Assosiação Académica Estudantil FECT UNTL

𝗘𝗡𝗚𝗜𝗡𝗘𝗘𝗥𝗜𝗡𝗚 𝗚𝗔𝗠𝗘𝗦 𝗦𝗘𝗔𝗦𝗢𝗡 𝗜𝗜: 𝗧𝗢𝗥𝗡𝗘𝗜𝗨 𝗠𝗢𝗗𝗔𝗟𝗜𝗗𝗔𝗗𝗘 𝗙𝗨𝗧𝗘𝗕Ó𝗟 𝟮𝟬𝟮𝟲.
“𝗧𝗛𝗘 𝗣𝗢𝗪𝗘𝗥 𝗢𝗙 𝗦𝗬𝗡𝗘𝗥𝗚𝗬 – 𝗘𝗡𝗚𝗜𝗡𝗘𝗘𝗥𝗘𝗗 𝗧𝗢 𝗪𝗜𝗡 & 𝗨𝗡𝗜𝗧𝗘𝗗 𝗧𝗢 𝗟𝗘𝗔𝗗”

REZULTADU JOGU NO GALERIA FOTO SIRA IHA SEMI-FINAL MODALIDADE FUTEBÓL

Agradese wain ba patrosinadór sira hanesan:

JOVA Construction, Daya Marketing, GRACA JUICE, Timor Telecom, Componente da Força Naval Ligeira, Nano Sport Apparel, Lalenok United FC, PAX no NF.



Remata.
Media AAE-FECT: Divizaun Informasaun.

Faculdade de Engenharia, Ciência e Tecnologia-UNTL Universidade Nacional Timor Lorosa'e Universidade Nacional Timor Lorosa'e Associação Dos Estudantes De Engenharia Mecânica Núcleo Estudante de Engenharia Civil, FECT Associação dos Estudantes Departamento de Engenharia Eletrónica e Elétrica Mídia Núcleo de Estudante de Engenharia Informática Núcleo De Geologia e Petróleo 2024 Geologia e petróleo 2023-Sílex

𝐋𝐞𝐧𝐬𝐚 𝐅𝐨𝐭𝐨: 𝐒𝐞𝐥𝐞𝐛𝐫𝐚𝐬𝐚𝐮𝐧 𝐋𝐨𝐫𝐨𝐧 𝐄𝐬𝐩𝐞𝐬𝐢𝐚𝐥 𝐆𝐫𝐮𝐭𝐚 𝐌𝐚𝐫𝐢𝐚 𝐀𝐮𝐱𝐢𝐥𝐢𝐚𝐝𝐨𝐫𝐚 𝐑𝐔-𝐅𝐄𝐂𝐓 𝐇𝐞𝐫𝐚.

Hera: 30 Fulan-Maiu 2026. Atividade realiza iha aredor RU-FECT, Gruta Maria Auxiliadora - Hera.

Remata

Media AAE-FECT: Divizaun Informasaun
📷 F. da Silva

berat

𝐅𝐄𝐂𝐓 𝐒𝐞𝐥𝐞𝐛𝐫𝐚 𝐋𝐨𝐫𝐨𝐧 𝐄𝐳𝐢𝐬𝐭é𝐧𝐬𝐢𝐚 𝐆𝐫𝐮𝐭𝐚 𝐌𝐚𝐫𝐢𝐚 𝐀𝐮𝐱𝐢𝐥𝐢𝐚𝐝𝐨𝐫𝐚 𝐑𝐔-𝐅𝐄𝐂𝐓 𝐡𝐨 𝐌𝐢𝐬𝐚 𝐀𝐠𝐫𝐚𝐝𝐞𝐬𝐢𝐦𝐞𝐧𝐭𝐮 𝐧𝐨 𝐉𝐚𝐧𝐭𝐚𝐫 𝐊𝐨𝐧𝐟𝐫𝐚𝐭𝐞𝐫𝐧𝐢𝐳𝐚𝐬𝐚𝐮𝐧.

Postajen Tarde:

Hera, 30 Fulan-Maiu 2026, Estudante sira husi Fakuldade Ejeñaria, Siénsia no Teknolojia (FECT) ne’ebé hela iha Rezidénsia Universitáriu FECT (RU-FECT), hamutuk ho estrutura fakuldade, autoridade universitária, no komunidade, partisipa iha Misa Solene hodi selebra loron ezisténsia Gruta Maria Auxiliadora RU-FECT, iha Hera.

Misa Solene ne’e prezide husi Pe. Nivio Correia Lebre, FdCC. Iha ninia omilia, Amu Nivio sita liafuan inspirativu husi Dom Bosco ne’ebé dehan: “Fiar iha Maria, Ó sei Haré Saida mak Milagre”. Nia mós enfatiza katak intelijénsia de’it la natón atu tama iha Maromak nia Reinu. Tanba ne’e, estudante sira, liuliu sira ne’ebé sarani katólika, presiza dezenvolve la’ós de’it kapasidade akadémika, maibé mós tenki tenta atu sai pesoa intelijente i pesoa espirituál.

Hafoin misa, programa kontinua ho intervensaun badak husi Prezidente Interinu AAE-FECT, Magnífiku Reitór UNTL, refleksaun husi Pró-Reitór ba Planeamentu, Monitorizasaun no Avaliasaun, no taka ho liafuan husi Xefi Komisaun Organizadora (KO).

Iha ninia intervensaun, Prezidente Interinu AAE-FECT, Pio Zackelly, hato’o kontentamentu no agradesimentu ba Magnífiku Reitór UNTL no Dekanu FECT ne’ebé konsidera konvite husi Komisaun Organizadora atu marka prezensa iha atividade importante ne’e. Nia mós apresia rezidente sira hotu iha RU-FECT ne’ebé, ho lideransa husi Xefi KO, Irmaun Dopatito, konsege servisu hamutuk ho unidade no domin atu harii moru protesaun no reabilita Gruta Maria Auxiliadora RU-FECT. Ikus, nia manifesta esperansa atu selebrasaun ida-ne’e bele hametin liután fé, fiar no unidade entre rezidente sira hotu.

Iha sesaun tuirmai, Magnífiku Reitór UNTL, Profesór Dr. Joviano António da Costa, ne’ebé mós reprezenta Dekanu FECT, Profesór Adalfredo G. da S. Ximenes, M.Eng, fahe pontu importante tolu. Pontu dahuluk, Reitor expresa gratidaun profundu ba apoiu, orasaun no konsellu sira ne’ebé komunidade FECT fó durante ninia lideransa nu’udar Reitór UNTL. Pontu daruak, agradesimentu ba Maromak ba matak-malirin no grasa ne’ebé haraik ba estrutura reitoria to’o estudante sira liuhusi intersesaun Maria Auxiliadora nian. Iha pontu ikus, Reitór husu ba rezidente sira hotu atu kontinua mantén komitmentu espirituál no hametin devosaun ba Maromak liuhusi Maria, enkuantu kontinua hala’o sira-nia responsabilidade nu’udar estudante Enjeñaria.

Refleksaun mós fahe husi Pró-Reitór ba Planeamentu, Monitorizasaun no Avaliasaun, Profesór Eng. Tomás Soares Xavier, M.Eng, ne’ebé relata ninia esperiénsia moris durante tempu ne’ebé nia sei hanesan estudante universitáriu, hodi fó motivasaun ba estudante sira atu luta iha estudu no moris.

Sesaun breves palavras ikus taka husi Xefi KO, ne’ebé hato’o agradesimentu ba ekipa organizadora no entidade hotu ne’ebé kontribui no apoia ba konstrusaun moru protesaun no reabilitasaun Gruta Maria Auxiliadora RU-FECT. Nia mós aprezenta relatóriu finanseiru kona-ba jestaun orsamentu husi inísiu projetu to’o remata.

Atividade selebrasaun taka ho serimónia ko’a cake, jantar konfraternizasaun, atrasaun dansa kulturál no momentu divertimentu sira ne’ebé halo ambiente iha área Gruta Maria Auxiliadora sai animadu, haksolok no nakonu ho espírito fraternidade.

Selebrasaun loron ezisténsia Gruta Maria Auxiliadora RU-FECT ne’e konta ho partisipasaun husi Magnífiku Reitór UNTL no ninia estrutura, Dekanu FECT no estrutura fakuldade, Forsa Komponente Naval Hera, autoridade no komunidade balun husi Suku Hera, Madre SSPs, dosente sira FECT, estudante sira husi FAGRI, Koordenadór RU-FECT ho ninia estrutura, no estudante FECT hotu ne’ebé hela iha RU-FECT.

Remata.
Média AAE-FECT: Divizaun Informasaun

berat
Universidade Nacional Timor Lorosa'e
Faculdade de Engenharia, Ciência e Tecnologia-UNTL
Associação Dos Estudantes De Engenharia Mecânica
Núcleo Estudante de Engenharia Civil, FECT
Associação dos Estudantes Departamento de Engenharia Eletrónica e Elétrica
Mídia Núcleo de Estudante de Engenharia Informática
Núcleo De Geologia e Petróleo 2024
Geologia e petróleo 2023-Sílex

𝗘𝗡𝗚𝗜𝗡𝗘𝗘𝗥𝗜𝗡𝗚 𝗚𝗔𝗠𝗘𝗦 𝗦𝗘𝗔𝗦𝗢𝗡 𝗜𝗜: 𝗧𝗢𝗥𝗡𝗘𝗜𝗨 𝗠𝗢𝗗𝗔𝗟𝗜𝗗𝗔𝗗𝗘 𝗙𝗨𝗧𝗘𝗕Ó𝗟 𝟮𝟬𝟮𝟲.

“𝗧𝗛𝗘 𝗣𝗢𝗪𝗘𝗥 𝗢𝗙 𝗦𝗬𝗡𝗘𝗥𝗚𝗬 – 𝗘𝗡𝗚𝗜𝗡𝗘𝗘𝗥𝗘𝗗 𝗧𝗢 𝗪𝗜𝗡 & 𝗨𝗡𝗜𝗧𝗘𝗗 𝗧𝗢 𝗟𝗘𝗔𝗗”

⚽

Adeptus hotu keta haluhan, tuku 3.00 Otl lorokraik, kampu Futebol FECT Hera sei nakonu ho drama Futebol nian.

E. G Season II aprezenta! Jogu Semi-final :

Ekipa Engenharia Mecânica A kontra Engenharia Informatica A.

Ekipa ne'ebe los mak sei avansa? Mai hamutuk suporta ita-nia ekipa favoritu 📌
___
BTW flayer iha okos ahi tia deit 🔥(designed by: Antonio Ildefonso S. Gusmao - man Toi)



Remata.
Media AAE-FECT: Divizaun Informasaun.

berat
Universidade Nacional Timor Lorosa'e
Faculdade de Engenharia, Ciência e Tecnologia-UNTL
Associação Dos Estudantes De Engenharia Mecânica
Núcleo Estudante de Engenharia Civil, FECT
Associação dos Estudantes Departamento de Engenharia Eletrónica e Elétrica
Mídia Núcleo de Estudante de Engenharia Informática
Núcleo De Geologia e Petróleo 2024

𝐄𝐍𝐆𝐈𝐍𝐄𝐄𝐑𝐈𝐍𝐆 𝐆𝐀𝐌𝐄𝐒 𝟐𝟎𝟐𝟔 𝐒𝐄𝐀𝐒𝐎𝐍 𝐈𝐈 - 𝐌𝐨𝐝𝐚𝐥𝐢𝐝𝐚𝐝𝐞 𝐅𝐮𝐭𝐬𝐚𝐥 𝐌𝐚𝐧𝐞 𝐧𝐨 𝐅𝐞𝐭𝐨

📢

Loke rejistrasaun ba Modalidade Futsal Mane no Feto. Data rejistrasaun hahu husi dia 28 Maiu 2026 to’o 04 Juñu 2026.

✅📝 Kona-ba Guiaun Kompetisaun ka oinsa forma ekipa nian no regra sira bele asesu iha link ne’e hodi hatene detallu ⬇️
https://drive.google.com/file/d/1HtjHtqe2DiV6ZmOwzpYNOwTlX-har1yM/view?usp=sharing

✅📝 Ba formulariu rejistrasaun nian bele kontaktu ka manda mensajem mai numeru ne’ebé mensiona ona iha flyer ka dezeñu nia laran atu nune’e bele hetan Formulariu rejistrasaun no mos bele asesu no husu informasaun detallu.

📍Lalais Rejistu ona ita bo'ot sira nia ekipa, labele lakon oportunidade bo'ot ida ne'e hodi hatudu ita bo'ot sira nia talentu no marka istoria ba ita bo'ot sira nia Departamentu.

Nu. WhatsApp; +670 7531 4027 / 7438 0614

berat Faculdade de Engenharia, Ciência e Tecnologia-UNTL Associação Dos Estudantes De Engenharia Mecânica Núcleo Estudante de Engenharia Civil, FECT Associação dos Estudantes Departamento de Engenharia Eletrónica e Elétrica Mídia Núcleo de Estudante de Engenharia Informática Núcleo De Geologia e Petróleo 2024 Geologia e petróleo 2023-Sílex Universidade Nacional Timor Lorosa'e Universidade Nacional Timor Lorosa'e

𝗘𝗡𝗚𝗜𝗡𝗘𝗘𝗥𝗜𝗡𝗚 𝗚𝗔𝗠𝗘𝗦 𝗦𝗘𝗔𝗦𝗢𝗡 𝗜𝗜: 𝗧𝗢𝗥𝗡𝗘𝗜𝗨 𝗠𝗢𝗗𝗔𝗟𝗜𝗗𝗔𝗗𝗘 𝗙𝗨𝗧𝗘𝗕Ó𝗟 𝟮𝟬𝟮𝟲.

“𝗧𝗛𝗘 𝗣𝗢𝗪𝗘𝗥 𝗢𝗙 𝗦𝗬𝗡𝗘𝗥𝗚𝗬 – 𝗘𝗡𝗚𝗜𝗡𝗘𝗘𝗥𝗘𝗗 𝗧𝗢 𝗪𝗜𝗡 & 𝗨𝗡𝗜𝗧𝗘𝗗 𝗧𝗢 𝗟𝗘𝗔𝗗”

Oráriu ba Semi-finals: loron Domingo, 31 Maiu 2026 no mos loron Sabadu, 06 Junhu 2026.

Keta haluhan atu mai partisipa no fo apoiu ba ita bo'ot sira nia ekipa favoritu no mos jogador favoritu sira🔥🤘🏻

Agradese wain ba patrosinadór sira hanesan:

JOVA Construction, Daya Marketing , GRACA JUICE, Timor Telecom, Componente da Força Naval Ligeira, Nano Sport Apparel, Lalenok United FC, PAX
no NF.



Remata.
Media AAE-FECT: Divizaun Informasaun.

berat
Faculdade de Engenharia, Ciência e Tecnologia-UNTL
Associação Dos Estudantes De Engenharia Mecânica
Núcleo Estudante de Engenharia Civil, FECT
Associação dos Estudantes Departamento de Engenharia Eletrónica e Elétrica
Mídia Núcleo de Estudante de Engenharia Informática
Núcleo De Geologia e Petróleo 2024
Geologia e petróleo 2023-Sílex

𝐃𝐀𝐍𝐒𝐀𝐑𝐈Ñ𝐀𝐒 𝐅𝐄𝐂𝐓 𝐀𝐏𝐑𝐄𝐙𝐄𝐍𝐓𝐀 𝐃𝐀𝐍𝐒𝐀 𝐊𝐔𝐋𝐓𝐔𝐑Á𝐋 𝐈𝐇𝐀 𝐄𝐕𝐄𝐍𝐓𝐔 𝐀𝐈𝐏𝐀 𝐑𝐎𝐀𝐃𝐒𝐇𝐎𝐖.

Díli, 25 fulan-Maiu 2026 — Grupu Dansariñas husi Fakuldade Enjeñaria, Siénsia no Teknolojia (FECT), ne’ebé kompostu husi membru Estrutura Asosiasaun Akadémika Estudantil FECT (AAE-FECT) no estudante balun husi Departamentu Jeolojia no Petróleu, hetan oportunidade hodi aprezenta dansa kulturál iha programa AIPA Roadshow ne’ebé realiza iha Auditóriu Fakuldade Siénsia Politika (FASPOL), Universidade Nasionál Timor Lorosa’e (UNTL) - Caicoli.

Aprezentasaun dansa kulturál ne’e hala’o atu simu Ekselentísimu Sekretáriu Jerál ASEAN Inter-Parliamentary Assembly (AIPA), Dr. Chem Widhya, ne’ebé marka prezensa no partisipa diretamente iha eventu refere.

Tuir informasaun ne’ebé publika iha pájina ofisiál UNTL, eventu AIPA Roadshow ne’e lori tema: “Husi Adezaun ba Integrasaun: Jornada Timor-Leste nian hodi Hasa’e Koneksaun Entre Povu sira liuhusi Diplomásia Parlamentár”. Eventu ida-ne’e iha objetivu atu hakbesik Asembleia Inter-Parlamentár ASEAN ba foinsae sira, no promove diálogu kona-ba dalan Timor-Leste nian ba integrasaun ASEAN, nune’e mós papel diplomásia parlamentár nian hodi hametin konektividade rejionál no relasaun entre povu sira.

Relasiona ho atividade refere, Gabinete Vise-Reitora ba Asuntu Estudantíl (GVRAE-UNTL) konvida no fó oportunidade ba Grupu Dansariñas FECT atu partisipa no aprezenta dansa kulturál iha serimónia simu Sekretáriu Jerál AIPA nian.

Grupu Dansariña FECT ne’ebé performa iha eventu refere inklui: Arcangela da Conceição, Esmeralda Eko, Madalena do Carmo Barbosa, Ercia Placida Belo, Antonia Jennifer Thalya Fraga no Nélia C. F. Pereira.

Eventu ne'e hetan partisipasaun husi Magnifiku Reitor UNTL hamutuk ho Estrutura Reitoria, Prezidente Parlamentu Nasional, Dekanu no Vise-Dekanus, Konvidadus sepesial sira inklui estudante sira UNTL nian.

Remata
Média AAE-FECT: Divizaun Informasaun.
Eskritor: Cedelisio da Silva

berat
Universidade Nacional Timor Lorosa'e
Faculdade de Engenharia, Ciência e Tecnologia-UNTL
Associação Dos Estudantes De Engenharia Mecânica
Núcleo Estudante de Engenharia Civil, FECT
Associação dos Estudantes Departamento de Engenharia Eletrónica e Elétrica
Mídia Núcleo de Estudante de Engenharia Informática
Núcleo De Geologia e Petróleo 2024

𝐅𝐚𝐤𝐮𝐥𝐝𝐚𝐝𝐞 𝐄𝐧𝐣𝐞ñ𝐚𝐫𝐢𝐚 𝐋𝐢𝐮𝐡𝐮𝐬𝐢 𝐀𝐀𝐄-𝐅𝐄𝐂𝐓 𝐎𝐫𝐠𝐚𝐧𝐢𝐳𝐚 𝐅𝐞𝐬𝐭𝐚 𝐁𝐢𝐧𝐚-𝐅𝐚𝐦𝐢𝐥𝐢𝐚𝐫 𝐁𝐚 𝐄𝐬𝐭𝐮𝐝𝐚𝐧𝐭𝐞 𝐊𝐨𝐧𝐭𝐢𝐣𝐞𝐧𝐭𝐞 𝟐𝟎𝟐𝟔 𝐇𝐮𝐬𝐢 𝐃𝐞𝐩𝐚𝐫𝐭𝐚𝐦𝐞𝐧𝐭𝐮 𝐋𝐢𝐦𝐚.

Publikasaun Tarde:

Hera, 23 Maiu 2026 – Ho tema jerál “Unidos na FECT: Um Espírito, Uma Família, Uma FECT”, Asosiasaun Akadémika Estudantíl Fakuldade Enjeñaria, Siénsia no Teknolojia (AAE-FECT) organiza festa bina-familiar ba estudante kontijente 2026, ne’ebé realiza iha resintu Fakuldade Enjeñaria, Siénsia no Teknolojia (FECT).

Atividade festa bina-familiar ne’e konsege realiza tamba AAE-FECT susesu halo servisu hamutuk no kolabora ho estudante kontijente 2026 sira ne’ebé sai hanesan ekipa KO ba atividade ne’e rasik. Ho nune’e, objetivu prinsipál husi atividade ida-ne’e maka atu fortifika liu tan lasu amizade no fraternidade entre estudante sira hotu, liuliu estudante sira husi kontijente 2026.

Atividade ne’ebé organiza ne’e fahe ba sesaun prinsipál rua. Iha sesaun dadeer, ekipa KO fasilita semináriu ho konvida Pró-Reitór Asuntu Informatizasaun, Transformasaun Dijitál no Inovasaun (PRAITDI), nomós alumnae feto enjeñeira husi Departamentu Enjeñaria Eletrónika no Elétrika (DEEE), hodi halo aprezentasaun.

Molok aprezentasaun hahú, estudante, partisipante no konvidadu sira hotu akompaña liafuan badak husi Prezidente Interinu AAE-FECT, Pio Zackelly de Jesus, Senadu Jerál UNTL, Cesar João Maria Baptista, nomós Vise-Dekanu III Asuntu Estudantíl ne’ebé reprezenta Dekanu FECT.

Pró-Reitór Asuntu Informatizasaun, Transformasaun Dijitál no Inovasaun (PRAITDI), Profesór Eng. Frederico Soares Cabral, iha nia aprezentasaun lori temátika “Transformasaun Dijitál iha UNTL: Solusaun, Dezafiu no Étika iha Intelijénsia Artifisiál (AI) ba Futuru Edukasaun Superiór iha Timor-Leste”. Hafoin aprezentasaun husi Pró-Reitór, atividade kontinua ho aprezentasaun ba temátika “Feto Enjeñaria iha Era Modernu: Aprende, Hametin Lideransa no Kria Inovasaun liuhusi Siénsia no Teknolojia” husi alumnae feto enjeñeira Departamentu Enjeñaria Eletrónika no Elétrika, mana Livania Bakhita dos Santos Gomes, Lic. Eng.

Hafoin aprezentasaun sira ne’ebé interesante, atividade kontinua ho tara tais ba oradór sira nu’udar símbolu apresiasaun ba sira-nia disponibilidade, no mós atribuisaun prémiu ba mellor orientadór(a) husi departamentu lima. Iha sesaun loraik, atividade akompaña ho ko’a cake, aprezentasaun relatóriu husi KO, no taka ho jantar konfraternizasaun no divertimentu.

Atividade ida-ne’e partisipa husi Estrutura Íntimu AAE-FECT, Senadu Jerál UNTL ho nia estrutura, Vise-Dekanu III Asuntu Estudantíl ne’ebé reprezenta Dekanu FECT, Pró-Reitór Asuntu Informatizasaun, Transformasaun Dijitál no Inovasaun (PRAITDI), mana Livania Bakhita dos Santos Gomes, reprezentante Komponente Naval Hera, diretór no vise-diretór departamentu lima, inklui estudante sira hotu husi Fakuldade Enjeñaria.

Remata
Média AAE-FECT: Divizaun Informasaun

berat
Universidade Nacional Timor Lorosa'e
Faculdade de Engenharia, Ciência e Tecnologia-UNTL
Associação Dos Estudantes De Engenharia Mecânica
Núcleo Estudante de Engenharia Civil, FECT
Associação dos Estudantes Departamento de Engenharia Eletrónica e Elétrica
Mídia Núcleo de Estudante de Engenharia Informática
Núcleo De Geologia e Petróleo 2024