Coach Kumba Roi Nu - Certified Life Coach & Business Consultant

🛒 ra ai (Need/လိုအပ်တာ) hte ra ai (Want/လိုချင်တာ) atsawm chye garan sai i? Myit lu hkang sai i?:)

👉ra ai (Need/လိုအပ်တာ) = မရှိမဖြစ်လိုအပ်တာ
g.sh - lu sha, hpaji lam, hkamja lam, nga shara, ndai ni re)

👉ra ai (Want/လိုချင်တာ) = ရှိရင်ကောင်းပေမယ့် မရှိလည်းရတာ
(g.sha - hkyep htap zum 10, bu hpun palawng bu ri hku, nhpye 15 dang, brand shachyut ai (tinang kaw atsam nga nna shachyut ai hpe ntsun mayu ai), seng dung shaja ai, ndai ni lawm ai re. Moi ngai mahkawn ten, din tim ndin tim hkyep htap zum 10 lahta mari da yang she yup pyaw ai re.....ya gaw dai ram nsawng sai :)

✅gumhpraw hparan ai shaloi
Need hpe madung dat hparan nna Want hpe gaw atsawm myit yu nna lajang hparan ra na re.

🎯 gumhpraw hpe majoi mahkawng ai nre sha, yaw shada lam nga nga hte mahkawng ga

“gumhpraw mahkawng ai ngu ai shaloi , hpa na matu mahkawng na? "

🏠 dum nta mari na i?
🎓 jawng hpaji a matu i?
🚨 ahkyak gumhpraw i?
🌱 htawm hpang na matu i?
❓kade (amount) law hkra mahkawng na? (kade tim she mai le...grau law lu mahkawng jang grau kaja ngu hkum sawn la. Masat shadang nga ra na re.)

**Hpa na matu kade mahkawng na ngu ai shadawn jit na nga ra na re**

📝 **Gumhpraw hpe hparan hpang sana nga jang, jai jahpan hpe shawng matsing ra na re**

❓Lani mi kade jai ai?
❓Shata mi kade jai ai?

✅Gumhpraw gara de du mat ai chye jang she, gara shara kaw shading sharai na grau chye na wa na re

📊 Budget jahkrat ai ngu gaw tinang hkum hpe shajup lai nre😍

Tinang a gumhpraw hpe
✅ gara kaw kade jai na ngu ai hpe, tau hkrau masing jahkrat da ai she re

✅💯💢Tinang a gumhpraw hpe gara kaw jai na ngu ai mahtang hkyen lajang sa ga 💰🙂

Ga shadawn:
👉 2015 -2016 ning laman ngai na phone budget gaw lap 150,000 sha re. Dai hta jan na hpu jang nmari ai. Ya dai ning 2026 du jang gaw lap sen 20 npu rai nga ai.

👉 2015 -2016 ning hta shata mi Jinghpaw labu langai mari ai. Lap 50,000 npu re. Ya dai ning 2026 du jang gaw Jinghpaw labu oneset langai Lap 200,000 npu re.

Ndai gaw ngai na budgeting hpe ga shadawn hku tsun dan ai she re. Ningmu langai hte langai nbung ai. Hkam la ai lam langai hte langai nbung ai. Dai majaw tinang hte htuk manu ai hku, tinang atsam hta hkan nna budgeting hpe hkyen lajang mai nga ai law.....:)

💰 **Personal Finance a shawng nnan na ninggam**

Tinang a gumhpraw hpe hparan na nga jang, shawng nnan tinang a gumhpraw hte seng ai lawnglam ni hpe shawng chye ra nga ai.

👉 shata mi kade shang ai rai?
👉 shata mi kade jai ai rai?
👉 hpa ni kaw
👉 ya nga ai shang gumhpraw hkring mat jang, shara kade atsawm rai lu nga na?
👉 ahkyak gumhpraw (emergency fund) kade lu mahkawng da sai rai?

**kade shang ai, kade lu ai nchye jang, gara ga baw kata kaw, gara hku galaw sa na ngu ai nchye hparan la nga ai**

📚 **Personal Finance a daw chyen rai nga ai Financial Literacy ngu ai gumhpraw hte seng ai hpaji nchye jang hpa ni byin wa na ta?**

👉gumhpraw lu tam ai raitim
❌nlu mahkawng ai.

👉shang gumhpraw nga tim
❌hka (အကြွေး) law jat wa ai.

👉ya ten ta kaw gumhpraw nga taw tim
❌htawm hpang na matu nlu hkyen, nchye hkyen lajang ai

**dai majaw gumhpraw chye tam ai ngu hte nram shi ai, gumhpraw a lam chye na na matu mung grai ahkyak nga ai**

💡 **“ngai na shang gumhpraw nlaw ai majaw Personal Finance n-galaw ra ai”** ngu myit nga ai rai yang nau gaw njaw nhten.

Dai hku nre yaw....

**shang gumhpraw nlaw magang, gumhpraw hpe grau nna jaw ang ai hku (system nga nga) chye hparan ra nga ai**

👨‍👩‍👧‍👦 Personal Finance ngu gaw tinang a matu sha nre ai. Tinang a dinghku nta masha ni yawng a matu lawm ai re.......

Tinang nta masha ni a
🏠 nga pra madang
🎓 hpaji lam
🏥 hkamja lam
🌱 shawng lam sak hkrung lam

ndai lam ni hpe hparan ai hta ahkyak ai re....

✅gumhpraw hparan hpareng ai lam gaw tinang a kun dinghku a shawng lam hte grai seng ai re....dai majaw atsawm hkaja la nna hkan nang shajang ga law.....✅

💵 **shata shabrai kaja ai ≠ lu su ai**

👉 Shata mi sen 50 shang ai raitim shata shagu mung shang ai hte ma ai
👉 Shata htum jang mahkawng gumhpraw = 0

👉 Nang gaw gara hku :)

💡 Personal Finance hpe hpa majaw anhte yawng hkaja ra a ta?

💡 Gumhpraw hpe gara hku jai lang ra na nchye yang, shang gumhpraw jat wa ai hte maren, jai na shara mung jat wa wa rai na re.

💡 Gumhpraw hpe atsawm chye na let hparan hpareng chye jang, shang gumhpraw nlaw tim, nga pra madang tsaw wa hkra, atsawm sha mai gawgap la mai nga ai.

💡 Gumhpraw law law lu na hta, gumhpraw hparan hpareng hpaji hpe chye da na gaw grau mai kaja nga ai, grau ahkyak nga ai.

Gumhpraw law jang she, jan jang she mahkawng na nga jang, galoi lu mahkawng byin na nre hpe dum ga oi.........Gumhpraw ngu ai gaw gashun mahkawng ra ai.............:)🥰

💲Gumhpraw law law lu nna Sahti tai wa ai nre.
💲Gumhpraw hpe mahkrun jaw jaw atsawm hparan hpareng chye ai wa chyu sha Sahti kunmi tai wa nga ai.

👉Shata mi Lap Sen 5 shang ai wa gumhpraw mahkawng lu ai.
👉Shata mi Lap Sen 20 shang ai wa mung shata htum yang ta kaw gumhpraw nngam ai.

❓Hpa shai ai rai?

Personal Finance ngu ai gaw
✅ gumhpraw chye tam ai
✅ gumhpraw chye jai ai
✅ gumhpraw chye mahkawng ai
✅ gumhpraw hpe law htam wa hkra chye galaw ai

😃Manang wa nang gaw gara hku galaw nga nta?❓

👉Dai ni kaw na nang na shang/pru gumhpraw ni hpe jahpan galaw let dek yu u.
👉Gumhpraw hte seng nna akyang kachyi mi shai ai hte, htawm hpang na matu grai manu dan ai, laklai ai galai shai ai lam hpe lu la na re.

📌 Ndai lam hpe dum u!! 📌
"Tinang a gumhpraw hpe gara kaw jai kau sai ngu ai hta, tinang a gumhpraw hpe gara kaw jai na ngu hkyen ai gaw grau kaja nga ai."