13/09/2024
التربية التقنية ، الTechnique ، الles sciences techniques ... المادة هاذي تنجم تتربط مع الرياضيات و الفيزياء و مواد أخرى. في الابتدائي موش موجودة أو تكون مشاريع يخدموها الأولياء 🤣 . في الاعدادية ، تبدى تفهم دورة حياة منتج و تتعمق في كراس الشروط الوظيفي اللي قيمتها كي تكبر تو تعرفها أما تو يمكن تظهرلك برشا كتيبة . تبدى تفهم كيفاه تصور قطعة حسب المساقط و تتعرف على مكونات الدارة الكهربائية و دور كل عنصر منها. في الثانوي فما خدمة و دروس و اللي يتخصص يولي يقرا جزء للآلية الميكانيك معناها و جزء كهربائية و ربي يوفق 😀 . كل مرة ملخص و الا تمرين نجمو نعاونو بيه منبخلوش عليكم.
