Organizasaun Bolsa Hakbiit Timor-Leste-OBHTL

Salva Klamar maibe la salva isin lolon ne retorika. Sosiedade kritika igreija Katolika tamba sarani sira halerik ba hela fatin, no labarik barak lakon sira nia estudu maibe Igreja hola pozisaun ho nonok.

Lianfuan Kroat ! Jose : "SEATOU Ganas, Kuta Husi PM Xanana" - SAP News TL SAPNewsTL, RAEOA : Relasiona ho eviksaun ne’ebe komunidade hamutuk uma-kain 361, Ativista Jose da Costa Sure hakerek essay krítiku ida hasoru nonu governu konstitusional tanba konsidera asaun eviksaun ne’ebe SEATOU halo viola direitu ema nian liliu feto no labarik sira. Tuir mai lee notisia kom...

Hm, osan ba bolsa rai liur ne'e iha, maibe enkuantu ba rai laran ne'e laiha.
Osan ba dezenvolvimentu setor edukasaun rai laran laiha, enkuantu aprova ba rai liur barak los.

OBHTL husu ba povu Maubere nia oan tomak mai ita hamutuk unika forsa hodi kontra politik mafiozu ida ne'e.

Viva OBHTL
VIVA POVU MAUBERE
A LUTA KONTINUA

HANYA ADA SATU KATA LAWAN✊✊

Relasiona ita-nia sorumutu ho Prezidente Konsellu Administrasaun Fundu Dezenvolvimentu Kapital Humanu (KA-FDCH) iha semana rua ba kotuk, ita aprezenta problema lubuk ne'ebe ita enfrenta durante mudansa ba desizaun ba Bolsa Hakbi'it ba Parsiál, nune'e ita ho Prezidente KA-FDCH diskuti to'o iha konkluzaun ida katak, atu rezolve problema ne'ebe ita aprezenta maka ita devia buka dadus hodi submete, tanba ne'e ohin ita konsege hatama ona dadus ba Prezidente KA-FDCH nune'e sira sei hare'e no avalia dadus hirak ne'e iha tempu badak. Dadus ne'ebe ita submete hamutuk 1176 bolseirus.

Viva OBHTL
A LUTA KONTINUA

Relasiona ho sorumutu semana kotuk liu ba ho MPIE no Diretor FDCH. Ita to'o konkluzaun ida katak, atu rezolve problema bolseiru nian ne'ebe durante enfrenta ba mudansa desizaun maka ita tenki buka dadus. Nune'e, loron ohin konsege rekolla hotu ona dadus no sei submete ba Ministério Planeamentu Investimentu Estratéjiku (MPIE) iha loron aban.

Viva Bolseiru Bolsa Hakbi'it Timor-Leste
Viva Povu Maubere
A Luta Kontinua

Portavóz Bolseiru Bolsa Habi'it halo audensia ho Ministériu Planeamentu Investimentu Estratéjiku (MPIE).

Benefisiáriu Bolsa Hakbiit La Konkorda Desizaun Governu Transforma Bolsa Hakbi’it ba Bolsa Parsiál

Bolseiru Bolsa Hakbi’it halo asaun pasífika kontra desizaun KA-FDCH

Bazeia ba desizaun injustu ne’ebe toma husi Presidente Konsellu Administrasaun Fundu Dezenvolvimentu Capital Humano (FDCH) Sr. Gastão F. de Sousa ne’ebe manifesta iha Diploma Ministerál nú. 11/2024, loron 7, fulan fevereiru ne’ebe deside muda Bolsa Hakbi’it ba Bolsa Parsiál ne’ebe afeta ba estudante bolsa refere iha ne’ebe lubun bo’ot lakon ona nia estudu tanba laiha finanseiru hodi finansia nia an hodi responde ba nia nesesidade báziku sira hanesan selu alojamentu (Kos), print, fotokopia, hahan, bemo no sira seluk tan.
Antes ne’e, governu anterior fó bolsa ho tipu rua ba estudante sira iha rai-laran maka hanesan: Bolsa Parsiál no Hakbi’it. Bolsa Parsiál katak estadu liu husi FDCH selu de’it estudante sira-nia propinas tanba parte FDCH nia peskiza hare’e katak estudante refere nia família nia iha nesesidade ekonomia ne’ebe bele tulun nia nesesidade báziku sira ne’ebe naktemik iha leten, maibé responde ba nia nesesidade sekundáriu hanesan selu propinas mak família laiha kapasidade, ho nune’e estadu liu husi FDCH tulun hodi selu propinas. Enkuantu Bolsa Hakbi’it, liu husi FDCH nia peskiza hare’e katak, família estudante refere laiha kapasidade ekonomia ne’ebe bele responde ba nia oan sira-nia nesesidade báziku tantu sekundáriu ne’ebe temi ona iha leten, tanba ne’e estadu liu husi FDCH finansia nia nesesidade total, báziku tantu sekundáriu (selu propinas). Maibé ikus-ikus ne’e, governu atuál revoga ka halakon tiha diploma ministeriál nú. 11/2021, loron 10, fulan marsu ne’ebe oferese Bolsa Hakbi’it ba família kbi’it la’ek nia oan sira, iha ne’ebe hamate esperansa Kbi’it La’ek nia oan sira ne’ebe dadaun ne’e hala’o hela nia estudu iha ensinu superior.
Tuir termu kontratu ne’ebe hahoris husi diploma ministeriál nú. 11/2021, loron 10, fulan marsu, iha klaúzula 2˚ hateten katak kontratu ida ne’e ho natureza multianuál, katak depende ba estudante ida-idak nia “Área no Durasaun Kursu” ne’e katak se kursu ho nível baxerlatu entaun durasaun tinan tolu (3), se enkuantu kursu nível lisensiatura entaun tinan lima (5), sorin seluk ba situasaun ne’ebe ezije entaun aumenta tan tinan ida (1). Aleinde ne’e, Diretór Ezekutivu FDCH, Sr. Júlio Aparício ne’ebe espresa ba media sira katak, hapara bolsa refere tanba estudante balun inkumprimentu ba kontratu refere. Atu hatan ba afirmasaun Diretór Ezekutivu nian bazeia ba baze kontratu iha Klaúzula 6˚ katak:
1. Wainhira bolseiru la kumpre kontratu ka wainhira iha inkumprimentu ba obrigasaun sira ne’ebe regula iha Klaúzula 4˚ kona-ba “Direitu no Obrigasaun Bolseiru” durante ezekusaun kontratu ida ne’e rezulta kansela automátiku ba bolsa-estudu.
2. Bolseiru iha obrigasaun atu restitui (selu fila-fali) montante orsamentu ne’ebe simu ona husi bolsa ida ne’e ba FDCH nu’udar instituisaun autorizadu ba finansiamentu bolseiru depende kazu a kazu.
Maibé, de faktu saida maka akontese, parte relevante KA-FDCH la toma desizaun bazeia ba termu kontratu, maibé halakon total kontratu refere. Tanba ne’e, tuir ami desizaun ida ne’e só destroi de’it ami-nia esperansa ba ba futuru rai ida-ne’e.
Ho desizaun injustu ida ne’e maka ohin bolseiru Bolsa Hakbi’it halo asaun manifestasaun hodi ezije KA-FDCH katak:
1. kansela imediata ba desizaun refere ne’ebe manifesta iha diploma ministeriál nú. 11/2024, loron 7, fulan fevereiru ne’ebe hamate esperansa bolseiru sira;
2. Programa Bolsa Hakbi’it mantein eziste hodi nafatin fó bolsa ba família Kbi’it La’ek nia oan sira hodi asesu ba ensinu superior iha rai-laran.

Ho nune’e, ohin Diretór Ezekutivu FDCH, Sr. Júlio Aparício konsege hasoru ita bolseiru sira katak, Kinta Feira, tuku 9:00 am. Ita bolseiru hamutuk ho Diretór Ezekutivu sei halo audénsia Ministro Planeamentu Investimentu Estratéjiku (MPIE) Sr. Gastão F. de Souza atu fó solusiona ba ita-nia problema ne’e.
Ikus liu, husu nafatin ba bolseiru Bolsa Hakbi’it sira ne’ebe namkari iha Timor laran tomak katak mai ita kontinua junta forsa nafatin hodi reziste no kontra bainhira parte relevante KA-FDCH bainhira seida’uk fó solusaun lalais ba ita-nia problema.

VIVA BOLSEIRU BOLSA HAKBI’IT TIMOR-LESTE
VIVA POVU MAUBERE
A LUTA KONTINUA