Contact information, map and directions, contact form, opening hours, services, ratings, photos, videos and announcements from Zanzibar Metropolitan College, Education, kisauni-Mawasiliano, Zanzibar City.
Zanzibar Metropolitan College imeendelea kuweka kipaumbele katika ustawi wa wanafunzi wake kwa kuandaa semina maalum ya elimu ya afya ya akili iliyotolewa na Mwanasaikolojia Tiba Asha Udi Mwinyi kutoka Wizara ya Afya, Kitengo cha Afya ya Akili.
23/07/2026
Zanzibar Metropolitan College imeendelea kuweka kipaumbele katika ustawi wa wanafunzi wake kwa kuandaa semina maalum ya elimu ya afya ya akili iliyotolewa na Mwanasaikolojia Tiba Asha Udi Mwinyi kutoka Wizara ya Afya, Kitengo cha Afya ya Akili.
Katika semina hiyo, wanafunzi walipatiwa elimu kuhusu umuhimu wa afya ya akili, viashiria na athari za changamoto za afya ya akili, pamoja na mbinu za kutambua dalili za awali na namna ya kukabiliana nazo. Mafunzo hayo yalilenga kuwawezesha wanafunzi kujitambua, kujenga ustahimilivu wa kisaikolojia, na kutafuta msaada wa kitaalamu wanapokumbana na changamoto mbalimbali katika maisha na masomo yao.
Zanzibar Metropolitan College inaendelea kushirikiana na wadau mbalimbali kuhakikisha wanafunzi wanapata elimu na huduma zinazochangia maendeleo yao ya kitaaluma, kijamii na kisaikolojia.
22/07/2026
Zanzibar Metropolitan College Yaandika Historia kwa Kusaini Ushirikiano wa Kimataifa wa Teknolojia ya Drones
Tunayo furaha kutangaza hatua nyingine kubwa katika safari ya kuleta elimu ya kisasa na teknolojia bunifu nchini kupitia kusainiwa kwa Makubaliano ya Ushirikiano (MoU) kati ya Zanzibar Metropolitan College na Stars Drones ya Muscat, Oman.
Makubaliano hayo yalitiwa saini tarehe 01 Julai 2026, ambapo Mkurugenzi Mtendaji wa Zanzibar Metropolitan College, Dr. Said Mohamed Hemed Mayugwa, aliiwakilisha chuo katika hafla hiyo muhimu, iliyoweka msingi wa ushirikiano wa kimkakati wenye lengo la kuendeleza matumizi ya teknolojia ya Drones katika elimu na sekta mbalimbali za maendeleo.
Kupitia ushirikiano huu, Zanzibar Metropolitan College inajiandaa kuwa chuo cha kwanza kutoa mafunzo ya teknolojia ya Drones, sambamba na kushiriki katika uuzaji na utengenezaji wa teknolojia hiyo kwa matumizi katika sekta za habari na mawasiliano, upimaji wa ardhi, ulinzi na usalama, kilimo cha kisasa kupitia umwagiliaji, uwekaji wa mbolea na dawa, pamoja na matumizi mengine yanayochochea maendeleo ya taifa.
Ushirikiano huu unaakisi dira yetu ya kuendelea kuwekeza katika elimu yenye kuzingatia ubunifu, teknolojia na maendeleo endelevu, huku tukiwaandaa wanafunzi na wataalamu wenye ujuzi unaokidhi mahitaji ya dunia ya sasa na ya baadaye.
Hii ni hatua nyingine ya kihistoria katika safari yetu ya kujenga taasisi inayoongoza kwa ubunifu, teknolojia na ubora wa elimu.
Zanzibar Metropolitan College
Where Ideas Become Impact.
Safari ya kujiunga na Zanzibar Metropolitan College inaanza kwa ukarimu, maelekezo sahihi na huduma bora.
Baada ya kufanya udahili wake moja kwa moja katika banda letu kwenye Maonyesho ya Wiki ya Elimu ya Juu Zanzibar, Hamad Abdalla Hamad ameshiriki ushuhuda wake kuhusu namna alivyopokelewa kwa heshima, kupewa maelezo ya kina na kuelekezwa kwa lugha nzuri hadi kukamilisha usajili wake.
Bado tunaendelea kupokea wanafunzi.
Karibu Zanzibar Metropolitan College
Where Ideas Become Impact
Zanzibar Metropolitan College, tunapenda kutoa shukrani za dhati kwa Wizara ya Elimu na Mafunzo ya Amali Zanzibar kwa maandalizi na uratibu mzuri wa Maonyesho ya Wiki ya Elimu ya Juu Zanzibar.
Vilevile, tunawashukuru kwa dhati wageni wote waliotembelea banda letu, waliopata ushauri, kufanya udahili na kujifunza zaidi kuhusu Zanzibar Metropolitan College.
Asanteni kwa ushirikiano wenu na kwa kuendelea kuunga mkono maendeleo ya elimu nchini.
Zanzibar Metropolitan College
Where Ideas Become Impact.
19/07/2026
Tumepata heshima ya kumpokea Katibu Mkuu wa Wizara ya Elimu na Mafunzo ya Amali Zanzibar, Ndugu Khamis Abdulla Said, aliyetutembelea katika banda letu wakati wa Maonyesho ya Wiki ya Elimu ya Juu Zanzibar.
Ziara yake inaonesha dhamira ya kuendelea kuimarisha ushirikiano kati ya Wizara na taasisi za elimu ya juu katika kukuza ubora wa elimu na kuandaa wahitimu wenye maarifa, ujuzi na maadili kwa maendeleo ya taifa.
Tunamshukuru Ndugu Khamis Abdulla Said kwa kutenga muda kutembelea banda letu na kwa maneno ya kutia moyo kuhusu maendeleo ya sekta ya elimu.
Karibu Zanzibar Metropolitan College
Where Ideas Become Impact.
🎓 Karibu Zanzibar Metropolitan College!
Afisa wa Idara ya Mafunzo ya Uwalimu Zanzibar, Ndugu Ramadhan Haji Khamis, ametembelea banda la Zanzibar Metropolitan College katika Maonyesho ya Wiki ya Elimu ya Juu Zanzibar na kutoa wito kwa vijana kutumia fursa ya kujiunga na chuo chetu, hususan katika fani za Uwalimu.
Ameeleza ubora wa elimu inayopatikana pamoja na mazingira mazuri, huku akiwahimiza wahitimu na waombaji kujiunga na chuo cha Zanzibar Metropolitan College
📍 Tembelea banda letu la Zanzibar Metropolitan College upate ushauri wa kitaaluma na ufanye maombi ya kujiunga nasi.
USHUHUDA WA MGENI WETU
Tunamshukuru Mwalim Mohammed kutoka Chukwani kwa kutembelea banda la Zanzibar Metropolitan College na kushiriki huduma zetu za afya bila malipo.
Karibu nawe utembelee banda letu katika Maonyesho ya Wiki ya Elimu ya Juu, Uwanja wa Mnazi Mmoja, Zanzibar, upate huduma hizi BILA MALIPO pamoja na taarifa za udahili wa kozi mbalimbali.
Zanzibar Metropolitan College
Where Ideas Become Impact.
Tunakukaribisha kutembelea banda letu katika Maonyesho ya Wiki ya Elimu ya Juu Zanzibar.
Huduma zinazopatikana ni pamoja na:
✅ Udahili wa papo kwa papo (Apply on the spot)
✅ Ushauri wa kozi na fursa za masomo
✅ Upimaji wa shinikizo la damu (Blood Pressure), sukari, uzito na urefu BILA MALIPO.
Usikose fursa hii ya kupata taarifa sahihi kuhusu elimu yako na kufurahia huduma za afya bila gharama yoyote.
📍 Tembelea banda la Zanzibar Metropolitan College leo!
Zanzibar Metropolitan College
Where Ideas Become Impact
16/07/2026
DAY 2 | Maonyesho ya Wiki ya Elimu ya Juu Zanzibar 2026 📚
Safari inaendelea! Leo tumepata fursa ya kukutana na wanafunzi, wazazi na wadau mbalimbali waliofika kutembelea banda la Zanzibar Metropolitan College na kupata taarifa kuhusu programu zetu za masomo pamoja na fursa mbalimbali za elimu.
Tunawashukuru wote waliotutembelea leo. Ikiwa bado hujafika, tunakukaribisha kutembelea banda letu katika Uwanja wa Mnazi Mmoja, Zanzibar, kuanzia tarehe 14–20 Julai 2026.
🎓 Zanzibar Metropolitan College – Where Ideas Become Impact.