17/02/2026
ألو سلام عليكم بربي هيا روح بولدك /بنتك راهي تو 12:20..
و عليكم لالسلام :
سيبيه وحده يعرف الدار...ميسالش توصليه انت ... تحطيه بحذاا دار الجيران....يعرف الطريق وحده...هاو تو ييجيك صاحب باباه... اعطيه لأم فلان تجيبه معاها...
إلى أوليائنا الكرام
قلتها ونعاود نقولها راني لا أنا و لا أنيساتي نوصلو الاطفال و راني مانعطيش حتى صغير لشخص غريب بالنسبة لينا يعني لا تقلي جاري ولا صاحبي ولا صاحبتي....
يعني اذا كان الولي يحس روحو مستحق شخص يروح بصغيرو في وقت الغصرة .[بخلافو يهز الشخص ويعمل ورقة يصححو فيها فالبلدية ويجيبهالنا باش نحميو رواحنا قانونيا خاطر وقت المصيبة بعيد الشر نمشيو احنا فيها...
الأولياء المنفصلين بخلاف الام الي عندها الحضانة احنا مانعطيوش لا الاب ولا الجدة بخلاف الام الي عندها الحضانة وماغير غش لا تقولي هاكي تعرفيني ولا ياخي باش ناكله في وقتنا تو لي خاف نجا وقلتها قبل وكلمتكم فالتليفون وتوا هاني زيد كتبها
ممنوووووووووووووع حسب النظام الداخلي للي روضتنا بالطببسعة ملتزمة بيه. يلزم كل ولي يلتزم بيه...
لو كان الله لا يقدر تصير اي حاجة احنا نتحاسبو واكيد حد ما ياقف معانا بخلاف ربي سبحانو......
صغيراتنا امانة عنا وانتوما عايلتنا ونتسماو فرد عايلة
وتعرفو قداش خدمتنا موش ساهلة ومشكورين لدعمكم ومحبتكم لينا
خافو علينا كيف ماتخافو على صغيراتكم...
فرحانين عنا اولياء كيفكم وفخورة بتعاملي معاكم وصغيراتكم صغارنا😍
