Маркази таҳсилоти иловагии шаҳри Хуҷанд

13/05/2026

Санаи 13.05.26 дар бинои Маркази таҳсилоти иловагии шаҳраки Бустон-Палос даври вилоятии "Беҳтарин роҳбари маҳфили сол" бо иштироки ғолибони даври дуввум баргузор гардид. Дар озмун аз Марказҳои таҳсилоти иловагии шаҳру ноҳияҳои Хуҷанд, Гулистон,Спитамен, Айнӣ ,Бӯстон ва Бобоҷон Ғафуров иштирок намуданд.Дар натиҷа Баҳриддинова Азиза роҳбари маҳфили "Забони англисӣ"- и Маркази таҳсилоти иловагии шаҳри Хуҷанд сазовори ҷои 3 гардида бо Диплому тӯҳфа қадрдонӣ карда шуд.

08/05/2026

-Тибқи ҷадвали тасдиқ карда шуда, аз санаи 2.05 то санаи 9.05.2024 аз тарафи аъзоёни Созмони хонандагони муассисаҳои таълимии шаҳр бо роҳбарии кормандони Маркази таҳсилоти иловагӣ ва роҳбарони Созмони хонандагон дар назди муҷассамаи «Шаҳидони Ҷанги Бузурги Ватанӣ» Поси фахри ташкил карда шудааст.
-

08/05/2026

08/05/2026

Санаи 07.05.2026 дар Маркази таҳсилоти иловагӣ чорабинӣ бо иштироки аъзоёни маҳфилҳо бахшида ба 81 солагии иди Ғалаба таҳти унвони «Ҳеҷ кас ва ҳеҷ чиз фаромуш намешавад» ташкил ва гузаронида шуд. Баранда чорабиниро оғоз намуда, оиди 22 июни соли 1941- Германия ногаҳон бе эълони пешакии ҷанг бо муттаҳидонаш Италия, Венгрия, Руминия, Финляндия ва Словакия ба Иттифоқи Шӯравӣ, ки 15 давлату халқиятҳои гуногунро дар бар мегирифт, ҳуҷум мекунад сухан ронд. Ба гирдоби ҷанг 72 давлат кашида шуд. Шуҷоату корнамоиҳои беназири Исмоил Ҳамзаалиев, Домулло Азизов, Ҳодӣ Кенҷаев, Неъмат Қаробоев, Сафар Амиршоев дар саҳифаи сабзи таърихи Ватан абадӣ сабт гаштааст ва ифтихори мост, қобили қайд аст. Инчунин ӯ қайд кард, ки 8 майи соли 1945 Германия ба акти таслимшавӣ имзо гузошт. Баъдан 9- уми май чун рӯзи Иди Ғалаба эълон гардида, ҷашнгирии он ба ҳукми анъана даромад. Аз тарафи аъзоёни маҳфили «Омӯзиши забони русӣ» шеърҳо дар васфи Ғалаба, Ватан қироат карда шуд. Сурудҳо ва рақсҳои давраи ҷанг намоиш дода шуд. Дар чорабинӣ меҳмонони олиқадр низ иштирок доштанд.

05/05/2026

Санаи 5.05.2026 дар Боғи фарҳангиву фароғатии шаҳри Бӯстон озмуни вилоятии "Беҳдошти муҳити зист- кафолати ояндаи солим" бо иштироки ғолибони даври аввали озмуни вилоятӣ баргузор гардид.Дар ин озмун аъзои маҳфили "Гулпарварӣ"- и Маркази таҳсилоти иловагии шаҳри Хуҷанд Турсунова Шаҳзода низ иштирок намуда сазовори ҷойи ифтихорӣ гардид.

05/05/2026

Санаи 5.05.2026 дар Муассисаи таҳсилоти миёнаи умумии # 28 озмуни ҷумҳуриявии «Фурӯғи субҳи доноӣ
китоб аст" бо мақсади баланд бардоштани завқи китобхонӣ ва тақвияти нерӯи зеҳнӣ миёни аҳолии кишвар, аз ҷумла хонандагони муассисаҳои таҳсилоти миёнаи умумӣ ва ибтидоии касбӣ, донишҷӯёни муассисаҳои таҳсилоти олии касбӣ ва дигар табақаҳои ҷомеа аз рӯи чор наминатсия баргузор гардид.
1.Номинатсияи адабиёти кӯдакону наврасон ва осори шифоҳӣ
2.Номинатсияи адабиёти классикии тоҷик
3.Номинатсияи адабиёти муосири тоҷик
4.Номинатсияи адабиёти ҷаҳон
Бояд қайд кард ки дар даври аввали
озмуни ҷумҳуриявии «Фурӯғи субҳи доноӣ китоб аст» ҳамагӣ 1980 нафар иштирок намудаанд. Аз онҳо 1520
нафар хонандагони муассисаҳои таълимии шаҳр, 340 нафар донишҷӯён, аспирантон ва магистрантони муассисаҳои таҳсилоти олӣ ва 120 нафар омӯзгорони ҳамаи зинаҳои таҳсилот, ходимони илмию адабии муассисаҳои илмиву эҷодӣ, фарҳангу санъат, калонсолон ва намояндагони касбу кори гуногун мебошанд.Имрӯз дар ин озмун зиёда аз 400 нафар ғолибони даври аввал иштирок доштанд, ки
соҳиби роҳхат ба даври шаҳрӣ
гардидаанд.

05/05/2026

Санаи 2.05.2026 дар тамоми муассисаҳои таълими шаҳр дарси кушод бахшида ба “Рӯзи мудофиаи гражданӣ” дар мавзуи “Қоидаҳои асосии чароҳатбандӣ” баргузор гардид. Зимни дарс хонандагон бо қоидаҳои асосии расонидани ёрии аввалин ҳангоми гирифтани чароҳат шинос гардида, тарзи дурусти бастани захм, истифодаи бинт ва нигоҳ доштани тозагӣ омӯхта шуд. Омӯзгор бо истифода аз воситаҳои аёнӣ ва машқҳои амалӣ диққати хонандагонро ҷалб намуда, дарсро ҷолибу фаҳмо баргузор намуд.
Дар ҷараёни дарс хонандагон фаъолона иштирок намуда, донишу малакаҳои худро дар самти расонидани ёрии аввалия такмил доданд. Дар ин чорабинӣ кормандони Маркази таҳсилоти иловагӣ низ иштирок доштанд.

05/05/2026

Санаи 1.05.2026 бо мақсади бедор намудани шавқу завқи хонандагон ба донишомузӣ сайқал додани малакаву маҳорати корҳои илмиву тадқиқотии онҳо, ҷалби хонандагони лаёқатманду боистеъдод ба таҳияи корҳои илмӣ – тадқиқотӣ бахшида ба эълон гардидани Солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” дар Муассисаи таълимии миёнаи умумии №8 даври шаҳрии сессияи Академияи хурди илмҳо баргузор гардид ,ки дар он зиёда аз 150 нафар хонандагон аз муассисаҳои таълимии шаҳр аз рӯи 13 бахш аз фанҳои дақиқ байни худ қувваозмоӣ намуданд. Дар натиҷа аъзои ҳакамон аз рӯи холҳои ҷамънамудаи онҳо баҳогузорӣ намуда, беҳтаринҳоро ба даври вилоятӣ роҳхат доданд.

05/05/2026

Санаи 30.04.2026 дар бинои Маркази таҳсилоти иловагии шаҳри Истиқлол бо иштироки ғолибони даври аввал озмуни "Беҳтарин роҳбари маҳфили сол" аз шаҳру ноҳияҳои Ҷаббор Расулов , шаҳри Истиқлол, Хуҷанд доир гардид.Дар ин озмун аз Маркази таҳсилоти иловагии шаҳри Хуҷанд роҳбари маҳфили "Омӯзиши забони англисӣ" Баҳриддинова Азиза иштирок дошт ва бо бартарии зиёд нисбат ба иштирокдорон ғолиби ин даври озмун гардида, ба даври вилоятии он роҳхат гирифтанд.

05/05/2026

Бо мақсади ҷалби бештари хонандагон ба маҳфилҳои равияи технология, инноватсия ва санъати амалӣ, бедор намудани шавқи онҳо ба омӯзиши техника, ихтироъкорӣ, вусъат додани интихоби касб дар байни хонандагони муассисаҳои таълимӣ, дарёфти чеҳраҳои ихтироъкору навовар бахшида ба “Солҳои рушди иқтисодӣ рақамӣ ва инноватсия”санаи 29.04.2026 дар муассисаи таҳсилоти миёнаи умумии # 65 - ноҳияи Ашт даври вилоятии олимпиадаи “Техникони наврас” баргузор гардид. Дар озмун хонандагони муассисаҳои таълимии шаҳру ноҳияҳо аз ҷумла хонандагони муассисаҳои таълимии шаҳри Хуҷанд низ иштирок намуда, сазовори чойҳои ифтихорӣ гаштанд.