21/05/2026
يا قلب قداش
قداش يا قلب ظلموك
مقهور بين أهلي و ناسي
قداش يا قلب خذلوك
من ناسي و من ناس ماهم ناسي
قداش يا قلب طعنوك
الأحباب و جابوك دمك كاسي
قداش يا عين بكوك
الحب و العشق هوما ساسي
حبيتها ، حبيتها من قلبي
لمحبتي كان قليبها قاسي
محبتها في القلب تزيد
وعدتها نحبها لآخر أنفاسي
حبيتها ، الفكر باها مشغول
ما لقيت لوجيعتي مواسي
إلي نحبو بعيد و محجوب
لمحبتي و للعشرة ناسي
تعبت و التعب مخلوف
البعد عليك حطم إحساسي
صبرت ، أيام الصبر تطول
من بعدك ليل و نهار نقاسي
حبك ، حبك في قلبي ما ماتش
الفراق صعيب و الدمعة عمرها ما تناسي
نستنى ، نستنى في خبر رجوعك
تفرحني و تداويلي لباسي
أرجع ، أرجع للقلب إلي حبك
رجع النور لحياتنا فرحني و رتحلي راسي
كلمات من القلب
قطيب الطيباوي
