Istiqaama Tanga

Kujifunza hakuishii wala kufungiwa ndani ya darasa pekee, bali elimu ni nyenzo muhimu inayomwezesha mwanaadamu kuelewa, kuthamini na kuyamiliki mazingira yanayomzunguka !

Katika kuendeleza elimu ya vitendo na uzoefu wa moja kwa moja, wanafunzi wetu wa Kidato cha Kwanza walipata fursa ya kutembelea Mapango ya Amboni kwa ajili ya ziara ya mafunzo, ambapo walijifunza kuhusu historia, maumbile ya mapango hayo pamoja na umuhimu wake katika utalii na urithi wa taifa.

Ziara hiyo imekuwa sehemu ya kuongeza uelewa, maarifa na kuwajengea wanafunzi uwezo wa kujifunza nje ya mazingira ya kawaida ya darasani.



𝐃𝐞𝐝𝐢𝐜𝐚𝐭𝐞𝐝 𝐭𝐨 𝐄𝐱𝐜𝐞𝐥𝐥𝐞𝐧𝐜𝐞 !

School atmosphere !!!✨



𝐃𝐞𝐝𝐢𝐜𝐚𝐭𝐞𝐝 𝐭𝐨 𝐄𝐱𝐜𝐞𝐥𝐥𝐞𝐧𝐜𝐞 !

Kujifunza hakuishii darasani pekee. Elimu ni nyenzo muhimu inayomwezesha mwanadamu kuelewa, kuchambua na kumiliki mazingira yake kwa ufanisi zaidi.

Siku ya Jumapili, tarehe 26 Aprili 2026, wanafunzi wa kidato cha nne na tano (wasichana) walifanya ziara ya mafunzo katika Wilaya ya Bagamoyo kwa lengo la kupanua uelewa wao nje ya mazingira ya darasa.

Katika ziara hiyo, wanafunzi walipata fursa ya kujifunza historia mbalimbali za eneo hilo, ikiwemo magofu ya Kaole Ruins pamoja na bandari ya zamani, jambo lililowasaidia kuelewa kwa kina urithi wa kihistoria na kitamaduni wa Bagamoyo. Aidha, walitembelea eneo la hifadhi lililopo Kaole na kupata nafasi ya kujionea wanyama mbalimbali, hali iliyoongeza uelewa wao kuhusu mazingira na viumbe hai.

Zaidi ya hayo, wanafunzi walipata bahati ya kutembelea Stone Town, mji wenye historia kubwa na majengo ya kale yanayoonyesha mchanganyiko wa tamaduni tofauti. Walijifunza kuhusu maisha ya kale, usanifu wa majengo na mchango wa mji huo katika historia ya Afrika Mashariki. Pia walitembelea soko la zamani, ambapo walishuhudia shughuli za kibiashara na namna ambavyo masoko ya jadi yalivyokuwa kitovu cha maisha ya kijamii na kiuchumi.

Ziara hiyo ilikuwa ya mafanikio makubwa, kwani wanafunzi walijifunza mambo mengi mapya, walipanua upeo wa fikra zao, na walifurahia uzoefu huo wa kipekee ambao umeongeza thamani katika safari yao ya kielimu.



𝐃𝐞𝐝𝐢𝐜𝐚𝐭𝐞𝐝 𝐭𝐨 𝐄𝐱𝐜𝐞𝐥𝐥𝐞𝐧𝐜𝐞 !