Барномаи иттилоотии соҳаи маориф "еDonish"

25/09/2026

Дар барномаи электронии “eDonish” боз як имконияти нав барои осонтар намудани кори омӯзгорон илова гардид. 📘
Акнун ҳангоми интихоби намуди муайяни дарс ранги сутуни журнал ба таври мувофиқ тағйир меёбад. Ин тағйирот барои фарқ кардани намудҳои дарс ва дарки зудтари маълумот дар журнал мусоидат мекунад.
Бо “eDonish” раванди кор бо журнали электронӣ боз ҳам қулайтар ва фаҳмотар мегардад. 💙

23/09/2026

Ҳангоми истифодаи барномаи eDonish дар компютер, агар дар экран паёми «Корҳои техникӣ идома доранд» пайдо шавад, ин маънои онро дорад, ки айни ҳол дар система корҳои техникӣ ҷараён доранд.

Ин корҳо бо мақсади беҳтар намудани фаъолияти барнома анҷом дода мешаванд. Лутфан, то анҷоми корҳои техникӣ интизор шавед ва баъдан саҳифаро навсозӣ намоед.

Пас аз анҷоми корҳои техникӣ, eDonish ба таври муқаррарӣ фаъол хоҳад шуд.

Барои фаҳмиш ва ҳамкории Шумо сипосгузорем!

22/09/2026

22 сентябр – Рӯзи Абӯабдуллоҳи Рӯдакӣ, асосгузори адабиёти классикии форсу тоҷик ва ифтихори миллат.

Рӯдакӣ бо суханони ноб ва ғазалу қасидаҳои безаволаш адабиёти моро ба ҷаҳониён муаррифӣ кард ва дар дилу ҷонҳои наслҳои бешумор муҳаббат ба маърифат ва ҳикматро парвариш намуд.

Мероси гаронбаҳои ӯ то имрӯз илҳомбахши мардум ва чароғи роҳи фарҳангиву маънавии мост.

Биёед дар ин рӯз ба бузургии шоири ҷаҳонӣ арҷ гузорем ва забон, фарҳанг ва арзишҳои миллиро, ки Рӯдакӣ поягузораш буд, ҳифз намоем.
Оё Шумо аз ашъори Абӯабдуллоҳ Рӯдакӣ байте медонед? Дар шарҳҳо нависед!

Рӯзи Рӯдакӣ муборак, ҳамватанони гиромӣ! 📖✨

17/09/2026

Оё медонед, ки имрӯз ҳузури хонандагон метавонад ҳамагӣ дар чанд сония сабт шавад?
Face ID барои осон намудани кори маъмурии муассисаҳои таълимӣ ва таъмини бехатарии хонандагон таҳия гардидааст. Ҳангоми ворид шудани хонанда ба муассиса, система шахсияти ӯро шинохта, вақти ҳузурро ба таври автоматӣ сабт мекунад.
Ин чӣ бартарӣ дорад?
✅ Сабти зуд ва дақиқи ҳузур.
✅ Кам шудани вақти санҷиши ҳозиршавӣ.
✅ Маълумоти боэътимод барои омӯзгорон ва маъмурият.
✅ Имконияти назорати беҳтари интизоми хонандагон.

💬 Шумо дар бораи истифодаи Face ID дар муассисаҳои таълимӣ чӣ назар доред?

10/09/2026

10 сентябри соли 2026, барои намояндагони муассисаҳои таҳсилоти миёнаи умумии №2, №5, №37, №58, №107 ва №109 тренинг оид ба тарзи истифодаи «Генератори ҷадвали дарсӣ» баргузор гардид.

Дар рафти тренинг тарзи кор бо генератор, имкониятҳои асосии он ва раванди таҳияи ҷадвали дарсӣ ба иштирокчиён фаҳмонида шуд.

Ҳамчунин, иштирокчиён бо тарзи дуруст ворид намудани маълумот ва истифодаи генератор барои тартиб додани ҷадвали дарсӣ шинос гардиданд.

09/09/2026

Бо ифтихор ва меҳру муҳаббат тамоми мардуми Тоҷикистонро ба муносибати 35-солагии Истиқлолияти давлатии Ҷумҳурии Тоҷикистон самимона табрик мегӯем! 🇹🇯

Истиқлолият рамзи озодӣ, худшиносӣ, ваҳдати миллӣ ва ифтихори ватандорист. Маҳз бо шарофати истиқлол мо тавонистем роҳи устувори рушду пешрафт, илму маърифат ва истифодаи технологияҳои муосирро интихоб намоем.

Истиқлолият на танҳо дастоварди бузурги таърихӣ, балки масъулияти ҳар яки мост, то онро ҳифз намуда, барои наслҳои оянда ҳамчун мероси арзишманд боқӣ гузорем.

Боварӣ дорем, ки ҷавонони соҳибилму соҳибмаърифат бо донишу малака ва неруи созандаи худ Тоҷикистонро ба сӯи ояндаи боз ҳам дурахшон раҳнамун месозанд.

35-солагии Истиқлолияти давлатии Ҷумҳурии Тоҷикистон муборак, ҳамдиёрони азиз! 🇹🇯✨

04/09/2026

Ба муносибати 35-солагии Истиқлолияти давлатии Ҷумҳурии Тоҷикистон роҳбарияти Корхонаи воҳиди давлатии “Шаҳри ҳушманд (Smart city)”-и Мақомоти иҷроияи ҳокимияти давлатии шаҳри Душанбе, табрикоти Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалиро ба кормандони барномаи электронии «eDonish» расонид.

Дар паёми табрикӣ аҳаммияти Истиқлолияти давлатӣ ҳамчун рамзи соҳибихтиёрӣ, ваҳдати миллӣ, сулҳу субот ва заминаи устувори рушди Тоҷикистони азиз таъкид гардид.

Истиқлолият барои рушди илму маориф, технологияҳои муосир ва татбиқи ташаббусҳои рақамӣ имкониятҳои васеъ фароҳам оварда, барои бунёди ояндаи пешрафта заминаи муҳим гузоштааст.

Ба муносибати ин ҷашни бузурги миллӣ ба тамоми мардуми Тоҷикистон сулҳу субот, рӯзгори обод, файзу баракат ва ба Ватани азизамон пешрафту шукуфоии бештар орзу карда шуд.

02/09/2026

01/09/2026

СЕМИНАРИ ОМӮЗИШӢ ДОИР БА ИСТИФОДАИ БАРНОМАИ ЭЛЕКТРОНИИ «EDONISH»

1 сентябри соли 2026 дар толори Муассисаи давлатии «Маркази таҳлилӣ-иттилоотии назди Сарраёсати маорифи шаҳри Душанбе» семинари омӯзишӣ оид ба истифодаи барномаи электронии «eDonish» баргузор гардид.

Дар семинар маъмурони барномаи электронии «eDonish» аз муассисаҳои таҳсилоти миёнаи умумии ноҳияҳои И.Сомонӣ ва Шоҳмансур шаҳри Душанбе иштирок намуданд.

Ҳадафи асосии баргузории семинари мазкур омода намудани муассисаҳои таълимӣ ба оғози соли таҳсили 2026-2027, баланд бардоштани сатҳи дониш ва малакаи истифодабарандагони барномаи «eDonish», инчунин таъмин намудани истифодаи самараноки технологияҳои рақамӣ дар раванди таълим ва идоракунии муассисаҳои таълимӣ мебошад.

Зимни семинар ба иштирокчиён масъалаи гузаронидани хонандагон аз синф ба синф дар асоси фармоиши роҳбари муассисаи таълимӣ шарҳу тавзеҳ дода шуд.

Ин иқдом ба омодагии ҳамаҷонибаи муассисаҳои таҳсилоти миёнаи умумии шаҳри Душанбе ба соли таҳсили 2026-2027 мусоидат намуда, барои истифодаи васеъ ва босамари барномаи электронии «eDonish» заминаи мусоид фароҳам меорад.

01/09/2026

ПАЁМИ ТАБРИКОТИИ РАИСИ МАҶЛИСИ МИЛЛИИ МАҶЛИСИ ОЛИИҶУМҲУРИИ ТОҶИКИСТОН, РАИСИ ШАҲРИ ДУШАНБЕ МУҲТАРАМ РУСТАМИ ЭМОМАЛӢ БА ХОНАНДАГОНУ ОМӮЗГОРОНИ МУАССИСАИ ТАҲСИЛОТИ МИЁНАИ УМУМИИ №96 ШАҲРИ ДУШАНБЕ
Ба муносибати оғози соли нави таҳсил паёми табрикотии муҳтарам Раиси шаҳри Душанбе, аз ҷониби роҳбарияти КВД “Шаҳри ҳӯшманд” ба хонандагони Муассисаи таҳсилоти миёнаи умумии №96 шаҳри Душанбе расонида шуд.
Дар паём хонандагон ва омӯзгорон ба муносибати Рӯзи дониш, Дарси сулҳ ва ба ифтихори 35-солагии Истиқлолияти давлатииҶумҳурии Тоҷикистон табрик гуфта шуда, ба онҳо дар соли нави таҳсил хониши хуб, азхудкунии донишҳои муосир, иштироки фаъол дар ҳаёти ҷомеа ва комёбиҳои назаррас таманно карда шуд.
Зикр гардид, ки ҷавонону наврасони соҳибмаърифат ва донишманд ояндаи дурахшони Тоҷикистони соҳибистиқлол мебошанд.