Austin’s Journal

29/01/2026

တနေ့တနေ့ စာကျက် စာဖတ်နဲ့ပဲ ပြီးမနေကြနဲ့ဦး မိတ်ဆွေများ။

နည်းနည်းပါးပါး ပြန်ရေးကြည့် ပြောကြည့်ဖို့လည်း အရေးကြီး၏။

မိတ်ဆွေတယောက်သည် ကျွမ်းကျင်ပညာရှင် တယောက် အဆင့်လောက်ရှိပြီး စာအုပ်များစွာ ဖတ်ဖူး၍ နိုင်ငံများစွာလည်း ခရီးထွက်ဖူးသည့်တိုင်

ပုံမှန် စာရေးခြင်း
ပုံမှန် စကားပြောခြင်း

မပြုမိသည့်အခါ ထိုသူသည် နားလည်ထားသော်လည်း ပြန်မပြောတတ် ၊ ဆီလျော်စွာ မရေးသားတတ် ဖြစ်ရလေသည်။

အကြောင်းမှာ များစွာသော လူ ၊ ပညာရှင်တို့သည် စာကျက်အား ၊ စာဖတ်အား ၊ လေ့လာအား ကောင်းကြသော်ငြား ပြန်လည် အသုံးချခြင်းမပြုမိသည့်အတွက် " သန်စွမ်းပါလျက်ကနဲ့ ၊ ခြေလက်များကျိုးရသည် " ဟူသောအဖြစ် နှင့်ပင်တူနေသေးတော့၏။

29/01/2026

Morning Means Low Dopamine

ကျွန်ုပ်တို့သည် မနက်ခင်းနှင့်နေ့လယ်ခင်းအချိန်များ Dopamine များစွာ မတက်စေသော အရာများကို ရွေးချယ်၍လုပ်ကြသင့်သည်။

ဥပမာ

အလုပ်သွားခြင်း ၊ အလုပ်လုပ်ခြင်း
မနက်စောစော ရေချိုးခြင်း
အားကစားပြုလုပ်ခြင်း
ဘုရားတရားဆိုင်ရာ ပြုကျင့်ခြင်း
တနေ့တာအတွက် Plan ချခြင်း

စသည့် ကိစ္စမျိုးကဲ့သို့သော Activity မျိုးကို ရွေးလုပ်ကြရမည်။

သို့သော် မနက်ခင်းပိုင်းတွင် High Dopamine ထွက်စေနိုင်သော

အရက်သေစာသောက်စားခြင်း
ကဖိန်းနှင့် နီကိုတင်းများသုံးစွဲခြင်း
Social Media နှင့် ရုပ်သံဇာတ်လမ်းများကြည့်ရှုခြင်း

စသည်တို့ကိုမူ မနက်ပိုင်းနှင့် နေ့လယ်ပိုင်းတို့တွင် ပြုလုပ်ခြင်းမှ အတတ်နိုင်ဆုံး ကြိုးစားရှောင်ရှားကြရမည်ဖြစ်သည်။

29/01/2026

ကလေးများနှင့် ပိုက်ဆံအသုံးပြုပုံ

ကျွန်ုပ်ကိုယ်တိုင် ကလေးများ မုန့်ဖိုးအလွန်အကျွံသုံးမိသောအခါ ငွေကြေးအကြောင်း နားလည်စေရန် ဆုံးမပြောဆိုပေးရင်း မိတ်ဆွေများအတွက်လည်း ပြန်လည်မျှဝေပေးလိုက်ရသည်။

ကလေးများအနေဖြင့် Teenage အရွယ်မှစ၍ ပိုက်ဆံ ၊ ငွေကြေးအကြောင်း စတင်သင်ကြားပေး
သင့်၏။

ထိုအရွယ်ကတည်းက ငွေကြေးလည်ပတ်ပုံ ၊ ရင်းနှီးပုံ ၊ သုံးစွဲပုံ ၊ ရှာဖွေပုံများကို ကောင်းကောင်းနားလည်ထားပါက အသက် ၂၀ အရွယ်သို့ရောက်လာသောအခါ များစွာ အားမထုတ်ရပဲ Financial Freedom ဟုခေါ်သော အောင်မြင်မှု ပိုရရှိနိုင်လိမ့်မည်။

သို့သော် ကလေးများအား ကမ္ဘာပေါ်ရှိ မည်သည့်ကျောင်းကမျှ ငွေကြေးသုံးစွဲပုံအကြောင်း စနစ်တကျ သင်ကြားခြင်းမရှိဘဲ ပေါင်းနှုတ်မြှောက်စား ဖြင့်သာ ကျင်လည်နေတတ်ကြ၏။

လူကြီးမိဘများက မိမိလက်လှမ်းမှီသလောက် သင်ကြားပေးကြသော်လည်း ၎င်းတို့ ကိုယ်တိုင်ပင် စနစ်တကျ သင်ကြားခဲ့ကြရသည်မဟုတ်။ လက်တွေ့ဘဝက သင်ကြားပေးသော Experience အတွေ့အကြုံမျှသာလျှင်ရှိကြလေ၏။

ထိုအခါ လူငယ်အများစုသည် ငွေကြေးအား ဗရမ်းဗတာ သုံးစွဲကြလျက် အသက်တခု ရောက်လာမှ ပြင်ဆင်ရသည်မှာ ဆေးခါးကြီးကို တခါတည်း ကျိုက်ချရသကဲ့သို့ ပြင်းထန်လွန်းလှ၏။

ထို့ကြောင့် မိမိ ကလေးများအား မိမိချစ်သည်ဆိုပါက ငွေကြေးအကြောင်း နားလည်စေရန် ဆယ်ကျော်သက်အရွယ်ကပင် စတင်သင်ကြားပေးသင့်သည်။ ထို့အတူ မိဘများကိုယ်တိုင်လည်း ကလေးများအား ငွေကြေးအကြောင်း ပြန်လည်သင်ကြားပေးနိုင်လောက်သည့် ဗဟုသုတရှိနိုင်စေရန် လေ့လာဆည်းပူကြရမည်ဖြစ်လေသည်။

29/01/2026

ကိုယ့်ကိုကို Speaking အားနည်းတယ်လို့ ခံစားနေရတယ်ဆရာ။

မှန်ပါတယ်။

မိတ်ဆွေ Speaking အားနည်းနေတာ အသေအချာပါပဲ။

ဘာကြောင့် အားနည်းရသလဲဆိုရင်

သေချာတဲ့ အကြောင်းတခုကတော့

ပြောနေကျမဟုတ်လို့ Jammed ဂျမ်း ဖြစ်နေတာပါ။

ဒါဆို ဘယ်လိုလုပ်ကြမလဲ?

ရှင်းပါတယ်။

Speaking ဂျမ်းမဖြစ်ရလေအောင်

ခဏခဏ လေ့ကျင့်ပါ၊ မကြာခဏ ပြောကျင့်ပါ။

ဖြစ်နိုင်လျှင် အမြဲတမ်းပြောကျင့်ပါ။

စကားလုံး ၁၀၀၀ တတ်စရာမလိုဘူး။

အလုံး ၃၀ လောက် ကောင်းကောင်း တတ်ထားရင်ပဲကို Basic အနေနဲ့ နေ့စဥ်ကိစ္စတွေ ပြောလို့ဆိုလို့ရပြီ။

အဲ့သလောက် လွယ်ပါ့မလား။

မယုံလျှင် စမ်းကြည့်ပါခင်ဗျား။

"နေ့စဥ်‌ ‌ပြောဆိုလေ့ကျင့်ပါ့မည်ဟု" သန္နိဌာန်ချဖို့တော့ လိုသည်။

❗သင်တန်းသား စကားသံ

ဒီလေ့ကျင့်ခန်းက စာမလုပ်ချင်တဲ့ ငါ့အတွက်တော့ ရေငတ်တုန်း ရေတွင်းထဲကျသလိုပဲဟ။
(An old friend as well as a tudent, Auto-Mechanic , Singapore )

17/01/2026

Dopamine ဒိုပါမင်း ဆိုသည်မှာ ကျွန်ုပ်တို့ ဦးနှောက်ထဲတွင် သဘာဝအလျောက် ပေါ်ပေါက်လာတတ်သော ဓာတ်တမျိုးဖြစ်ပြီး

တက်ကြွခြင်း
အားရကျေနပ်ခြင်း
အပန်းပြေရွှင်လန်းခြင်း

စသည့် ခံစားချက်များကို ဖြစ်ပေါ်စေနိုင်၏။
အချို့သည် ၎င်းဖြစ်စဉ်ကို Euphoria ဟုခေါ်ကြ၏။

ထို Dopamine သည် ကျွန်ုပ်တို့ နေ့စဉ် လုပ်ကိုင်နေသည့်အရာများနှင့် ဆက်စပ်၍ အလိုလျောက် ဖြစ်ပေါ်နေတတ်သော ဓာတ်တခုဖြစ်သည်။

ဥပမာ - Gym သွား၍ လေ့ကျင့်ခန်းလုပ်ပြီးသည့် အခါတွင် Brain မှ Dopamine ဓာတ်များထွက်လာပြီး အားရကျေနပ်မှု ရရှိနိုင်သကဲ့သို့
မိမိအလွန်အမင်း စားချင်နေသော အစားအသောက်တခုခုကို အားရပါးရ စားလိုက်ရသောအခါတွင်လည်း Dopamine ထွက်နိုင်၏။

သို့သော် သဘာဝအလျောက် ပေါ်ပေါက်တတ်သော Dopamine မှာ အောက်ပါအရာများသုံးစွဲခြင်းမှရရှိသော Dopamine နှင့် နှိုင်းစာလျှင် လွန်စွာနည်းပါးလေ၏။

၁။ အရက်အမျိုးမျိုး
၂။ ကဖိန်းဓာတ်ပါဝင်သော အရည်အမျိုးမျိုး
၃။ အဆီအနှစ်များသော အစားအစာအမျိုးမျိုး
၄။ Screen များကြည့်ရှုခြင်း

အထက်ပါအချက် ၄ ချက်သည်ကား အခြေခံ Tip of the Iceberg မျှသာဖြစ်လေရာ နောက်ထပ်အချက်ပေါင်းများစွာရှိသေး၏။

ထို့ကြောင့် ကျွန်ုပ်တို့သည် မနက်ခင်းတိုင်းတွင် ကော်ဖီ လက်ဖက်ရည်များ စွဲလန်းတောင့်တမိကြခြင်းမှာ ၎င်း ကဖိန်းအရည်များကြောင့်ရရှိလာမည့် Dopamine ကိုလိုချင်၍ ဦးနှောက်က တောင်းဆိုနေခြင်းကြောင့်ပင်ဖြစ်၏။

ကစော်သမားများသည်လည်း ထိုနည်း၎င်းပင်ဖြစ်၏။

အနှီ Dopamine အထွက်နှုန်းအား ကျင်လည်စွာချုပ်ထိန်းပြီးတိုးတက်ရာ တိုးတက်မည့်နေရာနေရာများတွင် ပြောင်းလဲအသုံးချပါက များစွာသော အကျိုးသတ္တိကို ရရှိကြပေလိမ့်မည်။

ဆက်ပါဦးမည်။

17/01/2026

Premium Private Classes

One-on-One Live Sessions

A Versatile Ranges of Courses

Fully Online ! Fully Personalized ! Fully Customizable !

Dynamic , Innovative Methods !

100% Guarantee Progress !

Contact :
Ph : 09 765 38 1911
Viber or Messenger Chat Box

04/01/2026

စကား​လုံးများစွာကြွယ်ဝနေခြင်းထက် သိပြီးသလောက်စကားလုံးများကို ကျွမ်းကျင်ပိုင်နိုင်စွာ အသုံးချနိုင်ဖို့က သာ၍အရေးကြီး၏။

သိုင်းပညာရှင် Bruce Lee ပြောခဲ့သလိုပင်။

သူသည် အကွက် တထောင် လေ့ကျင့်ထားသော သိုင်းသမားထက် တကွက်ထဲကိုသာ အကြိမ် တသောင်းလေ့ကျင့်ထားသော သိုင်းသမားကို ကြောက်ရသည်ဆို၏။

ထို့ပြင် သဒ္ဒါချည်းဖိ၍ လေ့လာနေခြင်းထက် စကားပြောဆိုနည်း Communication နည်းလမ်းများကိုလည်း ယှဥ်တွဲ၍ တပြိုင်နက်တည်း လေ့လာကြသင့်သည်။

04/01/2026

အရေးကြီးသော စကားထောက်

စကားပြောဆိုရာတွင် ကျင်လည်စွာ နားထောင်ပေးခြင်းသည် လွန်စွာအရေးကြီးသော အရည်အချင်းတရပ်ဖြစ်ရကား များစွာသောသူတို့သည် အတ္တဖုံးလျက် ထိုအရည်အချင်းကို မျက်ကွယ်ပြုမိတတ်ကြ၍ နားထောင်ကောင်းသောသူများ၏ အလိုကို လိုက်ကြရစမြဲဖြစ်၏။

ထိုသို့ နားထောင်ရာတွင်လည်း ငူငူကြီးစိုက်ကြည့်လျက် ပါးစပ်ကြီးပိတ်ထားရုံဖြင့်မရ။

ပြောဆိုနေသူ၏ Content အပေါ် အလိုက်သင့် လိုအပ်သလို Expression ပြုမူပေးရ၏။

Expression များသည် ဘာသာစကားမှစ၍ ကိုယ်နေဟန်ထား ၊ လေသံအနိမ့်အမြင့် ၊ မျက်လုံးအနေအထား စသည့်အမျိုးမျိုးရှိတတ်ပေရာ ဤနေရာတွင် Language Expression ကို အသားပေးဖော်ပြလိုသည်။

တွေးကြည်ပါမိတ်ဆွေ ။

သင်စကားပြောနေချိန်တွင် အာဘောင်အာရင်းသန်သန်ဖြင့်

ဟာ ဟုတ်လား

ကြည့်စမ်း

ကိုင်း

အော်

ဒါပေါ့

စသဖြင့် ထောက်ပေးနေပါက များစွာပို၍ ပြောကောင်းသည်မဟုတ်ပါလား။

ကျွန်ုပ်သည် ဤနည်းလမ်းကို စင်စစ် အဖိုးကြီး အဖွားကြီးများမှ ရရှိသည်ဟုဆိုရပေမည်။

ထိုလူကြီးများသည် စကားထောက်ရာတွင် အင်မတန်ကျင်လည်ကြ၏။

ထို့ကြောင့် မိတ်ဆွေတို့လည်း စကားပြောကောင်းသူဖြစ်လိုပါက စကားထောက်ပေးနိုင်သည့် စကားလုံးများကို တီးမိခေါက်မိ လေ့လာထားသင့်ပေသည်။

စကားထောက်စကားလုံးများစွာရှိသည့်အနက် အထက်တွင်ဖော်ပြခဲ့သည့် စကားလုံးများကို အများဆုံးတွေ့ရတတ်လေ၏။

03/01/2026

Speaking လေ့လာသောအခါ မည်သည့်နေရာရောက်လျှင် မည်သို့ပြောရမည်ဟု တသမတ်တည်း လေ့လာခြင်းမှာ လွန်စွာ အဆိပ်အတောက်ဖြစ်လေ၏။

ဘာသာစကားများတွင် ပြောပုံဆိုနည်းများသည် တနည်းထက်မက အသွယ်သွယ် အဖုံဖုံ တည်ရှိလေ၏။

ဥပမာ "ထိုင်ပါ" ဟု English လို ပြောလိုသောအခါ
- Sit Down, Please.
- Please Sit.
- Take a seat.
- Grab a chair.

ထို့ကြောင် တခုတည်း တတ်ရုံမျှဖြင့် ကျေနပ်နေ၍မရ ။

အမျိုးမျိုး ပြောတတ်စေရန် ကျွန်ုပ် တို့မှ နည်းလမ်းပေါင်းစုံ Activity မျိုးစုံ ၊ Topic မျိုးစုံတို့ကို သင်တန်းသား၏ Psychological လိုအပ်ချက်များအပေါ်လိုက်၍ စီစဉ် သင်ကြားပေးနေခြင်းဖြစ်သည်။

29/12/2025

"I work whenever I’m needed. Day or night, I rise to the challenge."

Tr.Austin (Austin's Journal)

12/12/2025

ဘာတွေစိတ်ညစ်နေပါသလဲ ?

ဘာသာစကားနှင့် ပတ်သက်ပြီးတော့လား ?

စိတ်ဓာတ်ပါ ကျနေပြီလား ?

ခင်ဗျားတို့ရဲ့ Language နဲ့ ပတ်သက်တဲ့ အကြီးမားဆုံးသော Challenge ကြီးများ ၊ အခက်အခဲကြီးများကို List လုပ်ပြီး ယူလာခဲ့ပါ။

ကူညီဖြေရှင်းပေးဖို့ အတွက် ကျွန်ုပ်တို့ AJ မှာ Online Private သင်တန်းများ ထပ်မံလက်ခံပေးနေပြီ။

ကျွန်ုပ်တို့ဆီမှာ စိတ်ညစ်ပြီး အားကိုးတကြီးနဲ့ သင်တန်းကြေးတွေ လာရောက်ရင်းနှီးမြှုပ်နှံတဲ့ ခင်ဗျားတို့ကို ဝေ့လည် ကြောင်ပတ်လုပ်မနေဘဲ လိုချင်တဲ့ Target ရောက်အောင် ကျွန်ုပ်တို့ အပြင်းအထန် အလုပ်လုပ်ကြမည်။

အချိန်တိုအတွင်း အမြန်ဆုံး ပြေလည် အောင်မြင်သွားစေရန် ကျွန်ုပ်တို့ အစွမ်းကုန်ကူညီ သင်ကြားပေးမည်။

သို့သော် Limited Session များ ဖြစ်သည့်အတွက် အမြန်ဆုံး လာရောက်အပ်နှံထားနိုင်မှ စိတ်ချရပါ
လိမ့်မည်။

ပုံမှန် English စာသင်တန်းမျိုး မဟုတ်သည့်အတွက် သင်တန်းသားများသည် အချိန်တိုအတွင်း
၁) များစွာတိုးတက်ပြောင်းလဲစေရန်
၂) လိုချင်တဲ့ပန်းတိုင်အရောက်လှမ်းနိုင်စေရန်
၃) လက်လျှော့ အရှုံးပေးသူများ မဖြစ်ရစေရန်
အစွမ်းကုန်ကြိုးစားလိုက်နာပါ့မည်ဟု စိတ်ပိုင်းဖြတ်ထားရမည့် သင်တန်းများဖြစ်သည်။

သို့သော် လုံးဝ (လုံးဝ) စိတ်ဖိစီးမှု မရှိစေသော သင်တန်းမျိုးဖြစ်သည်။

စိတ်ဖိစီးမှုမရှိပဲ ပြောင်းလဲနိုင်မည်လား ?

ဧကန်မုချ ပြောင်းလဲနိုင်သည်ဟု တပည့်ပေါင်းများစွာသင်ကြားပေးခဲ့သော ကျွန်ုပ် ရဲရဲကြီး အာမခံ ပေးနိုင်သည်။

သို့ပေမယ့်

ဘယ်လိုလဲ How ? ဘာကြောင့်လဲ Why ?

စသော မေးခွန်းများရှိနေပါက တက်ကြည့်လိုက်ရုံဖြင့် တဖြည်းဖြည်း ပို၍ ပို၍ ၊ ပို၍ နားလည်လာမည်ဖြစ်ပြီး တသက်လုံးစာအတွက် များစွာအသုံးဝင်သော နည်းလမ်းများလည်း ရရှိလာပေလိမ့်မည်။

အထက်ပါအချက်သည် ကျွန်ုပ်တို့၏ ထူးခြားသော Secret Ingredient ပင်ဖြစ်၍ မြည်းစမ်းလိုသူများ ယခုပင် လာရောက်ဆက်သွယ်ကာ သင်တန်းအပ်နှံနိုင်ပြီ။

Premium Private Classes

One-on-One Live Sessions

A Versatile Ranges of Courses

Fully Online ! Fully Personalized ! Fully Customizable !

Dynamic , Unconventional Methods !

100% Guarantee Progress !

Contact :
Ph : 09 765 38 1911
Viber or Messenger Chat Box

11/12/2025

📌 ကျွန်ုပ်တို့ Austin's Journal မှ ဆရာ Austin ကိုယ်တိုင် အထူးသင်ကြားမည့် သွားဆရာဝန်များအတွက် Fundamental English for Dentists (Batch 1) Collaboration with ABC - After BDS Courses

သွားဆရာဝန်တွေအတွက်ရည်ရွယ်တဲ့ Basic English Zoom Class လေးတစ်ခုကိုစီစဉ်ထားပေးပါတယ်။ နိုင်ငံခြားသားတစ်ယောက်ဆေးခန်းထဲဝင်လာတဲ့အခါမှာ အရိုးရှင်းဆုံး English ကိုအသုံးပြုပြီး ဘယ်လို ပြောရမလဲဆိုတာနဲ့ ပြောရဲအောင် ဘယ်လိုနည်းလမ်းတွေအသုံးပြုပြီး နိုင်ငံခြားသားလူနာ နဲ့ဆရာဝန်ယုံကြည်မှုတည်ဆောက်မလဲဆိုတာကိုသင်ပေးသွားမှာဖြစ်ပါတယ်။ Basic Level မို့ Dentist တွေအတွက်သေချာပေါက်အဆင်ပြေမယ့်သင်တန်းလေးဖြစ်ပါတယ်။

⏰သင်တန်းချိန် မှာလည်း
ည 9:00 PM - 10:00 PM မို့ ဆေးခန်းထိုင်ချိန်နဲ့လွတ်ကင်းပြီး

Zoom Class မို့ပေါ့ပေါ့ပါးပါးဖြစ်မယ်ထင်ပါတယ်

သင်တန်းရက် 4ရက်ဖြစ်ပြီး

✅Dec 17 , 18 , 22 , 24 သင်ကြားပေးမှာဖြစ်တယ်

💸 သင်တန်းကြေး 200,000 ks

Page Messenger မှာစာရင်းပေးသွင်းနိုင်ပါပြီ

( ❗ Basic Class ဖြစ်ပါတယ် )

Premium Curriculum Highlights

✅. Precision in Patient Communication :
Master the art of delivering clear, concise, and reassuring messages that build trust.

✅. Crafting a Signature Patient Experience :
Learn how to elevate service standards and leave a lasting impression beyond treatment.

✅.The Power of Wh‑Questions :
Unlock essential questioning techniques to understand patient needs and guide conversations effectively.

✅ Tonality & Body Language

✅.DOs & Don'ts

Messenger