روضة جنة الأطفال الخاصة

روضة جنة الأطفال الخاصة روضة جنة الأطفال الخاصة
بإدارتها الجديدة : د. نهى بشور Nouha Bachour

روضة نموذجية تعنى بتأهيل الأطفال تربويا وتعليميا للمرحلة الإبتدائية
تدرس فيها اللغة الإنكليزية والفرنسية بالإضافة إلى اللغة العربية والرسم والموسيقا
بإدارتها الجديدة : نهى بشور

25/12/2025

لما الاطفال يعيشوا أجواء الميلاد بكل فرح الطفولة ونقاوتها ...😍😍😍

ينعاد عليكن دايما بجمال البراءة و بهجتها الصادقة 🙏🌲💕

22/12/2025

لولادنا الحلوين ب فئة ٣ سنين kg1 نشاطات مفيدة لتطوير مهاراتن 👍👍
تمرين المطابقة بيفيد ب : التركيز، ربط الصفات المختلفة، التنسيق بين العين والايد ،الدقة والصبر👍

و تجارب بسيطة بتحول التعلم لمتعة ...متل تجربة رجل التلج باستخدام الخل وكربونات الصوديوم ..نشاط علمي ببساطته بيخلق فضول الاستكشاف عند طفل بعمر ٣ سنين🥰

و زيارة عمو النجار عرفنا ادواته اللي بيستعملها و كيف الخشب الخشن بيصير ناعم و مصقول و بيعمل منه خزاناتنا و طاولاتنا و كراسينا 😍

وبعد كل هالنشاطات الحلوة خلصنا يومنا بعيد رفيقتنا كاثرن درويش بال kg3
ع قبال المية لبنوتتنا الحلوة ..❤️❤️
هيك بيمرق نهارنا بين المتعة والفائدة و المرح💕💕

17/12/2025

تعرفوا ع الحيوانات وفوتوهن ع بيوتهن 😍
و عرفوا أسماء بيوتن و أصواتن 🥰
وعملوا غيوم بإيديهن و نزلوا منها الشتي😊
وشو فرحوا بعدها بعيد رفيقتن ألما سليمان 🥰
ع قبال المية ل ألومة الحلوة ..وانشالله وجوهكن الحلوة بتضل عم تضحك❤️❤️❤️

15/12/2025

المعلومة بتوصل لعقولن❤️
والمحبة بتوصل لقلوبن❤️
وبكل الأساليب والطرق منفهّمن و مندلّلن ❤️
واعياد ميلادن بتعبي الروضة فرح و رقص وغني..❤️❤️❤️
و ع قبال المية للتوأم الغالي آدم و ناي جرجوس اللي طفّوا شمعاتن الخمسة اليوم و طاااروا هني و رفقاتن بالروضة ❤️❤️❤️

05/12/2025

من اجواء فرح البربارة🥰🤍 🤍

أحلى فرحة وهني متنكرين و متعايشين مع الشخصيات اللي لابسينها 😁بربارة مباركة ❤️
04/12/2025

أحلى فرحة وهني متنكرين و متعايشين مع الشخصيات اللي لابسينها 😁

بربارة مباركة ❤️

03/12/2025

تحضيرات زينة الشجرة بإيدين أطفالنا الحلوين ..

21/11/2025

بين نشاطاتنا و العابنا و معايدة رفقاتنا بيمر النهار بسرعة البرق و منحس أسا بدنا نضل بالروضة🥰
اليوم عايدنا حلوتنا الصغيرة ليا😍
و عملنا رياضة ممتعة
وانشطة بتساعد الطفل على تطوير مهاراته الحركية الدقيقة
و تنسيق اليد والعين وقدرته عالتركيز بالإضافة إلى الاستقلالية 😎🤍 🦋

18/11/2025

طلاب الفئة التانية(٤ سنين) بلشوا بالجمع و بكذا طريقة محببة و بسيطة قدروا يستوعبوه بسرعة و يجمعوا مكونات العدد ٥
بفضل جهد آنستن اللطيفة نور خليل💞
و بآخر الدوام احتفلوا بعيد رفيقتن تالا الحلوة اللي بتحب شخصية إليسا كتير و لهيك كانت هيي زينة عيدها..💞
ع قبال المية لبنوتتنا الحلوة🎂

13/11/2025

بالطبيعة بحديقة دير مار بولس بصافيتا💕

العاب ورقص و رياضة واغاني 💕💕
تعرفنا ع نباتات مختلفة 💕و على فوائدها متل اكليل الجبل و الصنوبر و كيف منطلُع بذوره
وقطفنا منها ..💕
وكمان تعرفنا على الزيتون وقطفه وفوائده 💕💕
يوم كله مرح و فرح 💕

شكر لسيادة المطران
جاورجيوس خوّام

و شكر للأستاذ وجدي الصايغ
ع تعاونن 💕

01/11/2025

الماما: شو بدك اليوم؟
ليا: بدي روضة🥺
الماما : اليوم عطلة 💕

ماقدرنا ماننقل تعابير هالبنوتة الحلوة اللي بعتتلنا ياها امها لأنها عم تبكي وبدها تجي بيوم العطلة عالروضة 🥺🥺
هالدموع بتنسينا كل التعب و بتحطلنا وسام ع صدورنا ❤️

أطفالنا الغوالي اشتقنالكن بالعطلة 💕💕

بهالفيديو رح تشوفوا نشاطات مختلفة ...
بعمر 3 ل 6 سنين الطفل عم تتبلور شخصيته ، لهيك
مع تعليم العربي والرياضيات و غيرها ، الطفل بيحتاج توصله مفاهيم كتيرة بتضوي قدامه
من خلال ادوات بسيطة بيشوفها كل يوم ،
من خلال شروح بسيطة بتقرّب هالمفاهيم من عقله و وعيه ..

الطفل بحاجة تعلّم المسؤولية واللي هيي شي كتير مهم بالحياة ..
و المسؤولية مابتجي بكترة الوظائف ..في كتير أساليب و تفاصيل بتكرّس مفهوم تحمّل المسؤولية ..

اطفالنا امانة ، نبني شخصياتهن بطريقة صحية ليكونوا نواة لمجتمع صحي

Address

Safita

Opening Hours

Monday 07:30 - 13:00
Tuesday 07:30 - 13:00
Wednesday 07:30 - 13:00
Thursday 07:30 - 13:00
Sunday 07:30 - 13:00

Telephone

+963944208197

Website

Alerts

Be the first to know and let us send you an email when روضة جنة الأطفال الخاصة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category