22/02/2026
#СУРАТГУЗОРИШ
АЗ РАВАНДИ ҚАДРДОНИИ ҒОЛИБОНИ ДАВРИ ШАҲРИИ ОЗМУНИ ҶУМҲУРИЯВИИ «ОМӮЗГОРИ СОЛ — 2026» ДАР ШАҲРИ БОХТАР
Дар шаҳри Бохтар маросими ботантанаи қадрдонии ғолибони даври шаҳрии озмуни ҷумҳуриявии «Омӯзгори сол — 2026» бо иштироки роҳбарияти шаҳр, намояндагони шуъбаи маориф ва омӯзгорони фаъол баргузор гардид.
Дар натиҷаи ҷамъбасти даври шаҳрӣ, омӯзгорони муассисаҳои зерин сазовори ҷойҳои ифтихорӣ дониста шуданд:
🥇 Ҷойи якум – омӯзгори Муассисаи давлатии буҷетии Россия-Тоҷикистон ба номи М. В. Ломоносов;
🥈 Ҷойи дуюм – омӯзгори Муассисаи таҳсилоти миёнаи умумии № 17;
🥉 Ҷойи сеюм – омӯзгори Муассисаи таҳсилоти миёнаи умумии № 10;
🥉 Ҷойи сеюм – омӯзгори Литсейи тамоюли технологӣ;
Омӯзгорони муассисаҳои таълимии шаҳр барои иштироки фаъолона ва нишон додани маҳорати баланди касбӣ бо ифтихорномаҳо ва туҳфаҳои шуъбаи маориф қадрдонӣ гардиданд.
Зикр гардид, ки озмуни «Омӯзгори сол» заминаи мусоид барои рушди маҳорату малакаи омӯзгорон, татбиқи усулҳои муосири таълим ва дарёфти таҷрибаи пешқадам мебошад. Ғолиби ҷойи якум ҳуқуқ пайдо намуд, ки шаҳри Бохтарро дар даври вилоятии озмун намояндагӣ намояд.
#МТМУ17
