What are the opening hours?

Monday 08:00 - 18:00 Tuesday 08:00 - 18:00 Wednesday 08:00 - 18:00 Thursday 08:00 - 18:00 Friday 08:00 - 18:00 Saturday 08:00 - 18:00

https://www.facebook.com/110730168291194/

Tajikistan Chess Federation, Лоҳутӣ 34, Dushanbe (2026)

18/07/2023

Даври қаҳрамонҳо 2023: Карлсен - ғолиби Aimchess Rapid 2023

Магнус Карлсен бар Уэсли Со бо ҳисоби 3-1 дар суперфинали дивизиони якум зафар ёфта, дар сабқати Aimchess Rapid 2023 зинаи якумро ишғол кард. Ин ҳам сабқати марҳилаи чоруми Даври қаҳрамонҳо мебошад.

Дар дивизиони дуюм Денис Лазавик ва Сэм Севян 13 даври паиҳам мусовӣ карданд. Лазавик аз ҳисоби мусовӣ бо мӯҳраҳои сиёҳ дар армагеддон зинаи аввал гирифт ва ба дивизиони якуми мусобиқаи навбатӣ даъватнома гирифт, ҷое, ки метавонад бо Карлсен, Со ва Нодирбек Абдусатторов рақобат кунад.

Дар армагеддони дивизиони сеюм бошад Юй Янйи Туан Мин Леро мағлуб намуд.

Дивизион I

Карлсен - Со: 3-1

Карлсен ва Со пештар чор маротиба дар финалҳои силсиласабқатҳои Даври қаҳрамонҳо вохӯрда буданд. Со дар сабқати Skilling open 2020 ва Opera Euro Rapid 2021 пирӯз шуда, Карлсен дар сабқатҳои FXT Crypto Cup 2021 ва финали Даври Қаҳрамонҳо- 2021 зафар ёфта буд.

Сарчашма: "chess.com"

15/07/2023

Даври қаҳрамонҳо 2023: Со баъди пирӯзӣ бар Абдусатторов бо Карлсен вомехӯрад

Нодирбек Абдусатторов аз Магнус Карлсен дар финали сабади болоӣ шикаст хӯрд ва дар финали сабади поёнӣ бо Уэсли Со рӯбару гардид ва баъди нокомӣ дар сабқати Aimchess Rapid 2023 дар марҳилаи чоруми Даври қаҳрамонҳо зинаи сеюмро ишғол кард..

Дар рӯзи охири мусобиқа бошад Карлсен ва Со дар суперфинал вомехӯранд.

Дар финали сабади болоии дивизиони дуюм Денис Лазавик Сэм Севянро шикаст дод, аммо шоҳмотбози амрикоӣ имконияти баробаркунии ҳисобро дар суперфинал дар ихтиёр дорад.

Дар дивизиони сеюм Туан Мин Ле ҳамватанаш Ле Куанг Лйемаро дар финали сабади поёнӣ мағлуб кард ва акнун дар суперфинал бо Юй Янйи вомехӯрад.

Сарчашма: "chess.com"

10/07/2023

Загреб 2023: Непомняший ва Каруана- мақомдорони зинаи аввали шоҳмоти рапид

Фабиано Каруана ва Ян Непомняший дар зинаи аввали шоҳмоти рапид дар доираи сабқати SuperUnited Rapid and Blitz Croatia 2023 қарор доранд, ки ин ҳам марҳилаи сеюми Гранд Чесс Турро ташкил медиҳад. Як хол камтар Магнус Карлсен дорад, ки вақти бозӣ муқобили Ян-Кшиштоф Дуда "гашти сол"-ро анҷом дод.

Як холи дигар камтар бошанд Вишванатан Ананд ва Гукеш Доммараҷу доранд.

Непомняший бозии рӯзи охиринро оиди рапид бо пирӯзӣ бар Иван Шарич оғоз намуд - ин чорумин пирӯзии паиҳам барояш гардид. Дар посух ба иштибоҳи ҳариф ӯ аксулҳуҷум ба марказ намуд.

Сарчашма: "chess.com"

25/06/2023

Дар шаҳри Дубай сабқати "Лигаи ҷаҳонии шоҳмот" идома дорад

Дастаи Виши Ананд пешсаф аст

Дар шаҳри Дубай сабқати олии Global Chess League - мусобиқа зери низоми муосир ва бо иштироки ҳайати ситорагон идома дорад. Ду даста дар сабқати интихобии иборат аз ду давр бозӣ намуда, чор дастаи дигар се рақобат анҷом доданд.

9 хол дар се бозӣ дастаи Ganges Grandmasters ба даст овард, дар сафи дастае, ки Вишванатан Ананд, Ленйер Домингес, Рихард Раппорт, Хоу Ифан, Бела Хотенашвили ва Андрей Есипенко баромад мекунанд.

6 хол аз се бозӣ бошад насиби намояндагони тими Alpine Warriors (дар ҳайати Магнус Карлсен, Арҷун Эригайси, Доммараҷу Гукеш, Элизабет Петс, Ирина Круш ва Рамешбабу Прагнанандха) гардид.

6 хол дар чор рақобат дар ихтиёри коллективи Triveni Continental Kings (иборат аз Левон Аронян, Вэй И, Юй Янйи, Нана Дзагнидзе, Екатерина Лагно ва Йонас Бул Бйерре) мебошад.

Баъдан тими upGrad Mumba Masters дар ҷадвал аст: Максим Вашйе-Лаграв, Александр Гришук, Сантош Видит, Хампи Конеру, Дронавалли Харика ва Ҷавоҳир Синдаров се бозӣ намуданд ва чор хол ба даст оварданд.

Дастаи Balan Alaskan Knights, ки дар сафи он Ян Непомняший, Нодирбек Абдусатторов, Теймур Раҷабов, Тан Чжунйи, Нино Басиашвили ва Раунак Садхвани мебошанд, чор вохӯрӣ доир намуд ва 3 хол ба каф кард.

Дар зинаи охири ҷадвал тими Chingari Gulf Titans (дар ҳайати Ян-Кшиштоф Дуда, Даниил Дубов, Шаҳриёр Мамадёров, Александра Костенюк, Полина Шувалова ва Нихал Сарин) қарор доранд - 1 хол аз се бозӣ.

Ҷадвали баргузорӣ: 22 июн - 1 июл - бозиҳои интихобӣ, 2 июл - финал.

17/06/2023

Шоҳмотбози ҳафтсолаи қазоқ ҷавонтарин ҷоизадори чемпионати ҷаҳон гардид

Шоҳмотбози ҳафтсола аз вилояти Костанайи Қазоқистон Имон Набиев соҳиби нишони нуқраи чемпионате ҷаҳон оиди шоҳмот гардид. Чемпионате, ки аз 4-ум то 12-уми июн дар Гурҷистон доир шуд, иттилоъ медиҳад Sports.kz бо такя ба маълумоти АБИ «Казинформ».

Дар шаҳри Батумии Гурҷистон баҳри ҷоизаҳо 450 шоҳмотбоз аз синни 8 то 18-сола аз 35 кишвари дунё мубориза бурданд. Мусобиқа дар навъи шоҳмоти зудбозӣ ва барқвор доир шуд.

Ин ҳам аввалин пирӯзии бузурги шоҳмотбози ҷавон ба ҳисоб намеравад. Тирамоҳи соли 2022 дар чемпионати вилояти Костанай оиди шоҳмоти маъмулӣ миёни мардон ӯ ҷоизадори нишони биринҷӣ шуда буд. Ин ҳам аввалин маротиба дар таърихи вилояти Костанай буд, ки дар сабқатҳои шоҳмот кӯдак мақоми ҷоизавиро ба даст овард.

Моҳи декабри соли гузашта Имон Набиев қаҳрамони Осиё оиди шоҳмоти зудбозӣ миёни кӯдакони то 7-сола гардид. Аз рӯи шоҳмоти маъмулӣ бошад Имон нишон биринҷӣ гирифту унвони номзад ба устодиро ба даст овард.

Айни ҳол Имон Набиев шомили мунтахаби Қазоқистон оиди шоҳмот мебошад.

Сарчашма: "sports.kz"

11/06/2023

Умида Омонова дорандаи медали тиллои Чемпионати ҷаҳон оиди шоҳмоти зудбозӣ

Умида Омоноваи ӯзбекистонӣ ғолиби чемпионати ҷаҳон оиди шоҳмоти зудбозӣ миёни духтарони то синни 18-сола дар Гурҷистон дониста шуд.

Чемпионати ҷаҳон оиди шоҳмоти зудбозӣ аз 5-уми июн дар шаҳри Батумии Гурҷистон оғоз ёфта, то рӯзи 12-уми июн идома меёбад. Дар ин бора хадамоти матбуотии Федератсияи шоҳмоти Ӯзбекистон иттилоъ дод.

Шоҳмотбози ӯзбекистонӣ 10 аз 11 холи имкондоштаро ба даст оварда, ғолиби мусобиқа дар гурӯҳи духтарони то 18-сола гардид.

Шоҳмотбози дигари Ӯзбекистон — Мумтозбегим Собирова — барандаи медали нуқраи мусобиқа миёни духтарони то 8-сола эътироф шуд. Ӯ 8 хол аз 11 холи имкондоштаро ба даст овард.

Ёдовар мешавем, ки Умида Омонова дар марҳилаи аввали чемпионати ҷаҳон оиди шоҳмот миёни мардону бонувон дар шаҳри Душанбе (27.05 -02.06.2023) ширкат дошт ва мусобиқаро дар зинаи ҳафтум ҷамъбаст кард.

Шоҳмотбозони тоҷик дар мусобиқоти ҷаҳон оиди шоҳмоти зудбозӣ дар шаҳри Батумии кишвари Гурҷистон ширкат надоштанд. Кишвари моро дар мусобиқаи мазкур танҳо Хуршед Ватанов ба ҳайси довар намояндагӣ мекунад.

Сарчашма: "gazeta.uz"

10/06/2023

Фаррух Амонатов - яке пешсафони асосӣ дар раддабандии Ҷоми Несис-2023

Дар мусобиқаи байналмилалӣ оиди шоҳмоти зудбозӣ (блис) ё худ "Ҷоми Несис-2023", ки дар шаҳри Батумии кишвари Гурҷистон идома дорад, Володар Мурзин аз номи дастаи ФИДЕ баъди шаш давр бо шаш пирӯзӣ ва бидуни ягон бохт дар зинаи аввал қарор дорад. Мақомдори зинаи дуюми раддабандии мусобиқа бошад Давит Магалашвилии гурҷӣ мебошад. Михаил Кобалия аз тими ФИДЕ бошад мақомдори зинаи сеюм аст. Дар зинаи чоруми ин раддабандӣ аз миёни 32 иштирокчӣ шоҳмотбози маъруфи тоҷик Фаррух Амонатов қарор дорад. Ӯ панҷ пирузӣ дошта, шаш хол дорад.

08/06/2023

📽 Намогузориш аз раванди марҳилаи аввали чемпионати ҷаҳон оид ба шоҳмот миёни мардону бонувон дар шаҳри Душанбе ✅

#шоҳмот
#ҷомиҷаҳон
#марҳилаиинтихобӣ
#душанбе
#точикистон
#твварзиш

07/06/2023

Шаш даври FIDE WORLD UNDER 8 – 18 CHESS CHAMPIONSHIPS 2023 сипарӣ гардид

Дар шаҳри Батумии кишвари Гурҷистон шаш даври аввали Чемпионати ҷаҳонии ФИДЕ миёни шоҳмотбозони синни аз 8 то 18-сола сипарӣ шуданд.

Рақобатҳои мусобиқаи номбурда аз рӯзи 5-уми июн оғоз гардида, то санаи 12-уми июн идома меёбанд.

Кишвари моро дар ин мусобиқа ба ҳайси довар Хуршед Ватанов муаррифӣ мекунад.

07/06/2023

Norway Chess. Даври 7-ум. Карлсен дар тай-брейк Фирузҷаро шикаст дод, Каруана Доммараҷуро аз худ пеш гузошт ва натиҷаҳои дигар

Имрӯз дар Ставангери Шветсия бозиҳои даври 7-уми сабқати шоҳмоти Norway Chess баргузор шуданд.

Norway Chess

Ставангер, Норвегия

Даври 7-ум

Вақти оғози даврҳо – 18.00 ба вақти маҳаллӣ.

Фабиано Каруана (ИМА) – Гукеш Доммараҷу (Ҳиндустон) – 0,5:0,5 (0:1)

Уэсли Со (ИМА) – Нодирбек Абдусатторов (Ӯзбекистон) – 1:0

Хикару Накамура (ИМА) – Шаҳриёр Мамадёров (Озарбойҷон) – 0,5:0,5 (1:0)

Магнус Карлсен (Норвегия) – Алиризо Фирузҷа (Фаронса) – 0,5:0,5 (1:0)

Аниш Гири (Нидерланд) – Арян Тари (Норвегия) – 1:0

Вазъи феълӣ дар ҷадвал: Каруана – 14,5, Накамура – 12,5, Со – 10,5, Гири, Гукеш – 10 холӣ, Фирузҷа – 9,5, Мамадёров, Карлсен – 9 холӣ, Абдусатторов – 6, Тари – 3 хол.

ЭЗОҲ: аз тарафи чап бозигароне нишон дода шудааст, ки бо мӯҳраҳои сафед бозӣ кардаанд, аз самти рост – бо мӯҳраҳои сиёҳ. Назорати вақт – 120 дақиқа бо иловашавии 10 сония ба ҳар як гашт баъди гашти 41-ум.

Баҳри пирузӣ 3 хол дода мешавад. Дар ҳолати мусовӣ бозӣ дар тай-брейк зери низоми армагеддон доир мешавад (10 дақиқа барои мӯҳраҳои сафед муқобили 7 дақиқа барои мӯҳраҳои сиёҳ бо иловакунии 1 сония ба гаштҳо шурӯъ аз гашти 41-ум), ҷое, ки ғолиб 1,5 хол гирифта, нафари мағлубшуда – 1 хол ба даст меорад.

Сарчашма: " sports.ru"

04/06/2023

Ставангер 2023: Фирузҷа дар таъқиби Каруана

Дар давоми се даври сабқати шоҳмоти дар Ставангер доиршаванда таҳти номи Norway Chess 2023 Фабиано Каруана сазовори ду пирӯзӣ дар даврҳои шоҳмоти маъмулӣ ва як пирӯзии дигар дар навъи армагеддон гардида, бо натиҷаи 7.5/9 ба таври арзанда пешсаф аст.

Алиризо Фирузҷа бошад бо вуҷуди пирузӣ дар ду даври шоҳмоти маъмулӣ ва як бохт дар зинаи дуввум қарор дорад. Ин шоҳмотбоз бо натиҷаи 6/9 яку ним хол камтар аз нафари авал дорад. Дар даври сеюм бошад фаронсавии эронитабор тавонист Нодирбек Абдусатторовро шикаст диҳад.

Магнуса Карлсен танҳо сеяк аз шумораи максималии холҳоро ба даст овардааст - (3/9), аммо дар даври сеюм бо мӯҳраҳои сиёҳ Хикару Накамураро мағлуб намуд.

Сарчашма: " chess.com"

03/06/2023

Даври охирини марҳилаи аввали чемпионати ҷаҳон оиди шоҳмот анҷом ёфт.

Баъди бозиҳои нӯҳ даври мусобиқа дар миёни бонувон ахиран намояндаи Қазоқистон Ассел Серикбай бо касби 6,5 хол бо ишғоли зинаи аввал унвони қаҳрамонӣ ба даст овард. Ҳамватанаш Меруерт Камолиддинова бо 6 хол дар зинаи дуввум ҷойгузин шуд ва намояндаи дигари Қазоқистон Ксения Балабаева бо 6 хол дар мақоми сеюм қарор гирифт.

Ҳамин тариқ, роҳхати ягона ба чемпионати ҷаҳонии шоҳмотро дар миёни бонувон Ассел Серикбайи қазоқ ба даст овард.

Дар миёни шоҳмотбозбонувони тоҷик Рухшона Саидова чун нафари беҳтарин дар нӯҳ давр 2,5 хол гирифта, аз миёни 16 варзишгар дар зинаи 14-ум ҷойгузин шуд.

Баъди ҷамъбасти натиҷаҳои нӯҳ даври мусобиқа намояндаи кишвари Ӯзбекистон Нодирбек Яқуббоев ахиран бо касби 6,5 хол ва ишғоли зинаи аввал унвони қаҳрамонӣ ба даст оварда, Алишер Сулаймонови қазоқ бо 6,5 хол аз нӯҳ давр дар зинаи дуюм қарор гирифт. Мақомдори зинаи сеюм бошад Сапармурод Атабоеваи туркман мебошад, ки 6,5 хол дорад.
Аз миёни шоҳмотбозони тоҷик Ҷалолиддин Илҳомӣ соҳиби мақоми баландтарин гардида, баъди нӯҳ давр бо касби 4,5 хол аз миёни 28 иштирокчӣ дар зинаи 12-ум қарор гирифт.

Баъди анҷоми нӯҳ даври марҳилаи аввали чемпионати ҷаҳон аз миёни мардон ахиран роҳхати ягона ба чемпионати ҷаҳонро Нодирбек Яқуббоеви ӯзбекистонӣ ба даст овард бошад.

Баъди анҷоми нӯҳ даври мусобиқа ва ҷамъбасти натиҷаҳои он рӯзи 02.06.2023, соати 15:00 бо иштироки ташкилотчиёну дастандаркорон маросими пӯшидашавии марҳилаи аввали чемпионати ҷаҳон оиди шоҳмот миёни мардону бонувон дар меҳмонхонаи "Сафо"-и шаҳри Душанбе доир гардид.

Tajikistan Chess Federation

18/07/2023

15/07/2023

10/07/2023

25/06/2023

17/06/2023

11/06/2023

10/06/2023

08/06/2023

07/06/2023

07/06/2023

04/06/2023

03/06/2023

Address

Opening Hours

Telephone

Website

Alerts

Shortcuts

Share

Category

Listing takedown request

Monday	08:00 - 18:00
Tuesday	08:00 - 18:00
Wednesday	08:00 - 18:00
Thursday	08:00 - 18:00
Friday	08:00 - 18:00
Saturday	08:00 - 18:00