Orme Mauberee

02/07/2026

30/06/2026

Cmrda Mari Alkatiri Momentu funebre Cmrda Francisco Guterres "Lu-Olo" hatudu sentimentu ida nebe klean tebes. Iha momentu neba, Cmrda Mari Alkatiri hatudu nia respeitu no nia saudade ba maluk luta ida nebe hamutuk ho nia durante tinan barak.
Sira rua la'o hamutuk iha dalan luta libertasaun, hamutuk hodi harii Timor-Leste no hametin FRETILIN iha tempu susar no tempu diak. Iha funebre neba, respeitu nebe Cmrda Mari Alkatiri hatudu laos deit ba lider ida, maibe ba maluk ida nebe hamutuk ho nia lori sakrifisiu ba nasaun.
Saudade ida ne'e la bele sukat ho liafuan deit. Memoria kona-ba tinan barak nia luta, amizade no dedikasaun sei hela nafatin iha fuan no respeita legado Cmrda Lu-Olo.Ita nia servisu no ita nia kontribuisaun ba Timor-Leste sei moris nafatin iha memoria povo Timor-Leste.Cmrda Mari Alkatiri kontinua lori responsabilidade atu orienta no hametin dalan luta. Militante sira sei hamutuk ho nia, laos tanba ema ida deit, maibe tanba fiar ba valor sira nebe FRETILIN defende: independensia, justisa sosial, demokrasia no servisu ba povu.
Nunee, bainhira ita hamriik hamutuk, ita bele hasoru dezafiu sira ho domin. Hamutuk ho unidade, disiplinu no kompromisu, FRETILIN sei kontinua servisu ba Timor-Leste no luta atu povu hetan moris neebe diak liutan. maibé valor, ideál no esperansa ne'ebé sira husik hela sei moris nafatin bainhira jerasaun foun kontinua lori ba oin.
Memória ba lider sira ne'ebé kontribui ba independénsia no dezenvolvimentu Timor-Leste tenke sai inspirasaun ba ita hotu. Husi memória ne'e ita aprende kona-ba perseveransa, sakrifísiu, humildade no kompromisu atu servisu ba povu.
FRETILIN nia forsa iha unidade militante, simpatizante no apoiate sira, nebe durante tempu naruk kontinua hamriik hamutuk. Unidade mak halo ita forte atu hasoru dezafiu sira, no dialogo no servisu makaas mak bele lori mudansa positivu ba nasaun.
Iha tempu ne'e, Cmrda Mari Alkatiri kontinua lori responsabilidade atu fo orientasaun polítika no partisipa iha esforsu atu harii Timor-Leste neebe diak liutan. Hamutuk ho lider no membru sira seluk, nia bele kontinua kontribui ho esperiensia no hanoin atu servisu ba interese povu no hametin demokrasia.
ita la haluha katak futuru Timor-Leste depende ba kontribuisaun ita hotu. Diferensa opinião bele iha, maibe ita bele nafatin hamutuk iha respeitu, iha dialogo no iha hakarak atu halo diak ba nasaun. Ita hotu iha responsabilidade atu proteje dame, unidade no estabilidade, no atu servisu ba moris-diak povu.
Ikus liu, mai ita transforma memoria ba inspirasaun, transforma unidade ba forsa, no transforma kompromisu ba asaun. Ho servisu makaas, onestidade no responsabilidade, ita bele kontinua kontribui ba futuru ne'ebé diak liutan ba Timor-Leste.
Viva unidade! Viva FRETILIN! Viva povu Timor-Leste!

Mari Alkatiri

28/06/2026

Ema balun neebe foin lalais dehan katak FRETILIN sei derrota tamba Presidente Partido Francisco Guterres 'Lu-Olo mate ona, imi tenke hanoin didiak molok koalia. Lakon lider ida mak perda boot ba partidu no ba nasaun, maibe la bele uza situasaun triste ida ne atu halo konkluzaun politika neebe seidauk iha prova. Iha demokrasia, manan ka lakon la determina husi rumor, Povu mak sei hatudu nia desizaun iha urna. Se partidu ida hametin unidade, servisu ba interese povu no prepara programa neebe diak, nia iha oportunidade atu hetan apoiu. Tanba nee, respeitu ba memoria lider sira no respeitu ba direitu povu nia mak importante liu.
Lakon lider ida hanesan Lu-Olo mak laran susar boot ba militante no simpatizante hotu. Maibé perda ida nee la signifika katak espiritu luta no forsa organizasaun hotu ona. Enkuantu lider fundador Mari Alkatiri sei kontinua lidera, no militante sira hametin unidade, disciplina no kompromisu ba povu, FRETILIN sei nafatin iha kapasidade atu kompete iha eleisaun.
FRETILIN liu husi tempu difisil barak iha nia istoria, maibe kontinua hamriik tanba iha militante, simpatizante no apoiu husi parte povu. Ne'e hatudu katak forsa partidu ida la tuir deit ema ida, maibe mos depende ba unidade, organizasaun no konfiansa ne'ebé povu fo.

Imi dehan FRETILIN sei monu tamba lakon lider ida, presiza haree fila-fali ba istória. FRETILIN liu ona husi tempu difisil barak durante luta ba ukun-rasik aan no iha periodu sira seluk, maibe kontinua hamriik. Forsa partidu iha unidade, disciplina, militansia no fiar husi apoiantes sira. Lakon Francisco Guterres 'Lu-Olo' mak perda boot ida, maibé nia legado bele sai motivasaun atu kontinua servisu ba nasaun. Ho lideransa hanesan Mari Alkatiri no kontribuisaun husi militante sira, partidu sei kontinua prepara an ba futuru. Ikus mai, iha demokrasia, manan ka lakon la determina husi komentariu iha media sosial, maibe husi povu ne'ebe fó nia votu iha loron eleisaun.
Fundador Mari Alkatiri✊
SG Mari Alkatiri✊🏻✊🏻✊🏻

17/06/2026

Rekorde anterior ne’e pertense ba Cristiano Ronaldo, ne’ebe estabelese ho nia hat-trick memoravel hasoru Spain national football team iha Tasa Mundiál 2018. Ronaldo sai mos jogador boot liu atu marka hat-trick ida iha Tasa Mundial, rekorde ne’ebe dura kleur tebes.
Agora, tinan barak liutiha, Lionel Messi hakerek tan pajina foun ida iha istória futebol nian. Ho nia hat-trick iha Tasa Mundial 2026, Messi aumenta tan nia legadu no hatudu katak lejenda sira estabelese rekorde, maibe mos halakon rekorde sira. Rekorde sira mai no ba, maibe grandeza lejenda sira nian sei hela nafatin iha istoria.Cristiano Ronaldo no Lionel Messi mak simbolu husi gerasaun ida ne’ebe muda futeból mundial. Ida estabelese rekorde, ida seluk halakon; maibe rua ne’e hamutuk hakerek istoria ne’eb sei la haluha. Sira nia naran iha estatistika sira, maibe iha adeptos milhaun ba milhaun iha mundu tomak.Kuandu istória ko’alia kona-ba grandeza, naran Ronaldo no Messi sei nafatin hakerek ho letra dourada iha pajina boot futebol mundial nian.Ronaldo estabelese rekorde ida, Messi halakon; Messi estabelese ida, aban ema seluk bele halakon tan. Maibe buat ida ne’ebe la bele halakon mak sira nia kontribuisaun ba futebol. Sira transforma kompetisaun ida ba inspirasaun ida ba ema milhaun iha mundu tomak.futebol laos deit kona-ba gol ka trofeu. Futebol kona-ba istoria, emosaun no legadu. No iha istoria ne’e, Cristiano Ronaldo no Lionel Messi sei nafatin hamriik hanesan simbolu husi grandeza, persisténsia no exelensia

13/06/2026

Tempo Pasado maibe ita rona la baruk.

Intervensaun husi Taur Matan Ruak brilhante tebes. Liafuan ida-idak hato'o ho laran tomak, hodi hatudu nia preocupasaun ba povu no futuru nasaun nian. Nia voz sai hanesan kbiit ida nebe fo esperansa no korajen ba ema sira atu hamutuk harii Timor-Leste nebe diak liu.
Iha tempu ne'ebe desafiu barak sei iha, lider sira nebe koalia ho loloos no hakarak rona povu nia lian importante tebes. Intervensaun ne'e hatudu katak patriotismu, responsabilidade no kompromisu ba povu sei sai valor importante atu lori Timor-Leste ba oin.
Timor-Leste hetan ukun-rasik ho ran no isin. Tanba ne'e, kada jerasaun iha dever atu rai metin valor sira nebe harii nasaun ida ne'e. Ho laran metin no unidade, ita bele ultrapasa obstakulu hotu. Taur Matan Ruak Nia mensajen hanorin ita katak, maski dalan naruk no aat, bainhira ita la halai husi responsabilidade no hamutuk hodi luta ba Povo nia Moris diak.

12/06/2026

KONTINUA HO SENTIMENTO

Bainhira osan iha, telefone la para toka,
Konvite mai husi fatin oioin.
Ema hamriik besik, hase no koalia midar,
Hanesan ita mak importante liu hotu.😄

Maibe bainhira osan hotu ona,
Telefone komesa hakmatek,
Konvite la mai ona,
No barak komesa haluha ita nia naran ona😁

12/06/2026

Riku bele atrai matan, maibe laran di’ak mak conquista fuan.”