ភិក្ខុ យឿន សុវណ្ណយ៉ារ៉ា

17/08/2026

16/08/2026

៙. យើងប្រើទូរស័ព្ទ ឬ iPad ក៏គួរយល់ដឹងក្នុងការប្រើជីវិត អ្វីត្រូវសន្សំ អ្វីត្រូវចែករំលែក និង អ្វីត្រូវលុបចោល ៖
• អ្វីដែលធ្វើឱ្យយើងមានសេចក្ដីសុខក៏សន្សំទុក Copy , Save. គឺការរៀនយកចំណេះដឹង និងការសន្សំបុណ្យ។
• អ្វីដែលធ្វើឱ្យ អ្នកដទៃបានសុខ ក៏ចែករំលែក Share. គឺការឱ្យទាន បត្តិទាន ជូនបុណ្យ និងធម្មទានជាដើម។
• អ្វីដែលឥតប្រយោជន៍ជាទុក្ខទោសលុបចោល Delete. គឺការលះបង់បាបធម៌ផ្សេងៗ មិនគិតឱ្យខ្លួនឯងកើតទុក្ខ។
• ប្រើប្រាស់កម្មវិធីល្អៗ មានប្រយោជន៍, ពោលគឺ មានការងារប្រាសចាកទោសជាប្រចាំ អប់រំព្រះកម្មដ្ឋាន.៕៚

❤️🙏🌷

08/08/2026

ជំងឺដាស់តឿនឲ្យយើងប្រញាប់ធ្វើល្អ..🙏❤️🙏

04/08/2026

៙. មនុស្សយើង កាលដែលមិនទាន់មានភ័យក្នុងសេចក្ដីស្លាប់ កិលេសក៏សាងរឿងឱ្យខ្វល់ គិតចង់បានយ៉ាងនេះ ចង់បានយ៉ាងនោះ បញ្ហា រាប់មិនអស់។ លុះមរណភ័យមកដល់ កង្វល់នៅតែមួយមុខ គឺធ្វើដូចម្ដេចកុំឱ្យស្លាប់។
• ដូចស្រុកមានសង្គ្រាម លុះអាសន្នធំមកដល់ ដោយអាវុធប្រល័យលោក, តើមនុស្សទាំងឡាយក្នុងទីនោះ នៅមានបញ្ហាស្អីទៀតក្រៅពីរត់ដើម្បីរស់។ ដូច្នោះដែរ កាលមានញាណភ័យកើតឡើង ក៏ឃើញទោសនៃវដ្ដៈ ឃើញភ័យក្នុងអបាយភូមិ ទើបដឹងនេក្ខម្មៈ រកផ្លូវ អមតៈ ប៉ុណ្ណោះឯង តើនៅដណ្ដើមស្អីគ្នាក្នុងលោកនេះ.៕៚

02/08/2026

គុណនៃការលំបាក..🙏❤️🌷

31/07/2026

៙. យើងមិនមែនធ្វើផ្ទះនៅដើម្បីកុំឱ្យមានភ្លៀង កុំឱ្យមានខ្យល់ និងកុំឱ្យមានកម្ដៅថ្ងៃជាដើមនោះទេ, តែយើងមានផ្ទះនៅដើម្បី អ្វី យើងដឹងស្រាប់ហើយ។
• ព្រះធម៌ប្រៀបដូចជាផ្ទះដែរ តែជាផ្ទះរបស់ចិត្ត។ បញ្ហាទាំងពួង, ឧបសគ្គទាំងឡាយ និងកងទុក្ខទាំងអស់ ប្រៀបដូចភ្លៀង ដូចខ្យល់, ដូចកម្ដៅថ្ងៃ អ៊ីចឹងដែរ, ចិត្តយើងរមែងនៅជាសុខព្រោះមានជម្រកផ្ទះព្រះធម៌ គឺពោធិបក្ខិយធម៌ ៣៧ប្រការ ហ្នឹងឯង.៕៚ 🙏🌷

27/07/2026

#កល្យាណការី_កល្យាណំ_បាបការី_ច_បាបកំ
បុគ្គលធ្វើនូវអំពើល្អ ទទួលផលល្អ
បុគ្គលធ្វើអំពើអាក្រក់ ទទួលផលអាក្រក់ ។🙏🌷

24/07/2026

៙.ដាស់អ្វីមិនច្បាស់ដូចដាស់តឿនខ្លួន
ទូន្មានផ្ទួនៗក៏ខ្លួនឯងដែរ
ពិចារណាទោសដឹងខុសចេះកែ
ចិត្តស្អាតសុទ្ធតែបុណ្យថែជាទុន។
ចង់ធ្វេីមនុស្សល្អកុំភរអួតខ្លួន
ចង់ខ្ពស់មាំមួនកុំពួនលុបគុណ
ចង់គ្រប់ធនធានកុំឃ្លានលោភលន់
ចង់គេចរិះគន់កុំកេីតក្នុងលោក។
ចង់ថែស័ក្តិយសកុំខ្ពស់ជាន់គេ
ចង់ថ្លៃហូរហែកុំជេរគេថោក
ចង់សុខគ្រប់បែបកុំសេពកាមរោគ
ចង់ជួបជ័យជោគកុំបោកខ្លួនឯង.៕៚

21/07/2026

៙. ជីវិតយើងមិនចាំបាច់ប្រាកដតម្លៃដល់អ្នកដទៃណាណីច្រើនគ្នាទៅនោះទេ, ត្រឹមតែ អ្នកដែលស្រឡាញ់ និងមានបំណងល្អចំពោះយើងប៉ុន្មាននាក់ហ្នឹង ក៏ល្មមហើយ ។
• អម្បាលព្រះត្រៃបិដកតាំងនៅសព្វថ្ងៃនេះ គង់មនុស្សដ៏ច្រើនមិនដឹងតម្លៃផង ចាំបាច់និយាយស្អី ចំពោះយើងដែលជាមនុស្សធម្មតានេះ។
• ព្រះនិព្វាន គ្មានការរាប់អានឱ្យតម្លៃអ្វីដល់គ្នាទេ ទាំងគ្មានវិញ្ញាណ គ្មានការដឹងរឿងអ្វីទាំងអស់ ប៉ុន្តែព្រះនិព្វានជាបរមសុខ ជារៀងរហូតមិនវិលវិញ.៕៚

20/07/2026

បុណ្យសលាកភត្ត (ស្លាកលេខ១)
វត្តគោសិង្គសាលវ័ន ហៅវត្តព្រៃគោ
***********************ឲ*******🙏❤️
ថ្ងៃ ៥កើត ខែទុតិយាសាឍ ព.ស.២៥៧០