https://www.facebook.com/530268526840330/

Eskola Popular Agroekolojia-EPA Betano

Página Inicial
Timor-leste
Same
Eskola Popular Agroekolojia-EPA Betano

Ami nia vizaun:
Harii futuru sosiedade agrikola ida prosperu, harmonia ho natureza, komunidade reziliente, solidariu no sustentavel.

Vision:
Building a prosperous future agricultural society, in harmony with nature, resilient, solidarity and sustainable.

05/09/2025

KOMUNIKADU IMPRENSA KONTRA DESIZAUN POLITIKA PN BA SOSA KARETA PRADO
------------------------------------------------------------------
Carro povu doben, foinsa’e, kamponeza no traballadores hotu!
Eskola Popular Agroecolojia-EPA ne’ebé halibur joven kamponeza husi munisipiu oin-oin, ami hakarak fo sai komunikadu imprensa ida ne’e hodi afirma ami nia pozisaun ba kontra desizaun polítika Membru Parlamentu Nasional ba sosa kareta prado. Ami hanoin katak politika ida ne’ebé la reprezenta interese povu Maubere, joven no kamponez sira nian, mas reprezenta deit interese klase elites minoria no Makaer Ukun sira nian.
Ba deklarasaun kompletu, bele akompaña video tuir mai.

29/08/2025

Poema furak ida husi EPA nia fasilitadora Mana Mena Pinto😍
Eduka foinsa'e🧑‍🤝‍🧑, kuida ekolojia🌳, salva planeta🌎

27/08/2025

EPA Betano nia estudante sira demonstra sira nia haksolok aprende hamutuk kona-bá agroekolojia nudar siensia no pratika interdisiplinaria ida🌳👫🌾🍄🐂🐛🍎.
Manorin sira husi organizasaun sosiedade sivil no movimentu sosial oin-oin hatudu sira nia motivasaun no vontade partilla hamutuk ho foinsa’e sira.
Ami kontinua aprende, investiga, hakerek no aplika hodi konstrui koñesimentus foun ho baze ba realidade lokal sira. Ami kontinua defende siensia ne’e laós estatiku mas dinamiku tuir evolusaun sosiedade nian…nune’e siensia iha papel vital ba identifika problemas no kontribui ba transformasaun real iha sosiedade.
Mai ita hotu kultiva futuru ida diak liu, prosperu no sustentavel hamutuk ho joven sira🌅.

11/08/2025

Olá maluk sira!
Ami iha novidade diak ne’ebe hakarak fahe ho ita-bot sira. Ba biban ida ne’e, ami hakarak fahe Mana Delfia Usboko ka bai-bain ami toman bolu Kamarada Delfia nia jornada moris.
Mana Delfia nudar feto progresista ida ne’ebé moris husi rai-ninin, Betano, Manufahi. Maske hela iha suco rural, mas nia la lakon oportunidade ba aprende hanesan nia feto-maluk hirak ne’ebe hela iha Dili, liu husi eskola, le’e livru barak no partisipa iha formasaun oin-oin. Ba Mana Delfia, hela iha suco ka kapital la sai sasukat ba aprende…depende ita nia vontade atu buka oportunidade no dezenvolve potensia ne’ebé eziste iha a’an-rasik no ambiente sosial ida.
Konserteza imi kuriozu atu hatene, Mana Delfia agora halo serbisu saida?
Ah laós bai-bain, Mana Delfia nudar professora iha Eskola Popular Agroecolojia-EPA Betano ne’ebé dedika nia a’an no fahe matenek ho joven sira husi munisipiu oin-oin kona-ba oinsa dezenvolve seitór agrikultura no produsaun aihan nudar aliserse ba soberania aihan no ekonomia popular. Liu tan ne’e, Mana Delfia mos dau-daun ne’e hanesan Prezidente Ezekutivu Uniaun Agrikultores Munisipiu Manufahi-UAMM ne’ebe sai mahon ba grupu agrikultores hotu iha Manufahi. Nudar lider kamponeza ida, nia brani koalia ho se deit kona-ba to’os-nain sira nia problema.
Laós ne’e deit, Mana Delfia mos uza nia tempu livre ba halo to’os no negosiu kiik sira iha uma hanesan; kuda aihan, aifuan no modo sira, hakiak animal no negosiu kiik seluk nudar meius ba auto-sufisiensia familia nian.
Ahh imi hatene ona, Mana Delfia halo buat barak, los ka lae?! Hmm se nune’e, mana Delfia nudar feto matenek, badinas e feto reziliente iha nia komunidade.
Mana Delfia mak sai ezemplar ba nia feto-maluk sira ne’ebé mak luta hela atu sai feto independente iha aspetu sosial, ekonomia no kultura iha sosiedade.
Imi balun vizita Betano karik, keta haluha eh sosa hela mana Delfia nia produtu lokál ne’ebe mai direita husi to’os.
Até publikasaun tuir mai!

06/08/2025

EPA Betano hahu ona aula inisial ba estudante foun 2025 ho aula edukasaun popular. Aula ne'e lori estudante sira reflete kona-ba edukasaun atual iha mundu🌏 no TL🇹🇱 husi prespetiva pedagozia libertadora ne'ebe Paulo Freire promove. Freire argumenta katak laiha edukasaun ida mak neutru, edukasaun serve interese klase nian tantu klase burges ka klase proletariu.
Ba Freire, edukasaun nudar aktu politiku ne'ebe orientadu ba dominasaun klase opressor nian ka libertasaun povu oprimidu.
Nune'e mak Maubere ka proletariu sira presiza edukasaun alternativa ne'ebe iha espiritu ba forma konsiensia kritika no liberta sosiedade husi formas esplorasaun oin-oin ne'ebe klase oprimidu sira hasoru. Edukasaun tenki enfaze iha dialogu entre manorin no estudante sira hodi enkoraza pensamentu kritiku no partisipasaun demokratiku.
Ami foin hahu husi hahu ida. Diskusaun sei kontinua nudar forma luta ida.
Fasilitador ba aula ohin mak Kamarada Xicava✊

01/08/2025

MAI KOÑESE ALUMNI EPA BETANO
--------------------------------------------------------
Ami haksolok tebes fahe ho Ita hotu kona-ba inisiativas husi Alumni sira ne’ebe ami fiar bele inspira ema barak hodi hare’e agrikultura nudar seitór ida atrativu. Amelia da Silva ho naran istimada Alia ka Bin Lia husi suco Maubara Lissa, postu administrativu Maubara.
Hafoin kompleta tiha formasaun agroekolojia iha Eskola Popular Agroekolojia-EPA, fila mai nia komunidade, Alia hahu inisiativa ida brillante tebes hamutuk nia feto maluk sira iha suco Maubara Lissa estabelese grupu agrikultura ho naran KEFESI (Keta Fiar Ema Sobu Ita) ne’ebé konsentra ba produsaun modo🥦🥬, aihan🌽🫚 no aifuan🥭🍍 sira fa’an ba merkadu lokal hodi hadia rendimentu grupu nian, nune’e mos responde ba konsumu diaria hodi hadia nutrisaun iha nivel uma-kain.
Novidade diak ida tan mak grupu KEFESI hahu evolui a’an sai mos grupu ROMANSA (Rai Osan ba Mudansa) hodi permite sira rai osan hamutuk no fo empresta ba membru grupu sira ho funan ki’ik. Ne’e nudar inisiativa furak ida ne’ebé moris husi baze no iha vizaun bo’ot ba hametin independénsia feto rural nian iha aspetu ekonomiku, sosial no kultura.
Mai Ita hotu suporta Alia ho nia grupu atu habo’ot sira nia inisiativas transformativu ne’e hodi inspira liu tan foinsa’e hirak ne’ebé seidauk diresaun lolós ba sira nia futuru. Futuru agrikultura ida forte liu tenki konsentra ho joven sira🥦🍑🌽🥑🫑🌶️✊.

13/07/2025

EPA Betano no IEFS Ermera organiza reflesaun kurikular loron ida ba korpu fasilitadores nudar parte husi metodu praxis "asaun e reflesaun" hodi refleta progresus no dezafius husi aula anteriores, formula lisaun aprendisazen atu bele garante efetividade no efisiensia husi implementasaun kurikulu agroecolojia ba joven kamponeza sira 👫 iha Timor-Leste.
Ita kontinua habo'ot movimentu edukadores popular no hametin familia agroecolojia ba atinji sosiedade agrikula ida prosperu, justu no sustentavel🥭🫚🍌🥦🥬💚✊
Agradese ba Mana Angela Tavares de Jesus no partisipasaun Kamarada fasilitadores hotu nian✊

16/05/2025

MAI KOÑESE ALUMNI EPA BETANO🧑‍🦱
-------------------------------------------------------------
EPA Betano kontinua orgullu ho alumni sira ne’ebe ativu teb-tebes iha asaun transformasaun baze. Ba biban ne’e, ami haksolok tebes fo koñese Alumni Victor dos Santos da Silva husi suco Lauhata, postu Bazartete, munisipiu Liquica.
Hafoin gradua tiha husi kursu agroekolojia Novembru 2024, Victor deside fila ba nia suco organiza grupu halo produsaun ortikultura nudar esforsu ba hasa’e produsaun modo, mellora rendimentu grupu nian ho aproximasaun agroekolojia nian – utiliza material organika sira ne’ebe natureza fornese ba hadia nutrisaun rai hodi asegura produtividade no sustentabilidade.

Atuálmente Victor nudar koordenador grupu “Haburas Moris Foun” ho membru nain 10. Victor konsege hare’e hetan poténsia iha suco no rekursu lokal ezistente nudar baze ba transformasaun vida sosial, ekonomia no ekolojia. Victor kontinua inspira inisiativas auto-empregu rihun ida ne’ebe sei mai👫.

Mai Ita suporta Victor ho nia grupu atu dezenvolve sai bo’ot liu iha futuru!
Viva Joven Kamponeza✊
Viva Agroekolojia🌳

03/04/2025

MAI KONHESE ALUMNI EPA BETANO
-------------------------------------------------------------
Jeconias Lopes Ximenes ho naran istimadu Jeco mai husi Bogoro, suco Mota-ulun, munisipiu Liquica.
Jeco nudar alumni EPA 2024 ne'ebe hala'o nia formasaun agroecolojia durante fulan ne'en iha Eskola Popular Agroecolojia Betano. Hafoin konklui tiha nia formasaun, Jeco iha motivasaun bo'ot ba dezenvolve atividade agrikultura no hortikultura nudar oportunidade auto-empregu ho baze ba prinsipiu sustentabilidade.
Jeco inspira tebes joven seluk iha Timor-Leste 🇹🇱 atu buka explora potensia no oportunidade empregu verde ne'ebe disponivel iha nivel suco no aldeia sira🌵🫒🥭🌱🌵🍒🍊.
Mai ita suporta Jeco atu expanda liu tan inisiativa brillante ne'e ba joven seluk iha Rai doben🇹🇱.

29/01/2025

MAI KONHESE ALUMNI EPA-BETANO
-----------------------------------------------------------
Trifonia Lopes naran bolu Fonia husi suco Raimea, postu administrativu Zumalai nudar alumni Eskola Popular Agroekolojia-EPA Betano tinan 2024. Nudar alumni, Fonia aprende buat barak kona-ba agroecolojia no dezenvolvimentu komunitaria durante nia kursu. Agora Fonia ativu teb-tebes serbisu hamutuk ho nia komunidade halo natar hodi hasa'e produsaun hare liu husi introduz teknolojia agrikultura apropriadu hanesan uzu adubu & pestisida organiku no makina ba kuda hare.
Atualmente Fonia hanesan koordenador advokasia iha Uniaun Agrikultores Munisipiu Covalima-UNARCO, hamutuk ho kamponeza sira advoka ba problema no aspirasaun kamponeza Covalima nian. Alein ne'e, Fonia mos hetan konfiansa husi programa SAPIP hodi sai nudar Co-fasilitador ba formasaun "Smart Bussiness Development" ba komunidade sira iha postu Zumalai.
Trifonia mak feto foinsae ida ne'ebe motivadu ba aprende konhesimentu foun kona-ba agrikultura no dedikadu ba serbisu hamutuk ho komunidade rural.

Endereço

Motakelan, Betano, Manufahi
Same

Website

facebook.com

Notificações

Seja o primeiro a receber as novidades e deixe-nos enviar-lhe um email quando Eskola Popular Agroekolojia-EPA Betano publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.