Alumni Faculdade de Economia e Gestão, UNTL

13/03/2022

AVISU
Klibur Alumni Faculdade de Economia e Gestão (KAFEG-Gestão) hakarak konvida Estudante ativu husi Departamento Gestão, Ciência Economia, Comércio e Turismo no mos Contabilidade atu mai partisipa iha "LANSAMENTU REKOLLA DADUS ALUMNI FEG-UNTL" no mos Fundansaun Universidade Português (FUP)".

Data: Tersa-Feira, 15 Marsu 2022
Oras: 09:00-11:00 OTL
Fatin: Resintu FEG-UNTL

20/01/2022

Ohin 20 Janeiru 2022

Estrutura Klibur Alumni - Faculdade Economia e Gestão (KAFEG-UNTL) halo aprezentasaun ba Estudante Foun sira iha Orientasaun Akadémika FEG-UNTL nian.

Bom Estudo ba imi hotu. ✊✊✊...

08/04/2021

Prezidente KAFEG-UNTL
Sr. Elvino Correia

Iha okaziaun distribuisaun ajudu umanitária ba estudante sira iha KAMPUS FEG-UNTL.

Dili Post – Klibur Alumi Fakuldade Ekonomia no Gestaun (KAFEG) husi Universidade Nasional Timor Lorosae, Kinta (8/04) ohin, distribui aihan ba estudante nain 87 ne’ebe afeta Inundasaun foin lalais ne’e. Hafoin entrega nesesidade bazikuPrezidente KAFEG, Elvino Alves Pereira hateten sira ho inis...

08/04/2021

Ohin 8 Abril 2021

KLIBUR ALUMNI FACULDADE DE ECONOMIA E GESTÃO - UNTL, SERVISU HAMUTUK HO MTCI HODI APOIU ESTUDANTE HELA IHA “KOS”

Universidade Nacional Timor Lorosa’e (UNTL) nia Fakuldade Ekonomia no Jestaun (FEG), liuhusi Klibur Alumni Fakuldade Ekonomia no Jestaun (KAFEG), servisu hamutuk ho Ministériu Turizmu, Komérsiu no Indústria (MTCI), fó apoiu foos saka 87 no supermi kaixa 87 ba universitáriu sira ne’ebé hela iha alojamentu (kos).

Iha atividade ne’ebé hala’o Iha Resintu Canto Resende FEG (08/04), Magnífiku Reitór UNTL, Profesór dr. João Soares Martins MPH, PH.D, agradese ba inisiativa husi KAFEG nian, hodi buka apoiu ba estudante hirak ne’ebé presiza tulun durante Serka-Sanitária.

“Agradese no louva tebes alumni sira husi FEG ba inisiativa ida ne’e, hodi tulun ita-nia estudante sira ne’ebé dadaun presiza ajuda ba hahan durante tempu Serka-Sanitária nian”, tenik Reitór.

Iha fatin hanesan, Prezidente KAFEG nian, Sr. Elvino Alves Correia, hateten katak apoiu ne’ebé sira oferese hanesan, foos saka 87 no supermi hamutuk kaixa 87.

“Ita ohin distribui foos saka 87 no supermi kaixa 87 ba estudante sira tuir lista ne’ebé ita hato’o ba MTCI, tanba sira difikuldade ba ai-han durante implementasaun Serka-Sanitária (SS) iha munisípiu Díli”, tenik Elvino.

Alumni FEG ne’e mós hatutan depois distribui tiha, iha tan estudante balun ne’ebé seidauk hetan apoiu, no sira rekolla hela lista hodi buka atu apoiu ba sira, iha faze tuir mai. Estudantes ne’ebé benefísia ba ajudus ne’e maoria husi UNTL, inklui balun husi universidade sira iha Díli laran.

Partisipa iha eventu refere, Ministru Turizmu, Komérsiu no Indústria, Profesór Dr. José Lucas do Carmo, Vise-Ministra Turizmu Komunitária no Kultural, Dra. Inácia da Conceição Teixeira, nomós funsionáriu husi MTCI, Dekanu FEJ Profesór Custodio Barata Ximenes, estudante sira no konvidadu sira.

Média UNTL 📝 : Agostinho da Cruz e Silva
Foto 📷 : Agostinho da Cruz e Silva

Foto 📷 : Média KAFEG-UNTL

08/04/2021

24/06/2020

Hodi Naran Klibur Alumni Faculdade Economia e Gestão - UNTL (KAFEG-UNTL), hato'o ami nia votus parabens ba Tomada Posse atual S.E Vice Ministro do Turismo, Comércio e Industria, Sr. Domingos Lopes Antunes.

Orgullu boot ida mai ami, rekursu FEG-UNTL nian hola pozisaun importante nu'údar membru iha VIII Governu konstituisional.

Susesu kontinua ba Sua Excelência, kontinua serví ba povu no rai ida ne'e.

30/05/2020

Hodi Naran Klibur Alumni Faculdade Economia e Gestão - UNTL (KAFEG-UNTL), hato'o ami nia votus parabens ba atual S.E Ministro Finanças Prof. Dr. Fernando Hanjam.

Ami nia apresiasaun mós ba S.E Vice Ministra Finanças Sra. Sara Lobo Brites, ho S.E Ministro do Ensino Superior, Ciência e Cultura Sr. Longuinhos dos Santos nia servisu tomak.

Orgullu boot ida mai ami, rekursu FEG-UNTL nian hola pozisaun importante nu'údar membru iha VIII Governu konstituisional.

Susesu kontinua ba Excelência nain tolu, kontinua serví ba povu no rai ida ne'e.

27/01/2020

DESCANSE EM PAZ
Irmã i Kolega Amuthi, Alumni Faculdade de Economia e Gestão - UNTL.

Sentido Condolência á família e Sempre Coragem...

05/12/2019

Dia 23 Novembru 2019, iha Enkontru entre Estrutura KAFE GESTÃO-UNTL nian akompaña mós ho Vise Dekanu III, Mestri Assis.

Iha enkontru ne'e toka asuntu rua (2):
1. Realizasaun Seminariu Nasional ida (Hanesan planu ida iha tinan 2020 nian).

2. Harii Sekretariadu KAFE GESTÃO - UNTL nian. Asuntu ida ne'e Estrutura toka duni ba Vise Dekanu III, maibé kompetensia tomak iha UNTL, nune'e forum iha planu Audensia ho Reitor i no mós prepara ona meius oinsa bele harii Sekretariadu ida ba alumni nian liu husi Kontribuisaun Alumni nian rasik.

05/12/2019

Bom Dia Maluk Alumni hotu, iha biban ida atu informa ba ita hotu katak ita sei enkontru iha:

Loron no Data: Sábadu, 7 Dezembru 2019
Oras : 10.00 Dader to’o remata
Fatin : FEG-UNTL

Asuntu : 1. REALIZASAUN SEMINARIU NASIONAL (Planu 2020)
- Forma Komisaun
- Meius Buka Fundus, nst…

2. HARII SEKRETARIADU KAFE-GESTÃO NIAN

To’o ba ne’e deit, ba atensaun no kolaborasaun hato’o obrigadu

Joel Manuel