ
ကိုယ်နဲ့ အလုပ်တွဲလုပ်ရတာ အဆင်ပြေတဲ့သူကိုပဲ ရွေးခန့်တတ်တဲ့ သဘောရှိပါတယ်။
အလုပ်လျှောက်သူ ၅ ယောက်မှာ အရည်အချင်း skill ချင်း မတိမ်းမယိမ်းဆိုရင်
အလုပ်ရှင်နဲ့ မျက်မှန်းတန်းမိထားတဲ့သူ၊
အနည်းဆုံး industry ထဲမှာ
ကြုံဖူးဆုံဖူးသူဆိုရင် အလုပ်ပေးခံရဖို့
chance က ပိုများသတဲ့။
ဒီတော့ လိုလာတာက Networking skill ပါပဲ။
ပညာသင်ကာလ ကျောင်းသားဘဝကတည်းက ကိုယ်သွားမဲ့လမ်းကြောင်းပေါ်မှာ
ဘယ်သူတွေက ဘယ်လိုအနေအထားရှိတယ်၊ ဘယ်သူတွေနဲ့ မိတ်ဖွဲ့ထားမယ်၊
ဘယ်သူတွေနဲ့ keep in touch လုပ်ထားမယ်
စသဖြင့် လုပ်ထားနိုင်တဲ့သူက ခြေတလှမ်း
အမြဲသာနေပါလိမ့်မယ်။
ကျောင်းတက်နေတုန်း စာမှစာပဲ
ကျောင်းပြီးလို့ အလုပ်လျှောက်မယ်လည်း လုပ်တော့
ကိုယ့်မှာ network မရှိ၊ connection မရှိ၊ အခုကျမှ ထလုပ်တော့လည်း ခုရေတွင်းတူး ခုရေကြည်သောက်ဖို့က
မလွယ်တော့ စတာတွေက တွေးစရာတွေပါ။
Internship ဆင်းတာတွေ
Volunteer လုပ်တာတွေ
Conference သွားတာတွေ
Program တွေ လိုက်လေ့လာတာတွေအကုန်လုံးက Expanding your network ဖြစ်ဖို့ လိုပါတယ်။
အပိုင်း- ၂ ဆက်ရန်။
03/31/2025
01/25/2025
11/06/2024
08/22/2024
08/20/2024
03/16/2024
02/29/2024
02/21/2024