Asosiasaun Estudantil Departamento Desenvolvimento Comunitário

Asosiasaun Estudantil Departamento Desenvolvimento Comunitário

Asosiasaun Estudantil Departamento Desenvolvimento Comunitário hamutuk ho Asosiasaun Fakuldade Ciensia Sosiais e Politika hahu simu registrasaun ba estudante ano letivu 2026.

Quarta 12/03/2026
Media AED-DC no AAE-FCSP

Arkivu 06/02/2026

POESIA:

Ami nia lian sihin Komunidade Nia Esperansa

Ami nia lian bolu
Ami nia hanoin nakloke
Hafanun komunidade nia mehi
Husi nakukun ne’ebe hafalun.

Komunidade ne’ebé hamriik metin
Ida-ne'e maka ami-nia esperansa
Iha ami nia liman, iha ami nia kabas
Ami haforsa komunidade bé lian laek.

Ami komprometidu.

Ho Kbiit komunidade nian
Ba harii dezenvolvimentu iha komunidade nia ksolok moris nian.
Sira nia ksolok sei hamorin rai lafaek.

Ami mak liman ne’ebé hasihin sira nia unidade.
Ami mak ai-fatin ne'ebé hakat tuir,
Ho espíritu ne'ebé forte
Kuda esperansa ne'ebé la naksobu
Ba harii moris ida ne’ebé homan-an ho natureza

Maski tasi bele siak
Anin fuik makaʼas
Ami nia forsa sei la nakdoko,
Tanba esperansa ida-ne'e la'ós de'it ba ohin
Ida-ne'e promesa ida ba jerasaun ne’ebe la nahas….

Rai bokur sira no To'os matak sira,
Fini moris nian sei moris hikas
Ida ne’e sei hatudu ba mundu
Joven sira maka forsa ba dezenvolvimentu

Dili, 17 Fevereiro 2026
Eskritor: Estudante Semestre 3, turno 2025

LORON ESTUDATIL NO DEZENVOLIMENTU KOMUNITÁRIU

Hahú iha loron 12-13 Fevereiru tinan 2026 ne’e, departamentu Desenvolvimento Comunitário, organiza atividade ne’ebé nu’udar espasu sosiál-akadémiku husi semináriu, arte populár, no aprezentasaun traballu kampu estudante sira nian.

Iha ambitu ida-ne’e selebra mós loron 24 ezisténsia Departamento Desenvolvimento Comunitário ninia. Ne’ebé la’ós tempu badak ona bá kursu refere, nune’e forma profisionalidade lideransa komunitáriu lubuk ona bá kontribuisaun dezenvolvimentu nassaun-Estadu Timor-Leste.
Atividade refere ho tema jerál maka ‘Tinan 24 Departamento de Desenvolvimento Comunitário: Hametin Partisipasaun Ativa Estudante, Sustenta Dezenvolvimentu Inkluzivu’ — tamba estudante foti papél importante teb-tebes bá hametin paradigma dezenvolvimentu ne’ebé sustentavél no legitimu, bá harii espiritu partisipasaun ativu iha mudansa sosiál.

La’ós sai instrumentu iha aprende, maibé sai sujeitu hodi organiza no halo tranformasaun sosiál, ida-ne’e maka bá hametin soberania kritika nu’udar arma hodi halo mudansa sustentavél-liu.
Nune’e ohin nu’udar loron ikus bá realizasaun atividade ‘Loron Estudantil’ iha passu primeiru nia, katak sei la termina iha ohin de’it, maibé nu’udar koragen ne’ebé estudantes sira kontinua forma no hametin forsa autonómu bá konferénsia, semináriu, arte, no solidariedade ne’ebé maka luan liután iha tuir mai.
Husi ne’e semináriu ohin reflete makas atu oinsá bá oin reforsa kooperasaun estudante ho docente, estudante ho estudante no docente ho docente sai metin liután. Ida-ne’e konstitui valór sustentabilidade ne’ebé kolektivu no ativu.

Diretór Departamento Dr. Zacarias F. da Costa Ph.D haktuir katak traballu Departamentu nia hodi bá hametin dezenvolvimentu inkluzivu no oinsá lori komunidade bá komprende organizasaun regionál sira-ne’ebé ita tama tiha ona.
Aleinde ne’e, Dra Therese N. T. P. Tam katak papél dezenvolvimentu komunitáriu maka hala’o koordenasaun, monitorizasaun, organiza partisipasaun ativa komunidade, area kulturál, ambientál, agrikultura no seluk tan. No, sai profisaun nomós siénsia ida-ne’ebé util hodi dudu prossesu dezenvolvimentu nivél lokál to’o nasionál
No, Dr. Antero Benedito da Silva Ph.D haktuir katak atividade ne’ebé realiza nu’udar meius hodi hahoris lideransa, promove arte no kultura, profissionalizmu no solidariedade.

Partisipa mós hosi sefe suco Seloi Malere António do Santos Loco no sefe suco Funar Gaspar Pereira, hodi fahe no troka hanoin iha atividade ida-ne’e kona-bá Esperénsia Lideransa Lokál Bá Partisipasaun Ativa Dezenvolvimentu Komunitáriu. Sira-Nain rua salienta katak; sai sefe suco la’ós responsabilidade ki’ik, maibé ne’e nu’udar kanar ne’ebé assume hodi serví komunidade no promove koñesimentu komunitáriu bá dezenvolvimentu suku.

Atividade refere hetan partisipasaun maximu tebes hosi estudante ativu, livre teória no alumi sira hodi hakonu no okupa espasu Loron Estudantil iha ambitu selebrasaun tinan 24 ano Departamento de Desenvolvimento Comunitário.

Media: Zakeu, Nana, L Virgo, Barbara.
Página ofisial AED Departamento Desenvolvimento Comunitário

Estudante Departamento Desenvolvimento comunitário hamutuk ho dosente sira hotu realiza atividade semana estudantil ho tema :

Tinan 24 Departamento Desenvolvimento Comunitário Hametin partisipasaun ativa estudante, sustenta Dezenvolvimentu Inkluzivu.

Dili, 12-03-2026
Auditorium Kampus FCSP, UNTL