ቤት-ንባብ ንኣንበብቲ

ጾም ካብ ሃይማኖታዊ ኣኽብሮት ንላዕሊ፡ ኣብ ኣካላትና ዘደንቁ ጥዕናዊ ረብሓታት ከም ዘለዎ መጽናዕትታት የረጋግጹ።

9 ቀንዲ ረብሓታት ጾም ንጥዕናና፤

1. ውጽኢታዊ ዝዀነ ምጕዳል ክብደት ሰብነት

ኣብ እዋን ጾም ኣካላትና ነቲ ዝተዓቀበ ስብሒ ናብ ጸዓት ብምቕያር የቃጽሎ። እዚ ድማ ብዘይ ተወሳኺ ጻዕሪ ክብደት ሰብነት ንምንካይ ይሕግዝ።

2. ናይ ኣካላትና ናይ ምክልኻል ዓቕሚ ምሕያል

ጾም ኣካላትና ንጻዕዱ ዋህዮታት ደም ብሓደስቲ ዋህዮታት ደም ብምትካእ ሕማማት ናይ ምቅላስ ዓቕሙ ንኽዓቢ ከም ዋልታ ኰይኑ የገልግሎ።

3. ምምሕያሽ ስርዓተ ምሕቃቕ መግቢ

ከብድና ንውሑዳት ሰዓታት ከዕርፍ ብምፍቃድ፡ እቲ ድሕሪ ጾም እንበልዖ ምግቢ ብግቡእ ክሓቅቕን ናብ ጸዓት ክቕየርን ይሕግዝ።

4. ዲቶክስ (detox) (ምልጋስ መርዛማት ባእታታት)

ምስ ምግቢ ናብ ኣካላትና ዝኣትዉ ሓደገኛታት መርዛማት ብመልክዕ ስብሒ ይኽዘኑ። ኣብ እዋን ጾም ጸላም ከብዲ ነዞም መርዛማት ነገራት ብምጽራይ፡ ንዅሊትን ካልኦት ክፍሊ ኣካላትን ተጽርዮም።

5. ምምሕያሽ ብቕዓት ኣእምሮ

ጾም ነቲ ኒውሮትራፊኪንግ ፋክተር ዝበሃል ሆርሞን ብምውሳኽ ንጥዕና ዋህዮታት ሓንጐል ይሕሉ። ከም ውጽኢቱ ድማ ንሕማማት ቅዛነት፣ ፓርኪንሰንን ኣልዛይመርን ይከላኸል።

6. ንጥዕናን ጽባቐን ቆርበት

መርዛማት ነገራት ካብ ኣካላትና ስለ ዝእለዩ፡ ቆርበትና ይሕደስን ፈጸጋ ንኸይፍጠር ይሕግዝን።

7. መጠን ሽኮር ምቁጽጻር

ኣብ ደም ዘሎ መጠን ሽኮር ብምቝጽጻር፡ ብሰንኪ ሕማም ሽኮር ዝመጽእ ድኻም ኵሊት ይከላኸል።

8. ምክልኻል መንሽሮ

ጾም ዕብየት ሕበጥ ወይ ሕበጥ ብምዕጋት፡ መንሽሮ ኣብ ኣካላትና ከይዝርጋሕ ዓቢ ተራ ይጻወት።

9. ምሕላው ጥዕና ልቢ

ዓይነት 2 ሕማም ሽኮር ብምክልኻል፡ ምስ ልቢ ዝተኣሳሰሩ ናይ ጥዕና ጸገማት ከጋጥመና ዝኽእል ተኽእሎ የጕድል።

ብዶክተር ስዒድ ሙዳስር

ምንጪ
ጕርሻ

🌴🌴🌴

🪐10 ብሉጻት ጥቅስታት ብስነጥበባዊ ኣኽሊሉ ተስፋጽዮን✍️🏾

1- ካብ ስንፍና ምርሓቕ ደኣ'ምበር ፣ ካብ ሰነፍ ሰብ ምርሓቕ ንፉዕ ኣይገብረካን እዩ።

2-ንኽትጋገየሉ ዝጽበ ሰብ ፣ ንጽቡቕ ተግባራትካ ኣይቆጽሮን እዩ።

3 -ሃብታም ወዲ ጥራይ ክትምርዖ እትደሊ ጓል፡ ብዙሓት ሃብታማት ልቢ ይሓልፍዋ ከምዘለዉ ኣይተስተውዕልን እያ።

4 -ካብ ዝበሰለ ኣራንቺ ፡ ዝበሰለ ሰብ የህርፈኒ። ንስጋይ ዘይኮነስ ንኣእምሮይ ስለዝምግቦ።

5–ኣሽንኳይ'ዶ ኣፍቂሩ ዝበደለ ምሩኽ'ኳ ዝመሓር ክቐትለልካ ዝወዓለ።

6–ንሰብ ንኹሉ ግዜ ከተሕምቖ እንተደሊኻ ብትሕትና ሰዓሮ ። ንግዚኡ ከተሕምቖ ግን ብሓይሊ ግጠሞ።

7 ←"ኣምላኽ የለን '' ንዝበለካ ኣይትርሓቆ። እቲ ባዕሉ ዝፈጠሮ ከማን፡ እዚ እናሰምዐ ተሰኪምዎ ይኸይድ ኣሎ።

8-ኣብ ዳስ ሓዘን ከበሮ የለን" ኣይትበል። ከም ወንበር ኮይኑ ክጸንሓካ ይኽእል'ዩ።

9-ማይ እናስሎኸ ዘሸገረካ "ጽላል"፡ ኣይትደርብዮ፡ ካብ ጸሓይ ይከላኸል'ዩ። ንነገራት ብሓደ መንገዲ ኣይትርኣዮም።

10-ራህዋ ከም ዝመጽእ ርግጸኛ ኹን ! ንራህዋ ክትርእያ ግን ጥንቁቕ ኩን

ኦ ኩሉ ትኽእል ኣምላኽይ፡

ኣብዛ ጸላም ለይቲ ብትሕትናን ምትእምማንን ዝተመልአ ልቢ ናባኻ እምለስ። ኣብ ቅድሚ ብድሆታትን ስቓይን እዛ ትወድቕ ዘላ ዓለም ተስፋይን ምስጋናይን እምነተይን ትብዓተይን ከይስእን ክትሕልወኒ እጽሊ።

ኣብ ሰብኣዊ ድኻመይ ብቱሑትን ዝተጣዓሰ ልቢ ናባኻ ይመጽእ። ሓይለይ ካብ ህላወኻ ከም ዝመጽእ ስለ ዝፈልጥ፡ ድሌታት ስጋይ ማሪኹ ከይሕዘኒን ካባኻ ከይፈልየኒን ሓግዘኒ።

ብርሃንካ ኣብ ጸልማት ህይወተይ የብርህ፣ ንኹሉ ፍርሕን ተስፋ ምቑራጽን ደው ኣብለለይ። ፈተናታት ዘይስገር ኣብ ዝመስለሉ እዋን እውን እንተኾነ : ኣብ ኣባኻ ዘለኒ እምነት ክጸንዕ ሓይሊ ሃበኒ።

ጎይታየ : ኣብ ግዜ ፈተናን ውሽጣዊ ቃልሲን፡ ንኽቃወም ሓይሊ፡ ቅኑዕን ጽቡቕን ንኽመርጽ ጥበብ ሃበኒ። ምስ ፍቓድካ ተሰማሚዐ ክነብር መንፈስ ቅዱስካ ንሓሳባተይን ቃላተይን ተግባራተይን ይመርሓኒ።

ጸጋኻ ከቢቡኒ ካብ መጻወድያ ጸበባ ይሓልወኒ፡ ደረት ኣልቦ ፍቕርኻ ድማ ምንጪ ምትብባዕን ምጽንናዕን ይኹነኒ። ኣብ ማእከል ህቦብላታት እውን እንተኾነ ኩሉ ግዜ ምሳይ ከም ዘለኻ ፈሊጠ ኣዒንተይ ናባኻ ኣተኲረ ክጸንሕ ሓግዘኒ።

ብምሕረትካ ክወድቕ ከለኹ ኣልዕለኒ፡ ኣብ ዝደኸምኩሉ እዋን ኣበርትዓኒ፡ ናብ መንገዲ ሰላምን ጽድቅን ድማ ምርሓኒ። ሂወተይ : ህያው ምስክር ሓይልኻን :ሰናይካን ነቶም ኣብ ከባቢየይ ዘለዉ ይኹን።

ኩሉ ስክፍታታተይን ሓዘነይን ሓጎሰይን ኣብ ኢድካ እየ ዘቐምጦ'ሞ ብጥበብካ ምርሓኒ : ኣብ ትሕቲ ኣኽናፍካ ድማ ሓልወኒ። ህላዌኻ ንልበይ ብሰላምን ቅሳነትን ይመልኣኒ ፡ ኩሉ ግዜ ድማ ኣባኻ ይዓርፍ።

ኣሜን።

ሚካዊ ቃዛዊ

ፈጣሪ ትኽክለኛ ግዜ ኣለዎ: ኣይቅልጥፍን ኣይድንጉን...

ንእሽቶይ ትዕግስትን: ዓቢ እምነትን ጥራይ ይሃልወካ እንበር...
ዝተጸበኻዮ ኩሉ ክኸውን'ዩ!

ንደቂ ኣንስትዮ ዝምልከት ዩ።💎🥀🖤💙

#ኣስተውዕሊ!!!👌
ኣብ ጉዕዞ ሂወትኪ ከኽብሩኺ ዝክእሉ ልቦናዊ ነጥብታት።

1፥ ቅንዕቲ
2፥ ተባዕ
3፥ ጽንዕቲ
4፥ እምንቲ
5፥ መስተውዓሊት
6፥ ግሉጽነታዊት
7፥ ወሳኒት ኩኒ!!!

1፥ ቅንዕቲ ማለት ፈታዊት ሓቂ ማለት እዩ።ነቲ ብሰባት ዝመጽኣኪ እከይ ነገራት ሸለል እናበልኪ፡ነቲ ንስኺ ቅኑዕ እዩ ኢልኪ ትኣምንሉ ነገር ጥራይ ሰዓቢዮ። ነዚ ምስ እትገብሪ ድማ ኩሉ ግዜ ብሰባት ተፈታዊት ኢኺ።ኩሉ ድማ ከክብረኪ ዩ።

2፥ ተባዕ ኩኒ። ነቶም ኩሎም ዝገጥሙኪ ጸገማት ኣሜን ኢልኪ ፡ ተቀቢልኪ ተስፋ ሰኒቅኪ ብትብዓት ተጓዓዚ። ነቶም ዘጋጥሙኪ ነገራት ብኣወንታዊ ሸነኽ እናረኣኪ ተጓዓዚ። ነቲ ክጠቕመኪ ዝኽእል ጽቡቅ እናሰዓብኪ ፡ ነቲ ክጠቕመኪ ዘይክእል ሕማቅ ንጸጋም እናገደፍኪ ንሂወትኪ ንበርያ።
ኣብ ጉዕዞ ሂወትኪ ግድን እዮም ብዙሓት መሰናክላት ክገጥሙኺ፡ ነዚኦም ድማ ብዓቕልን ብሓቦን ጥራይ ኢኺ ክትስዕርዮም ትኽእሊ። እዚ " ጓል ካብ ናይ ገዛ ስራሕ ሓሊፋ ካልእ ክትገብር የብላን፥ ጓል ትሕቲ ወዲ እያ " ዝብል ናይ ባህልና ኣተሓሳስባ ክድህልለኪ የብሉን። ንስኺ ተባዕ ኩኒ፡ ብሰባት ድማ ኣይትደሃሊ። ሰብ እኮ ብመዓር ዝተሸፈነ ዕረ ዩ። ስለዚ ብገዛእ ርእስኺ ሓቂ እዩ ኢልኪ ንእትኣምንሉ ነገር ብትብዓት ንበርሉ።ሓደ ርገጺ ይሃልኺ ፡ ከምዞም ከም ሰፍኢ ግምጥል ግምጥል ዝብሉ ኣይትኹኒ።

3፥ ጽንዕቲ ኩኒ። ኣብ ጉዕዞ ሂወትኪ ብዝመጸኪ ሽግር ከይተጨነቕኪ ብዓቕሊ ክትሓልፍዮ ፈትኒ። ኣብ ፍቅራዊ ሂወትኪ ንዝመጽኣኪ መሰናኽል ከይተመዛናበልኪ ንኹሉ ብጽንዓት ስዓርዮ።ከምኡ ውን ኣብ ፍቅራዊ ሂወትኪ ሓደ ምስ ሓደ ዝብል ብሂል ተጠቀምሉ። ፍቅርኽን ሂወትክን ምስ ሓደ እንተዘይኮይኑ ምስ ብዙሓት ኣይትጨማለቂ።

4፥ እምንቲ ኩኒ ፡ ንዝኾነ ነገር ብመልክዕ እምነት ጠምትዮ፡ ሽሕ ግዜ ሰብ ይሓስወክን የዐሽወክን፡ ንስኺ ግና ከም ቀደምኪ እምንቲ ኩኒ፡ እቲ ምንታይ እሙን ሰብ ሎሚ እንተተበደለ ፡ ጽባሕ ንግሆ ግና እምነቱ ዓስቢ ሒዛትሉ ስለእትመጽእ ብዙሕ ዘሰክፍ የብልክን። ስለዚ ናይ ካልእ ሰብ ብዘየገድስ ንስኺ ጥራይ እምንቲ ኩኒ።

5፥ መስተውዓሊት ኩኒ ፡ ኣብ እኩብ ሰባት ይኹን ምስ ካልኣይኪ/ትኪ ኣብ እትህልውሉ መስተውዓሊት ክትኮኒ ኣለኪ።ጽን ኢልካ ምስማዕ ንዓኺ ጠቃሚ ምኻኑ ተረድኢ። ንነገራት ህድእ ኢልካ ምርዳእ እቲ ዝበለጸ ነገር እዩ። ኣብ ዘይጠቅም ነገራት ሱቅ ኢልኪ ግዜኺ ኣይተባኽኒ። ኩሉ ግዜ ንጥቕሚ ዘለዎ ነገራት ኣሳስዪ'ሞ፡ ኩሉ ግዜ ድማ ክብሪ ክስምዓኪ።
ኩሉ እቲ ትዛረብዮን ግብረ-መልሲ ትህብዮን ብምስትውዓል ይኹን። ብምስትውዓል ዘይዛረብ ሰብ ኩሉ ግዜ ኣብ ጣዕሳ እዩ ዝነብር።

6፥ግሉጽነታዊት፡ ኣብ ጉዕዞ ሂወት ንኹሉ ብውሽጥኺ እትብህግዮ ዘበለ ይኹን ብዓይንኺ ዝረኣኺዮ ብግልጺ ንገሪ። መብዛሕቴኽን ( 90% ) ደቂ ኣንስትዮ ብሓቂ ይብለኪ ኣለኹ እመኒኒ ግሉጽነት ዝብሃል የብልክንን። እዚ ማንም ሰብ ዘይስሕቶ ሓቂ እዩ፡ ንስኺ ንባዕልኺ'ውን ግሉጽነት ከምዘይብልኪ ትፈልጥን ትኣምንን ኢኺ። ብምንታይ ደኣ ግሉጽነት የብልክንን ትብለና ኣለካ ትብሊ እንተሃሊኺ፡ ኣብ ፍቅራዊ ሂወትኪ ንበል፡ ንኣፍቃሪኺ ነቲ ትደልዪዮ ነገር ክትነግርዮ ኣይትኽእልን ኢኺ።ስለምንታይ? ንሱ እቲ ዘሰክፈክን ክትገብርዮ ዘይትኽእልን ነገር ስለዝኾነ እዩ። ንኣፍቃሪኺ እትብህግዮን እትደልዪዮን ነገር ዘይትነግርዮ እንተኮይንኪ ከኣ ንሱ ብፍጹም ክርድኣኪ ኢልኪ ኣይትጸበዪ።ምኽንያቱ ኣብ ውሽጥኺ ንዘሎ ነገር ንስኺን ሓደ ፈጣርን ጥራይ ስለእትፈልጥዎ። ኣፍቃሪኺ ክርድኣኪ ተዘይኪኢሉ ከኣ ኣብ ፍቅርኹም ጸገም ክመጸኩም እዩ። እዚ ዝመጽእ ዘሎ ጸገም ከኣ ብሰንክኺ ዝመጽአ ጸገም እንከሎ፡ ብሰንኪ ኣፍቃሪየይ ዝመጸ እዩ ኢልኪ ከምእትዛረብሉ ከኣ ርግጸኛ እየ። ከምዚ ኢልኪ እንተተዛሪብኪ ከኣ ኣፍቃሪኺ ብዘይፈልጦ ነገር ተቖጢዑ ገለ ክብለኪ እዩ። ስለዚ ኣብ መንጎኹም ጸገም ተፈጢሩ ኣሎ።ንስኺ ግሉጽነታዊት እንተትኾኒ ነይርኪ፡ እዚ ጸገም ምመጸ ዶ ምበልኪ? ኖ ኣይምመጸን ነይሩ። ካብ ሕጂ በሊ ግሉጽነታዊት ክትኮኒ ፈትኒ። እቲ ኣብ ፍቅርኹም ዘድሊ ነገር ንክልቴኹም ከምዝምልከተኩም ተረዲእኪ ብማዕረ ብግሉጽነት ዕየይዎ።

7፥ ወሳኒት ኩኒ። ኣብ ትኣምንሉ ነገር ኣብ ሓደ መርገጺ ወሲኒ። ምኽርን ሓሳብን ናይ ሰባት ምቅባል ጽቡቅ እዩ፡ ብናቶም ውሳነ ምውሳን ግን ንዓኪ ጽቡቕ ኣይኮነን። ኣብቲ እትውስንሉ እዋን ቅድሚ ምውሳንኪ ክልተ ግዜ ሕሰቢ። ክልተ ግዜ ሓሲብኪ ቅንዕቲ ኣለኹ ኢልኪ እንተደምዲምኪ ብዘይ ምጥርጣር ወስኒ። እቲ ምንታይ "" ኣጥቂቕካ ዝመተርካዮን ኣዳቒቕካ ዝሓሰብካዮን፡ እቲ ነይሓንቕ ፡ እቲ ነይሓምቕ "" ስለዝኾነ።

እዚኤን ነጥብታት ምስ እተማልኢ፡ ወትሩ ኽብርቲ ኢኺ።

Credit

ሓንቲ ካብ ዋዛታት ሕብረት ሶቭየት

ኣብ ታሪኽ ውልቀ-መለኽቲ ናይ’ዛ ዓለም ብቐዳምነት ካብ ዝጥቀሱ ሓደ ጆሴፍ ስታሊን ናይ ሕብረት ሶቭየት’ዩ። ስታሊን ኣዝዩ ጨካን ምዃኑ ዝንገረሉን ኣብ ናይ 24 ዓመታት ዘመነ-ስልጣኑ ካብ 20 ክሳዕ 40 ሚልዮን ደቂ ሃገሩ ዘህለቐን ሰብ’ዩ።

ኣብ ሓደ እዋን’ዩ ስታሊን ናብ ሓንቲ ፋብሪካ መካይን ክበጽሕ ከደ’ሞ እቶም ሰራሕተይናታት ናይ’ታ ፋብሪካ ስታሊን ምእንቲ ክሕጎሰሎም ሓንቲ ብሓድሽ ቅዲ (ሞዴል) ዝተሰርሐት መኪና ኣርኣዩዎ። ስታሊን”ብጾት! ዮሃና ንጽቡቕ ናይ ሶቭዬት ኢንጂነሪንግ ምዕባለን ስራሕኩምን” ድሕሪ ምባል “ነዛ መኪና ደኣ እንታይ ዝብል ስም ኣውጺእኩምላ?”ኢሉ ሓተቶም። ሓደ ካብ’ቶም ሰራሕተይናታት ድማ ህውኽ ኢሉ “ወላዲት-ሃገር ኣውጺእናላ” ብጻይ ስታሊን ኢሉ መለሰሉ።

ነዚ ዝሰምዐ ስታሊን ፒፓኡ (ሽጋራኡ) ኣውጺኡ ብምውላዕን ገጹ ብምጽዋግን ነቲ ሰራሕተይና ኣትኲሩ ጠመቶ’ሞ “ዶ! እሞ ነዛ ወላዲት-ሃገር ደኣ ብኽንደይ ክትሸጡዋ ትሓስቡ’ለኹም?” ብምባል ዱቦላ ዝኾነ ሕቶ ሓተቶም።

ጭካነ ስታሊን ኣጸቢቖም ዝፈልጡ ሰራሕተይናታት ፋብሪካ መልሲ ክህብዎ ስለ ዝተጸገሙ ኣስቅጥ ኣበሉ። ንጽባሒቱ ግን ነታ መኪና ተቐላጢፎም “ዓወት” ዝብል ስም ቀየሩላ።

ምንጪ፦ ኣካሽ ኣድሂካሪ (Qaura Digest)

• ነገር ክጽሕትር ዝጽደሊ ሰብ ምክንያት ኣይስእንን’ዩ!
• መናብርትኻ ጨካን ኣይግበረልካ!

Credit——-> yfdeamlak beraki

ኸሊል ጂብራን

ክራማት ኣብ ዝነበረሉ ወቕቲ፡ ሓደ እንቁርዖብ ንመጻምድቱ ከምዚ በላ -
“እዞም ኣብዛ ገምገም ቀላይና ዘላ ገዛ ዝነብሩ ሰባት፡ በዚ ለይቲ ለይቲ እንዝምሮ ዝርበሹ ከይኮኑ’ኮ እፈርሕ’የ”
እታ መጻምድቱ ኸኣ ከምዚ ኢላ መለሰትሉ - “ግርም’ባ! ንሳቶምሲ ቀትሪ ክዛረቡ ሰላምናዶ ይዘርጉልና ኣየለዉን!?”

እቲ እንቁርዖብ ድማ በለ፡ “ደሓን! ለይቲ ክንዝምር እንከለና ግን ኣይነብዝሓዮ”
ሰበይቱ ከምዚ ብምባል መለሰትሉ፡ “ንሳቶም ከኣ ቀትሪ ልዕሊ ዓቐን ከም ዝዛረቡን ዝርብሹን ኣይንረስዕ” እቲ እንቁርዖብ፡ “እዞም ምሉእ መዓልቲ ክግዕሩ ዝውዕሉ ኣርሓታት እንቁርዖባትከ ደኣ እንታይ ክትብልዮም ኢኺ? ምሉእ መዓልቲ እኳ እዮም ጎረባብቶም ክርብሹ ዝውዕሉ”
በዓልቲ ቤቱ ከኣ ከምዚ እናበለት መለሰትሉ - “ኦኦሽ! እዞም ኣብዚ ገምገም ቀላይ መጺኦም ምሉእ መዓልቲ ክልፍልፉ ዝውዕሉ ስነ-ፍልጠተኛታት፡ ፈላስፋታት፡ ደረፍቲኸ ደኣ እንታይ ይበሃሉ። ናቶምሲ ግደፎ ደኣ - ድምጾም ኣየስምዓና በጃኻ። ዘረባኦም ናዕታ የብሉ ረምታ ኣይሕሉ፤ ስቕ ኢሉ ይርብሸካ።”

እቲ እንቁርዖብ ወሲኹ በለ - “ንሳቶም ከምኡ ዋላ ይግበሩ፡ ንሕና ከምኦም ክንከውን የብልናን። ቁሩብ ውርጽጽ ንበል። ዋላ ወርሒ ንረምታ ከዋኽብቲ ድማ ንናዕታ መዝሙርና እንተናፈቑዎ ስቕ ደኣ ንበል። መዝሙርና ኣብ ልብና ንዕቆሮ።”
በዓልቲ ቤቱ፡ “ሕራይ እዛ ለዋህ ልብኻ እንታይ ከም እትኸውን ንርእያ፡” በለቶ።
ኣብታ ዝሰዓበት ለይቲ፡ እቶም እንቁርዖባት ኣስቂጦም ሓደሩ። ኣብታ ካልኣይቲ ለይቲ እውን ከምኡ። ዋላ ኣብታ ሳልሰይቲ መዓልቲ ገለ ኣይበሉን።

ብድሕሪ እዚ ኹሉ ግን፡ እታ ኣብ ገምገም ቀላይ ኣብ እትርከብ ገዛ ዝምቕማጣ ሰበይቲ፡ ኣብ እዋን ቁርሲ ንሰብኣያ “እዘን ዝሓለፋ ሰለስተ ለይትታት ብፍጹም ክድቅስ ኣይከኣልኩን። ድምጺ ናይተን እንቁርዖባት ክሰምዕ እንከለኹ ቀሲነ እድቅስ ነይረ። ሕጂ ግን ብስእነት ድቃስ ክዓብድ ደልየ ኣለኹ። ድሃየን ካብ ዘይስማዕ ሳልስተን ኮይኑ ኣሎ። ገለስ ኮይነን ኣለዋ!” እናበለት ረበሸቶ።
ነዚ ዝሰምዐ እንቁርዖብ፡ ንበዓልቲ ኪዳኑ “ንሕናስ ዳርጋ ዓቢድና እንዲና ነይርና። ሓቀይዶ?” በላ።
በዓልቲ ኪዳኑ ድማ፡ “እ...ወ! ኣይ እዚ ለይቲ ተጻዒኑና እንድዩ ነይሩ። ካብ ሕጂ ንንየው ንስለ’ቶም ባዶነቶም ብድምጺ መዝሙርና ዝምላእ፡ ስቕ እንብለሉ ምኽንያት ኣይረኣየንን፡” በለቶ።

Credit Freedom Diamond ✍️📚📚📖

10 ትምህርታት ካብ 7 ልምድታት ኣዝዮም ውጽኢታውያን ሰባት ብስቲቨን ኣር ኮቪ፤ 7 habits of highly effective people.
••~••~••

1. ንቑሕ ምዃን። ኣብ ክንዲ መምስ ኣብ ከባቢኻ ንዘሎ ዓለም ግብረ መልሲ ንምሃብ ዘወን ዘወን ትብል፡ ንጡፍ ኩን ንህይወትካ ድማ ተቖጻጸሮ።

2. መወዳእታ ኣብ ግምት ብምእታው ጀምር። ኣብ ህይወት እንታይ ክትበጽሖ ከም እትደሊ ንጹር ራእይ ይሃልኻ ናብኡ ድማ ስራሕ።

3. ንነገራት ቀዳምነት ምሃብ። ኣብ ህይወትካ ኣገደስቲ ነገራት ኣተኩር እሞ ብዘይኣገደስቲ ዕማማት ኣይትስሓብ።

4. ንኹሉ ኣካል ዓወት-ዓወት ሕሰብ። ምስ ካልኦት ክትተሓባበረሉን ንሓድሕድካ ዝጠቅም ፍታሕ ክትፈጥርን እትኽእለሉ መንገዲ ድለ።

5. መጀመርታ ንስካ ንኻልኦት ንምርዳእ ድለ፡ ድሕሪኡ ንክርድኡኻ። ንኻልኦት ኣረኣእያኦም ንምርዳእ ሓሲብካ ስምዓዮም፣ ቅድሚ ናትካ ኣረኣእያ ከተካፍል ምፍታንካ።

6. ምትሕብባር። ካብ ፍንጫል ድምር ክፋላቱ ዝዓቢ ነገር ንምፍጣር ምስ ካልኦት ስራሕ።

7. ስሕለት ፋስ መሳርያታትካ ። ኣብ ዝበለጸ ደረጃ ምእንቲ ክትህሉ፡ ብኣካል፡ ብኣእምሮን ብስምዒትን ንነብስኻ ተኸናኸን።

8. ንዝረብሕ ስምምዓት ምምችቻው። ምስ ካልኦት ክትዘራረብ ከለኻ፡ ንኹሉ ዝምልከቶ ሰብ ዝጠቅም መፍትሒታት ድለ።

9. ዝምድናታት ምህናጽ። ድልዱል ናይ ደገፍ መርበብ ምእንቲ ክህልወካ ምስ ካልኦት ኣብ ዘለካ ርክብ ወፍሪ ግበር።

10. ናይ ምሉእ ዕድመ ተማሃራይ ኩን። ኣብ ህይወት ውጽኢታዊ ምዃንካ ምእንቲ ክትቅጽል፡ ምምሃርን ምዕባይን ፈጺምካ ኣይተቋርጽ።

እዚኦም ውሑዳት ካብቶም ብዙሓት ካብ 7 ልምድታት ልዑል ውጽኢታውያን ሰባት ክንመሃሮም እንኽእል ትምህርቲ እዮም። ኣብ ኩሉ መዳያት ህይወትካ ዝያዳ ውጽኢታዊ ክትከውን እትሕግዘካ መጽሓፍ ትደሊ እንተኾንካ፡ እዛ መጽሓፍ ከተንብባ ኣዝየ እላቦ።

••~••~••
ምንጪ፡- ሃይጌት
Endless Technologies

እዚ ስእሊ እዚ፡ ህብብቲ ተዋሳኢት Hollywood ቫዮላ ዴቪስ ፡ ኣብቲ ሎሚ ቕነ ካብ ዕለት 16 -27 ግንቦት ኣብ ከተማ Cannes ናይ ፈረንሳ ዝካየድ ዘሎ ናይ ፊልም ፌስቲቫል ክትሳተፍ መጽያ ብምህላዋ ዝተወስደ ስእሊ እዩ፡፡

ሎሚ ነዛ ስእሊ እዚኣ ምስ ረኣኹ፡ ነታ ኣብ ዝሓለፈ ሰሙናት ዘንበብክዋ እሞ ፍሉይ ፍቕሪ ዘትሓዘትኒ Finding Me ብዝብል ኣርእስቲ ብዛዕባ ታሪኽ ሂወታ ዝጸሓፈታን ፡ ባዕላ በቲ ጥዑም ድምጻ እትትርኻን፡ ግሉጽነት መሊኡ ዝፈሰሳ መጽሓፋ( Memoire) ንዘሎ ስምዒታትካ ዝፈታተን ዛንታ ዘኪረ ፡ንኽንደይ ዝኣክል ደቓይቕ ደሪቐ ይዕዘባ ከምዝነበርኩ ብልክዕ ኣይዝከረንን፡፡

~ብድሕሪ እዚ ሎሚ ብኽቡር ስልማት ወቂቡ ዝደጉሕ ዘሎ ሰብነታ ፡ ትማሊ ብሰንኪ ሕሱም ድኽነት ሳሙና መሕጸቢ ነብሲ ስኢኑ ጨንዩ፡ ብመማህራናን መማህርታን ዘኽዕባን ዘስጉጋን ዝነበረ ዝዓረቐ ሰብነት ኣሎ፡፡

~ብድሕሪ እዚ ሎሚ ብኽብሪ ተዓጂቡ ዝኸይድ ዘሎ ድሙቕ ጸሊም ሕብራ ፡ ትማሊ ምኽንያት መሪር ተነጽሎኣን ውርደታን ዝነበረ ጸሊም ሰብነት ኣሎ፡፡

~ብድሕሪ እዛ ሎሚ ንገዛእ ነብሳ ብፍቕሪ ዓንጊላ፡ ብርእሰ ተኣማንነት መሊኣ ቀኒዓ ትኸይድ ዘላ ቫዮላ ፡ ትማሊ ጾታዊ ፍቕሪን ተቐባልነትን ክትረክብ ነብሳ ኣሕሲራ፡ ዓመጽ ዝተለማመደት ብርእሰ ምትሓት ትሳቐ ዝነበረት መንእሰይ ቫዮላ ኣላ፡፡

~ብድሕሪ እዛ ሎሚ ብብቕዓታ ዓለም ዘዛረበትን ንብሉጻት ዝወሃብ ናይ ክብሪ ሽልማት እትጎናጸፍ ዘላን ቫዮላ ፡ ትማሊ ናብ ሕልማ ንኽትበጽሕ ኣብ እትገብሮ ዝነበረት ጉያ፡ ምስ ብቕዓታ እንከላ በቶም ካልኦት ቀዳምነትን ዝያዳ ዕድላትን ዝወሃቦም privileged ዝኾኑ መወዳድርታ ቦታ ስኢና ሰንከልከል ትብል ዝነበረት ቫዮላ ኣላ፡፡

ብድሕሪ እዛ ሕጂ ምስ መጻምድታ ፍቕርን ምክብባርን ዝመልኦ ሂወት ተሕልፍ ዘላ ቫዮላ፡ ዘቤታዊ ዓመጽን፡ ዕግርግርን ዝመልኦ ዘሕምም ናይ ስድራቤት ሂወት ዘሕለፈት ንእሽተይ ቫዮላ ኣላ፡፡

እዚ ኩሉ ክኸውን ግን ፡ ዓቢ ነገር ክትሓልምን፡ ሕልማ ክውን ንኽትገብሮ ተስፋ ከይቆረጸት ዝጎየየትን ቫዮላ ድማ ኣላ፡፡

ኣብዛ ምድሪ ጻዕሪ ክሳብ ዝሃለና፡ ከከም እቲ ኩነታትና ደኣ እዩ እቲ ፈተናና መልክዓቱ ዝፈላለ እምበር ፡እቲ ፈተናስ ንኹሉ ክበጽሖ ግድን እዩ፡፡
ፈተናታት ሂወት ንገለ የጉድሞን ይሰብሮን ፡ ንገለ ከኣ የብልሖን የበርኾን፡፡

እዚ ዘርእየካ ነገር እንተልዩ ፡ ኢድካ ምሃብ ወይ ክሳብ መወዳእታ ናይ ምቅላስን ፡ ስዒርካ ናይ ምውጻእን ምርጫ ናትካ ምዃኑ እዩ፡፡
ልዕሊ ኩሉ ግን፡ ምሉእ ሰብ ንኽትከውንን መጻኢኻ ክጽብቕን፡ ኣብ ጉዕዞ እዚ መስገደላት እዚ ንዘዋህለልካዮም በሰላታት፡ ምሕዋይን ምፍዋስን ኣዝዩ ኣገዳሲ ምዃኑ እዩ፡፡
✍️ Gual Haile

ከም ምኽሪ...

1. ኣብ ልዕሌኻ ኣኽብሮትን ፍቕርን ዘይብሉ ሰብ ክርሕቀካ ክሳራ ኣይኮነን፡ እኳ ደኣ ዓቢ ህያብ’ዩ። እቲ ምንታይ’ሲ ካብቲ ንብዙሕ ዓመታት ዝጽበየካ ዝነበረ ስቓይን ጓህን ስለዘድሓነካ። ስለዚ ኣሉታዊ ሰብ ካባኻ ብምርሓቁ ኣይትሕዘን።

2. ሰባት ስለዘይገበሩልካ ንምንታይ ዘይገበሩለይ ኢልካ ኣይተስተማስል፡ ስለዘይገበርዎ ባዕልኻ ክትገብሮ ክትጅምር ኢኻ። ባዕልኻ ክትገብሮ እንዳኸኣልካ ሰባት ክገብሩለይ’ዮም እንዳበልካ ነብስኻ ኣይተዐሹ። ነቲ ብልጫ ንከተለሊ ዕድል ዝሃቡኻ ግን ኣምስግኖም።

3. ሰባት እንዳደርዑ ክምጥዉልካ ኣይተፍቅድ። ተመጽዋቲ ደቂ-ሰባት ካብ ምዃን ነብስኻ ሓሉ። ምኽንያቱ ቁሩብ ገንዘብ ሂቦም፡ ዋጋ ሂወትካ ዝኾነ መስዋእቲ ዝሓቱ መሊኦም’ዮም። ካብ ብዘይ ክብሪ ትኳቦ፡ ሰሪሕካ ትረኽቦ ቁራቦ ይበልጽ።

4. ጽግዕተኛ ምዃን ግዳይ ሽቁረራ’ዩ ዝገብረካ፡ ናይ ገዛእ ርእስኻ ናጽነት ክትእውጅ እንተደሊካ ነብስኻ ከኣል። ሰባት ብዋጋ ናጽነትካ ክጻወቱ፡ መጻኢኻ ከም ድላየኦም ከመሓድሩ ዕድል ኣይትሃብ። ጌርናልካ እንዳበሉ ክኣስሩኻ፡ ኣይትረብሕን ኢኻ ኢሎም ከነኣእሱኻ ፈጺምካ ከፋት ቦታ ኣይትግደፈሎም።

5. ዋጋ ነብስኻ ንምፍላጥ ርእይቶ ሰባት ኣይትጸበ። ኩሉ ግዜ ብሉጽ፡ ክቡር ምዃንካ ሰባት ክነግሩኻ ኣይትጸበ። ዋጋ ነብስኻ ካብ ሰባት ዘይኮነ ካብ ገዛእ ርእስኻ ኢኻ ትረኽቦ። ሰባት ተጋጊኻ ከለኻ ቅኑዕ ኣለኻ፡ ቅኑዕ ከለኻ ድማ ተጋጊኻ ኣለኻ እንዳበሉ ከደናግሩኻ ይኽእሉ’ዮም። ሞራል ውሽጥኻ ክብ ክብል እንተደኣ ኮይኑ ነብስኻ ኣብ ናይ ገዛእ ርእስኻ እምበር ኣብ ናይ ካልኦት ሚዛን ኣይተቐምጥ።

6. ብዘይ ምኽንያት ንዝረሓቀካ ሰብ ምኽንያት ፈጢርካ ዓጸፌታ ረሓቆ። ንምንታይ ርሒቁኒ ዘይኮነ፡ ንምንታይ ምስ ዘይግበኣኒ ሰብ ክሳብ ሕጂ ጸኒሐ በል። ምኽንያቱ ሰባት ከም ኩነታት ኣየር እንዳሓደረ ዝቀያየር ባህሪ ስለዘለዎም፡ እቲ ትማሊ ትፈልጦ ባህሮም ክልወጠካ ይኽእል’ዩ። ሰባት ምስ ዝጸልኡኻ ዘይኮነ፡ ኣመና ምስ ዘፍቕሩኻ “ንምንታይ” በል። ምኽንያቱ ልዕሊ’ቲ ወግዓዊ ጽልኢ፡ ሽርሑ ዘይተፈልጠ ፍቕሪ ጉድኣቱ ስለዝዛይድ።

7. ግምታትካን ትጽቢታትካን ደረት ግበረሉ። ካብ ሰባት ክቱር ሃንቀውታ ምስ ዝህልወካ ካብ መጠን ንላዕሊ ክትጉዳእ ኢኻ። ጎደሎነት ደቂ-ሰባት ኣብ ግምት የእቱ። ምኽንያቱ ትጽቢታትካ ካብ ክውንነት ንላዕሊ ይዛይድ እንተደኣ ሃልዩ ንመጉዳእቲ ቀረባ ኢኻ። ሰባት ዘይከም’ቲ ትግምቶም ፈቃራት ወይ ውን በንጻሩ ጨካናት ክኾኑ ይኽእሉ’ዮም። ንክልቲኡ ተኽእሎታት ተዳሊኻሉ ጽናሕ፡ ካብ መጉዳእቲ ሓራ ከውጽኣካ’ዩ።

8. ፈጣሪኻ ገዲፍካ ንከማኻ ፍጡር ተምልኽ እንተደኣ ሃሊኻ ፈጺሙ ኣይክቀንዓካን’ዩ። ናይ ሰባት ረዲኤት ዘይኮነ ናይ ኣምላኽ ረዲኤት የንብረካ ከም ዘሎ እመን። ወላ እቲ ብመንገዲ ሰባት ዝመጸካ ጸጋ ውን እንተኾነ ናይ ኣምላኽ ረዲኤት እምበር ናይ ደቂ-ሰባት ረዲኤት ኣይኮነን። ትውክልትኻ ኣብ ፈጣሪኻ ግበር።

Natnael Arefaine
+ve vibes