03/07/2026
بسم الله الرحمن الرحيم ❤️
وهي رجعنا من جديد 😁
هالمرة الفكرة كتير مهمة، وجاية بأغلب الدورات، لهيك فتحلي مخك شوي. 😉
بالمنشور الماضي حكينا عن تعريف الكيمياء النووية وعن تركيب النواة.
هالمرة بدنا نحكي عن الاستقرار النووي وأنواع التحولات النووية.
بتقلي: أستاذ شو هو الاستقرار النووي؟ ...........
بقلك فورًا: من شو بتتكون النواة؟
بتقلي: من بروتونات (Z)، يلي هو نفسو العدد الذري، ومن نيوترونات (N).
بقلك: شو العامل الرئيسي يلي بحدد إذا كانت النواة مستقرة أو لا؟
بتقلي: النسبة بين عدد النيوترونات وعدد البروتونات (N/Z).........
إذًا العامل الرئيسي الذي يحدد إذا كانت النواة مستقرة أم لا هو النسبة N/Z.
في حال النواة مستقرة تكون النسبة N/Z = 1 (أي N = Z) (اختر الإجابة الصحيحة)
أما إذا كانت النواة غير مستقرة فتكون النسبة N/Z أكبر أو أصغر من الواحد. (اختر الإجابة الصحيحة)
في حال كانت النواة مستقرة تكون واقعة على حزام الاستقرار كما هو موضح في الشكل أدناه.
أما إذا كانت غير مستقرة فتكون النواة واقعة إما فوق حزام الاستقرار أو تحت حزام الاستقرار، وهاد هو موضوعنا الأساسي.
طيب... إذا كانت النواة غير مستقرة شو بصير؟ ....
أولًا: إذا كانت النواة واقعة فوق حزام الاستقرار
بتكون النسبة N/Z أكبر من النسبة الموجودة للنوى الواقعة ضمن حزام الاستقرار.
أي:
N/Z (للنوى الواقعة ضمن الحزام) < N/Z (للنوى الواقعة فوق الحزام)
طيب كيف بترجع لحزام الاستقرار؟
بما إن N/Z > 1 فهذا يعني:
N > Z
أي يوجد فائض من النيوترونات.
إذن يتحول جزء من النيوترونات إلى بروتونات حتى تقترب النواة من حزام الاستقرار، ويتم ذلك بإطلاق جسيم بيتا (β⁻) وطاقة.
¹₀n ⟶ ¹₁p + ⁰₋₁e + Energy
(تحول من النوع بيتا β⁻)...
ثانيًا: إذا كانت النواة واقعة تحت حزام الاستقرار
فهذا يعني مباشرة:
N/Z < 1
أي:
Z > N
أي يوجد فائض من البروتونات.
لذلك يتحول جزء من البروتونات إلى نيوترونات حتى تقترب النواة من حزام الاستقرار، ويتم ذلك بإطلاق جسيم بوزيترون (β⁺) وطاقة.
¹₁p ⟶ ¹₀n + ⁰₊₁e + Energy
(تحول من النوع بوزيترون β⁺)...
ملاحظة مهمة جدًا ❤️
احفظها لأنها بتريحك بحل المعادلات و ممكن تجي اختر اجابة
✅ فوق حزام الاستقرار → فائض نيوترونات → تحول بيتا (β⁻).
✅ تحت حزام الاستقرار → فائض بروتونات → تحول بوزيترون (β⁺)....
وضل عنا تذكرة بشغلة مهمة، وهي مصونية العدد الكتلي والعدد الذري.
لاحظ بالمعادلة الأخيرة:
العدد الكتلي بالطرف الأول يساوي العدد الكتلي بالطرف الثاني:
1 = 1 + 0 = 1
والعدد الذري بالطرف الأول يساوي العدد الذري بالطرف الثاني:
1 = 0 + 1 = 1
إذن في جميع التحولات النووية يبقى كل من العدد الكتلي والعدد الذري محفوظين.
والسلام عليكم ورحمة الله وبركاته 😁❤️
