Pawòl Moun Fou

Tout sa nou di ki pa anyen kapab plen yon panyen.
Si nou kwè m manti al mande Madam Lisyen.

Paske kokorat te wè l gen rat nan non li,
li te panse ke rat te nan menm nivo ak li.
Li t al eseye fè bif ak rat.
Li te menm ap mache di ke l te jwenn bout rat.
Rat te rale yon kaye ak yon kreyon
epi l te bay kokorat yon bèl leson.
Se lè sa kokorat te vin gen konpreyansyon
ke li menm ak rat pa te janm nan menm dimansyon.