Boumhal - قهوة الحڨار - بومهل

نحب نشكر اول حاجة ناس اللي عاونت باش نشريو العلوش لعايلة في حومتنا و ربي يباركلكم ناس الكل و يرحم والديكم
و امانتكم وصلت و الحمد لله ❤️ و فما ولد خير ولد حلال
عطانا على طريق خونا مروان الدريري ضحية كاملة
🐏🐏 و فرحنا بها العايلة
و نتصور خونا و صاحبنا في قبرو يكون فرحان
يرحم والدين اي انسان عاون حتى بدينار
و ربي يبارك اللي عطى الضحية من عندو
و نشكر حمة غوار اللي كان امين على الفلوس اللي وصلتو من عند ناس و لمهم
و خونا مروان الدريدي اللي كان حارص زادة على امانة الناس و كان سبب باش نوصلو الضحية و باش فرحنا بهم عايلة
صدقوني تلقى الخير في البراني اكثر من حد قريب
ربي يباركلكم ناس الكل ... و دنيا فانية و مايبقى كان اللي تعملو
🏛💜 و ان شاءالله عيدكم مبروك اولاد و بنات بومهل
و يرحم ولاد حومتنا الكل اللي توفاو ❤️❤️

علوش ضايع في بوهل و بين جامع لمين
الّي يقول أوصافو يجي يهزو
و عالمين عليه في مركز البساتين
Tel : 50.266.677 / 28.243.020

إنا لله وإنا إليه راجعون
بقلوب مؤمنة بقضاء الله وقدره،
تلقّينا خبر وفاة المرحوم محمد الخياري بألمانيا.
نسأل الله العظيم أن يرحمو رحمة واسعة، ويغفرلو، وينوّر قبره، ويجعله من أهل الجنة، ويرزق أهلو وناسو الصبر والسلوان.
وسيتم الدفن إن شاء الله يوم السبت بعد صلاة الظهر بجبانة الأربعين شالة.
اللي ينجم يحضر ويواسي العائلة ما يقصرش،
ولكم الأجر والثواب عند الله. 🤲

نهنّئ ولاد حومتي ، بمناسبة تتويج النادي الإفريقي ببطولة تونس 2025-2026، بطولة استحقّها عن جدارة هذا العام.
هذا التتويج جاء بعد عمل كبير من الإدارة واللاعبين، وبدعم جمهور عظيم. وبصراحة، من الصعب تلقى جمعية في تونس عندها نفس الشعبية والقوة والحب اللي عند جمهور الإفريقي.
ويزيد يفرّحنا كأبناء بومهل أنّو نلقاو ولد حومتنا #عادل ضمن هذه الإدارة الناجحة، وكان عندو دور ومساهمة، بجهده ووقته وخدمتو من موقعو، باش يكون عنصر مهم في كواليس النادي الإفريقي ويساهم في التتويج بالبطولة و ماللي نعرف عادل كان مغروم و يحب الافريقي حب اعمى و مفماش نهار كمشجع ماكانش على عصابو لمجرد حبو للجمعية و على هذاكا يستحق يكون موجود في الادارة و يستحق اني نشجعو و نشجعوه على الخدمة اللي خدمها مع كامل الادارة .
مبروك للإفريقي، ومبروك لجماهيرو الكبيرة، ومبروك لولاد بومهل
Pereppe pereppe wel boutoula lefri9i❤️🤍❤️🤍❤️

الله يرحم خونا وولد حومتنا جمبو
البركة فيكم و ربي يصبركم على فراقو عايلتو لكل

يا جماعة عنا عدل اشهاد ولد حومتنا ؟؟؟
اللي يعرف شكون يمركيه في ميساج

يا سيدي عربي الطفل الصغير اللي نتذكرو كبر و باش يعرس و يستدعي في خواتو و صحابو لفرحتو 💍👑
الدنيا قداش تجري والله
حاسيلو ... يا جماعة ماغير مانوصيكم كيما مستانسين في فرحة نلقاو بعضنا قلب واحد و عايلة وحدة
ماتقصروش معاه كيما ماقصرتوش مع اولاد حومتنا
نحبكم نهار الحنة تفرحولي به فرحة فرحة و انتوما فاهميني 😂
و بالله ابعثولي فيديوات خلي نهبطوهم
ربي يهنيك عربي يا باهي و ربي يرزقك بالحلال الطيب
و بالانسانة اللي تخاف ربي فيك و في اهلك الكل
و تخاف ربي فيها و يرزقك الذرية الصالحة
رانا ناس لكل نحبوك ❤️ و ربووووووخ لصباح