31/08/2022
🔴 بربي ردوا بالكم الحاجات هاذي راهي عمرها ما تجي لمجة يومية للصغار و ساعات متاع صباح و عشية يعني مرتين في النهار !!! 😲
حطلوا حاجة من الدار صحية كيما كسكروت، عظمة، ياغرطة، كعبة غلة، شوية خضرة (طماطم و فقوس و خس)... 🍊🍐🍅🍔
يهديكم راهو باكو العصير 🍹 عمرو ما يعوض كعبة غلة و زيد سومو بسوم رطل غلة!!! 🍇🍓 🍌
على الأقل اعملو وحدكم كايك في الدار و أعطوهم حاجة نظيفة موش الله و أعلم عليها كيفاش تصنعت و كيفاش تخزنت و كلها مصبرات و ملونات و منكهات 🧀🌮🍪
🚫الحاجات هاذي ماتتعطاش لأنو القاعدة البيولوجية و الفسيولوجية للطفل تتكون في الثلاث سنوات الأولى يلزم يكون أكل صحي !!
اذا صغيرك عندو نقص الشاهية و عندو فقر الدم و ما ياكلش الخضرة و الغلة هاذم العدو اللدود لصحة صغيراتكم ويطيحو في المناعة و مافيهم حتى منفعة،معبين سكر ، مواد حافظة و دهون مهدرجة مشبعة ،ملونات و معطرات صناعية....
يأثروا على التركيز و يزيدوا في فرط الحركة وتشتت الإنتباه و نمو الدماغ ،أسنان مسوسة........إلخ
راهو فما صغار ضاربهم السكر و بالأنسولين في جرة اللمجة
يا ليت الأولياء يفهمو الي هم قاعدين يضرو في صحة صغارهم واكا الكايك والبرانس و البريك و البراونيز كلهم معمولين بالزيوت المحروقة يعني هذا يأثر على مخ الصغير وهاك ترا ديجا تو اكيد فما فرق بين صغار قبل وصغار تو والاغرب يقولك منحبش نحرمو من شي وبعد كيف يدخل يقرا يحاسبو شبيك مجبتش 19 معدل وعلاش تنسى وعلاش وعلاش وعلاش
استحفظوا على صغيراتكم 🙏
