Target Value

السلام عليكم ورحمه الله وبركاته
خلص رمضان ومن بعده العيد وكل عام وانتم بخير
نتكلم بقى عن Huawei ومشكلتها مع Google أو خليني أقول نتكلم عن مشكلة الصين وامريكا المتمثلة في مشكلة Huawei مع Google
انا متأكد أن معظم الاعضاء ملم بالتفاصيل لكن البوست هدفه هو الإشارة لبعض الأحداث حصلت وربطها ببعض مفاهيم إدارة المشروعات منها تتأمل في اللي حصل ومنها تعرف أن ما يتم الإشارة له في كتب الإدارة ومنها الدليل المعرفي لإدارة المشاريع يحدث بالفعل.!
بالطبع الموضوع اكبر بكثير من أن أقول إن شركة زي Huawei بطبق أجزاء من الدليل المعرفي أو حتى منهجية من منهجيات إدارة المشاريع ، ارجع ذلك إلى تعليق قرأته بيقول أن Huawei كان عندها Risk register وفيه إن لو Google تخلت عنهم فيكون نشر النظام التشغيلي بتاعهم كرد فعل أو as a risk response
هي نقطة جيدة لكن الموضوع كبير جدا كما أن PMI وغيرها بتتعلم من الشركات دي وعلى أساسها يتطور الدليل المعرفي وغيره من المنهجيات ....تذكر أن الدليل المعرفي هو انعكاس لما تم تطبيقه في مجال المشاريع.
تعال نبدأ الحكاية
المشكلة متأصلة شكلا وموضوعا بين امريكا والصين في كل المجالات تقريبا لكن في مجالات معينة تقلق امريكا جدا على رأسها التكنولوجيا وصناعة وتطوير السلاح!
الصين بتجري بسرعه جدا في هذه المجالات وخاصة التكنولوجيا. خلال الثلاث سنوات الماضية الصين قامت ببناء ٣٥٠الف موقع استعدادا لشبكة 5G في حين إن أمريكا قامت ببناء ٣٥ ألف موقع فقط! والحقيقة ده أزعج امريكا جدا ومش بس كده
الصين ضخت مليار يوان في قطاع الشبكات 5G في عام ٢٠١٩ ومازال الصرف شغال في أنحاء متفرقة من العالم. خلال عام ٢٠١٩ الصرف ده بدأ يؤتي ثماره وتم تشغيل بعض البرامج والتطبيقات 5G للاستفادة منها في القطاعات التجارية وعلى رأسها Artificial intelligence, Internet of Things and robotics. أحد التطبيقات التجريبية وده اول إشارة معنا في البوست وممكن تشير له ب Prototype وهو احد ادوات عملية Scope Management
الصين عملت كده عشان تعرف هي ماشية في اي اتجاه وتجمع feedbackوتعدل مسارها طبقا للنتائج. المهم التجارب دي نجحت نجاح كبير وفرحت الصين جدا بس اهم شئ في التجربة دي كانت استحواذ الشبكات على قدر كبير من المعلومات وتحليلها ورؤيتها من خلال كاميرات عالية الدقة في أجزاء من الثانية وده صراحة قلق امريكا جدا
طيب ليه القلق يا أمريكا ما تعملي زيهم .....لا مش فاضية ومفيش فلوس ....يعني ايه
امريكا مهتمه جدا بالموضوع بس معدل صرفها وشغلها على موضوع 5G مش زي الصين وده يرجع إلى أن الصين معها فلوس بجد إنما امريكا بتعمل حاجه اسمها Funded through debts عن طريق سندات حكومية وقصة طويلة أصحاب الخبرة في الاقتصاد افضل مني في طرحها. المهم انك تعرف أن أمريكا كدولة مديونه ومش بس كده دي مديونه للصين 😀

طب ده كلام كتير واحنا لسة مدخلناش في الموضوع ....ما انا جايلك في الكلام بس المقدمة مهمة عشان تعرف أن الموضوع مش Google and Huawei
المهم الشركات التي تقوم بتطوير التطبيقات وشبكات 5G منها China unicom و China Telecom و أهمهم Huawei وده يرجع لانتشار Huawei وأنها بتحتل المركز الثاني في تجارة الهواتف المحمولة وطلعت Apple مركز تالت ومتوقع تفضل كده لآخر السنه وده سبب آخر أزعج امريكا من الصين عموما وشركة Huawei خصوصا.
الاستاذ ترامب يعمل ايه ..... قال لا خلاص بقى احنا مش حينفع نسكت اكتر من كده
وده أمن قومي ونظرا لانتشار هواتف Huawei مع 5G ممكن يحصل تجسس
وده زي ما ذكر Trevor Noah في البرنامج الشهير بتاعه التجسس ده من اختصاص امريكا ومينفعش الصين تاخده 😂😂
انا شايف خطر بيهدد مشروعي ولازم اتصرف واعطى أمر رئاسي بحظر تعامل الشركات الأمريكية مع Huawei وطبعا من الشركات دي شركة Google. بس استنى انت عدت على موضوع Huawei وأنها بقت مركز تاني من غير ما تعلق ...فعلا Huawei وصلت لمركزها ده بسبب انها دخلت السوق بذكاء
Huawei عندها مقدره تعمل نظام تشغيل بس حياخد وقت ومكلف
تقدر تشير الجزء ده من خلال ما تم ذكره في الدليل المعرفي Buy Vs Lease and the sharing of resources to achieve optimal cost for the project
ومش بس كده وكمان الناس متعرفوش ومش متعوده عليه والزملاء بتوع التسويق عارفين الموضوع ده متعب جدا
Huaweiقررت تعتمد على Google في نظام التشغيل لأنه ارخص وكمان حيسهل دخولها السوق ويخفف مخاطره

بس تعال افكرك بحاجة اتناقشت في الجروب كتير هنا وهي Boston Matrix
هواوي عشان تدخل السوق بتليفون مجهول ونظام تشغيل غير معروف في دول أجنبية كان حيقعدهم في مربع Question Mark وقت طويل والسوق كبير والهدف هو اكتساحه
عشان اخفف من المخاطر دي دخلت بتليفون مجهول ولكن نظام تشغيل معروف من شركة كبيرة وكمان عدسة كاميرا من احسن مصنعي العدسات والكاميرات في العالم Lica
ومع التسويق المستمر والتطوير المستمر وفشل الآخرين في المواكبة وصلت Huawei لمنطقة STAR أسرع مما توقع المنافسون وأصبحت خطر لدرجة أن يصدر لها أمر رئاسي من امريكا!

لحد هنا القصة حتبدأ في الإشارة إلى إدارة المخاطر كيفية الربط بين ما تقرأ وما حدث!
انتظروا في البوست القادم حنتكلم عن المخاطر الأساسية والثانوية وكيف تصرفت Huawei في التعامل مع Stakeholders

تطورت مشكلة سامسونج مع جهاز جالاكسي نوت ٧ مما ادي الي اتخاذ الشركة قرار بوقف الإنتاج نهائيا و بالتالي هذا القرار زاد من خسارة سامسونج الي ١٧ مليار دولار علي حد علمي و ايضا المنتفع الاساسي من هذه الخسارة هي شركة ابل فمن المتوقع ان تزيد أرباحها بصورة كبيرة و لكن.... هناك عامل مهم جدا الا و هو سلوك المستهلك نحو المنتج و اقصد هنا مستخدمي نظام أندرويد ليسوا كلهم محبين لنظام IOS Apple ... قد يبدو الامر ليس بالضرورة لانتاج تليفون يحل محل سامسونج نوت و لكن كل مستخدمي النوت لن يذهبوا الي منتج سامسونج من S 7 و ما شابه و من هنا وجد Pixels فرصته / Business need Market Demand لسد الفجوة و Google رأت ان هذا الوقت هو انسب وقت ممكن تنزل التليفون السوق حتي لا يستحوذ ابل وغيرها علي هذه الحصة.
قد يكون ترتيب الوقت محض صدفة و لكن اظن ان Google كانت تنوي عرض التليفون في نصف نوفمبر ليزامن فترة الاعياد في امريكا واوروبا ولكن ما حدث قد جعلهم يغيرون من خططهم.
Positive Risk = Opportunity

البوست السابق
كان في بوست بخصوص مشكلة شركة سامسونج و جهاز جالاكسي نوت 7 و تم مناقشة المشكلة و اي عملية مسؤولة عنها. حاليا الوضع تغير من مجرد مشكلة في جهاز الي ما هو ابعد من ذلك و هو ما اريد اعرضه علي حضراتكم اليوم. اولا واضح ان ماحدث كان متوقع ان يحدث و لذلك يدخل في منطقة المخاطر المعرفة او متوقعة و يتم ادارتها عن طريق استخدام contingency reserve و ذلك من خلال تفعيل برنامج Safety recall الذي قامت به شركة سامسونج as a risk response و ذلك حين خرجت الحالة عن السيطرة او بمعني آخر المشكلة تعدت عدد معين من الاجهزة الخربة. نذكر هنا شيئين الاول هو Risk threshold الخاص بسامسونج الذي جعلهم يقبلوا بمثل هذا النوع من المخاطر الشئ الثاني هو بمجرد بدأ برنامج safety recall المشروع في رأيي فشل و ذلك لانه فقد اهم أهدافه و هو رضا العميل customer satisfaction و الثاني هو الربحية و ذلك لأن هذا البرنامج ادي الي خسارة سامسونج من كل الاجهزة المباعة في هذة الفئة. كل ده و شركة سامسونج بتتعامل مع الموضوع عادي و بتعتبره تحت السيطرة controlled risk اللي حصل ان برنامج safety recall as a risk response ادى الي مخاطر من نوع تاني و ده الذي يطلق عليه secondary risk و هو ان سمعة سامسونج كشركة اضربت و خسرت اكتر من 10 مليار دولار في قيمة الأسهم المتداولة بصورة عامة و ده حيؤدي ان سامسونج حتاخد وقت عشان تتعافى. كده انا خلصت جزء سامسونج 🙂
تعال نشوف Apple .... هم جدول نزول التليفون Iphone 7 اصلا سبتمبر و لكن ما حدث كان unknown risk بالنسبة ل Apple و النوع ده بيتم ادارته من خلال Management reserve و طبعا Apple كان سلوكهم تجاه اللي حصل هو الاستغلال و تضخيم الفرصة علي وسعها Exploit risk response و ده من خلال تغيير حملة التسويق و ايضا ضخ كميات اكتر في السوق و حث مستخدم سامسونج علي عدم القبول بتبديل جهازه و شراء جهاز IPhone لانه اكثر امانً 🙂

شكرا للقراءة و اسف للإطالة

نتيجة العقوبات على روسيا

أغلب شركات الطيران على مستوى العالم الصغير منها والكبير و منها مصر للطيران تشغل طائرتها ورحلاتها بعقود إيجار وبعد فرض الحظر الجوي للطيران الروسي كأحد العقوبات الدولية،
هناك على الاراضي الروسية اكثر من ٩٠٠ طائرة بحجم عقود تتجاوز ١٢ مليار دولار تابعة لشركات أوروبية وعليه طلبت الشركات الاوروبيه من الشركات الروسية إعادة الطائرات وفسخ عقود الإيجار.

الإدارة الروسية ردوا، تعالوا خدوا الطائرات من موسكو ، لأن الطيارين الروس ممنوعين من الطيران في الأجواء الاوروبية!

و هذا يعني أن على الشركات الاوربيه تجهيز اكتر من ٩٠٠ طاقم طيران للوصول الى روسيا ، والعوده بالطائرات إلى اوروبا، وهذا عدد كبير جدا ومكلف جدا

يقول Phil Seymour لجريدة نيويورك تايمز نحن نتكلم عن مئات الطائرات يجب ان يطيروا ! إلى أين يذهبوا؟
سوف تكون التكلفة عالية لإعادة هذه الطائرات!"

"The logistics are immense," IBA aviation specialist Phil Seymour told The New York Times. "We are talking hundreds of planes that need to be flown out. Where in the world can they go? Will they play ball? Will there be any edict from above, telling not to cooperate?"

"We may encounter obstacles and are likely to incur significant costs and expenses conducting repossessions," the company said in a security filing.

ولأن الطائرات الروسيه والطياريين الروس ممنوعين من التحليق فامتنعت الشركات الروسية عن الدفع وكرد مباشر امتنعت الشركات الاوروبية عن امداد الروس بأي مساعده تقنية وقطع غيار هذه الطائرات ....ولكن

حتى إن تم ذلك فبمجرد تحليق هذه الطائرات فوق مطار موسكو بدقائق ، سوف تصبح تلك الطائرات غير روسيه وتحت قيادة طيارين اوروبيين ، ومن الممكن أن تغلق روسيا مجالها الجوي وتضطرهم إلى الهبوط الاجباري مرة أخرى في روسيا!

إضافة الي انه لا تستطيع الشركات فسخ العقد مع الروس ، نتيجة لوجود شروط فسخ عقد لصالح الروس ، ولا تستطيع فرض غرامات علي الروس ، وذلك لأن فرض حظر الطيران تم فرضه من قبل الاتحاد الاوروبي وليس من طرف روسيا .

يقول Paul O'Driscoll لجريدة نيويورك تايمز

Ishka consultant Paul O'Driscoll told The New York Times that companies are at risk of financial losses due to the canceled contracts. O'Driscoll explained that when a lease ends, companies must return the planes to the lessor in good condition, meaning a spotless interior and no maintenance issues.

However, when a contract is terminated, there is no obligation from Russian airlines to maintain the plane.

"You're really stuck," O'Driscoll said. "You have to leave the metal there."

على أي حال عند فسخ العقد لا نستطيع إلزام الشركات الروسية بصيانة الطائرات ....نحن حقا في مأزق !

- وهكذا تتحول الطائرات الاوروبيه الموجوده في مطار موسكو إلى خردة غير قابلة للبيع ولا للإيجار ولا للطيران!

السلام عليكم ورحمه الله وبركاته بوست رقم ٢ عن مشكلة شركة Huawei

في البوست الأول اتكلمنا عن أصل القصة والأسباب التي أدت لحدوث الأزمة بين شركة هواوي تحديدا وبين شركة جوجل كما ذكرت سابقا تجارب الصين في تشغيل شبكات 5G كانت في الربع الاخير من عام ٢٠١٨ الى الربع الأول من العام الحالي. مع استطلاع النتائج وشعور امريكا بالخطر وهذا ما يشير إليه الدليل المعرفي بمصطلح Trigger condition

Trigger Condition. An event or situation that indicates that a risk is about to occur.

بمعنى أن شئ معين أو حدث معين انذرك بقرب وقوع خطر سواء سبق تعريف الخطر ده او جديد عليك امريكا كانت مجهزة عدة ردود للخطر ده (ظن افتراضي) واختارت انها ترد على الخطر ده بحظر التعامل بين هواوي وبين الشركات الأمريكية، لماذا هذا الرد ولماذا الآن؟ الرد كان محدد كما ذكرت سابقا لإضعاف اقوى منافس في مجال 5G والذي ابدى استعداده لتبني التكنولوجيا في وقت قصير وهذا ما يعرف في الدليل المعرفي بإسم

Contingent Response Strategies. Responses provided which may be used in the event that a specific trigger occurs

وده سببه إن أمريكا تركت الصين تشتغل وفكرت إن لو الصين نجحت نقدر نعطلها بقرار حظر الشركة الرائدة في المجال أيا كانت منعها استخدام التكنولوجيا الأمريكية لحين إشعار آخر.

لماذا الآن؟ كما ذكر Craig Allen ( President, US-China Business Council )
في حديثه إن ترامب يريد قتل هواوي ومع قتل هواوي يقتل الكثير من الصفقات والأعمال في أمريكا
He added, "If a stranger knocks at your door, you don't have to let them in, but do you have the right to take a gun and shoot them?"
وهو محق ولكن هدف ترامب هو أخذ هواوي كرهينة لحين الانتهاء من المفاوضات الصينية الأمريكية و الضغط على الصين لاستنزاف بعض الأموال أو جعلها تتراجع عن فرض رسوم عالية على صادرتها كما بدأت بالفعل في أول يونيو. ترامب رجل اعمال وليس رئيس ولذلك يفعل هذه الأشياء وهذا خطأ من وجهة نظري ، في إدارة النزاعات لا يمكن أن تتخلى عن الحل العادل مع الفطنه السياسية من خلال جمع المعلومات واستخدمها بطريقه صحيحة بدون أن تجعل الآخرين يفقدوا الثقه بك حتى تستطيع التأثير عليهم وهذا ما أشار إليه الدليل المعرفي
Gathering relevant information to address issues and reach agreements while maintaining mutual trust.
وسوف نلقي الضوء على رد هواوي لاحقا وتطبيقهم لمثل هذه القواعد !
نعود إلى جوجل ومع اصدار إدارة ترامب لقرار حظر التعامل وبالامر المباشر جوجل أعلنت وقف تعامل وإنهاء تراخيص استخدام نظام التشغيل الخاص بها على هواتف اندرويد وظن الجميع انها القاصمة كون نظام التشغيل من أهم مكونات هاتف هواوي وعليه يقوم كل شئ فإن صلح صلح الجهاز وإن فسد فسد الجهاز! هواوي ردت سريعا وقالت أن لديها نظام تشغيل خاص بها تعمل على تطويره منذ سبع سنوات وأنه جاهز للعمل حال استمرار المقاطعه وامتناع جوجل أو مايكروسوفت عن إمداد هواوي بنظام تشغيل ولكن يظل جوجل وويندوز هما اول اختيارتنا.
“As we have noted before, Huawei does have backup systems but only for use in extenuating circumstances,” “Android and Windows will always remain our first choices.”
اطلع بنظرك فوق لكلام الدليل المعرفي وعيد تاني على جملة Mutual Trust حتى خلال النزاع لا تسحب الثقه!
كما أشار الدليل المعرفي خلال النزاعات الى اهمية بقاء العلاقات الجيدة
Importance of maintaining a good relationship

جوجل بطبيعة الحال أعطت مهلة ٩٠ يوم تنتهي في شهر أغسطس الى هواوي حتى تنتهي من الاعمال المتفق عليها مع عدم الدخول في اتفاقيات جديدة!
تصرف هواوي التلقائي مع استعدادهم لتلقي الضربة ازعج الإدارة الامريكية جدا وبدأت امريكا تفكر كيف تضرب هواوي ضربة قوية حتى تستطيع الضغط عليها!
حتى الآن النزاع بين امريكا كدولة وهواوي كشركة والصين لم تتدخل ...إن شاء الله نناقش الخطوة القادمة ونتعرف على كيفية التأثير على Stakeholders وكيف نجحت امريكا بتوجيه ضربة قوية لهواوي من خارج أمريكا!
Relative power of the people involved in the conflict

انتظروا البوست القادم !

السلام عليكم ورحمه الله وبركاته
بوست رقم ٣ عن مشكلة شركة Huawei
في البوست الثاني اتكلمنا عن حظر هواوي التعامل مع الشركات الأمريكية وعن موقف جوجل تحديدا وأيضا اتكلمنا عن رد هواوي المحترف والسريع وتخفيف الخطر في محاولة لتدارك الأزمة مع إبقاء العلاقات جيدة بينها وبين جوجل ومايكروسوفت!
الاستاذ ترامب والإدارة الأمريكية شعرت أن اللي حصل لم يؤثر في هواوي وان هواوي ماضية في خططها المستقبلية. ترامب استشار المجموعة اللي معاه وده اللي أشار إليه الدليل المعرفي في جزء
EXPERT JUDGMENT
Described in Section 4.1.2.1. Expertise should be considered from individuals or groups with specialized knowledge in the following topics:
Threat response strategies,
Opportunity response strategies,
Contingent response strategies, and
Overall project risk response strategies.
المهم انهم وجدوا استراتيجية جديدة تفيدهم في النزاع وهي إقحام طرف ثالث في النزاع نظرا لقوته وهذا ما أشار إليه الدليل المعرفي في جزء
Relative power of the people involved in the conflict
الامريكان اتفقوا أنهم لو اقنعوا شركة ARM
بأنها توقف التعامل مع هواوي... هواوي حتنهار وتسلم! بس ازاي؟ امريكا بحثت سريعا ووجدت أن شركة أرم مقرها في انجلترا ومالك الشركة هي مجموعة سوفت بانك اليابانية يعني بره الموضوع ....ازاي نقدر نؤثر على صنع القرار هناك؟
امريكا كلمت شركة أرم وقالوا إن الشركة عندها فرعين في أمريكا واحد في تكساس والتاني في كاليفورنيا.... أرم ردت وايه المشكلة ....دي فروع بتصمم معالجات ولا تتعامل مع شركة هواوي....مع السلامه يا أستاذ ترامب!
الإدارة الامريكية قالت هو ده حقيقي بس أحب افكر أرم أن بينها وبين الحكومة الأمريكية مذكرة تفاهم (Memorandum of Understanding)
ده اللي أشار إليه الدليل المعرفي في جزء
The organizational process assets that can influence the Plan Risk Responses process
وهو تأثير الوثائق الموجودة في التخطيط للرد على المخاطر
المهم امريكا قالت وبناء عليها انتوا بتستخدموا تكنولوجيا أمريكية يعني ممكن نقول إن شركة أرم تدخل في الحظر!

واستجابت أرم وقطعت صلتها بهواوي بعد أيام من صدور القرار والتواصل مع امريكا.
“ARM is complying with the latest restrictions set forth by the US government and is having ongoing conversations with the appropriate US government agencies to ensure we remain compliant,” says an ARM spokesperson. “Arm values its relationship with our longtime partner HiSilicon and we are hopeful for a swift resolution on this matter.”
شوفت رد شركة أرم مختلف عن جوجل في لهجته أرم مش عايزة مشاكل مع الصين وعارفة إن ترامب غبي!
زي ما بيقولوا الامريكان ARM left on a positive note
هواوي ردت بإن احنا مستعدين وعندنا مخزون نقدر نشغل به نفسنا واحنا كشركة متفهمين الضغط من امريكا على شركة مثل أرم وواثقين أن الأزمة حتتحل ونقدر نرجع نشتغل تاني!

“We value our close relationships with our partners, but recognize the pressure some of them are under, as a result of politically motivated decisions,” says a Huawei spokesperson “We are confident this regrettable situation can be resolved and our priority remains to continue to deliver world-class technology and products to our customers around the world.
ولتاني مرة تتفوق هواوي في الرد الدبلوماسي ونعيد تاني على جزء
Importance of maintaining a good relationship
رغم إن هواوي عندها مخزون إلا أنها فعلا اتهزت والضربة كانت قوية خصوصا إن هواوي لم تلوح انها مستعدة بالاستغناء عن أرم كما فعلت مع جوجل مع إن هواوي تمتلك شركة HiSilicion
وخطة هواوي بعيدة المدى انها تستغنى عن أرم بس للاسف ده مش جاهز حاليا والأمر حيكون شاق جدا لو الحال استمر!
طبعا ده فرح أمريكا جدا وقالوا اخيرا سيطرنا على الوضع ويبقى الوضع على ماهو عليه....
هواوي قالت طيب طالما الموضوع كده انا بعتذر لكل الشركات الأوروبية عن تلبية احتياجات السوق الأوروبي لأن ما باليد حيلة والمخزون يكفي التعاقدات الحالية خارج السوق الأوروبي . لاحظ هنا إن شركة أرم من إنجلترا إنما رد هواوي شمل أوروبا عشان يجيب طرف ثالث ويشركه في النزاع مثل ما فعلت الإدارة الامريكية!
هنا السوق الأوروبي وجد نفسه ليواجه موردين مثل نوكيا واريكسون وسامسونج لكن المنافسة صعبة لان هواوي كانت مستحوذة على حجم اعمال ضخم الشركات الأخرى مجتمعه حتاخد الحصة دي ولكن بسعر أعلى مع غياب منافس قوي مثل هواوي!
ودي اول المخاطر الثانوية نتيجة ما فعله ترامب أو الإدارة الأمريكية كرد للخطر الاصلي وهو سرعة وصول هواوي والصين الى استخدام تكنولوجيا5G
الدليل المعرفي يشير إلى تعريف المخاطر الثانوية على أنها

Secondary risks are risks that arise as a direct result of implementing a risk response
تاني خطر ثانوي ظهر كان تصريح 3GPP
دي هي الهيئة الدولية المسؤولة عن وضع معايير تكنولوجيا 5G
قالت الموضوع كده تطور ودخل في أوروبا ولو الصين اشتغلت لوحدها ممكن يبقى فيه فجوة بين الغرب والشرق. النتائج لا يمكن توقعها الآن لكن العواقب ستكون وخيمة
"3GPP, the international body responsible for setting 5G standards, warned of a possibly "dramatic impact" from such division, including the creation of parallel standards between east and west. A spokesperson said that "we cannot speculate on what will happen, but if the current situation prevails—this could have a dramatic impact on future standardization."

ثالث خطر ثانوي هو إن جوجل وتزامنا مع تصريح 3GPP قالت إن خطر التجسس مازال قائم طالما هواوي مكملة وعندها نظام تشغيل وممكن يكون عرضه اكثر للقرصنه لأنه لا يحتوي على نفس المعايير اللي إحنا بنستخدمها وبالتالي معملناش حاجه!
"Google had warned Washington of the potential risks to U.S. national security from bespoke, unpatched Android systems on Huawei phones, or from an entirely different OS, writing that "Google argues a Huawei-modified version of Android would be more susceptible to being hacked, according to people briefed on its lobbying efforts."

رابع خطر ثانوي هو إن المسؤول في البيت الابيض عن مشروع من مشاريع الحكومة الأمريكية أيوة انت قريتها صح 😂
ارسل رسالة داخلية الى نائب الرئيس الأمريكي مفادها إن يقول لترامب يبطل هبل ويركز في المصلحة!
الراجل بيشتكي من إن بعد اللي حصل ومقاطعة أرم لهواوي ...هواوي اعتذرت عن الوفاء بعض التعاقدات وبيطلب تأجيل تطبيق العقوبات على هواوي😂
وإن القرار بيأثر على السوق التنافسية وايضا الشركات اللتي تستطيع القيام بتوريد هذه المعدات.
Ironically, on June 4 the White House's acting budget chief Russell Vought reportedly wrote to U.S. Vice President Mike Pence asking for a delay in elements of the 2019 National Defense Authorization Act that ban Huawei's use across the federal government.

The letter said that "while the Administration recognizes the importance of these prohibitions to national security, a number of agencies have heard significant concerns from a wide range of potentially impacted stakeholders who would be affected."
قرأت كلمة Stakeholders منورة في الجواب ، صح؟
هواوي بعد ما خلصت ردها على امريكا طلبت من الحكومة الصينية الاستشارة ،
الصين ردت وقالت ده لعب عيال ده لو حد في الإدارة الامريكية كان بس قرأ الدليل المعرفي لإدارة المشاريع أو اي كتاب عن إدارة المخاطر كان عرف إن إدارة أمريكا للخطر لا ترقى للمستوى الاحترافي لأنهم لم يدرسوا المخاطر الثانوية الناتجة عن ردهم للخطر الاصلي!
طبعا دي خواطر من تأليفي لكن الواقع إن الدليل المعرفي يشير إلى أن الرد على المخاطر مش كلمة ورد غطاها أو صرف فلوس أو زيادة ناس إنما استراتيجية تحيط بالخطر ده تحديدا وبمخاطر المشروع بصفه عامة وايضا دراسة المخاطر الثانوية بحيث لا ينتج عنه مخاطر أخرى!

Plan Risk Responses is the process of developing options, selecting strategies, and agreeing on actions to address overall project risk exposure, as well as to treat individual project risks.
Unsuitable risk responses can have the converse effect
التعامل مع المخاطر بطريقة خاطئة قد ينتج عنه تأثير عكسي زي ما شوفنا سابقا في البوست !
المهم إن الصين فتحت دفاترها وقالت هم الروس مش كانوا نفسهم نركب عندهم حتى ايريال 😀
رئيس الصين على اي حال رايح يزورهم وعلى هامش الاجتماع قال لبوتين تحب تساعدك في إنشاء شبكة 5G ؟
بوتين كرجل مخابرات ورئيس عنده فطنه سياسية وافق على الفور وقال حضروا العقود قبل ما يرجع في كلامه، الصين عمرها ما كانت حتاخد الخطوة دي بس الوقت والظرف حكموا !
“We will strengthen our mutual support on key issues,” Xi said, sitting next to Putin in an ornate Kremlin hall.
الصين شافت إن هواوي كشركة تاخد جنب والصراع بقى يتحول الصين في مواجهة امريكا ....شوفت صورة البوست معبرة جدا 😂
المهم الصين وجدت إن الخطر المحيط بشركة هواوي أعطاهم فرصة ذهبية للرد واسترتجيتهم كان جزء منها هو إشراك طرف ثالث زي ما أمريكا عملت....الطرف ده كان روسيا!
وده اللي الدليل المعرفي أشار إليه في جزء التخطيط للرد على المخاطر
Plan risk response
STRATEGIES FOR OPPORTUNITIES
Share. Sharing involves transferring ownership of an opportunity to a third party so that it shares some of the benefit if the opportunity occurs.
عدم التطابق هنا يأتي في كون الدليل المعرفي وضع الاستراتيجية لفرصة محتملة الحدوث في المستقبل والصين طبقت الاستراتيجية بدون تخطيط! وطبعا ده على حد علمي وقدر المعلومات المتوفر. لان ممكن الخطوة دي تكون محسوبة وموضوعة على الرف كيدا في أمريكا في اي وقت.....
على الصعيد التجاري الصين هددت بمنع شركات ذات حيثية من العمل في الصين كما لوحت بورقة المعادن الثقيلة اللي بدورها ممكن تخرب صناعة السلاح في أمريكا
حتى الآن ترامب دراعه مكسور فعلا وده جزائه وينتظر قمة ٢٠ في آخر الشهر عشان يتكلم فيها مع رئيس الصين ويشوف ايه المكاسب اللي ممكن يطلع بها.

ياريت لو اي حد من الزملاء ملم بتفاصيل أكثر يتكلم عنها. التفاصيل دي كل ما وصلت إليه من بحثي ويمكن الربط بينه وبين إدارة المشاريع والمخاطر
شكراً للقراءه وآسف على الإطالة

-لو انت Recruiter ازاى تقيس كفاءة التوظيف recruitment efficiency فى شركتك؟
دول اهم هم 9 مقاييس metrics اللى من خلالها تقدر تحدد وتقيم معدل كفاءة التوظيف recruiting efficiency rate هم الآتى:
1-الوقت المستغرق لتعيين الموظف Time to fill :
-المقصود بيها اجمالى عدد الايام الفعلية لشغل الوظائف ÷ عدد الوظائف اللى تم شغلها
2- تكلفة تعيين كل موظف cost per hire :
-المقصود بيها اجمالى تكلفة التعيين ÷ عدد الموظفين .
3-كفاءة قناة التوظيف recruiting channel efficiency
-المقصود بيها عدد الافراد المعينين من قناة توظيف معينة ÷ اجمالى عدد المتقدمين من نفس الوظيفة × 100
4- yield ratio( Recruitment funnel effectiveness) :
وديه المقصود بيها عدد المرشحين اللى اجتازوا مرحلة معينة من مراحل التوظيف ÷ اجمالى عدد المرشحين للوظيفة للمرحلة نفسها
-5- كفاءة التوظيف recruiting efficiency :
-والمقصود بيه عدد المرشحين اللى اجتازو فترة الاختبار (3 شهور) ÷ اجمالى عدد المرشحين فى نفس الفترة .
6-معدل رضا المدير المباشر عن الموظف المعين Hiring Manager satisfaction :
-وديه المقصود بيها ععد الموظفين الجدد اللى حازوا على رضا المديرين المباشرين÷ اجمالى عدد الموظفين الجدد
7- معدل رضا الموظفين Candidate job satisfaction
-وده المقصود بيها عدد الموظفين الجدد اللى شعروا بالرضا الوظيفى ÷ اجمالى عدد الموظفين الجدد
8. معدل قبول عرض العمر Offer acceptance rate
-وده المقصود بيه عدد المرشحين اللى قبلوا العرض الوظيفى ÷ اجمالى عدد المرشحين اللى تقدموا للوظيفة .
9- تكلفة وصول الموظف الجديد لمستوى انتاجية مرتفع :
Cost of getting to Optimum Productivity Level (OPL)
-,وديه المقصود بيها التكلفة المادية اللى تكلفتها الشركة للوصول للموظف لمستوى اداء وانتاجية مرتفع زى تكلفة ( on boarding - training ) بالمقارنة براتب الموظف الجديد .
#منقول