Cute & Wise Animals

12/11/2025

انفصام شخصية ولن برج الجوزاء لانو مو طبيعيين الكلاب بيطلع راسه من شباك السيارة وبيلفحه الهوا بالطول وبالعرض وبينبسط بس تعى حط السيشوار يوشه بعد الحمام لتنشفه بيقلب
يا صـ🐤ـوص العيد
يا مسـ🐺ـتذئب
يا نواحـ💃ـة الاعراس
طيب ليش مو التنين هوا!
&Wise
ظاهريا ايه بس خلينا نفهم كل حالة على حدة
بنبلش بالشـ🪟ـباك
اول شي الكلب بأختياره ورضاته طالع راسه من الشباك بسبب حشريته
فيزيائيا توزيع الهوا على وجهه متساوي بالضغط تقريبا
كيميائيا حاسة شم الكلب القوية وقدرته العالية على تميز الروايح ومعالجتها بسرعة لفهمهما تعطيه شعور بالتحمس فبكون براسه عم يدور التالي :
هي الحارة بعرفها من ريحة اب عدنان اللحام يلي بلئوشني ، في ريحة قط مهورن ، في حدن كان عامل باربيكو من عشر دقايق ، لك من هون بشوف لوسي الكلبة يلي بحبها ،كنو هي ريحة شاورما ، سيارة موتور زلمة مرا ، جبنة
فتدفق هالمعلومات بسرعة بتخليه يشعر بالاثارة
يعني بأختصار بيكون متل يلي راكب حنتور بطريق ريفي بصباح خريفي دافئ والاوراق الذهبية حواليه وشامم ريحة بوشار وعم يشوف العاب نارية
اما السيشوار عند اغلب الكلاب هو صدمة حياته وغالبا معه ذكرى سيئة عنه لعدة أسباب:
الهواء سخن فهو مو موجه عالشعر متل البشر وموجه عالجلد فبيعطيه شعور عرنوس درة عم ينشوى عالفحم
الهواء مركز بمكان واحد بتعطيه احساس انو عم يتقطع متل الزبدة
فيزيائيا صوت السيشوار بالنسبة اله متل صوت اعصار بسبب حساسية سمع الكلاب
كميائيا روايح مختلطة من كلور وعملاق وشامبو وبارفان واذا كان بعيادة بيزيد الوضع سوء بريحة ادوية مربوطة براسه بذكريات مرض ووجع وكلاب تئن وقطط تجن
يعني بالمختصر كانو رئيس الكركون داعس على باهمك المدوعس وانت لابس بوطك الاديداس 😆

10/11/2025

12/09/2025

الجرب
هو ماله مرض هو طفيليات بتصيب ثلاثي المرح الكلاب والقطط والبشر

وتقريبا كل الثديات واذا ما عالجته رح يتطور لكلع ' الكلع هو اشد حالات الجرب تطورا ان بقيت بلا علاج وبيتبس الجلد وبيتراكم الوسخ'

هلق موضة التـ🐍ـسات اول ما يشوف اصابة جلدية بقلك هاد جرب مشان يجلطك وترتعب وتلقائيا مخك بروح لاسوء الاحتمالات وهيك التـ🐍ـس بيسلخك فاتورة من كعب الدست انت وعم تضحك وتلعب وشايف التـ🐍ـس الملاك المنقذ وانت ما بتصدق وليقنعك بقلك عملنا التحليل مرتين وتأكدنا من الاصابة من شان يزيد الفاتورة ويخـ🐑ـورفك ماعععععع

بنجي لشرح المفردات :

التـ🐍ـس هو دكتور او دكتورة بدهم يقنصوك او بيتصرفوا عن غباء

الخـ🐑ـاروف هو كل شخص ريالته شاطة وما بيقرا ولا بيسأل ولا متابع صفحة


الجرب
اله شكلان رئيسين

الجرب النرويجي يلي كمان بنقله الجرب المتقشر هاد اول شي بيصيب يلي مناعتهم ضعيف ومافيو هالحكة الرهيبة وبيعمل قشور وممكن هر شعر غالبا أول شي بيصيب الوجه وبعدين بينتشر بالجسم تحت الابط والايدين والادنين والذيل

الجرب العادي
متل ما حكينا بيسببه حشرات مجهرية تسمى عث الجرب وهي بتنتقله بالاحتكاك المباشر مع حيوان مصاب ونادرا تنتقل من ادوات الحلاقة لان العث لا يستطيع العيش بدون مضيف لاكثر من تنينو سبعين ساعة وبده شي عشرة للخمسطعشر عتة تكون علقانة بالماكينة ليحقق الاصابة ولايموت بالتعقيم

العوارض
حكة شديدة لانو اناث العث بتحفر بالجلد لتحط بيوضها

تساقط شعر لانو العث بعد ما يحفر ليحط البيوض بيحفر انفاق بالجلد وبيضرب بصلة الشعر هو وقاعد يتغذى ويتسلى

طفح جلدي ناتج عن التهابات ثانوية بالجلد والحكة

ريحة كريهة لا مو لانو قاعد العث بيفنتر عالجلد سبب الريحة تقرحات الجلد

سماكة الجلد لانو بيتموت
اماكن الاصابة

البطن، الاذنين، الافخاذ والاكواع ولا يصيب الظهر الا بحالة متأخرة جدا كثيرا

التشخيص السليم

عرض الحكة وهر الشعر كتير مشترك مع امراض جلدية تانية فما هو حاسم لنحكم انه جرب

تأخذ مسحة من الجلد وتوضع تحت المجهر لرؤية العثة قد تحتاج عدة مسحات أما تـ🐍ـس يقلك عملنا تحليل او تحاليل هاد عم يخورفـ🐑ـك لازم تشوف الصورة المأخذوة من المجهر

الجرب مرض عالي الاصابة والانتشار وينتقل للبشر يعني ان عندك حيوانات تانية بالبيت حتما ستصاب بطريقة الاحتكاك وكذلك انت ستصاب ان لامست الحيوان المصاب

العلاج
عزل الحيوان المصاب

يتم معالجته بسيلماكتين او اڤريماكتين تحت اشراف بيطري

قد يتم اعطاء مضاد التهاب للاصابات الجانبية ومضاد تحسس لتهدئة الحكة

التعقيم لا يجدي نفعا للاسطح وطالما هو لايعيش اكتر من ٧٢ ساعة بدون مضيف فيكفي تنظيف عادي وشفط بمكنسة السجاد للحالات المضطرة يعفر المكان ببودرة البيرمثين وهي مادة سامة ويجب تنظيف اثارها جيدا

الحرق🔥