Академияи идоракунии давлатии назди Президенти Ҷумҳурии Тоҷикистон

ҶАМЪБАСТИ КУРСИ САЙЁРИ ТАҶРИБАОМӮЗӢ ДАР НОҲИЯИ ҶАЙҲУН

Курси сайёри таҷрибаомӯзӣ дар мақомоти иҷроияи ҳокимияти давлатии ноҳияи Ҷайҳун барои раисони ҷамоатҳои шаҳрак ва деҳоти шаҳри Истиқлол ва ноҳияҳои Рӯшон, Ҷаббор Расулов, Лахш, Сангвор ва Балҷувон аз рӯи барномаи “Нақши ҷамоатҳои шаҳрак ва деҳот дар таъмини амнияти озуқавории ҷумҳурӣ” ҷамъбаст гардид.
Дар ҷамъбасти курс раиси ноҳияи Ҷайҳун Ализода Азизулло Муҳибулло, муовини раиси ноҳияи Ҷайҳун оид ба соҳаи иҷтимоӣ Бахтдавлатзода Гулбаҳор Бахтибек, сармутахасисси шуъбаи агентии хизмати давлатии назди Президенти Ҷумҳурии Тоҷикистон Муродзода Нуралӣ Ғуломалӣ ва директори Донишкадаи такмили ихтисос ва бозомӯзии хизматчиёни давлатии Академия Ҳамидзода Шоҳрух Бозор иштирок ва суханронӣ намуданд. Онҳо аҳаммияти барномаи таълимӣ, таъмини донишу малакаҳои касбӣ ва нақши омӯзиши назариявӣ ва амалиро дар тайёр кардани мутахассисони баландихтисоси соҳаи хизмати давлатӣ мувофиқи мақсад ҳисобиданд.
Тавре иттилоъ дода шуд, шунавандагон дар рафти курси сайёр масъалаҳои муҳимми марбут ба сиёсати давлатии амнияти озуқаворӣ, истифодаи самараноки захираҳои обӣ, рушди истеҳсоли маҳсулоти соҳаи кишоварзӣ ва дастгирии хоҷагиҳои деҳқониро мавриди омӯзиш қарор доданд.
Дар анҷоми курс иштирокчиён пешниҳод намуданд, ки ҳамкории байни ҷамоатҳо, муассисаҳои илмӣ ва сохторҳои давлатӣ тақвият дода шуда, барои рушди устувори деҳот ва зиёд намудани ҳаҷми истеҳсоли маҳсулоти ватанӣ тадбирҳои амалӣ роҳандозӣ гарданд.
Дар фарҷом, шунавандагон бо Гувоҳномаҳо сарфароз гардонида шуданд.

В Душанбе обсудили итоги Саммита в Тяньцзине как платформу для совместного и глобального развития — НИАТ "Ховар" ДУШАНБЕ, 22.10.2025 /НИАТ «Ховар»/. Круглый стол «Платформа для совместного и глобального развития», посвящённый итогам Саммита Шанхайской организации сотрудничества (...