Jardin d'enfants Little genius

منوبة: مواصلة تعليق الدروس في كافة المؤسسات التربوية غدا الأربعاء منوبة: مواصلة تعليق الدروس في كافة المؤسسات التربوية غدا الأربعاء

منوبة: مواصلة تعليق الدروس في كافة المؤسسات التربوية غدا الأربعاء https://tinyurl.com/mwhdcsch
#تونس #منوبة

نظراً لرداءة الأحوال الجوية وحرصاً على سلامة أطفالنا، تقرّر توقّف الدروس بالروضة اليوم الثلاثاء .
ربي يحفظ صغارنا وإن شاء الله نرجعوا في ظروف أفضل 🌧️💙

أولياؤنا الكرام،
نفتح معًا باب الخير وندعوكم بكل محبّة للمساهمة في قُفّة رمضان 2026،
مبادرة إنسانية نغرس من خلالها في أطفالنا قيم العطاء والتكافل،
وكلّ مساهمة، مهما كانت، تصنع فرقًا وتدخل فرحة على قلب محتاج 🤍
شكرًا لثقتكم وكرمكم الدائم،
وبكم يكتمل الخير 🌙✨

الثلاثي الأوّل وفّى… وقلوبنا عامرة فخر 🥹💫
صغيراتي، يا ضحكتكم اللي تفرّح، يا خطواتكم الصغيرة اللي تمشي بثبات نحو الحلم 🌱
قرايتكم ما كانتش كان حروف وأرقام، كانت محاولات، تعب، صبر، وضحكة ترجع الأمل من جديد 💕
كبرتوا قدّام عيني، تعلّمتوا، غلطتوا، رجعتوا وقفتوا أقوى 👏
وكل واحد فيكم اليوم أحسن من البارح، وهذا أكبر نجاح 💗
فخورة بيكم واحد واحدة، بجوّكم، بحبّكم، وبالروح الحلوة اللي تعمّر القسم ✨
الطريق مازال طويل، أمّا البداية تبشّر بالخير 🌈
براڤو صغيراتي… وموعدنا مع نجاحات أجمل في الثلاثي الجاي إن شاء الله 🤍📚
شكر كبير للأولياء الكل على ثقتكم فينا ... ♥️♥️ وشكر خاص لمامات سيلا على الڨاطو البنين الي وديت بيه الصغيرات Wafa Bejaoui

🌿✨ خرجة في أحضان الطبيعة!
الصغيرات استمتعوا بأجواء منعشة وبعيدة عن جدران الحضانة الصامتة. 🐞🌸
ضحك، حركة، ولعب حر… فرصة ليزرعوا الفرحة وينسوا تعب القرايا! 🌈💛

شاركت روضة العبقري الصغير بكل فخر في فعاليات الأيام التكوينية في المرافقة النفسية البيداغوجية وتعديل السلوك للأطفال ذوي طيف التوحّد وفرط الحركة، وذلك أيام 22 و23 ديسمبر 2025.
تأتي هذه المشاركة في إطار حرصنا الدائم على تطوير كفاءات الإطار التربوي، والاطّلاع على أحدث الأساليب العلمية في التعامل مع الأطفال ذوي الاحتياجات الخاصة، بما يضمن لهم مرافقة تربوية ونفسية سليمة تساعدهم على الاندماج، النمو، والتعلّم في بيئة آمنة ومحفّزة.
روضة العبقري الصغير… نؤمن بأن كل طفل عبقري بطريقته 💙

تتقدّم إدارة العبقري الصغير بجزيل الشكر والامتنان إلى كلّ مربيّ ومربيات الروضة والحضانة المدرسية، تقديرًا لما تبذلونه من جهدٍ متواصل وعطاءٍ صادق في تربية أبنائنا وتنمية قدراتهم.
إنّ إخلاصكم، صبركم، وحرصكم اليومي على غرس القيم والمعرفة في نفوس الأطفال هو أساس نجاحهم وبداية طريق التميّز.
شكرًا لكم على تفانيكم، وعلى الأثر الجميل الذي تتركونه في قلوب أطفالنا كلّ يوم. Khitem Mejri Ines Jaouani Yosr Mahmoudi Najet Ben Halima Nadia Bennajma و ما ننساوش ستي سمية و ستي سعاد

فرحة النجاح تكبر مع صغارنا 💖
تفتخر الحضانة المدرسية العبقري الصغير بما حقّقه وليداتها من نتائج مشرّفة وتميّز ملحوظ، ثمرة الجدّ، المثابرة، وحبّ الاكتشاف 🌟
كلّ الشكر لصغارنا الأبطال، وللإطار التربوي، وللأولياء على الثقة والدعم المتواصل 🌼
موعدنا ديما مع نجاحات أجمل إن شاء الله ✨