Education for Kids- Kid's Edu

ADHD ဆိုတာဘာလဲ❓❓ Hello တီချယ်ထားပါ💜
ဒီနေ့တော့ ADHDနဲ့ ပတ်သတ်ပီး sharingလုပ်ပေးချင်ပါတယ်။ စာသင်တဲ့ကလေးတွေထဲ ADHDလေးတွေပါလာတာမို့ မေမေတို့သိသင့်မယ်ထင်လို့ပါရှင်။

ADHD (Attention-Deficit/Hyperactivity Disorder) ဆိုတာ ပျင်းတာ၊ ဉာဏ်မကောင်းတာ မဟုတ်ပါဘူး။ ဦးနှောက်ရဲ့ အာရုံစိုက်မှုနဲ့ စီမံခန့်ခွဲမှု (Executive Function) ကို ထိခိုက်စေနိုင်တဲ့ အခြေအနေတစ်ခုပါ။

ADHD ရဲ့ အဓိက လက္ခဏာများ❓❓

အာရုံမစိုက်နိုင်ခြင်း (Inattention)
အလုပ် သို့မဟုတ် စာသင်ခန်းတွင် အာရုံစိုက်ရခက်ခြင်း
မေ့လျော့လွယ်ခြင်း
အရာဝတ္ထုများ ပျောက်ဆုံးလွယ်ခြင်း
လုပ်ငန်းများကို ပြီးဆုံးအောင် မလုပ်နိုင်ခြင်း
လှုပ်ရှားမှုလွန်ကဲခြင်း (Hyperactivity)
အမြဲ လှုပ်ရှားနေချင်ခြင်း
ငြိမ်ငြိမ်မထိုင်နိုင်ခြင်း
စကားများခြင်း
စိတ်အလိုလိုက်တတ်ခြင်း (Impulsivity)
မစဉ်းစားဘဲ လုပ်ဆောင်ခြင်း
အခြားသူပြောနေချိန် ကြားဖြတ်ပြောခြင်း
အလှည့်စောင့်ရခက်ခြင်း

ADHD ဖြစ်ရတဲ့ အကြောင်းရင်း❓❓

အကြောင်းရင်းအတိအကျ မသိရသေးပေမယ့်
မျိုးရိုးဗီဇ (Genetics)ဦးနှောက်ဖွဲ့စည်းပုံနှင့် လုပ်ဆောင်ပုံ ကွာခြားမှုများ ပတ်ဝန်းကျင်ဆိုင်ရာ အချက်များ တို့နဲ့ ဆက်စပ်နိုင်ပါတယ်။

ကုသမှု

အပြုအမူကုထုံး (Behavioral Therapy)
သင်ကြားရေးနှင့် အဖွဲ့အစည်းဆိုင်ရာ အကူအညီများ
ဆရာဝန်ညွှန်ကြားသည့် ဆေးဝါးများနဲ့ကုသနိုင်ပါတယ်

နေ့စဉ်အချိန်ဇယားနှင့် အလေ့အထများ ပြုပြင်ခြင်း
ADHD ရှိတယ်ဆိုတာ ဉာဏ်ရည်နိမ့်တယ်လို့ မဆိုလိုပါဘူး။ ADHD ရှိသူများစွာမှာ ဖန်တီးနိုင်စွမ်း၊ စိတ်ကူးဉာဏ်ကောင်းမှုနှင့် ပြဿနာဖြေရှင်းနိုင်စွမ်း ကောင်းမွန်ကြပါတယ်။

ADHD ရှိသူတချို့မှာ—
🔹 စာအရှည်တွေကို အဆုံးထိဖတ်ဖို့ ခက်တယ်။
🔹 ဖတ်ပြီး ခဏနေရင် မေ့သွားတယ်။
🔹 အလုပ်စဖို့ ခက်ပြီး စပြီးရင်လည်း မပြီးခင် အခြားအရာကို ပြောင်းလုပ်မိတယ်။
🔹 ပစ္စည်းတွေ မကြာခဏ ပျောက်တယ်။ 🔹 Deadline တွေ မေ့တတ်တယ်။
🔹 အာရုံပျံ့လွင့်လွယ်တယ်။
ဒါပေမယ့်... ❗ ဒီလက္ခဏာတစ်ခု၊ နှစ်ခုရှိတာနဲ့ ADHD လို့ မသတ်မှတ်နိုင်ပါဘူး။

တကယ် ADHD ရှိ/မရှိကို စိတ်ကျန်းမာရေးဆရာဝန် (Psychiatrist) သို့မဟုတ် စိတ်ပညာရှင် (Psychologist) ကသာ သေချာစစ်ဆေးနိုင်ပါတယ်။

📚 စာအရှည်တွေကို မှတ်ရခက်နေတယ်ဆိုရင်—
✔️ စာကို အပိုင်းသေးသေးခွဲဖတ်ပါ။
✔️ 25 မိနစ်ဖတ်၊ 5 မိနစ်နားပါ။
✔️ ဖတ်ပြီးတိုင်း ကိုယ့်စကားနဲ့ ပြန်ရှင်းပြပါ။
✔️ ကျက်ဖို့ထက် နားလည်ဖို့ အရင်ကြိုးစားပါ။

"အာရုံစိုက်ဖို့ ခက်နေတယ်" ဆိုတာ "မကြိုးစားဘူး" လို့ အဓိပ္ပာယ်မရပါဘူး။
တချို့လူတွေက ပိုပြီး နားလည်မှု၊ ပိုပြီး မှန်ကန်တဲ့ အကူအညီကိုပဲ လိုအပ်တာပါ။ 💙

Sportsနဲ့ပတ်သတ်တဲ့ Exercise / writing တွေနဲ့
1st conditional test / reading testမေးထားတဲ့ Question paperပါ။

level အားဖြင့် flyer နဲ့ KET ကြား ကလေးတွေဖြေကြတဲ့မေးခွန်းပါ။

ကိုယ်ကျင့်တရား (Moral Values / Character) နဲ့ပတ်သက်တဲ့ အသုံးများတဲ့ English စာလုံးတွေလေ့ကျင့်ရအောင်။

တစ်ဆက်တည်း ပြောရရင်တော့ သားသားမီးမီးတို့ရဲ့ personalityကို တိုင်းတာတဲ့အခါ အပြင်ပန်းတစ်ခုတည်းနဲ့ ပုံသေ ဆုံးဖြတ်လို့မရပါဘူး။

ရှင်သန်နေထိုင်ရတဲ့ လောကကြီးထဲ လူဆိုးတွေဆိုတာက
ဂြိုလ်ပါတာ မဟုတ်တာမို့ လူဆိုး လူကောင်း ခွဲမြင်တတ်ဖို့

ဘယ်အရာမဆို သတ္တိရှိဖို့ နဲ့ လုပ်ရဲရင် ဝန်ခံရဲတဲ့ သတ္တိရှိဖို့

Buddha ရဲ့ တရားတော်တွေအရ
ကိုယ်ကျင့်တရား စောင့်ထိန်းဖို့ ( 5 precepts ဆိုတဲ့ကံငါးပါး)ကို သင်ကြားပေးရမှာ မိဘများရဲ့တာဝန်ပါ။

စာရှည်နေတာတွေရပ်ပီး Vocabလေးတွေကိုအတူတူ လေ့လာကြရအောင်နော်။

Honesty ရိုးသားမှူ
Integrity ကိုယ်ကျင့်တရားကောင်းမှု၊ ဖြောင့်မတ်မှု
Respect လေးစားမှု
Responsibility တာဝန်ယူမှု
Kindness ကြင်နာမှု
Compassion စာနာထောက်ထားမှု
Generosity ရက်ရောမှု
Humility နှိမ့်ချမှု
Patience သည်းခံမှု
Self-discipline ကိုယ့်ကိုယ်ကို ထိန်းချုပ်နိုင်မှု
Loyalty သစ္စာရှိမှု
Fairness တရားမျှတမှု
Forgiveness ခွင့်လွှတ်ခြင်း
Gratitude ကျေးဇူးတင်တတ်မှု
Courage သတ္တိ
Sincerity စိတ်ရင်းမှန်မှု
Trustworthiness ယုံကြည်စိတ်ချရမှု
Politeness ယဉ်ကျေးခြင်း
Respectfulness ရိုသေလေးစားတတ်မှု
Empathy အခြားသူ၏ခံစားချက်ကို နားလည်စာနာနိုင်မှု

ဒါကတော့ စာသင်တာနဲ့မသက်ဆိုင်ပါဘူး။ ဒီနေ့ထပ်ရောက်ခဲ့တဲ့ ဘန်ကောက်ထဲက ဆုတောင်းပြည့် လက်ချမီးမယ်တော်ပါ။

ပထမတစ်ခါက Juneလတုန်းကသွားတာ ဆုတောင်းပြည့်တာမို့ ၃လအကြာမှာ ဂတိအတိုင်း ပြန်ပီး ပွဲကပ်ဖြစ်တာပါ။

ခေတ်လူငယ်တစ်ယောက်ဆိုပေမယ့် တီချယ်က tarrotတွေ နတ်တွေဆို ယုံတာမို့😅 ဆုတောင်းပြည့်ကြောင်း ပြန်လည်မျှဝေတာပါ။

တစ်နည်းအားဖြင့်တော့ နားပူနားဆာသွားလုပ်တာပါ😅

Zero conditional / Conditional type 1 / 2 / 3 တို့ကို သင်ကြားအပီးမှာတော့ small testလေးစစ်ဖြစ်ခဲ့ပါတယ်ရှင်။

Practiceလုပ်လို့ရအောင် testလေးတင်ပေးလိုက်ပါတယ်နော်။

ကျောင်းဖွင့်ရာသီမို့ အချိန်နဲ့ ညှိပီး one on oneသင်ဖို့ မေးတဲ့ မေမေတွေများနေလို့ပါရှင်။

One on one class ကတော့ International curriculum / Government curriculum အပြင် Cambridge exam အတန်း / 4 skills အတန်း အကုန် သင်ဖြစ်ပါတယ်။

ဒါပေမယ့် လတ်တလောတော့ one on oneတွေမရှိသေးပါဘူးရှင်။ သင်ဖြစ်ရင်တောင် cambridge exam preparation courseအတွက် intensive လပြတ်
လေးတွေပဲ သင်ဖြစ်ဦးမှာပါ။ အာ့တာလဲ သိပ်တော့မသေချာလို့ပါ။

မနက် 7:15amလေး လွတ်တာကို ရတဲ့အချိန် သင်ကြတဲ့ သားသားမီးမီးတို့ကိုလဲကျေးဇူးတင်ပါတယ်။

One on one ထဲက တစ်ယောက်ယောက်နားခဲ့ရင်တော့ အစားထိုး ထည့်ပေးပါမယ်ရှင်။

ကျေးဇူးတင်ပါတယ်ရှင်။

Look နဲ့ပတ်သတ်တဲ့ Phrasal verb 10လုံးပါ။✅✅

Meaning / Example sentence နဲ့ mini exercise လေးတွေပါတစ်ခါတည်းထည့်ပေးထားပါတယ်ရှင်။

KET / PET / FCE level အတွက် အသုံးဝင်တဲ့
reading method 2ခု✅✅

📖 Skimming နဲ့ Scanning ဆိုတာ ဘာလဲ?
Reading Comprehension ဖြေရာမှာ ကျောင်းသားများ သိထားသင့်တဲ့ အရေးကြီး Reading Skills နှစ်ခုကတော့ Skimming နဲ့ Scanning ဖြစ်ပါတယ်။

🏃 Skimming (အကြမ်းဖတ်ခြင်း)
Skimming ဆိုတာ စာတစ်ပုဒ်လုံးကို အသေးစိတ်မဖတ်ဘဲ အဓိကအကြောင်းအရာ (Main Idea) ကို သိနိုင်ဖို့ အမြန်ဖတ်ခြင်း ဖြစ်ပါတယ်။

✅ Skimming ကို ဘယ်အချိန်မှာ သုံးမလဲ?
• Passage တစ်ပုဒ်ရဲ့ အဓိကအကြောင်းအရာကို သိချင်တဲ့အခါ
• သင့်တော်တဲ့ Title ကို ရွေးချယ်တဲ့အခါ
• စာတစ်ပုဒ်ကို အကြမ်းဖျင်းနားလည်ချင်တဲ့အခါ

ဥပမာ မေးခွန်းများ
❓ What is the passage mainly about?
❓ What is the writer's main idea?
တို့အတွက်သုံးပါတယ်။

PET reading part 4/5/6တို့ဟာ skimming သုံးရမယ့်မေးခွန်းတွေပါ။

🔍 Scanning (လိုအပ်သောအချက်အလက် ရှာဖွေဖတ်ခြင်း)
Scanning ဆိုတာ စာတစ်ပုဒ်ထဲက သတ်မှတ်ထားတဲ့ အချက်အလက်တစ်ခုကို ရှာဖွေဖို့ အမြန်ဖတ်ခြင်း ဖြစ်ပါတယ်။

✅ Scanning ကို ဘယ်အချိန်မှာ သုံးမလဲ?
• အမည် (Name) ရှာတဲ့အခါ
• ရက်စွဲ (Date) ရှာတဲ့အခါ
• အချိန် (Time) ရှာတဲ့အခါ
• နေရာ (Place) သို့မဟုတ် ဂဏန်း (Number) ရှာတဲ့အခါ
ဥပမာ မေးခွန်းများ
❓ How old is Tom?
❓ When did the event happen?
❓ Where does she live?
💡 မှတ်သားရန် လွယ်ကူသော နည်းလမ်း

PET reading part 1 / 2 / 3 တို့ဟာ scanning methodသုံးရမှာဖြစ်ပါတယ်။

🏃 Skimming = Main Idea ကို ရှာခြင်း
🔍 Scanning = Specific Information ကို ရှာခြင်း

Reading Comprehension မှာ Skimming နဲ့ Scanning ကို မှန်ကန်စွာ အသုံးချနိုင်မယ်ဆိုရင် ကျောင်းသားများဟာ စာဖတ်နှုန်း ပိုမြန်လာပြီး မေးခွန်းများကိုလည်း ပိုမိုတိကျစွာ ဖြေနိုင်လာမှာ ဖြစ်ပါတယ်။

ဖျားနေတဲ့အရှိန်နဲ့ အသံမထွက်နိုင်လို့ စာမသင်နိုင်ပေမယ့် လက်ကအားနေလို့ typingရိုက်ပီးတင်လိုက်ပါတယ်😅

ရာသီအကူးအပြောင်းမှာဖျားတာရယ် အာရုံကြောပြန်ဖြစ်နေတာရယ်မို့ ဒီရက်ပိုင်းလေးတွေ pageကနေ ရက်အနည်းငယ်ခွင့်ယူပါမယ်ရှင်။