Página Associação Acadêmica FEH UNTL

24/07/2026

📢 𝐔𝐍𝐓𝐋 𝐂𝐔𝐏 𝐅𝐔𝐓𝐒𝐀𝐋 𝟐𝟎𝟐𝟔
𝐅𝐀𝐊𝐔𝐋𝐃𝐀𝐃𝐄 𝐄𝐃𝐔𝐊𝐀𝐒𝐀𝐔𝐍 𝐍𝐎 𝐔𝐌𝐀𝐍𝐈𝐃𝐀𝐃𝐄 (𝐅𝐄𝐇)

AAE-FEH konvida estudante, docente, funsionáriu no família boot FEH atu mai hamutuk fó apoiu ba ita-nia ekipa futsal iha kompetisaun UNTL CUP FUTSAL 2026.

⚽ JOGU SIRA

👨 Kategori Mane
FEH 🆚 FMCS
🕠 17:30 OTL

👩 Kategori Feto
FEH 🆚 FCSP
🕞 15:30 OTL

📅 Data: Sábadu, 25 Jullu 2026
📍 Fatin: MJDAC

Presensa ita boot sira mak força ida ba Equipa FEH.

17/07/2026

📢 𝗥𝗘𝗭𝗨𝗟𝗧𝗔𝗗𝗨 𝗢𝗙𝗜𝗦𝗜Á𝗟 𝗘𝗟𝗘𝗜𝗦𝗔𝗨𝗡 𝗔𝗔𝗘–𝗙𝗘𝗛 𝗨𝗡𝗧𝗟 𝗣𝗘𝗥Í𝗢𝗗𝗨 𝟮𝟬𝟮𝟲–𝟮𝟬𝟮𝟴

📍Ohin, 17 Jullu 2026,
Komisaun Eleitoral, Asosiasaun Akademika Estudantil – Faculdade Edukasaun no Umanidade (AAE–FEH-UNTL) hato'o ba estudante no sivitas akademika tomak katak proses Eleisaun ba Estrutura AAE–FEH Períodu 2026–2028, ne'ebe realiza ohin iha tenda Liceu FEH-UNTL, remata ho susesu no hala'o tuir prinsípiu livre, demokrátiku, transparente, justu, direta no responsável.

Depois remata votasaun, Komisaun Eleitorál hala'o abertura urna, kontajen no verifikasaun votu ba pakote kandidatura sira, atu garante transparénsia no kredibilidade proses tomak.

Tuir rezultadu ofisiál ne'ebé valida ona, Pakote A konsege hetan maioria votu válidu, no oficialmente declara hanesan vencedór Eleisaun AAE–FEH UNTL Períodu 2026–2028, ho mandatu atu lidera no reprezenta estudante sira iha tinan rua nia laran.

Komisaun Eleitoral hato'o parabéns ba pakote manán nain. Vitória ida ne'e la'os priviléjiu, maibe responsabilidade boot atu servisu ho integridade, transparénsia, responsabilidade no dedikasaun ba estudante hotu iha FEH-UNTL.

Ba Pakote A no Pakote B, Komisaun Eleisaun hato'o apresiasaun ba korajen, preparasaun, ideia no kompromisu ne'ebéme hatudu durante kampaña, debate no proses eleisaun tomak.

Manán no lakon mak rezultadu natural iha eleisaun. Maibé, vencedór boot liu mak demokrasia, unidade, respeitu malu no solidariedade entre estudante hotu. Tanba ne'e, ami konvida estudante hotu atu husik diferensa ideias iha tempu kampaña no hamutuk fó apoiu ba lideransa foun atu lori AAE–FEH sai organizasaun ida ne'ebe forte, inkluzivu no servisu ba estudante hotu.

Komisaun Eleisaun mos hato'o obrigadu wa'in ba estudante sira ne'ebe partisipa hodi ezerse sira nia Direitu iha votasaun, no ba parte hotu ne'ebe kontribui hodi garante eleisaun ida ne'ebe dame, ordenadu, transparente no kredível.

-UNTL

16/07/2026

📢 𝐀𝐍Ú𝐍𝐒𝐈𝐔 𝐎𝐅𝐈𝐒𝐈Á𝐋

Komisaun Eleisaun AAE–FEH informa ba estudante ativu no estudante finalista sira hotu husi Fakuldade Edukasaun no Humanidade (FEH-UNTL) katak Eleisaun ba Estrutura Foun Asosiasaun Akademika Estudantil AAE–FEH ba Períodu 2026–2028 sei realiza iha aban, loron 17 Jullu 2026, hahú tuku 08:30 OTL, iha Tenda Liceu, FEH.

Komisaun Elitoral informa ba estudante katak, atu fó votus, estudante ida-idak tenke lori:
- Kartaun Estudante;
- Recibu Pagamentu. (Nebe tenki iha karimbu)

Mai hamutuk uza ita boot sira-nia direitu atu hili lideransa ne'ebe sei reprezenta estudante FEH-UNTL ba períodu 2026–2028.

Díli, 16 Jullu 2026

-UNTL
-FEAH

16/07/2026

𝐊𝐀𝐌𝐏𝐀Ñ𝐀 𝐍𝐎 𝐃𝐄𝐁𝐀𝐓𝐄 𝐁𝐀 𝐄𝐋𝐄𝐈𝐒𝐀𝐔𝐍 𝐀𝐀𝐄–𝐅𝐄𝐇 𝐔𝐍𝐓𝐋 𝐏𝐄𝐑Í𝐎𝐃𝐔 𝟐𝟎𝟐𝟔–𝟐𝟎𝟐𝟖

📅 16 Jullu 2026
📍 Tenda Liceu, Fakuldade Edukasaun no Umanidade (FEH - UNTL)

Asosiasaun Akademika Estudantil, Fakuldade Edukasaun no Umanidade (AAE–FEH UNTL), liuhusi Komisaun Eleitoral, organiza Kampaña no Debate Eleisaun ba pakote kandidatura sira ne'ebe konkorre ba estrutura foun AAE–FEH ba períodu 2026–2028.

Atividade kampaña ida-ne'e nu'udar parte ida husi prosesu demokrátiku asosiasaun estudantil, ho objetivu atu fó oportunidade ba kandidatu sira hodi aprezenta sira-nia vizuan, misaun, programa servisu no kapasidade lideransa ba komunidade akademika.

Programa kampaña inklui:
- Diskursu kona-ba programa no planu servisu husi kada pakote kandidatura;
- Debate entre Pakote A no Pakote B, hodi promove troka ideia ho maneira demokrátika no kritika konstrutiva.

Atividade ne'e realiza iha Tenda Liceu, Faculdade Edukasaun no Humanidade (FEH - UNTL), ho partisipasaun husi estudante sira, membru komisaun no komunidade akademika.

Komisaun Eleitoral
Asosiasaun Akademika Estudantil (AAE–FEH UNTL)


-UNTL

15/07/2026

📢 𝐀𝐍Ú𝐍𝐒𝐈𝐔 𝐎𝐅𝐈𝐒𝐈Á𝐋 | 𝐀𝐏𝐑𝐄𝐙𝐄𝐍𝐓𝐀𝐒𝐀𝐔𝐍 𝐏𝐀𝐊𝐎𝐓𝐄 𝐊𝐀𝐍𝐃𝐈𝐃𝐀𝐓𝐔𝐑𝐀 𝐁𝐀 𝐀𝐀𝐄–𝐅𝐄𝐇-𝐔𝐍𝐓𝐋 𝐏𝐄𝐑Í𝐎𝐃𝐔 𝟐𝟎𝟐𝟔–𝟐𝟎𝟐𝟖

Díli, 15/07/2026,
Komisaun Organizadora ba Eleisaun Associação Académica Estudantil da Faculdade Educação e Humanidades (AAE–FEH UNTL) hato'o ba estudante sira hotu katak, iha rezultadu verifikasaun dokumentu ne'ebe hala'o tuir Estatutu AAE–FEH no Regulamentu Eleitoral ne'ebe vigora, Komisaun Organizadora konfirma katak pakote kandidatura rua (2) tuirmai ne'e ofisialmente admitidu atu partisipa iha prosesu eleisaun:

🔵 PAKOTE A – Pacote Inclusivo
• Presidente RGA: Sergio F. Aparicio
• Presidente Executivo: Benjamin G. Matos
• Presidente Fiscal: Laura Ramos

🔵 PAKOTE B – Pacote Acumulativo
• Presidente RGA: Julio R. Falo
• Presidente Executivo: Joco Marchal
• Presidente Fiscal: Angelino Pereira

Eleisaun ida-ne'e sai oportunidade importante ba estudante hotu atu hili lideransa foun ne'ebe sei reprezenta lian estudante, promove interese akadémiku, no fortalece organizasaun estudantil iha Faculdade Educação e Humanidades.

📅 Data Eleisaun:
🗣️ 16 de julho de 2026 – Kampaña Eleitoral no Debate Públiku.
🗳️ 17 de julho de 2026 – Loron Votasaun.

Komisaun Organizadora konvida estudante sira hotu atu marka prezensa iha debate públiku hodi rona diretamente misaun, vizaun no programa servisu husi kada pakote.

Votu ida-idak determina futuru lideransa AAE–FEH UNTL.

04/07/2026

📢 𝐀𝐕𝐈𝐙𝐔 𝐎𝐅𝐈𝐒𝐈Á𝐋
𝐏𝐑𝐎𝐒𝐄𝐒𝐔 𝐄𝐋𝐄𝐈𝐒𝐀𝐔𝐍 𝐀𝐀𝐄–𝐅𝐄𝐇 𝐔𝐍𝐓𝐋 𝟐𝟎𝟐𝟔–𝟐𝟎𝟐𝟖

Tuir Estatutu Asosiasaun Akadémika Estudantil Fakuldade Edukasaun no Umanidade (AAE–FEH), Komisaun Eleitorál hakarak hato'o ba estudante sira hotu katak mandatu tinan rua husi órgaun AAE–FEH atuál sei remata iha tempu badak.

Tanba ne'e, Komisaun Eleitorál ofisialmente loke ona prosesu rejistu no submisaun pakote kandidatura ba eleisaun AAE–FEH UNTL ba períodu 2026–2028.

📍Prosedimentu:
- Formuláriu aplikasaun sei disponivel iha sala Asosiasaun.
- Submisaun kandidatu sira tenke halo tuir prazu ne'ebé Komisaun Eleitorál estabelese.

(Formuláriu sei disponivel hafoin notifikasaun ida-ne'e)

📍 Komisaun Eleitorál konvida estudante sira hotu ne'ebé prenxe rekizitu sira atu partisipa iha prosesu demokrátiku ida-ne'e, hodi hametin reprezentasaun estudante no dezenvolvimentu vida akadémika iha Fakuldade Edukasaun no Umanidade.

📄 Informasaun kompletu bele hare iha brosura anexa.

Komisaun Eleitorál AAE–FEH UNTL
2026–2028


-FEAH
-FEH-UNTL

01/07/2026

𝐑𝐞𝐳𝐢𝐬𝐭é𝐧𝐬𝐢𝐚 𝐈𝐝𝐚, 𝐕𝐢𝐭ó𝐫í𝐚 𝐈𝐝𝐚;
𝐀𝐀𝐄-𝐅𝐄𝐇-𝐔𝐍𝐓𝐋 𝐧𝐨 𝐀𝐄𝐃 𝟏𝟎 𝐃𝐞𝐟𝐞𝐧𝐝𝐞 𝐉𝐮𝐬𝐭𝐢𝐬𝐚 𝐧𝐨 𝐈𝐧𝐭𝐞𝐠𝐫𝐢𝐝𝐚𝐝𝐞 𝐀𝐤𝐚𝐝𝐞𝐦𝐢𝐤𝐚

Asosiasaun akadémika estudantil, Fakuldade Edukasaun no Umanidade (FEH-UNTL) hamutuk ho Asosiasaun departamentu sanulu (10) resentemente halo asaun greve hodi blokeia totál prosesu administrasaun fakuldade hahú iha loron segunda data 29-06-2026.

Depoizde blokeia tiha iha loron segunda AAE-FEAH ho AED sira kontinua halo asaun iha loron tersa no loron ne’e dunik reitór UNTL nomeia ekipa kooperasaun husi Universidade hodi aproxima direta ho estudante sira iha terrenu hodi halo investigasaun ba prosesu tomak ne’ebé mak akontese.

Rezisténsia ida vitória ida.🌹
Viva UNTL🫡
Viva Estudante UNTL🫡
Viva fakuldade Edukasaun.🫡
Aluta kontinua🫡✊🌹

01/07/2026

𝐑𝐞𝐬𝐢𝐬𝐭𝐢! ✊️
𝐃𝐞𝐟𝐞𝐧𝐝𝐞 𝐀𝐮𝐭𝐨𝐧𝐨𝐦𝐢𝐚 𝐊𝐚𝐦𝐩𝐮𝐬, 𝐃𝐞𝐟𝐞𝐧𝐝𝐞 𝐃𝐢𝐠𝐧𝐢𝐝𝐚𝐝𝐞 𝐄𝐬𝐭𝐮𝐝𝐚𝐧𝐭𝐞.

Durante loron rua, Asosiasaun Akadémica Estudantil (AAE-FEH-UNTL), hamutuk ho Asosiasaun Akadémika Departamentu Ensinu Lian Tetun no Departamentu Ensinu Fízika no Estudante sira halo asaun pasífiku hodi hato'o aspirasaun no preokupasaun kona-ba alegasaun sira ne'ebe estudante konsidera grave iha ambiente akadémiku.

Asaun ida-ne'e realiza ho objetivu atu ejize autoridade fakuldade no universidade foti medida imediata, transparente no tuir lei hodi investiga alegasaun kona-ba manipulasaun notas, kobransa ilegal, abuzu podér no alegasaun seluk ne'ebe estudante sira hato'o.

Durante iha asaun ne'e, estudante sira halo blokeiu ba Office Dekanu, Office Departamentu Ensinu Fízika no ezije atu autoridade kampus foti medida imediata atu responde ba estudante sira-nia preokupasaun, hodi defende integridade instituisaun, dignidade estudante, transparénsia, responsabilidade no justisa iha ambiente akadémiku.

Iha loron daruak, mos mosu intervensaun husi PNTL, ne'ebe konsege lori estudante na'in haat ba prosesu investigasaun. Hafoin estudante sira ne'e husik fila fali depois hosi prosesu investigasaun.

A Luta Kontinua! 🌹✊
VIVA ESTUDANTE FEH! 🌹✊
VIVA UNTL! 🌹✊
VIVA TIMOR-LESTE! 🌹✊

28/06/2026

𝐀𝐬𝐬𝐨𝐜𝐢𝐚çã𝐨 𝐀𝐜𝐚𝐝é𝐦𝐢𝐜𝐚 𝐄𝐬𝐭𝐮𝐝𝐚𝐧𝐭𝐢𝐥 𝐀𝐀𝐄-𝐅𝐄𝐀𝐇 𝐧𝐨 𝐀𝐄𝐃 𝐊𝐨𝐧𝐯𝐢𝐝𝐚 𝐄𝐬𝐭𝐮𝐝𝐚𝐧𝐭𝐞 𝐔𝐍𝐓𝐋 𝐏𝐚𝐫𝐭𝐢𝐬𝐢𝐩𝐚 𝐢𝐡𝐚 𝐀𝐬𝐚𝐮𝐧 𝐏𝐚𝐬í𝐟𝐢𝐤𝐚 𝐊𝐨𝐧𝐭𝐫𝐚 𝐈𝐧𝐣𝐮𝐬𝐭𝐢𝐬𝐚

Associação Académica Estudantil AAE-FEAH, hamutuk ho AED departamentu sanulu konvida estudante hotu-hotu iha UNTL liuliu Fakuldade Edukasaun (Liceu) atu mai partisipa iha asaun pasífika ne’ebé sei hala’o iha loron segunda to’o kuarta (29-01) hodi kontinua luta ba kontra injustisa ne’ebé mak ita lekar tiha ona ba públiku iha loron hirak liubá.

Tanba saida mak ita halo ida-ne’e? Tanba haree ba ultimatu ne’ebé mak ita fó ba reitór ho nia aliadu sira maibé sira lakohi responde. Tanba ne’e ita konsidera katak reitór ho nia aliadu sira inkapasidade. Tanba nonok de’it ba ezijénsia ne’ebé mak ita ezije.

Nune’e aban ita-nia ezijénsia klaru, maka:
1. Hatún diretora fízika husi nia kargu, tanba falsifika estudante sira-nia nota;
2. ⁠hasai manorin Alexandra Tilman ne’ebé halo kontribuisaun ilegál iha departamentu lian Tetun.

Tanba ne’e husu ita hotu atu partisipa másimu iha loron aban.

Viva UNTL 💪
VIVA FAKULDADE EDUKASAUN
Abaixu esploradór
Abaixu diretora fízika.✊️

24/06/2026