Página Associação Acadêmica FEH UNTL

𝐄𝐧𝐜𝐞𝐫𝐫𝐚𝐦𝐞𝐧𝐭𝐨 𝐀𝐭𝐢𝐯𝐢𝐝𝐚𝐝𝐞𝐬 𝐅𝐨𝐫𝐦𝐚𝐬𝐚𝐮𝐧 𝐛𝐚 𝐊𝐚𝐧𝐝𝐢𝐝𝐚𝐭𝐮𝐫𝐚 𝐟𝐨𝐮𝐧 𝐀𝐀𝐄-𝐅𝐄𝐇-𝐔𝐍𝐓𝐋 𝐓𝐢𝐧𝐚𝐧 𝟐𝟎𝟐𝟔–𝟐𝟎𝟐𝟖

📍 Polo Manatuto
📅 13 – 18 Abril 2026

Ho sentimentu orgulhu, ohin konsege finaliza ona Atividades Formasaun ba kandidatura foun AAE-FEH-UNTL periodu 2026–2028 iha Polo Manatutu, depois de semana ida dedikasaun intensiva ba formasaun hodi partilha koñesimentu.

Programa formasaun ne’e mos, kontribui boot ba kandidatura, hodi hasa’e sira koñesimentu iha área:
✨ Lideransa
✨ Jestaun organizasaun
✨ Atendimentu públiku

Partisipante sira mos aprende pratika, responsabilidade, disciplina, no espírito servisu, ne’ebe sai fundasaun importante ba sira nia papel hanesan kandidatu foun AAE-FEH-UNTL.

Encerramentu ne’e marka momentu importante ida, tanba ida ne'e la’os hanesan fim ba prosesu, maibé hanesan inísiu ba komitmentu foun atu kontribui ba Fakuldade no komunidade akadémika ho dedikasaun no integridade.

💡 “Lideransa ne’ebé forte la moris husi pozisaun, maibe husi servisu, koñesimentu no responsabilidade.”💪📚🇹🇱

"𝐊𝐨𝐧𝐭𝐢𝐧𝐮𝐚 𝐅𝐨𝐫𝐦𝐚𝐬𝐚𝐮𝐧 𝐡𝐚𝐦𝐮𝐭𝐮𝐤 𝐡𝐨 𝐒𝐞𝐧𝐚𝐝𝐮 𝐆𝐞𝐫𝐚𝐥 𝐔𝐍𝐓𝐋 𝐧𝐨 𝐒𝐞𝐧𝐚𝐝𝐮 𝐃𝐢𝐬𝐜𝐢𝐩𝐥𝐢𝐧𝐚𝐫"

𝐇𝐨𝐫𝐢𝐬𝐞𝐡𝐢𝐤, 𝟏𝟕 𝐝𝐞 𝐚𝐛𝐫𝐢𝐥 𝐝𝐞 𝟐𝟎𝟐𝟔

Atividade horisehik, kontinua ho formasaun hamutuk ho Senadu Geral UNTL no Senadu Disciplinar, hodi koalia no diskute kle’an kona-ba Estatutu Asosiasaun, Kodigu konduta no Estatutu UNTL. Formasaun ne’e foka liu ba kandidatura AAE-FEH-UNTL foun ba periodu 2026–2028, ho objetivu atu prepara sira nia koñesimentu no komprensaun ne’ebe klean kona-ba regra no estrutura organizasaun akademika.

Formasaun ne’e mós hatudu katak realidade Estatutu Asosiasaun, Kodigu Konduta no Estatutu UNTL mak baze prinsipal ida ne’ebe orienta funcionamentu Universidade no Assosiasaun estudantil.

Liu husi diskusaun no troka hanoin, kandidatura sira hetan oportunidade atu hatene kle’an kona-ba direitu, dever no responsabilidade ne’ebe sira tenki kaer bainhira simu konfiansa husi estudante sira.

𝐊𝐨𝐧𝐭𝐢𝐧𝐮𝐚 𝐅𝐨𝐫𝐦𝐚𝐬𝐚𝐮 "𝐆𝐞𝐬𝐭𝐚𝐮𝐧 𝐎𝐫𝐠𝐚𝐧𝐢𝐳𝐚𝐬𝐚𝐮𝐧"
𝑯𝒐𝒓𝒊𝒔𝒆𝒉𝒊𝒌 𝒏𝒐 𝑶𝒉𝒊𝒏

Iha 15–16 de Abril de 2026, Kontinua formasaun kona-ba jestaun organizasaun, ne’ebe hanorin husi Ir. Gil Ximenes, hanesan alumni parlamentu foin sa’e, ne’ebe partilha esperiénsia real kona-ba lideransa no responsabilidade iha servisu públiku

Formasaun ne'e ho objetivu atu desenvolve rekursu potensial universitáriu sira, hodi prepara aan ba kandidatura foun iha Asosiasaun Akadémika Estudantil AAE-FEH, hodi lori mudansa pozitivu iha kampus.

Iha sesaun ida ne'e kandidatura foun sira aprofunda liu tan sira nia koñesimentu kona-ba:
=>Jestaun organizasaun ne’ebe eficiente no transparente
=> Papel lideransa iha ekipa no toma desizaun
=> Étika no responsabilidade hanesan representante estudante

💡 “Mudansa la hahu husi ema seluk, maibé husi ita rasik ne’ebe prontu atu halo diferensa.”

Mai ita hamutuk kontinua aprende, evolui no kontribui ba kampus ida ne’ebé di’ak liután! 💪📖

𝐀𝐛𝐞𝐫𝐭𝐮𝐫𝐚 𝐀𝐭𝐢𝐯𝐢𝐝𝐚𝐝𝐞 𝐅𝐨𝐫𝐦𝐚𝐬𝐚𝐮𝐧 𝐛𝐚 𝐧𝐨𝐯𝐨 𝐀𝐀𝐄-𝐅𝐄𝐇-𝐔𝐍𝐓𝐋 𝐢𝐡𝐚 𝐏𝐨𝐥𝐨 𝐌𝐚𝐧𝐚𝐭𝐮𝐭𝐮

𝗢𝗵𝗶𝗻, 𝟭𝟯 𝗱𝗲 𝗔𝗯𝗿𝗶𝗹 𝗱𝗲 𝟮𝟬𝟮𝟲

Atividade formasaun ba kandidatu AAE-FEH-UNTL foun oficialmente loke ona iha Polo Manatutu. Atividade ida ne’e sai hanesan pontu importante ida atu prepara no forma rekursu potensial universitáriu sira.

Atividade ne’e hetan apoiu husi APFTL hodi fó formasaun kona-ba:
📍Koñesimentu iha área lideransa
📍Kapasidade iha jestaun organizasaun
📍Desenvolve atitude no habilidade iha atendimentu públiku

Fakuldade edukasaun la'os sai de'it fatin ida ne’ebe transmite koñesimentu, maibé mos forma karakter, haburas pensamento kritiku, no prepara estudante sira atu sai agente mudansa 💪🇹🇱

𝙋𝙧𝙚𝙥𝙖𝙧𝙖𝙨𝙖𝙪𝙣 𝙆𝙤𝙢𝙞𝙨𝙖𝙪𝙣 𝙊𝙧𝙜𝙖𝙣𝙞𝙯𝙖𝙙𝙤𝙧𝙖 𝙗𝙖 𝙖𝙩𝙞𝙫𝙞𝙙𝙖𝙙𝙚 𝙁𝙤𝙧𝙢𝙖𝙨𝙖𝙪𝙣 𝙗𝙖 𝙆𝙖𝙣𝙙𝙞𝙙𝙖𝙩𝙪 𝘼𝘼𝙀-𝙁𝙀𝙃-𝙐𝙉𝙏𝙇 𝙛𝙤𝙪𝙣 2026-2028

Polo UNTL Manatuto

Komisaun Organizadora halo preparasaun ho responsabilidade atu asegura katak atividade Formasaun ba Kandidatu AAE-FEH-UNTL foun periodu 2026–2028 bele lao ho di’ak, organizada, no hamosu rezultadu ne’ebe konstrutivu.

Atividade ida ne’e hanesan pontu importante atu forma karakter, kapasidade lideransa, no responsabilidade sosial ba kandidatu sira atu prepara-an ba servisu akademiku.

Hamriik hamutuk,
aprende hamutuk,
no dezenvolve hamutuk
ba AAE-FEH-UNTL ida ne’ebe forte liu iha futuru!

𝗠𝗲𝗺ó𝗿𝗶𝗮 𝘀𝗶𝗿𝗮 𝗵𝘂𝘀𝗶 𝗢𝗿𝗶𝗲𝗻𝘁𝗮𝘀𝗮𝘂𝗻 𝗔𝗸𝗮𝗱é𝗺𝗶𝗸𝗮 𝟮𝟬𝟮𝟲

𝐁𝐚 𝐦𝐨𝐦𝐞𝐧𝐭𝐮 𝐬𝐢𝐫𝐚 𝐧𝐞'𝐞𝐛𝐞 𝐥𝐢𝐮 𝐨𝐧𝐚,

Oportunidade furak ida no sai hanesan inísiu ba viajen naruk ida iha mundu akadémiku. Orientasaun Akadémika 2026 iha Fakuldade Edukasaun no Humanidade, Universidade Nasionál Timor Lorosa’e (FEH-UNTL).

Ida ne'e inísiu husi viajen ida ne'ebe signifikativu. La’o nafatin ba oin ho entuziazmu, tanba loron ohin mak fundasaun ba loron aban.

Sinseru,
Komunidade Akadémika FEH-UNTL ✨

📢 𝐒𝐄𝐌𝐈𝐍Á𝐑𝐈𝐔 𝐎𝐑𝐈𝐄𝐍𝐓𝐀𝐒𝐀𝐔𝐍 𝐀𝐊𝐀𝐃É𝐌𝐈𝐊𝐀 𝟐𝟎𝟐𝟔 – 𝐅𝐄𝐇 𝐔𝐍𝐓𝐋

🎓 Semináriu horisehik 27 marsu 2026, iha Fakuldade Edukasaun no Humanidades FEH-UNTL

Orientasaun Akademika 2026 ba loron ikus, iha semináriu ida nebe importante tebes ba estudante sira, ho objetivu atu fo komprensaun klaru kona-ba sistema ensinu no papel Asosiasaun Akadêmika estudantil iha Fakuldade Edukasaun no Humanidade FEH-UNTL.

TÓPIKU PRINCIPÁL

🔹 Prosesu Ensinu iha FEH-UNTL
(Kurríkulu, Sistema Avaliasaun, Regulamentu Akademika)
Apresenta husi: Vise Dekanu dos assuntus Akadêmicos e pedagogicos
Dr. Venâncio Lopes

Sesaun ida-ne’e ajuda estudante sira atu komprende sistema ensinu no regulamentu akademiku, atu prepara sira ba vida universitaria ho klaridade.

🔹 Papel Assosiasaun Akademika Estudantil (AAE-FEH)
Apresenta husi: Senadu FEH

Iha apresentasaun ne’e, Senadu FEH hateten katak:

AAE hetan lejitimidade tomak husi estudante liu husi dalan demokrasia, la’ós husi reitor, dekanu ka autoridade seluk. Tanba ne’e, AAE reprezenta estudante hotu-hotu iha kada fakuldade.

Ho konfiansa nebe hetan husi estudante sira, AAE define iha nia estatutu katak nia:
➡️ INDEPENDENTE (la depende ba kualker entidade iha fakuldade ka universidade)

➡️ Nune’e AAE sai nu’udar:
- Fonte ida ba auto-desenvolvimentu estudante
- Fatin atu hametin integridade pesoál
- Ambiente ne’ebé fó liberdade ba estudante sira durante aprendizajen

Senadu FEH mos sublinha katak:

- AAE dezempeña servisu importante hodi espresa aspirasaun estudante sira-nian
- Kontinua luta atu hadi’a kondisaun aprendizajen

➡️ Misaun AAE mak:
Defende estudante sira-nia interese no direitu

UNTL mak uma povu Maubere nian, la’ós ema ida-nia propriedade.

✊ AAE-FEH - UNTL – HOSI ESTUDANTE, BA ESTUDANTE!!

📢 𝐒𝐄𝐌𝐈𝐍Á𝐑𝐈𝐔 𝐎𝐑𝐈𝐄𝐍𝐓𝐀𝐒𝐀𝐔𝐍 𝐀𝐊𝐀𝐃É𝐌𝐈𝐊𝐀 𝟐𝟎𝟐𝟔 – 𝐅𝐄𝐇 𝐔𝐍𝐓𝐋

Fakuldade Edukasaun no Humanidade (FEH-UNTL), kontinua ho atividade Orientasaun Akadémika 2026 liuhusi realizasaun semináriu importante ida nebe fó hanoin no orientasaun ba estudante sira kona-ba aspetu importante iha vida universitária.

📚 Temas Semináriu:
🔹 Administrasaun no Sistema Jestaun Financeira iha FEH-UNTL
🎤 Apresenta husi Vice Dekanu dos Assuntos Administrasaun no Finansa
👤 Prof. Bernardinho de Castro

🔹 Atividade Estudantil
🎤 Apresenta husi Vice Dekanu dos Assuntos Estudantil
👤 Prof. David Aleixo Guterres

🔹 Literasia Dijital: Save Fundamentu ba Jerasaun Brilhante ida iha Era Transformasaun Teknolojia
🎤 Plan Internasional

🔹 Perspektiva Akademista nian kona-ba Politika Dezenvolvimentu Edukasaun iha Timor-Leste: Desafius no Oportunidade
🎤 Akademista

✨ Semináriu ida ne’e fo oportunidade ba estudante sira atu:
✔️ Komprende sistema administrasaun no jestaun financeira iha FEH-UNTL
✔️ Koñese papel no importânsia atividade estudantil
✔️ Aumenta kapasidade literasia dijital
✔️ Analiza situasaun edukasaun iha Timor-Leste

Foto: Disvan

𝐀𝐁𝐄𝐑𝐓𝐔𝐑𝐀 𝐎𝐑𝐈𝐄𝐍𝐓𝐀𝐒𝐀𝐔𝐍 𝐀𝐊𝐀𝐃É𝐌𝐈𝐊𝐀 𝐁𝐀 𝐓𝐈𝐍𝐀𝐍 𝐀𝐊𝐀𝐃É𝐌𝐈𝐊𝐔 𝟐𝟎𝟐𝟔,
𝐔𝐍𝐓𝐋-𝐅𝐄𝐇

Universidade Nacional Timor Lorosa’e (UNTL) nia Dekanu Faculdade de Educação e Humanidades (FEH) Profesór Teodoro Soares hala’o abertura orientasaun akadémika ho tema “Formar Universitários Responsáveis, Produtivos Inovativos, Consciente e de Bom Carácter na Era Digitalização” iha Kampus Liceu, Díli (26/03).

Iha diskursu Dekanu FEH Profesór Teodoro Soares hato’o benvindu ba estudante foun rihun ida atus ida haat (1104) ne’ebé hili ona hodi tama iha departamentu sanulu (10) ne’ebé eziste iha Fakuldade Edukasaun no Humanidades.

Partisipa iha abertura ne’e Vise-dekanu, Dosente, Komisaun Organizadora no asosiasaun estudante sira.



26 Marsu 2026

📢 𝐎𝐑𝐈𝐄𝐍𝐓𝐀𝐒𝐀𝐔𝐍 𝐀𝐊𝐀𝐃É𝐌𝐈𝐊𝐀 𝐁𝐀 𝐓𝐈𝐍𝐀𝐍 𝐀𝐊𝐀𝐃É𝐌𝐈𝐊𝐔 𝟐𝟎𝟐𝟔
𝑭𝑨𝑪𝑼𝑳𝑫𝑨𝑫𝑬 𝑬𝑫𝑼𝑲𝑨𝑺𝑨𝑼𝑵 𝑵𝑶 𝑯𝑼𝑴𝑨𝑵𝑰𝑫𝑨𝑫𝑬,
𝑼𝑵𝑰𝑽𝑬𝑹𝑺𝑰𝑫𝑨𝑫𝑬 𝑵𝑨𝑪𝑰𝑶𝑵𝑨𝑳 𝑻𝑰𝑴𝑶𝑹 𝑳𝑶𝑹𝑶𝑺𝑨’𝑬,
(𝑭𝑬𝑯-𝑼𝑵𝑻𝑳)

Komisaun Organizadora husi Fakuldade Edukasaun no Humanidade (FEH-UNTL) hakarak hato’o informasaun ofisiál kona-ba realizasaun Orientasaun Akadémika ba Tinan Akadémiku 2026, sei realiza iha Loron:

📅 Data: Quarta to’o Sábado, 25–28 Marsu 2026
⏰️ Horas :07h00-17h00
📍 Fatin : Liceu, FEH – UNTL

💡 Komisaun Organizadora FEH-UNTL husu estudante foun sira hotu atu tuir regulamentu sira ne’e ho responsabilidade hodi garante disiplin, ordem no susesu durante orientasaun.

👋 Bem-vindu mai iha FEH-UNTL!
Hahu ita nia viajen akademika ho espírito foun!

📢 𝐀𝐓𝐈𝐕𝐈𝐃𝐀𝐃𝐄 𝐋𝐎𝐑𝐎𝐍 𝐎𝐇𝐈𝐍 𝐍𝐈𝐀𝐍
𝐔𝐧𝐢𝐯𝐞𝐫𝐬𝐢𝐝𝐚𝐝𝐞 𝐍𝐚𝐜𝐢𝐨𝐧𝐚𝐥 𝐓𝐢𝐦𝐨𝐫 𝐋𝐨𝐫𝐨𝐬𝐚’𝐞, 𝐅𝐚𝐤𝐮𝐥𝐝𝐚𝐝𝐞 𝐄𝐝𝐮𝐤𝐚𝐬𝐚𝐮𝐧 𝐧𝐨 𝐇𝐮𝐦𝐚𝐧𝐢𝐝𝐚𝐝𝐞. 𝐅𝐄𝐇-𝐔𝐍𝐓𝐋
Universidade Nacional Timor Lorosa’e, Fakuldade Edukasaun no Humanidade.
FEH-UNTL

Ohin, 21 Marsu 2026, Fakuldade Edukasaun no Humanidade (FEH-UNTL) hala’o atividade Registrasaun etapa II no Gladi ida ne'e hanesan parte ida hodi prepara ba Orientasaun Akademika tinan letivu 2026.

🔹 Registasaun Etapa Segundu
Prosesu registasaun etapa II realiza ho objetivu ba estudante sira ne’ebe seidauk halo inskrisaun iha etapa dahuluk, hodi hetan oportunidade atu partisipa iha Orientasaun Akdemika tinan letivu 2026.

🔹 Ensaiu (Gladi) / Preparasaun Final
Iha tempu hanesan, realiza mos atividade gladi jeral hodi prepara ba programa Orientasaun Akademika. Komisaun organizadora halo simulasaun ba serimonia, inklui entrada estudante, organizasaun programa, no koordenasaun entre K.O ho estudante foun sira.

📣Atividade sira ne’e hatudu komitmentu boot husi Komisaun Organizadora KO-FEH-UNTL atu prepara no simu estudante foun sira ho diak. Ho preparasaun ida ne’e, espera katak estudante sira bele adapta lalais iha ambiente universitaria, komprende regulamentu akademiku, no mos prepara an ba jornada estudu iha FEH-UNTL.