Ktifa academy

بلاغ حول انطلاق عمليّة التسجيل عن بعد لكافّة التلاميذ للسنة الدراسيّة 2026-2027

👈🏻قد تكون #أنت الي #تضيع #انتباه و #تركيز #صغيرك
💬 خليني نحكيلك على حاجة عشتها مع صغيرات!
مع اقتراب الدخول المدرسي، تبدأ رحلة اختيار الأدوات… 🛒
الأم تدخل للمكتبة، تلقى مقلمة على شكل سيارة 🚗
تقول: "واااو! هذي بش تعجب صغيري😍!"

تلقى ممحاة على شكل لعبة 🧸
قلم عليه الشخصية اللي يحبها…
دفتر معمر ألوان ورسومات🐭🐱🐹…
وتقول بينها وبين روحها :

"نحب نفرحهم شوية… يستاهل او ما عندي غير هوما نشريلهم اش يحب" ❤️
وأنا نفهم هذا الشعور تمامًا👌.
لكن خليني نحكيلك اش ايصير من بعد عندي في القسم…

👩‍🏫 نرجع معاك للقسم 👈🏻 تبعني تشوف.......👇🏻👇🏻
ستي امونة واقفة تفسر .
نقول للطفل:
"اعيش ولدي شوف معايا هنا…"يركز ثواني فقط…
وبعدها عينيه تمشي للادوات الميزيانة 😍😍🫣..

ايخرجهم ويلعب بيهم ويعمل بيهم حكاية ورواية الممحاة تركب في السيارة وتوصل لمحطة تركب معاها أكا الستيلو الي فيه شخصيات الخ ....
ستي امونة:"اعيش ولدي خبي الادوات وركز مع ستي ."
يحطها…
وبعد شوية يرجع يشوف للقلم🖍️.
نعاود:
"ركز معايا ايعيش ولدي انتبه "
يرجع.
ثم تبدأ الحركة من جديد في محاولة أخرى بش ايعاود ينصب المسرحية
وأنا نلقى روحي طول الوقت:
"حطها… خبيها… ركز معايا… تبعني…"

وفي مرة من المرات، كنت مع بنوتة .
كل مرة نحاول نفسرلها، تنتبه لحاجة وهي تبربش في حاجة في يدها إكسسوار صغير…
نقول لها:
" انتبه وركز مع ستي "
ترجع.
ثم بعد دقائق، تعاود نفس الشيء.
حتى وصلت لمرحلة قلتلها:
"خبيهم ، ومن بعد ما نكملو ارجع البسهم."

وهنا نحب نبهكم لحاجة مهمة جدًا:

الطفل ما يحتاجش دائمًا إلى أن نطلب منه التركيز… أحيانًا لازم نحنا الكبار نعاونوه باش يقدر يركز.

وهنا نجي للنقطة اللي حبيت نوصلها لكل أم وأب:

❌ موش كل حاجة يحبها الطفل لازم تدخل معاه للقسم.

مقلمة على شكل لعبة؟
خليها للدار.

ممحاة مزيانة ومغرية للعب؟
خليها للدار.

أقلام كثيرة ومليانة تفاصيل؟
اختاري منها البسيط.

إكسسوارات كثيرة في اليد؟
الأفضل تتنحى وقت الدراسة.❌
خليهم في دار و لا في العرس

لأن الطفل، خاصة في السنوات الأولى، أي حاجة مثيرة قدام عينيه ممكن تولي أهم من الدرس للحظات.

❤️ "لكن ستي امونة … احنا نحب نفرحوهم "

وأنا معاكم فرحوهم .

شريلو الحاجة اللي يحبها.

لكن إذا عندك المقدرة تشري اثنين :

🎒 واحدة بسيطة ومناسبة للمدرسة.

🏠 ووحدة جميلة وممتعة يخليها في الدار.

وهكذا ما حرمناهمش من الحاجة اللي يحبها…

وفي نفس الوقت ما خليتهاش تنافس المعلم على انتباهه.

والأهم من هذا الكل …
نحب نقولك:

أنتوما 🫵 شركاء في تهيئة الظروف اللي تساعد ولدك ينجح.

لذلك قبل ما نحكم على صغيري ونقول:

"ولدي ما ايركزش."
خلينا نسالو رواحنا أولًا:

هل وفرت له كل ما يساعده على التركيز؟

لأن المعلمة تبذل مجهود كبير…

لكن إذا الطفل كل دقيقة عنده شيء جديد يجذب انتباهه،

بش تولي المشكلة موش مع الدرس…

بل مع المشتتات🙂‍↔️😵‍💫😵🫨.

🎒 الدخول المدرسي عمرو ما كان شراء أدوات فقط.
الدخول المدرسي هو أيضًا اختيار ما يساعد الطفل على التعلم.
فـ قبل ما تحطي كل شيء في السلة🛒…
نسال روحي

"هل هذه الادوات بش تعاون ولدي في القسم… ولا باش يسرق منه انتباهه؟"

وأحيانًا…

أجمل هدية نقدمها لطفلنا في بداية السنة الدراسية، هي بيئة تساعده يركز ويتعلم. ❤️
تحياتي ستي #امنةـقطيفة
#قطيفةـاكاديمي متعة التعلم
#قطيفةـاكاديمي للتميز عنوان
#قطيفةـاكاديمي احسن اختيار

بلاغ حول التسجيل عن بعد لأطفال الأقسام التحضيرية مواليد سنة 2021. السنة الدراسية 2026-2027